الجزء

الجزء السادس من رواية عشقها لعنة

الجزء السادس من رواية عشقها لعنة

وفي الجزء السادس من رواية عشقها لعنة يا تري هل سيحدث شيء يقلب موازين الأحداث رأساً علي عقب ام ستسير الأمور بشكل طبيعي ؟ دعونا نعرف إجابة هذا التساؤل في السطور التالية بإذن الله مع الكاتبة ميشو محمد .

الجزء السادس من رواية عشقها لعنة

دارين تهدرز تهدرز لعند شافت نفسها قدام البحر ❤
حمزة: حرقلي دمي الدكتور لو مش جدك منبهني دمرته اليوم
دارين: حمزة معاد تحكي مع جدي ز المرة لفاتت قاطعته وتتكلم بطريقه مش كويسه
حمزة: اي عارف تي دمي محروق اني كان فصلت نبدا مش بوعيي
تررررن تررررن
دارين فنصت ف الهاتف: ا ءءء الوو جدي صباح الخير
عبدالواتق: صباح الورد شنو تاخر عليك حتى اليوم
دارين: اه ءء لا اهو ف الطريق اني
حمزة ولع وطلعو من البحر
عبدالواتق: تمام كويس… وصكر الخط
دارين: ياامي اسرع حمزة
حمزة: اهدي علاش الخوف
دارين: وقف نركب من الخلف
حمزة وقف السيارة ودارين ركبت من اخلف
.
.
مريم رجعت وشافت سيارة كبيررة فيها اثاث وينزلو فيه وف لحظه شافت عزو منزل ف ايده كيسه وحطها ف سيارته شافلها ابتسم ورجع ركب للعمارة
مريم خشت وطلعت منها كلمة غصبا عنها: ماتمشيش
عزو تلفتت: عفواا
مريم: خليك قصدي وجودك مش رح يضايقني
عزو: اي بس رح يضايقني اني يلا مش مهم اريح هكي
مريم: ربي يسهلك (ابتسمت) عقبال ماترجع لنفس الشقه لكن مع عروستك 💔
قاطعهم العامل: استاد عزو ف شخص خبط ف سيارتك
عزو طلع عطول وتكنه كلام مريم رصاصه وخشت فيه 💔
.
.
دارين رجعت وامورها تمام
ومريم طبعاا بما انها عطله ونفخ قعدت ف شقتهم وخلاص 💔.
.
.
ملاحظه:- ف شخص فيكم توا يعرف بعد ساعه شن رح يصير معاه؟؟؟؟
مافيش صح
ممكن الساعه الجايه تغير نفسيك ❤
وممكن الساعه الجايه يتغير جوك مع حد معين مش شرط يكون حبيبك او حبيبتك عادي لو كان عندك ف العيلة شخص يخاف عليك وبنفس الوقت يغيرلك ف جوك
تعرفو شخصيت عزو واهتمامه بااخته نفس شخصيت خوي بزززبط ❤
يعني مش كل شي ف الدنيا حبيب او حبيبه!!!!
ونشالله يكون كلام خفيف عليكم ❤
.
.
دارين تتغدى: اي هكي صار
عبدالواتق: اي شن رايك الموافق كلها ليك يااميرتنا
دارين: موافقه لكن انت ممنوع تكون معانا ههههه نبصر طبعاا انت اول واحد
عبدالواتق ضحك: كثر خير عزمتيني ع عزومتي 😂
زهرة: ربي يفرحني فيك
دارين ابتسمت لحناها واذكرت ال❤
عبدالواتق: لم نموت تتزوج مافيش حدد ياخدها ولا يطلعها من حوشي
دارين سكتت
زهرة ببصارة: ربي يسعدها لعند امتى بتقعد تحت جناحك ضروري مايكون ف راجل يحمها
عبدالواتق: صكري الموضوع
دارين سككت وعقلها تشوش
عبدالواتق: بنتنا سرحانه ف شي اطلبي
دارين: جدي نبي فلوس بس لو معندكش عادي نطلب من بابا
عبدالواتق مدلها فلوس: بوك وينه هو
دارين خدتهم: منور ياغالي عقبال منردهملك ف عرسك بعروسه مفتلكه 😂😂
زهرة ضحكت: عطك السلامه
عبدالواتق ضربها بلعكوز: تحشمي 😂
تررررن ترررن
عبدالواتق: منو؟
دارين: هدا عزو
دارين: ايوواه عزو
عزو: اهلين دارين شجو
دارين: ماشيه شنخبارك
عزو: متقربعه يادارين
دارين: دقيقه نطلع… طلعت من جنب جدها
دارين. خير شن في
غزو: ووواك مافي شي هكي مضايقه بننفجر كلمة بننفجر شوية
دارين : جديات ادووي شن في
غزو يسوق: بنخطب طلبت من امي من فترة واليوم صبح عادوت فتحت الموضوع راافضه بنت لفي بالي لااااا ومش هكي وبس زاادتني البنت رفضت حتى هي
دارين: عمتي رفضت علاش شن السبب!!
عزو: قالت بما انه اني نعرفها اكيد صايعه وهكي مفكرتني ولد شوارع
دارين: حشاك امك تبي مصلحتك ياغبي وبعدين من هادي التافهه لترفضك غبااااء عندها
عزو: مش كل شي ز ماتشوفي فيه انتي
دارين: اوصل وندوي معاك هكي مايمشيش
عزو: تمام جاي
دارين: نستنى فيك… وصكرت الخط
وفعلا دقايق ووصل عزو
دارين لبسة عبايتها وطلعت لجنان
عزو قعمز: تعالي تعالي كان منحكيش بننفجر
دارين: اول شي من هادي
عزو: بنت تقرا معاك مانعرفش نفس القاعه او لا لكن نفس الجامعه ونفس اسنه اسمها مريم
دارين: كيف مريم نفسها
عزو: تعرفها
دارين: عندها شامه صغيره ف خدها وبيضه
عزو: قصيرة
دارين: اي نفسها هادي رفضاتك تي هااادي مرتبطه
عزو شافلها: كيف مرتبطه يعني كلامها كذب
دارين: اني منعرفهاش لكن هكي مرتين سمعتها تحكي ع ولد من عمارتهم وتقول مش عارفه تتصرف (طبعاا هي ماتعرفش انه يسكن ف نفس عمارة مريم)
عزو سكتت💗💗
دارين: مانعرفهاش كويس لكن مهتميتش وقتها وقالولها البنات اعطيه فرصه تانيه فهمت انها مرتبطه ومتعاركين
عزو ضحكت بفرح: عندك رقمها؟
دارين: اي عندي
عزو: ماتخافيش معنديش فيه جو عطيني رقمها اركبي اتصلي بها شوفي اخبارها وهكي وراس وخيتي نوضي
دارين اتصلت: اهو قدامك
مريم بصوت واااطي: شن تبي
دارين: احترمي نفسك ياقرده
عزو داخله: من اولها دلاع بنات وووواك
مريم: تي فصلت عليك يابنت شجو
دارين: الحمدلله عسل شن دايره
مريم: شي نفس الروتين
دارين: مريم انتي مرتبطه صح
مريم ضحكت: مرتبطه بيك مالا
دارين: مالا من الولد لتحكي عليه للبنات
مريم: اي ولد اللطف
دارين: متع اعمارة
مريم: دارين اول شي المايك مفتوح وصوتي يتكرر وتاني شي مكنتش مفكراتك هكي مع مني مقعمزه ودايريني مضحكه
دارين. لاااا حشاك
عزو جبد الهاتف وناض وراى الحوش: تحكي عليا ومحتاره كيف تتصرفي معاي اني مانبي منك شي لاردت فعل ولا شي انتي قوليلى موااافقه بس
مريم: انت عزو!!!
عزو: لصقه صح
مريم تنهدت: خيرك انت خلاص هبلت بلله عليك شن شفت فيا
عزو: كل شي تي اني هربت من الدنيا كلللها وجمعت اخالات وجو الزفت هدا بسبب الانتيات فجآة نتبشمط ف عمارتكم
مريم: ومع كل شي درته معاكقعد متمسك فيا
عزو: قريبه مني حسيتك هكي منعرفش خربتيلي عقلي
مريم: تبببي الصراحه!!!
عزو: ومتاكد من الكلام لبنسمعه صدقيني مانلعب ولاشي لكـ….قطعاته
مريم: كللل يومي نفكر فيك ❤
عزو مش منتبه: نعرف (سكت وركز) كيف لحظه اني مانبيش نسمع منك كلام من ضغطي عليك
مريم: ارجع للشقه باهي
عزو ضحك: اني مطلعتش عشان نرجع ياشاطره
مريم: كيفف لكن شفت السيارات وانت و
عزو: كنت نغير ف الشقه اثاثها وهكي مانقدرش نطلع اساسا
مريم: وين دارين
قاطعهم
ترررررن ترررن
عزو شاف تلفون دارين متصل ع الخط وطبعاا الاسم (حمزه ❤) عزو لسانه ارتبط
عزو صكر الخط ع مريم ورد ع حمزة
حمزة: استاحشتك
عزو نصددم: حسابك معاي
حمزة شاف الخط: من معاي؟
عزو: صاحبك ياصاحبي 🔥(صوت اندفع) اليوم ياجنازتي ياجنازتك ياولد الحرام … وصكر الخط
دارين شفاته يقرب منها متعصب: خيرك… قاطعها
عزو بصوت حاد وعيونه بارزات فها ومدلها الهاتف: لا شي بس حمزة اتصل ومستاحشك
دارين سكتتت
عزو خدي الهاتف وحدفه بكككل جهده ع الحوش وتفترش الهاتف: ماعمري تخيلت الموقف هدا صاحبي مع اختي لوو نعرف بس كنت وقفت معااك ياضلعي لا وتضحكي ف وجهي وتقوليلي وخيا وهو يتصل ويقول استاحشتك انتي حسبي مش معاك حسابي معاه قبل واعررررفي اليوم يانبض خووك يانبض حمزة يادارين… وعطاها بضهره
دارين رجفت كلللها ع بعضها شدت مرفقه: استتنىى
عبدالواتق وزهرة طالعين ز العادة للجنان ز كل عشيه
عزو تلفت وطربقها كف طاحت ع الارض
عبدالواتق نصدم: عزززوو
زهرة بسرعه قربت من دارين
دارين تبكي وقفت وايدها ع خدها: دارين الدلوعه كبرت ياعزو لكن حط ف راسك لو يصير شي معاك او معاه نقتل روحي بعدك او بعده ومش رح يرفلي جفن 🔥
عزو جبدها من ايدها: تعالي معاي عشان تسهل عليك وتشوفي كل شي بعينك…. وجبدها وسط جدها وحناها وجدها يعيط ع عزو وحناها رعشت
.
.
دارين ركبت معاه ومسحت دموعها وحبست خوفها
ف نص الطريق شاف حمزة فايت بسيارته وكان جيهم ودرو ورجع
عزو : اهو وصل… فتح الدرج خدي مسدس وقعد يدور ف السيارة وتحت الكرسي ويدور
حمزة فتح نزل ومتعصب فتح باب دارين شد مرفقها ونزلهااا عزو قربلها وضربه بوني ع انفه ف نص لطريق
عزو ف ايده مسدس: قالولي وحذروني منك وديما عينك ف رزقي وتوا بعد معرفتها اميرتنا كبرت للهدف
حمزة ضربها ع وجها: اني ولد حرام؟؟؟؟
عزو وقف وعدل ملابسه بستفزاز: اني عرفت انك معجب بها لكن انك تستاحشها يا🔞
حمزة: لو تفكر تلمسها من جديد ننهيك وننسجن عادي مش شاغلني
عزو حدف المسدس قدام حمزة: اهوو قدامك تصرف لو راجل
حمزة قامه المسدس : حتى لو الموضوع وصل ف رجوليتي مانقتلكش لكن ندير شي يريحك لو تبي
عزو بصوت عالي: تبهااااا تحبهاااا مستاحشهااااا خودها هي عندها تريس ونرضو بتريس لكن انك ع ساكت تتكلم من تحت لتحت هكي هداا شي تاني
دارين: شن تقول
حمزة: شن المقصد يعني من كلمه استاحشتك يعني انيي قصدك لمسها ؟؟؟؟؟
عزو: دارين الوجه البريىء تضحك ف وجهي وياوخيا وياغزاللي وياجدي وياحناي ويابوووي هدا كله وتضحك معانا ماعمري فكرت ولا شكيت فيك هكي
دارين: شن قصدك يعني اني مش طاهره هدا لنفهمه!!!!
عزو: قالك استاحشتك ومافيش تفسير غير هكي
دارين : كيف شن قلت عزو؟؟؟؟
عزو بصوت مضايق: اني مش فاااهم شي
حمزة: انت صاحبي وتعرفني ونحلفلك اني مفكرتش حتى التفكير ومش حمزة ليغدر بصاحبه
عزو ف وسط غضبه طبطب ع كثف حمزة: اختي ليك تعالى وبلحلال وخودها
حمزة شاف دارين المبتسمه
عزو: اركبي
دارين ركبت
حمزة ركب سيارته وعطول للحوش كلم امه وتفااااااجأ بموافقة امه 😨؟؟؟؟؟؟
.
.
#بااختصاااار_الاحدات
بعد مرور اسبوعين
حمزة جهز نفس وتقدم لـ دارين رسمي بدون علم دارين بدون علم حد هكي مفاجاة
دارين نزلت تجري لحوش جداها خدت هاتف جداها واتصلت بيه: انت شن ادير
حمزة: بنتزوج
دارين: ت تبصصصر
حمزة: من امتى نبصر اني
دارين: غلللط ياحمزة مفروض قتلي قصدي اني مانعرف شي فتحت الباب لـ امك ببجامه الهم
حمزة ضحك: وخيرها البيجامه
دارين: اسمع دير روحك عندك مكالمه اطلع نبي نشوفك
حمزة: كيف توا؟؟
دارين: استاحشتك اطللع هياا
حمزة اني ف جنان توا
دارين مصدقتاش وفتحت الستار متع غرفة جداها كانت لابسة بيجامه صيفيه ورديه مع ربطه ف شعرها وردية مع تنت ومسكرا
حمزة شاف الشباك اول مرة يشوفها بدون وشاح شافها وبسرعه تلفتت عطها بضهره: هدااا شني ياربي
دارين: هداا كلله بسببك مفروض قتلي لو امك رفضتني مدخليش مش ذنبي
حمزة صوته تغير لواطي: بلبيجامه وهكي غبارتي 🤤💔
دارين ضحكت: باي تو ينفعك الجمال هدا
حمزة : تهبلي الننم شن تقولي انتي هدا بيجامه وهكي فما بالك مفتلكه
دارين: مزال مشفت شي 😒🙈
حمزة: شفت والباقي ساهل لكن ياويلك انتي ماشفتي شي 😂
دارين ضحكت: صايع باي… وصكرت الخط
حمزة قعد يضحك
.
.
.
عزو كان افكاره مشوشه وشاف سيارته وقفت ع باب العمارة ❤ نزل واتكى ع سيارته لوقت
.
.
تررررن تررررن رقم غريب
مريم ف نومها: الوو
عمرساكت
مريم: الووو
عمر: عزو قدام للعمارة توا (مريم نخلعت قعمزت بفجعه من صوته) تنزلي بااحترام وتلزيه او صدقيني اني لـ رح ننزل ونتصرف نصيحه انتي تنزلي لانه لو نزلت اني بتصير فضيحه
مريم: ع عمرر
عمر: اي عمر انزلي هياا… وصكر الخط
.
.
عزو متكى ع السيارة ويشوف ف الهاتف
مريم نزلت
عزو ابتسم: اهلا
مريم تلبكت: عادي نتكلمو شوية
عزو: اوك
مريم: اسمعني احممم اني منبيش نجرحك ولا شي لكن اني منحبكش ولا معجبه بيك ولاشيي قصدي مانبيكش افهمني
عزو: وحده وحده
مريم: خلاص هدا لعندي ياريت تمشي
عزو قام حاجبه: في شي غلط ف الموضوع اني متاكد
مريم كانت خايفه بصوت واطي: غلط تشوفني صدقني شخصيتك تهبل ومشالله عليك لكن لو فكرت فيا رح تدمر ز لقبلك
عزو: وحده وحده معاد فهمت انتي عندك انفصام ف الشخصيه
ووقفت سيارة ونزل منها شاب
الشاب: اركبي العمارة مش نقاصها تشويه سمعه لو سمحتي
عزو: بسسست لم بتدوي مع حد معاي شوفلي
الشاب:اركبي
مريم ركبت
عزو:من حظرتك باش تتامر
الشاب قرب من سيارته وتلفت:اني لمستعد نكسر حتى رقبتها وانت تتفرج من بعيد
عزو ضحك ع جنب.لا مصدق روحك هلباا انت عفكرة التقه بنفس حلوة
الشاب ركب سيارته وقربع الباب وفات
وهو مشي اختفي نزلت مريم بسرعه
مريم:خلاص معاد تجي هني او رح تصيرلك مشاكل بلله عليك مش ناقصه
عزو بهزوه:مشاكلل شني من هدا مالا
مريم.افففف خلاص لمصلحتك نتكلم
عزو:تييي نبيك افهمي يانم حياتي كللها تعلقت بيك وف وجودك صورتك ارتسمات ف عقللللي (تعصب)كيف بنتصرف اني كان خايفه من هدا….قاطعاته بمريم شدت مرفقه ودخلاته للعمارة وخشو للغرفة متع الكهرباء للخاصه بلعمارة
مريم ساكته وكانت تبي تتكلمم
عزو قرب بحنيه وكان متعصب: ادوي معاي من قلبك مش بكلام الناس ترضي تتزوجيني!!
مريم: البنات العالم كلهم مستحيل يرفضوك
عزو تعصب: اني ندوي معاك اني نعرف الناس من عيونها ونظرتي عمرها ماتخيب تي انتي من كلمة صباح الخير وعيونك قريب يتنطرو عليا
مريم بحزن: نحبببك اني واني لنتقرب منك صح وكللل كلام معاك مش غرور لاني خايفه علييك وخصوصا لم عرفت انك نفس لقب دارين وانكم صغار عم اني لكنت بصباح الخير نبي نطيحك صح ونبي صح لاكن معاد ينفع شييي
عزو: هدا كله نعرفه من شني خايفه انتي
مريم اتكت ع الحيط ونزلت ع الارض: من عمر
عزو نزل راكع برجل وحده: كيف من عمر هدا نفسه
مريم مسحت ايدها ع وجها: هدا فاسد دمرني ف ليله وفي ليلة اقسم معاد ناخد ولا نشوف لغيره
عزو تلبك: انتي خايفه منه بس لكن لحظه انتي صاير بينك وبينه شي؟؟؟؟
تتبع…..

لقراءة الجزء التالي : الجزء السابع من رواية عشقها لعنة

لقراءة الجزء السابق : الجزء الخامس من رواية عشقها لعنة

للإطلاع علي فهرس أجزاء الرواية : جميع روابط اجزاء رواية عشقها لعنة للكاتبة ميشو محمد

جميع الحقوق محفوظة للكاتبة ميشو محمد .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى