الجزء

الجزء السادس من رواية اريدك انت

الجزء السادس من رواية اريدك انت

وفي الجزء السادس من رواية اريدك انت دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة نوحه صلاح .

الجزء السادس من رواية اريدك انت

حسام قال ليها طيب ربنا يشفيه❤ سكت مسافه وهو بعاين ليها قال ليها بحبك❤ ،، قالت ليهو دلت سنو ،، قال ليها دلت ليت انا بحبت 😂 ،، قالت ليهو انا داتي بحبت 😍 ،، ابتسم و قرب عليها باسها على خدودها وهي قلبها رجف ❤ طلع بره قعد مع امه قال ليها عمو عوض مالو كان راقد في السرير و سفرو وي ،، حسينه قالت ليهو ن ن نعم😳 ش شنو منو القال كده😰 ،، قال ليها يمه حلفتك وريني كل شي عن نور😔 الحادث الحصل ده شنو و مال عمو عوض وليه خالتو وصال كانت عاوزه تسوقها💔 ،، سكتت ،، قال ليها يمه افهميني انا بحبها 💔و م ح اتخلى عنها حتى بعد تتعالج م ح اطلقها انا بحبها قسما بالله بحبها💔 ،، كان قائم بس امه قالت ليهو اتشل و اسي في الهند ،، قعد وركز معاها وهي حكت ليهو كل شي بي حسن و الحادث الما مفهوم حصل كيف وانه للان بتصل على امها عشان يعرس نور حكت ليهو كل شي💔 ،، حسام الدم غلى جواه وقال ليها الكلب قسما بالله م ارحمه😡 ،، كان معصب شديد دخل الغرفه لقى نور ماسه الدبدوب و بتلعب مشى حضنها شديد لمن اتوجعت وفضل حاضنها ❤قالت ليهو بحبت 😍 زح منها و ابتسم قال ليها ياريت لو بتحبيني بس يلا كل ح يهون ❤

حسام بقى شاغل باله نور طول الوقت بفكر فيها ❤حبها سيطر عليهو شديد بقى م شايف شي غيرها شايفها بته قبل م تكون زوجته ❤لو عاوزه اي شي بتطلب منه بس هو م عارف انه نور كمان اتعلقت بيهو يمكن اكتر من م هو متعلق بيها❤ و في النهايه هي بت و قلبها اكيد ح يضرب لي زول و ضرب لي حسام ❤ حسام اتكلم مع خالتو وصال و قال ليها انه عرف اي شي و ح يدي القروش وانه م ح يتخلا عن نور ابدا ❤ وهي م اعترضت قالت ليهو الله يسهل عليكم ي اولاد ❤ و خالتو حسينه اتعلقت بي نور شديد حتى لو خالتو وصال كان قالت ح تطلقهم هي كانت ح ترفض لانه حسام حب نور ❤ …….

في يوم حسام مهموم في شغله جاهو اتصال من امه رد قال ليها الو ،، قالت ليهو حسام نور مصره تتكلم معاك هاك ليها ،، اخد التلفون قال ليها نور مالك 😳،، قالت ليو وين انت تعال لي اسي 😭 ،، قال ليها مالك خوفتيني في زول زعلك😳 ،، قالت ليهو لا لا بس تعال 😭 ،، قال ليها نور انا اسي مشغول بعدين بجيب ليك معي حلويات ،، قالت ليهو لا لا م عاوزة انا م عاوزه تعال عاوزاك انت 😭😭 و قفلت الخط ،، حسام قلق و طلع طوالي بس الشارع كان زحمه💔 يالله قدر يوصل ولمن وصل لقى البيت حالته صعبه ونور متجننه شديد💔 و الغرفه حقته كل شي فيها ملخبط طلع اهله وخش ليها قفل الباب قال ليها نور ،، عاينت ليهو و كانت لسه بتجدع في الملابس ،، قال ليها مالك ي دلوعتي ،، قالت ليهو انا مش قلت ليك تعال ليه م جيت طوالي 😭 ،، حاول يقرب عليها بس جدعته وقالت ليهو زح مني م تقرب علي زح 😭 ،، قدر يوصل ليها و مسك منها الهدوم و حضنها ❤وهي كان بتبكي و خربشته بي اضافرها م قال ولا شي فضل ساكت خلاها بعد هدت قعدها في السرير و قش ليها دموعها قال ليها مالك الزعلك منو ،، قالت ليهو ولا زول انا بس كنت عاوزاك 😭 ،، حسام ركز لقى كلامها كله صحيح و نطقها صح 😳 قال ليها نور انتي بتتكلمي كويس ،، عاينت ليهو وقالت ليهو بس زعلانه منك ،، قال ليها خلاص اسف و باسها على جبينها ❤ ،، قال ليها تعالي ننوم رأيك شنو ،، قالت ليهو لا عشان اصحى القاك ماف😭 ،، قال ليها م ح ازح منك نهائي وعد❤ تعالي يلا ،، فعلا مشى ليها على شعرها لمن نامت بقى بفكر انه هي كيف اسي اتكلمت نطقها كان صح وشنو الخلاها تهيج كده يعني 💔 اسئله كتيره في باله

بعد ساعتيت نور صحت لقته فعلا م اتحرك قال ليها اخيرا صحيتي ،، م ردت ،، قال ليها قبيل مالك اتجننتي كده في زول زعلك ،، قالت ليهو لا ،، قال ليها طيب مالك ،، قالت ليهو بس تنت عاوداك 😢،، حسام بينه وبين نفسه (تنت عاوداك رجعتي تاني تنطقي غلط💔) قال ليها وانا اهو جيتك ،، ابتسمت مسكت الدبدوب تلعب بيهو ❤ حسام بس كان بعاين ليها و تاني باسها 😂 قالت ليهو حتام دلبي بتدق سديد 😢

قالت ليهو حتام دلبي بتدق سديد😢 ،، قال ليها كيف يعني😳 ،، قالت ليهو تل م تبوتني بدق سديد 😢،، قال ليها امممممم وقرب عليها باسها على خدها😘 وهي غمضت عيونها ابتسم لانه دقت قلب معناها حب قال ليها بحبك 😍،، قالت ليهو ده سنو انا عيانه صح دلبي بدق سديد 😢😢 ،، قال ليها لا انتي بتحبي ❤،، حسام الفرحه م سايعه و ساقها مشو على شارع النيل❤

————————————–
☆يتبــــــــــــــــــــــــــــــــــــــــــــع☆☆

لقراءة الجزء التالي : الجزء السابع من رواية اريدك انت

لقراءة الجزء السابق : الجزء الخامس من رواية اريدك انت

للإطلاع علي فهرس اجزاء الرواية : جميع روابط اجزاء رواية اريدك انت للكاتبة نوحه صلاح

جميع حقوق الرواية محفوظة للكاتبة نوحه صلاح

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى