الجزء

الجزء السابع من رواية كنت للروح سقيا

الجزء السابع من رواية كنت للروح سقيا

وفي الجزء السابع من رواية كنت للروح سقيا دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة شهد محمد .

الجزء السابع من رواية كنت للروح سقيا

رسلت ليهو في الواتس
انا :ياداب لاحظت للصوره… كده بتسرع قصه إعجابي ليك برافو😆🤍
لؤي: قصدك اعترافك بحبك لانو انا اتخطيت مرحله الإعجاب والحب فضل الاعتراف 😂😭💙
انا:بتعجبني ثقتك دي😭😂💙
لؤي :وانا بتعجبني شهد دي ♥️
انا:مستحيل تضيع فرصه
لؤي :ومستحيل اضيعك
انا :لؤي!!!! 😆
لؤي :عيون لؤي😭😂😭💙
انا:خلاص بطل
لؤي :مشششششم غايتو الناس بتعاني من رومانسيه منسيه 😏
انا:اولا ما تطاعن قلنا 😂😭💙ثانيا ده برنامج م تلقط الأسماء ساي
لؤي :حلو يعني عارفه الفكره؟
أنا :يب
لؤي : خلاص حلو ريحتيني كده 😂😂💙… بعد بكره ح اخطفك من غير نقاش
انا :وين ولي؟
لؤي :وين دي ما عارف لي دي عشان افرق ليك شويه كده م تخافي م ح اخطفك جد جد
انا : م انا البتخطف😏
لؤي :وطيب خاطفه قلب مسكين الله دي لي بس وريني 😭😂💙
انا:و الله مسكين الله ده قلبو خفيف ساي 😭😂💙
لؤي:كده ي قلبي ي حته مني ي كل حاجه حلوه فيااا؟
أنا :لؤي 😭😂💙
لؤي :خلاص خلاص سكت و الله 😭😂💙تمنعو الناس الكلام زاتو ده شنو ده 😔
انا :معلش معلش 😆💙
المهم انا بشكرك شديد على كل حاجه عملتها لي وبحمد ربنا على نعمه وجودك الف مره وحقيقي دايما باسطني وربنا يخليك لي♥️
لؤي :اختمي الكلام ب بحبك عليك الله 😭😂💙
انا:يادي النيلة 😆
لؤي:ده كتير منك ي حجر ما مشكله المهم بعد بكره خليك جاهزه طيب؟
انا:أن شاء الله
لؤي :ح نلبس شنو
انا :😭😂😭😂😭💙البس براك وانا برأي
لؤي :لالا نكون كابلز كابلز ف نلبس شنو والأسود ده خلاص كفايه عليهو
انا: طيب طيب ح اشوف واوريك
لؤي :طيب

اول ما خلصت همس جات وقعدت قصادي وقالت ها احكي
انا:عن شنو
همس :عنو
انا:لؤي؟ 🙈
همس: ااي لؤي 😂😭💙حكايتو شنو الود ده صدعوني هو واختو.. شوفي شهد بتحب شنو والصور وشنو شنو 😂😭💙
انا:بالمناسبه عرف بالطرح من وين؟
همس :اتذكرت مره كان عجبتك شديد وقلتي الا نطلبا انا وانتي وهمس وم اتوفقنا وشنو 😂😭💙
انا :بحبك يخ
همس:ياربي اكتر منو؟
أنا :لا طبعا 🙈
همس : ي بت ها اتلهي اصلا ما ارتبطتو😂😭💙
انا:لسه ااي. بس حقيقي خلاني احبو من غير ما أشعر ♥️
همس :صراحه يتحب…. ي زوله ربنا يخليكم لبعض ♥️
انا :امين يارب ♥️
******
ابوي :ي شهد الليله المره دي مالا قال
انا:بري ما عارفه حاسه انو ورا الزعله دي راجل كده قاعد معانا 😉
امي:مره؟ انا مره؟ بعد السنين دي كلها حسبي الله ونعم الوكيل
ابوي : اهدي ي مدام ماف زول سالك انا مع شهد
امي: بتتكلم عني انا عارفه
شهد :مالكم يخوانا في شنو القسمو ليكم ما لحق شنو 😂😭💙
امي :ابوك حضرت سيادتو قبيل قال لي راسك شيب ووشك بدأ يتكرفس
ابوي :والله ما قلت وشك دي 😂😭💙 بس قلتي ليك راسك شيب وانا راسي زاتو شيب اسي دي فيها حاجه
انا :يعني امي بتكذب؟
امي:اسألي عليك الله
ابوي: امك ما بتكذب بس قايمه عليها الايام دي. أوعى تكون دي هرمونات حمل وشنو؟
امي:حمل شنو بعد ده كمان
ابوي:انا زاتي خفت على نفسي 😂😭💙
انا:المهم ي ابوي انت غلطان كيف تقول ليها كده؟
ابوي :يخوانا ما قلت شي انا بس امك بتكبر الموضوع معقول انا اقول كده لعزتي كده ♥️ لو شيبتي ولو وشك اتكرفس ولو سنونك كده ح احبك 😉
امي : حبك اعمل بيهو شنو اديني مصاريفي جاي
ابوي: شايفه امك ماديه كيف ي شهد شايفه 😂😭😂💙

