الجزء

الجزء السادس من رواية جعلني انثي

الجزء السادس من رواية جعلني انثي

وفي الجزء السادس من رواية جعلني انثي للكاتبة الليبية ميشو محمد ، يا تري هل سنري أحداث غير تقليدية تقلب موازين الأحداث رأساً علي عقب ام لا ؟ كل هذا وأكثر سوف نعرفه سوياً في السطور التالية بإذن الله .

الجزء السادس من رواية جعلني انثي

هشام يشوفلهم: دخلها ياحاج بنتك شانها عالي (شاف مؤيد) معاش تصدق كل شي ينقال قدامك خليك واتق فها
مصطفى وقف ووقفها وخش صبرية دخلت اينور
مصطفى: تفضلو للمربوعه فهمني
هشام خش وحكاله
مؤيد: بنت خالي من حقي نخاف علها
هشام شافله: الناس، تفهم، تسال انت بديت تلعلع
مصطفى: وشخص لقبضتو عليه كيف تعمز معاه؟! يعرفها؟!
هشام:صدقني حني درنا خطه وبنتك صح قعمزت معاه لكن رفضت حتى تسلم عليه قعمزت معاه وجبدت منه دوه وشدينه
(حكاله كل شي لكن محكلاش انه تتصل بيه ليل نهار 💔😂)
وفات اليوم ع خير والاب كان متفهم ❤
ـــــــــــــــــ
تاني يوم
ناضت اينور بعدد نووووم وتعببب ورعاييش خشت ع دردشة ال❤ بعتلله (طحت من عيني،الغريب وقف معاي ودافع عليا وانت سبله ولقيتها ومشيت تنشر ف سمك ف وذان بوي ياحقير ماعمري تخيلتك هكي ادير فيا خسارة الحب لحبيتهولك) حطاته ف البلوك
طلعت شافت بوها يقرا ف قرآن لبسة طرف المصليه وقعمزت جنبه تسمعله لعند كمل
مصطفى ابتسم: مره تانيه اي شي يصير تحكيلي واني نتصرف
اينور: كانو عندي وراق تجار مخدرات قررت وتسرعت سامحني مره تانيه ناخد رايك
مصطفى ضحك:مزال في مره تانيه بتهبليني 😂
توبي واعقلي خيرلك راه
اينور ضحكت
ــــــــــــــــــ
هشام رجع لخدمته ولـ تحقيقه وطبعاا بعد تحقيقات مع واصف عنيف خدو منه الملفات وهشام كمل بحوثه ع زياد التجار
عادل: مش عارف امتى بنقبضو عليهم
هشام:عيلته لقبهم التجاار يعني عيلة وخالها ميلاد يبوو وقت مافي شي يجي بساهل
طققطققق
مؤيد خش
هشام:اهلا
مؤيد:ممكن نتكلم معاك
هشام شاف عادل:عادل
عادل فهم وطلع
هشام قعمز:خير
مؤيد قعمز: من الاخير بنخش ف الموضوع طول
هشام: احسن شي خش من وين ماتبي
مؤيد: نبي نعرف انت علاش
هشام:مفهتش؟!
مؤيد: علاش ساعداتك تعرفك ؟! اني لنعرفه انه اينور…قاطعه
هشام:انت شن دخلك جاي هني ومتوقع مني بنحكيلك؟! بصفتك شنو؟!
مؤيد:كنت رح نخطبها
هشام مفهمش:اي اهي قعده حي خودها من الاخير عندي خدمه توا قولي شن المطلوب مني
مؤيد: اني نكلم فها البنت ومرتبط بها لكن بعد لصار…قاطعه
هشام:اني شن موقعي ف الاعراب جاي تحكيلي صاحبك اني؟! لحظه لحظه قصدك مفكر انه البنت تعرفني لالالا لااا ياولدي انت فاهم الدنيا غلط
مؤيد: يعني متعرفهاش؟!
هشام: توا انت تحبها وظرتبط بها وجاي تسال فيا علها؟!شن شعورك
مؤيد طلع
هشام قام هاتفه واتصل:شن صار ف التوصيل؟!…ميه ميه…وصكر الخط
ــــــــــــــ
مصطفى فتح باب الجنان لـ كان يطقطق ووخش يضحك
اينور طلعت شافت بوها عنده صندوق ف ايده مغلف:مني؟!
مصطفى مدلها الصندوق:هدا بعتوهولك من المركز هدية شكر
اينور ضحكت قربت فتحاته كان لاب توب وورقه صغيرة (من هشام شكرا اي صح انتي قصيرة لاكن ربي معوضك بطولت لسانك موفقه ف حياتك 💜)
اينور: عمي الشرطي هادا
مصطفى:ربي يبارك فيهم ويبارك فيك
ـــــــــــــــــــــ
هشام عرف انه هديته وصلة قعد غاطس ف خدمته
عادل خش: سلاام
هشام عيونه ف الوراق: مروح؟!
عادل: اليوم مش عليا لتوكه تبي شي
هشام شافله ابتسم: اسف شكيت فيك انك خديت الملفات
عادل: عادي ولا يهمك اعتبري ز عمك الكبير
هشام: تصبح ع خير عم عادل
عادل طلع
هشام وقف جمع الملفات وكل شي يخص القضيه وطلع روح
ـــــــــــــــــ
اينور ضربت يبرة لـ العم عبد الهادي: ريت ياعمي متوجعش
عبدالهادي: سلم يديك
نتفتح الباب: السلام علي(ملامحه تغيرت لم شافها) كم
كلهم وعليكم السلام
اينور: عمي اني بنطلع وقت والدنيا ليل عليا مره تانيه لو تبيني نضربلك كلمني
هشام يشوفلهم: عمي وين يوسف؟!
عبدالهادي: راقد
اينور طلعت من المربوعه : تصبحو ع خير.. وطلعت
عبدالهادي: كان تبي تشوفه برا ممكن قعد مرقدش
هشام طلع وشاف اينور ف الجنان: لحظه
اينور وقفت تلفتت عدلت وشاحها: نعم؟! ليل عليا
هشام: حوشك قريب عادي نتكلم معاك برا احسن ماتشوفنا مرت عمي
اينور ضحكت: نظم مرت عمي واب عمي، اوكي لكن بسرعه
طلعو
اينور: قبل كل شي شكررا ع الاب توب مكانش ليه لزوم
هشام: خلينا من الاب توب توا نبي منك خدمه 🙂
اينور: لا بوي خلاص (باسة صبعها اتوبة) الشفاعه يارسول الله
هشام: عليه الصلاة والسلام، انتي فهمتي غلط
اينور: كيف يعني؟!!
هشام تلبك: هئحمم (حك جبينه بتوتر) اني واتق فيك هك مانعرفش كيف تمام انتي اكيد تعرفتي ع يوسف صح؟!
اينور: اي وخديته معاي لحوشي بدي من العيلة
هشام : المهممم الولد نبي ندخله لروضه لكن منحبش النفخخخ متع الابلات وهكي منحبش نتفاهم مع ابلة
اينور: متحبش الابلات؟!
هشام: لا مش هكي اني نتفاهم مع شرطيات مع اي نوع بس ابلات هكي تبظا تقصصقص ز المره لفاتت فهمتي
اينور بستعباط: علاش شن صار المره لفاتت؟! 😑
هشام تنهد: اوووف اني معطل ف منطقتكم بحكم زياد من منطقتكم نبي الولد يخش ف الروضه لجنبكم
اينور فتحت ساعه هاتفها: 😨ياحليلي الساعه 12:00 اوكى اوكى تو نكلمك ع هاتفك ونتفاهم معاك … ومشت
هشام فداخله: هادي مشت وسيبتني واني مكملتش كلامي؟!
ـــــــــــــــ
اينور روحت وكانو عيلتها يهدرزو ف الجنان
اينور: السلام عليكم
مصطفى: عطلتي!!
اينور: اي ضربت يبرة عمي وجيتكم استاحشتوني ياياولاداي
مصطفى ضحك: عندك قرايا ولا غير فالحه ف كولت اللسان
اينور خش: تصبحو عخير… صكرت الباب تنهد وقامت هاتفها تشوف ف صورة مؤيد 💔
اينور: خسارة وقتي لضيعته
وصلتها رسالة(وصلتي؟!)
اينور ابتسمت( وصلت، اي قولي شن قصة الروضة انت قولي وين تو نسجله)
هشام (منعرفش وين ف روضه عمي قالي ف روضه جنبكم!!)
اينور(اهااا من امتى صكروها قديمه ليها هلباا مصكره)
هشام (اهااا منعطلش عليك بختصار يعني ف المنطقه مافيش روضه اوشي؟!)
اينور(لالا مافيش الحق لو تبي نقريه اني عادي)
هشام (لالا مشكور انتي خليك وراك مشاريع للكليه)
اينور(انت شن عرفك انه نجهز لمشروع؟!)
هشام ( محقق شرطه ولوو)
اينور( عادي مدورش اني رح ندير وقت لـ يوسف واصلا صغار اختي حتى هما نقري فيهم فا عادي )
هشام (بارك الله فيك تمام الصبح نشوفه ونرد عليك)
اينور(تمام، تصبح ع خير)
هشام (قدامك الخير)
يتبع ………

لقراءة الجزء التالي : الجزء السابع من رواية جعلني انثي

لقراءة الجزء السابق : الجزء الخامس من رواية جعلني انثي

للإطلاع علي فهرس اجزاء الرواية : جميع روابط اجزاء رواية جعلني انثي للكاتبة ميشو محمد

جميع الحقوق محفوظة للكاتبة ميشو محمد .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى