وفي الجزء السادس من رواية عديم الضمير دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة ميشو محمد .
الجزء السادس من رواية عديم الضمير
رحمه دايخه والهاتف ع الارض
حنان اتصلت بـ هشام ومنتبهتش ع الهاتف: الوو هشااام،،،،، تعالى الله يربحك رحمه ماتتنفسش،،، داخت
وسام سمعها من الهاتف
فايزة خشت شافتها: وووووه عليااا خيرهااا… وقعمزت قامت راسها واطبطب ع خدها
رحمه ف عالم تاني
وسام جمممد ف مكانه الهاتف يبس ف وذنه معادش قدر يصكر الخط يسمع ف امها تبكي ويسمع فيهم يقولو ووووه معادش تتنفس
جمد ف مكاانه
ميشو محمد:
لبسوها ونزلوها ووصل هشام وللمستشفى
طلعت الدكتورة:ليش صار هكي
فايزة.مافي شي
دكتورة: كيف مافي شي البنت اكيد صاير معاها شي ونهارت اعصابها اني طلبت منكم ماحد يزعلها لانه الشي ياثر ع حياتها ممكن الساعه هادي معاكم وممكن الساعه الجاية تموت طلبت منكم الاهتمام
حنان تبكي: لاياربي بلله طمنينا
فايزة
دكتورة متعصبه :عايشه بس حالتها مش معروفه لعند ماتفيق..وخشت
.
.
وسام خش للحوش شاف سماح واذكر انه رحمه طلبت منه مايقولش لـ سماح ع المرض
وسام ركب غرفته بسرعه ونزل ركب سيارته اتصل بـ هشام:الوو
هشام:مش فاضي وسام
وسام: ليش شن في
هشام:اختي ف المستشفى لو صار شي ف موضوع صفوان نضم امورك مع عدي….قاطعه
وسام:اي مستشفى
هشام: مستشفى،،،،
وسام:جاي …وصكر الخط
هشام قعمز
دقايق وونزل وسام خش
وسام شاف هشام قربله:لاباس كيف صارت؟؟؟
هشام قعمز مهدود: عايشه بلأكسجين
وسام قعمز جنبه تلبك:حالتها؟
هشام نزل راسه:مش معروفه
وسام: اول مرة يصير هكي؟
هشام: كلل فترة ينضغط علها للنفس ونسعفوها لكن تبدا فايقه يعني فاتحه عيونها بس المرة هادي دايخه تي لم كلموني قالولي ماتتنفسش فكرتها ماتت…ونزلت دمعته مسحها بسرعه
وسام: لدرجه هادي متعلق بـ اختك؟ ماتوقعتش يجي يوم نشوفك تبكي
هشام ابتسم:عندك حق لانك ماتعرفش رحمه (شافله) تبدا زعلانه او متعصبه تسكت وتكتم لو قعدت ساكته لفترة يعني زعلانه او متعصبه او ف شي صار معها لم تزعلها وتعتذر منها تضحك وتقولك اخر مره معادش تعاودها ولم تعاودها تسامحك اكثر من مرة نضربها ع حاجات تبدا مليهاش ذنب فها لكن ماتتكلمش تعرف ياوسام تضربها وتقتلها تحتك مادفعش ف نفسها تبكي بس
:عندك حق لانك ماتعرفش رحمه (شافله) تبدا زعلانه او متعصبه تسكت وتكتم لو قعدت ساكته لفترة يعني زعلانه او متعصبه او ف شي صار معها لم تزعلها وتعتذر منها تضحك وتقولك اخر مره معادش تعاودها ولم تعاودها تسامحك اكثر من مرة نضربها ع حاجات تبدا مليهاش ذنب فها لكن ماتتكلمش تعرف ياوسام تضربها وتقتلها تحتك مادفعش ف نفسها تبكي بسحور شافت بوها جاته تجرري تبكي
هشام شافها:تعالي
حور قربت تبكي:بابا وين عميمه؟ماما قالت عميمه يضربوها الطزه (اليبره)
ماما قالت عميمه يضربوها الطزه (اليبره)وسام يشوف ف حور معادش قدر يسيطر ع قلبه طلع برا بدون مايحس هشام طلع وراى المستشفى قعمز ع الارض: معقولا معقولا تم.. تموت بسببي ياربي اني شن قلت شن دررت ياربي … سمع اذان صلاة العشي
وسام وقف وينظف ف ملابسه من التراب ركب سيارته ونزل لـ جامع توضى وخش صلة العشي وناس كلهم ناضوو يروحو وسام قعد مقعمز وسرحان ف مكالمته مع رحمه الناس ف الجامع كلللهم يشوفوله لانه غريب عن المنطقه وكان شب انيق يلفت الانتباه
الناس ف الجامع كلللهم يشوفوله لانه غريب عن المنطقه وكان شب انيق يلفت الانتباهوسام رفع ايديه يدعي داخل:يارب مانعرفش ندعي مانعرفش نتكلم اني غلطت وانت تعرف كل مافي داخلي اني درت ابشع الاشياء معاها حرمتها من خطيبها من فرحت عمرها من عرسها والابشع من هكي اني اغتصبتها لاني نشوف فها وكنت متمني نكون اول شخص يلمسها اول شخص لها واول شخص يتقرب منها يبوسها كنت رايدها بلحلال بس ماطلبت شي تاني اني غلطت يارب يارب لو ننحرم منها نضيع يارب اوقف معاي يارب وماتخدهاش مني محتاجها اول مره نرفع ايديا ليك ونترجاك يارب ماتردنيش يااارب…ومسح ايديه ع وجها…امييين يارب
قربله شيخ:السلام عليكم
وسام بغصه:وعليكم السلام
شيخ كان متع لحيه طويله شوية بس مريح: تدعي من قلب محروق ربي ينولك مرادك ياولدي
وسام: نشالله يارب صحيت…وطلع وجت عينه ع صندوق زكاء متع الجامع 
وسام ركب سيارته ويسوق بسرعه ووصل ونزل خش لشقته الخاصه بيه فتح خزنته خدي فلوس وطلع
وسام نزل لـ مكتبه خدي مصاحف
ورجع لجامع
وسام نزل صندوق المصاحف ودخله حطه قدام الباب وطلع بدون مايشوفه حد
الشيخ طلع ولمح ضهر وسام وشاف الصندوق وفتحه وكان مصاحف
شيخ ابتسم:ربي يهديك ويفتحها عليك وينور دربك
وسام كان زي الشخص التائه مش عارف وين يمشي بدي قلبه قابض عليه وخايف لانه حاسس بذنب مش قصة انها حبها اوهكي لالا مزال ميحبهاش لكن حاسس بذنب وفيه اعجب لها هو معجب بها
مش قصة انها حبها اوهكي لالا مزال ميحبهاش لكن حاسس بذنب وفيه اعجب لها هو معجب بهاوسام درس سيارته قدام المستشفى ويشوف ف المستشفى:يارب ماتخلينيش نادم طول عمري يارب عارف انه الشي لـ درته غلط وعارف يارب انك غاضب عليا لاني درت شي حرام لكن من اليوم توبه ولـ درته رح يتصلح ولو تشفى رحمه ويصير نصيب بها مرة تانية رح نصلح غلطتي ونسترها مايهمنيش لا مرضها ولا وضعها …جت عينه ع هشام طلع يدخن…وسام نزل وف ايده شيشة اميه
وسام:طمنوك؟
هشام يدخن :مافي شي
وسام بعد الصلاة ارتاح ومدله شيشة اميه:ربي يطمنك،اشرب
ومدله شيشة اميه:ربي يطمنك،اشربهشام حدف الدخان وطلع طرف تاني
وسام خدي الباكو منه:لاااا ياسر مش صح لـ دير فيه
هشام تعصب علا صوته:ومن امتى تعرف الصح من الغلط انت بعدددد
وسام تعصب:هشااااام
هشام خدي الباكو الدخان منه:لا هشام لانم اسكتلنا وسام ولا روح انت علاش قاعد اصلا
وسام شافله: مش ماشي
ترررن
هشام شاف رقم حنان:الوو طمنيني ربي يطمنك
حنان تبكي: هشااام
هشام طاح من ايده الباكو الدخان:شنو
حنان رشفت انفها وتبكي: رحمه ياهشااام
وسام خلاااااص دمه وقف 
هشام:اي
حنان تبكي مش قادرة تتكلم
وسام معرفش يتصرف خش لمشفى وركب لـ العناية وشاف ام هشام:عمتي فايزة
فايزة تبكي وحور تشوف ف امها تبكي وتبكي مرعوبه
وسام شاف الدكتورة:شنو صار
الدكتورة: النبض ضعيف للاسف ف اي دقيقه….قاطعها وسام بصوت عالي
وسام بصوت عالي: شن الاستهتار هداااا كيف تقولي لـ امها وترعبي ف العيلة ع شي تافه..قاطعاته
دكتورة:انت ف مشفى نقص صوتتك
وسام تعصصصصب وقلبه نار: تعلمي كيف تتكلمي تشوفي ف امها مولوعه علها ومن لم جبوها تبكي انتي مفروض اطمنيهم..قاطعاته
دكتورة:من تكون حضرتك؟
وسام جمد معرفش شن يقول:نبي نشوف وراقها
دكتورة ربعت ايدها متنرفزة.بصفتك شنو؟
وسام سكتت
دكتورة شافت دكتور من بعيد:نادو الامن يطلعوه
الدكتور قرب ع وسام
وسام تلفتت شاف الدكتور
الدكتور وقف:وسام هدا انت؟
وسام:لؤي؟
لؤي ضحك:نورتنا خيرك تصاضع، المريضه تقربلك؟
وسام:اي تقربلي
الدكتورة:دكتور لؤي ماعرفتنا!!
لؤي:هدا الدكتور وسام من قسم الجراحه
وسام:كنت دكتور توا مفتش شرطه
لؤي:ك كيف مفتش؟
وسام:لؤي نبي منك خدمه
هشام:دكتورة كيف صارت
وسام:مافيها شي اني بنخش نشوفها
هشام :وساااام
لؤي شاف هشام:ماتخافش هو قاري طب ويعرف خبره يقدر يخش
لؤي ووسام نزلو وسام لبسة قلافز وكمامه وركب وخش
رحمه الاكسجين ع فمها والتغدية ف ايدها كانت بيضااا تشوفها تقولو ميته
وسام وقف ع جهاز النبض شافلها:اني جيتك لعندك اسسسف صدقيني نادم بنموت قبل شوية صليت ودعيتلك….شاف جهاز النبض طلع
وسام طلع:دكتورة تعالي معاي
هشام قرب:وسام شن في؟
وسام:مافي شي…وخشو مع الدكتورة
دكتورة: شفت نبضها اني قلت نبضها ضعيف
وسام 
نار: اني دخلتك عشان تتعلمي…وقرب وحط ايده ع صدر رحمه ويدلك ف قلبها بهدؤ
نار: اني دخلتك عشان تتعلمي…وقرب وحط ايده ع صدر رحمه ويدلك ف قلبها بهدؤزاد النبض
الدكتورة شافت الجهاز 
وسام شاف الجهاز نزل الكمامه وابتسم:الباين انك واخده الشهادة واسطه حرام تكوني دكتورة …وطلع
فايزة شدت ايده وسام:طمنيييي ربي يطمنكك ع حبابك
وسام شد ايدها:اطمني كويسه والنبض كويس كل شي تمام دقايق ورح تفيق
الدكتورة من داخل طلعت:تعالى فاقت
وسام بدون ارادة خش ومنزل الكمامه:الحمدلله ع السلامه
رحمه فاتحه نص عيونها وسمعاته وساكته
وسام قرب يتفحص ف التغدية وطلع
وسام:الحمدلله ع سلامتها فاقت
فايزة بدون ماتحس شدت ايده:بااارك الله فيك يخليك لـ ناس يحفظلك اميمتك
وسام:ميمتي ميته صحيتي يرحم ولديك
هشام مصددومه من صاحبه
وسام قرب من هشام: هشام اختك فاقت شوفها
هشام شد مرفق وسام وخداه ع جنب: انت منو
وسام:اني وسام تي خيرك
هشام:صاحبي من سنين ومانعرفش انك واخد شهادة الطب
وسام:ولو عرفت شنو يتغير يعني
فايزة وحنان جنب رحمه
رحمه اول كلمه قالتها:طلعوني
الدكتورة طلعت:دكتور وسام ممكن تشوفها شوية
وسام خش مع هشام
وسام:خير
الدكتورة:تسأل امتى تطلع
وسام قرب يتفحص ف التغدية شاف رحمه:لم تكمل التغدية تطلعي
رحمه:بس
وسام:بدوون بس بتقعدددي
رحمه سكتت
فايزة:سلم بنتي اسمعي الكلام
حور راقده ع الكرسي
وسام شاف الدكتورة: تاكدي من الاكسجين لعندها ممكن فيه مشكله سبببت ف دوختها
هشام: لاكسجين قعد ف الحوش
وسام:اهااااوكي ماتشوفي شر عن اذنكم.. وطلع
هشام لحقه: وساام
وسام تلفتت: ايووة
هشام: تجي غضوا تشوفه الاكسجين؟
وسام: تمام مية مية
هشام طبطب ع كثفه: منور ياغالي وقفت معاي وقفة راجل
وسام: اي خدمه قول هشام
.
.
الساعه 5.00 الصبح روحت رحمه للحوش
وسام بعد دوش تسطح ع السرير: لم نشوفك عيوني قريب يدوبو 
عيوني بدون مانحس تبدا تتفحص ف تفصيل وجهك نبي نحظظظك
عيوني بدون مانحس تبدا تتفحص ف تفصيل وجهك نبي نحظظظك رحمه روحت ورقدت ف غرفة امها جنب امها
فايزة تقرا علها ف قرآن
رحمه راقده
.
.
تاني يوم
هشام خش لحوش امه:سلام عليكم صباح الخير
فايزة: وعليكم السلام صباح النور
هشام:رحمه مزال راقده
فايزة:راقده امبارح رقدت الساعه خمسه ،استنى بنسالك صاحبك الدكتور اسمه وسام هدا نفس ولد مجدي راجل اختي سماح؟؟؟
هشام:اي هو نفسه
فايزة: مشالله عليه بعدين كلمه يجي يشوف اختك
هشام: اي بعدين بيجي يشوف الاكسجين
فايزة: الله يربحه ويفتحها قدامه كيف ماطمن قلبي ف المستشفى ياااارب 
رحمه تسطحت ف غرفتها وركبت لاكسجين وتسطحت ع السرير تتراجع ف هدرزتها مع وسام
.
.
بعد العصر
وسام صلة العصر وغير ملابسه وطلع لحوش هشام
ووصل طق ع الباب وخش مع هشام
هشام ف المربوعه:نصدمممت لنمم لكن
وسام:وين الصدمه ف الموضوع يعني
هشام:يافاسد صاحبي من ايام دورة الشرطه ومعنديش علم انك واخد شهادة الطب…قاطعه
وسام:معععادش اديرلي بها حاجه كبيرة تي هيا شهادة عادية غير انت مكبرها
هشام:عااادية عينك دكتور ومفتش وين نحصل زيك 
وسام شافله 
:خيرك انت نحس فيك تبي تتزوجني غير تقول فها بطريقه غير مباشرة يافندم
:خيرك انت نحس فيك تبي تتزوجني غير تقول فها بطريقه غير مباشرة يافندم هشام ضحك:ياعليك بارده
فايزة لبسة مصليتها وخش:السلام عليكم
وسام وقف سلم علها:وعليكم السلام،كيف حالك
فايزة:الحمدلله بخير،كيف حالك وحال بوك وسماح
وسام قعمز:كويسين الحمدلله
فايزة قعمزت:اشرب قهوتك ولدي تو تصقع
وسام خدي قهوته
هشام: بما انه دكتورنا جي خلي يفحص رحمه
وسام شرق كحححح كححح
فايزة :خود اميه ولدي صحه صحه
:خود اميه ولدي صحه صحهوسام شرب اميه:سلمك يعطيك الصحه
فايزة شافت هشام: ف غرفتها خليتها وتاخد ف الاكسجين
وسام:معليشي انتعبك تنديها عشان نظملها اوقات الاكسجين
فايزة ناضت وطلعت
وسام شاف هشام:الدكتورة متع امبارح دكتورة اختك الخاصه
هشام:اي هيا
وسام: تي ماتعرفش ياهشام الله يسامحك بس تي ماتعرفش حتى تتصرف
هشام:وين نعلم بها اني
رحمه لابسة توتة بيج خفيفه لعند الركبه ووشاح اسود:السلام عليكم
وسام سمعها مقدرش يشوف ف الباب نزل عيونه:وعليكم السلام تفضلي خشي
رحمه خشت
وسام شافلها وقلبه خلاااااص :كيف حالك اليوم
:كيف حالك اليومرحمه: حمدلله احسن
وسام: قعمزي ارتاحي
رحمه قعمزت جنب هشام
وسام تلللبك معادش عرف يتكلم: اححم اااا بنسالك توا وانتي تجاوبي
رحمه: اوكي
وسام: الاكسجين لم تتنفسي بيه يدير ف مشكله
رحمه: لا كويس مافي شي
وسام شافلها: ليش دوختي يومها
رحمه: اححم مانعرفش
وسام: معادش تخافي من شي ومعادش تشغلي بالك ف شي
هشام: ووووه قداش مانكره دوت الدكاترة
وسام: نوض هات الاكسجين بنشوفه
هشام: مية مية… وطلع
رحمه نزلت عيونها وشبكت ايدها بتوتر
وسام شاف ايدها: ليش متوتره اني معاد نبي منك شي معادش بنخوفك ولا نبكيك اسف
رحمه: مش بساهل نسامحك خصوصآ ع ليلة ال… وسكتتت
وسام نزل راسه: اسف وربي نادددم اي شي تبيه اني فيه تبيني نمشي نكلم مؤيد… قاطعاته
رحمه: مؤيد خطب وحده تانيه
وسام شافلها: اي شي تطلبيه مني رح نديره نيك تسامحيني بس
رحمه بصوت حاد: انت خديت مني اهم شي تملكه البنت ع شنو تبيني نسامحك فهمممني…ونزلت دمعتها ومسحتها بعنف
وسام بعد شعره للخلف وتنهد: ليش لم خطبتك ماقلتي ع المرض ليش حكيتي ع مرضك لـ مؤيد واني لا لييش
رحمه: هكي
وسام:مستعد نستر عليك ونتزوجك والايام تتبتلك انه اني تغيرت
رحمه بتتكلم
هشام دخل الاكسجين:هدا هو
وسام تعفلق ناض شافه ع السريع:مافيه شي اموره تمام عن اذنكم …وطلع
هشام:خيره؟
رحمه:مانعرفش…وطلعت
وسام ركب السيارة ضرب الدومااان بقوة ورجع ضربه تاني وتاني: سااافل ساااافل..نزلت دمعته
وسام ولع سيارته ويسوق بسرعه:ليييش لييييش نقلب كرهي لـ حب ليش درت هكي ليلتها ليش دمرتها ليييش…ويضرب ف الدومان بعصبيه
وسام رجع لشقته قربع الباب وتلوح ع السرير كاان نااااادم بيموووت ع عملته السوداء حس روحه عرقان شلح الجاكيت قعد بكناتيره وخداااه النوم
#بعدالمغرب
تررررن ترررن
وسام شاف الهاتف لقها سماح داره الهاتف صامت ورجع رقد
تلوح ع سرير
..
..
..
مجدي:ميبيش يرد خلاص فكينا منه تو يجي قالب وجها تعالي تعشي انتي
سماح قعمزت:حرام عليك ولله لم سافرت قعد معاي وبات معاي
مجدي طلع هاتفه اتصل بـ عدي: ايووه كيف حالك
عدي: اهلين عم مجدي شن اخبارك
مجدي: عدي بنسالك وينكم انتم
عدي: كيف وينا اني ف الحوش ليش ف شي
مجدي: لالا غير وسام تاخر وقال ان بعدين يجي يتعشى ومجاش
عدي: مش عارف ياعم مجدشي تو نسالك الشباب ونكلمك
مجدي: ادير فيا خير
عدي: تمام دقايق ونعاودلك .. وصكر الخط
عدي اتصل بـ هشام
تررررن تررررن
ع سفرة العشي ويشربو ف الشاهي ويهدرز مع امه ومرته ورحمه تلعب ف حور
هشام:ايووه عدي خير
عدي:اليوم شفت وسام؟
هشام:اي العصر شفته خيره
عدي:اليوم مشفتاش وبوه قال ماشفاش ونشغلو عليه
هشام وقف:وين بيكون
عدي:علمي علمك
هشام:خليها لعند غضوا ولو قعد مفقود نشوفو الامور
عدي:اني لم سمعت بيه مطمنتش
رحمه تشوف ف هشام
هشام:شن قصدك،اني فكرت انه صفوان…قاطعه
عدي:واني فكرت بنفس القصه
هشام:معقولا خطفه صفوان؟!
عدي:غضوا ساهل
هشام:مية مية لعند غضوا نتصل بـ لعم مجدي ولو مرقدش ف الحوش يعني لقصه كبيرة
عدي:تمام لو صار شي نتواصلو سلام
هشام:ماشي..وصكر الخط
فايزة:خيير
رحمه تشوفله
هشام:وسام بعد ماطلع من هني مفقود
رحمه قامت السفره للمطبخ
فايزة:يارحمه اتصلي بـ سماح خلي نطمنو عليه الوليد
رحمه:مش صغير ياماما تو يرجع غير انتم مكبرينها..وركبت غرفتها
رحمه خشت غرفتها: عييييل شن هدا الزفتت (قعمزت ع السرير متنرفزة)خدي ني شرفي ويبيني نسامحه نجوم السماء اقربلك ياوسام
.
.
تاني يوم
وسام فاق جسمه مكسسر تعبان وخدي برد لانه رقد بكناتيرة عز الصقع 
وسام سخنان قعد متسطح ع السريرووجها لسقف
.
.
رحمه بعد الدوش نزلت:صباح الخير
فايزة تجهز ف الفطور:صباخ الخيرات سمعتي شن صار؟
رحمه:خير
فايزة:الدكتور ولد مجدي مفقود قالو اكيد خطفه واحد مجرم اسمه صفوان امبارح الساعه خمسه نصلي ف الفجر سمعت سيارة خوك تشتغل طلعت كلمته قالي مفقود
رحمه:اتصلو بيه؟
فايزة:اتصلو يرن وماحد يرد
رحمه تفطر
فايزة: خزززي عليك دكتور انقد حياتك…قاطعتها رحمه
رحمه:ياماما شن تبيني ندير نمشي ندور عليه لحظه لحظه شن قالي انقد حياتي؟؟!
فايزة حكتلها كل شي صار:وكان مش منه راك ميته
رحمه:هو علاجني وعدلي نبضي؟؟وهو لـ حكي معاي يومها ف المستشفى يعني اني مانحلمش..وركبت لـ غرفتها
اتصلت ع وسام وعادوت اتصلت ماحد يرد
وسام شاف الهاتف ورقم رحمه
وسام رد:ايووه…ويسمع فها تكحح
وسام قعمز:اهددي متخافيش اني كويس اهددي استرخي اهدي
رحمه:اح خوفتني يامريض وين انت هشام وعدي صاحبك قالبين الدنيا وبو…قاطعها
وسام:مش مهم
رحمه: بس غلط هكي اتصل بـ بوك طمنه حرام عليك
وسام اتك ع السرير: نقولك حاجه
رحمه: وسام مش وقتك توا اتصل بـ بوك
وسام: نحبك
رحمه كحتت
وسام: نحببك وربي نبييك اني بديت نصلي وصدقيني معاد رح نشرب بس خليك معاي
رحمه تسمع
وسام: رحمه اول مرة نحس روحي مهم لم اتصلتي
رحمه: اتصل بـ بوك وسام
وسام: رحمه نبيك ليش تعذبي فيا
رحمه: تي نكرررهك تعرف شن يعني نكررهك
تتبع 
لقراءة الجزء التالي : الجزء السابع من رواية عديم الضمير
لقراءة الجزء السابق : الجزء الخامس من رواية عديم الضمير
للإطلاع علي فهرس اجزاء الرواية : رواية عديم الضمير ( جميع الاجزاء كاملة ) للكاتبة ميشو محمد
جميع الحقوق محفوظة للكاتبة ميشو محمد .