“صح ابوي وشجن ماتو بس خلو معاي زكريات كتيره شديد ح أفضل مبسوطه كل ما اتذكرها ♥️
******
اليوم التاني عدا بطي شديد بس الحمد لله خلص خلاص
تاني يوم من الساعه 8 اتصل قال لي نطلع خلاص
انا:نشرب الشاي في الطريق ولا شنو؟ 😭😂💙
بعدين مش قلت. طلعه عصريه خلاص اهدا
لؤي :اوووووف خلاص انا جهزت القميص الحكلي والبنطلون الأبيض و الله تلبسي غير اللونين ديل ما اخليك
انا : ما تخاف ما تخاف 😭😂💙
نزلت نظفنا انا وهمس وعملنا الفطور والمواضيع دي بعدها استاذنتهم عشان ابدا اجهز وكده ف طلعت
لبست فستان ابيض ساده ومعاه وحده من الطرح فيها اللونين الأبيض والكحلي وعملت ميكب خفيف بعدها اتصلت ليهو قلت ليهو انتي جهزت وجا
لؤي : ما شاء الله ♥️
انا :الله ما ضراك وبالمناسبة حتى انت. طالع حلو ما يشاغلوك بس
لؤي :بتغيري؟
أنا : لا طبعا
لؤي : المهم نتحرك
كان طول الطريق بفتح مواضيع. وبتغزل😭😂💙

انا :بس ده المكان المعتاد
لؤي :المره دي غير
انا:كيف؟
لؤي : ادخلي وح تشوفي
فعلآ دخلت وم كان عادي المره دي كان مخصص لينا بس فهمت كده من التزيين واسمي المكتوب بس كان في ناس برضو قاعده ف استغربت يعني
انا: م ح ينزعجو؟
لؤي :لالا
انا : اممم
لؤي : طيب لو شايله همهم دقيقه اسألهم إذا عندهم مشكله …..يخوانا في زول عندو مشكله؟
ردت همس ب لا
انا: همس؟
همس : بقت على بس😭😂💙شوفي الباقي

فعلا كانو كلهم عباره عن صحباتي ومنهم عبير وهديل و هبه اخت لؤي وأصحاب لؤي
كنت بشوقهم في الاستوريز
محلوظه بسيطه 🧚‍♂️💙
( يخوانا انا اسفه ياداب انتبهت انو اسم صحبه شهد وبت خالتا نفس الشي “همس” ف ح اغير اسم صحبه شهد لهديل عشان ما تتشوشو وسوري يخوانا🙏💙)

حقيقي اتفاجات شديد بوجودهم وكيف كلهم بخططو من وراي كيف وانا ما عارفه 😭

انا؛ : لؤي 😭♥️
لؤي؛ : قلت المره دي ح تكون احلى بوجود الناس البتحبيهم ♥️😉

انا: انا لو فضلت عمري كلو اشكرك ما ح يكفي
لؤي : كفايه انك تكوني مبسوطه تاني ما عايز شي صدقيني ♥️

فعلا كان اليوم حلو شديد بوجودهم معاي للحظه اتمنيت لو انو شجن معاي م كنت محتاجه شي تاني 😔

قبل المغرب بشويه لؤي قال نطلع بعد ده بحسو حريص جدا انو ما اتأخر للرجعه 💙

بعد رجعنا وارتحت شويه لقيت منو مكالمه رجعت ليهو
انا : ما كفاك يوم كامل معاي؟
لؤي : ما بكفي والله
انا: اناني
لؤي :😭😂💙 المهم عجبتك المفاجأة؟
أنا : جداااا♥️
لؤي: أحمدي ربك واحد فرفوش وحلو وهيبه كده ورومانسي وبعرف يعمل مفاجآت تاني عايزه شنو؟
أنا :😭😂💙 حقيقي ولا شي
فضلنا نتونس ساعتين بعدها قلت ليهو
انا: خلاص خلاص عايزه انوم
لؤي : ي بت انتي مش كنتي نايمه
انا : اااي
لؤي : أعوذ بالله المهم طيب 😂😂
انا : تصبح على خير
لؤي :وانتي من اهلو
انا : اممممم
لؤي : وانتي من اهلي اهلي 😭😂💙
انا : يلا 😂
******
تاني يوم طلعت الصباح بدري عشان أمر على الدكتور
الدكتور :زي ما عارف النتايج طلعت وللأسف يعني زي ما اتوقعنا
انا: بس كيف؟
الدكتور : جدك الله يرحمو كان عندو وهو مرض وراثي
… بس حابب اطمنك انو ما تخاف هو في بدايتو وح نعالجو أن شاء الله وحتى مفروض تبدا علاج طوالي
انا : عباره عن شنو؟
الدكتور : حبوب وح نبدا على تفقد توازنك وبعدها بتلاته شهور ح تسافر بره وتعمل علاج طبيعي وعمليه أن شاء الله كده ح نكون سيطرنا على المرض
انا : أن شاء الله
الدكتور: ما تخاف ي ولدي ماف زول بموت قبل يومو وماف مرض بقتل كلو بيد الله بس
انا : ونعم بالله استأذنك.
طلعت وقعدت في العربيه وهموم الدنيا كلها فوق اكتافي وورقه في يدي مكتوب عليها
الاسم : لؤي عبدالله محمد عبدالله
التشخيص : ضمور مخيخي

خاطره من لؤي :
“‏كنتُ أبدو وكأنني أستطيع أن أحمل العالم كله على كتفيّ، وأنا بالكاد أحمل نفسي ..😔

يتبع ………

لقراءة الجزء التالي : الجزء الثامن من رواية كنت للروح سقيا

لقراءة الجزء السابق : الجزء السادس من رواية كنت للروح سقيا

للإطلاع علي فهرس اجزاء الرواية : جميع روابط اجزاء رواية كنت للروح سقيا للكاتبة شهد محمد

جميع الحقوق محفوظة للكاتبة شهد محمد .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى