الجزء

الجزء الحادي عشر من رواية افعال ابليس

الجزء الحادي عشر من رواية افعال ابليس

وفي الجزء الحادي عشر من رواية افعال ابليس للكاتبة زهرة الشيخ يا تري ماذا سنري من مواقف جميلة ومميزة مع ابطالنا وهل سيحدث شيء حزين معهم ؟ دعونا نعرف إجابة ذلك في السطور التالية بإذن الله .

الجزء الحادي عشر من رواية افعال ابليس

زعيم العصابه : مش معقوله ماطلعوش من يوم قودو علينا
منير: ماليهم اثر ف الحي لي ساكنين
زعيم: هم أولاد من
منير: أيمن جمال….
زعيم: ابحث عنهم تجيبهم ليا حيين
*_الكــاتـبـــــه زهــره الشــيـــــــخ_*
مرم نحت الحنه وكانت مكسوره ومش قادره ترفع راسها
هدى: مروومتي جت لي بتمكيجيك
مرم: تبكي مانبيش نمكيج
هدى: كيف مابتمكيجي 🙄 ضروري تمكيجي راك عروس
مرم: تبكي وبصوت عالي عروس شني حنه وحنيت خطوووووني مانيش مكيجه خلوني في حالي مش بسيييف
حياه: خير شن في فوق
إبتهال: كانه صوت مرام ومشت تجري ولحقتها حياه ولميا
هدى: خلاص هدي انتي حره بلاش اعياط اففف بتطلع خشت إبتهال
إبتهال: شن في خير
مرام تبكي
هدى: ماتبيش تمكيج وتلبس
إبتهال: توا لي صار صار وتزوجتي وحنيتي كملي الباقي بدون صوت وعياط
مرام: جتها كيف حالة الصرع بدت تخبط وتعيط منبييش منبيييش زوجتوني بسيف وقلت باهي مادخلكم ف فيا خلوني ف حالي
حياه: خليها إبتهال
أحمد: شن في ان شالله خير
إسحاق ان شالله
خالد : مشي لغرفة مرام وهو راقيتله من حركاتها
أوس: ياساتر فؤاد الحق مراتك كان تبيها
إياد: ميت بضحك
إسحاق: اياد تحشم شوي
إياد : والله مش قادر
فؤاد : تي نا عييت الزفت وناض لحق ع خالد
خالد أول ماوصل للغرفه يعيط تي صكري فمك عار ودرتيه توا تحشمينا قدام الجماعه بصوتك العالي
مرام: انا كرهتولي حياااتي حسبي الله ونعم الوكيل
خالد: تتحسبي وجاي بيشدها من شعرها
فؤاد: خاالد بعد عنها
خالد: ماتدخلش بينا اختي
فؤاد: ونا مرااتي ومسك ايد خالد وحوله عن مرام
فؤاد: مادخلكم فيها دير شن تبي ماتجبروها على شي
حياه: بس ضروري تلبس يا فؤاد اقاربها وبنات عمامها بيجو ويشفوها
فؤاد: ونا مانبيش يشوفها حد يكفي انها مجبوره على ه الزواج
مرام: ارتاحت لكلام فؤاد
إبتهال: براحتك
طلع خالد وطلعت معاه ابتهال وهدى وحياه
فؤاد: وانتي التانيه شن ه لعناد لي فيك
مرام: انا بس ماكنت نبي نمكيج هم يبو يغصبوني
فؤاد: تمام ديري لي يريحك وطلع
المهم بعد جو اقاربها من جهة بوها المتوفي رحبو بيهم وهك وستغربو هلبا لما قالولهم راجلها مايبيش حد يشوفها
نجوى عمتها : كيف صار هك بهدي السرعه وماخديتوش موافقتنا احنى أولا
إبتهال: كان انتم تسألو عنها وعن اختها وحق مهتمين بيهم كان عرفتو وانتم مش أولا بيهم لانه ولا مره اطمنتو عليها ولا عرفين حيه ولا ميته من موتت المرحوم
حياه: خلاص حصل خير 😊 انسو تفضلو تعشو
تعشو وكملو كل شي
برا عند الشباب
إسحاق : فؤاد بنسألك تعالا جنبي هنا
فؤاد: نعم
إسحاق: يشوف لعيونه نحسك مش على بعضك
فؤاد: ماخيرني شي
إسحاق: تعصب شارب صح
فؤاد: لا والله وراس اميمتي مش شارب
إسحاق: امالا خيرك كنت تعيط ولا شن
فؤاد: تنهد حاجه زي هك
إسحاق: امممم عرفت علاش قصدك ع لليان ولا
فؤاد: اااخ خليني ساكت
إسحاق: باهي صراحتها
فؤاد: اي
إسحاق: اممم باهي شني تكلم فيك مازال
فؤاد: اي لاكن غيرت شفرتي
إسحاق: لاحول الله انت شن خلاك تتزوجها هدي وتسيب لي تحبها من جبرك
فؤاد: حد ماجبرني بس ماقدرتش نخليها تتزوج واحد هكي وهي حاطه فيا كل الامل فيا افففف مش عارف مش عارف
إسحاق: انسى انسى نصيب وبعدين تقدر ترد لتركيا وتاخدها هي التانيه
فؤاد: لالا مابنتزوجهم التنين لاني عارف حنقصر مع بنت عمتي ونفضل لي نحبها
أوس: جاهم شن في خيركم
إسحاق: شي شي
خشت إبتهال ع مرام لقتها راقده 😳
إبتهال: مرام مرااام
مرام: هممم خلوني نرقد
إبتهال: نوضي لغرفتك ورقدي
مرام: تشقلب ف عيونها بستعباط امالا وين راقده نا
إبتهال: تقرص فها نوضي نوضي بلا دلع زودتيها
مرام: احيي جلدتي خيرك يام
إبتهال: البسي القفطان هدا وتوا يجنك بنات خالك وهدى امشي معاهن لغرفتك وطلعت
مرام: اففف
لبست قفطانها وكندرتها وقعدت تسنتنى ف هدى
وصلت هدى مع نور وميسم ونرجس
نور: وين يا مرت خوي
مرام:🙂
نرجس: خيره شعرك اطلقيه ع الاقل ماشيه لعند راجلك ره
مرام: مدخلكش
هدى:😑 فكتلها شعرها ولبستها كاب
مرام: انخنقت
هدى: اسكتي شويه اللطف
المهم طلعن مع بعض لجناح فؤاد
هدى: هي خشي وخليك عاقله وخيتي وراااسي احنا بننزلو
مرام:💔😥😭 به
خشت مرام وقعدت تلفت يمين ويسار 🙂 الحمدلله مش قاعد
نحت الكاب ووالكندره
مرام: خلي نكمل نومي قبل لا يجي بس قعدت صاحيه من الخوف
المهم روحو الاقارب ولمو الحوسه وهك
إياد: فؤاد برا لغرفتك
فؤاد: اصلا نعست
زيد: اححححم صدقتك اي برا ارقد صح تعبت اليوم
كلهم شدوها ضحك
فؤاد: لاحول الله وعدا لغرقته
*_الكــاتـبـــــه زهــره الشــيـــــــخ_*
فطوم تلم ف زجاج مكسور انجرحت احححي 😭
أوس كان قريب من المطبخ سمع صوت خش لقا فطوم ماسكه صبعها وتبكي
أوس: خيييرك شن في افف دم وقعد يدور ف حافظة الاسعافات ماحصلها طلع منديل ولفه ع صبعها وقعد يشوفلها
وهي نفس الشي تشوف لعيونه وكيف كان خايف عليها
شوي وخشت عليهم نرجس
نرجس: اححم احم شن قاعد يصير
أوس:🙄 شن يعني البنت انجرحت
نرجس: بحقاره اه وانت قاعد ضمضلها في جرحها ولا شني
أوس: لا نضم فها 🙄 وانتي شن دخلك
نرجس: قصدي هي خادمه ره متعوده ع الحاجات هدين توا باديه دير ف روحهه كيوت وياي 🤨شبحتلها مايجنش معاك الحركات هدين ياماما
فطوم: متوجعه وتبي تسحب ايدها واوس شادها بقوه
أوس:هه وانتي الاميره سنديريلا مثلا🤨 بملامح جديه تمشي اقلبي وجهك خديت وعطيت معاك هلبا دراه
فطوم: خلاص أوس حول عن ايدي خليني نكمل شغلي
أوس: بس انتي مجروحه
فطوم: متعوده ع قولتها💔
اوس: وجعاته الكلمه وخاطره يشد نرجس من شعرها وينتفها💔 به استني نساعدك
فطوم: لالا خليني نكمل بروحي
أوس شدهي من ايدها وقعدها ع الكرسي وقعد يلم ف الزجاج
نرجس: ياعيني ياحبيبي
أوس: بصوت عالي نرجسسسس برااا
نرجس: خافت وطلعت
فطوم : تبكي😔
كمل أوس لمها وكنسها وغسل إيديه وجاب كاسة اميه لفطوم
فطوم: ليش درت هكي والله لو مشت توا وخبرت المدام💔تطردني
أوس: امي نعرفها مستحيل تطردك وحتى لو هيا لي راتك مجروحه تساعدك عادي امسحي دموعك خلاص
فطوم: به وقعدت تمسح ف دموعها
*_الكــاتـبـــــه زهــره الشــيـــــــخ_*
فؤاد خش لغرفته 😳شن جابها هنا
مرام مدايرا روحها راقده
فؤاد: استغفر الله خش للحمام بدل لبس شرط وطلع
قعد ع السرير
مرام: قلبها قريب يطلع من مكانه
فؤاد سحب البطانيه بيلبس
مرام: تعيط يممممممييي بعد وقعدت شبحت فيه
فؤاد:🙄😳 بسم الله خيرك
مرام: شن دير هنا
فؤاد:شني شن ندير هنا غرفتي ره🤨
مرام: عارفتها غرفتك به علاش بترقد جنبي مش مش قتلي مانقرب منك
فؤاد: اي قتلك نا مانقرب منك لاكن سرير ومتعود نرقد عليه بترقدي باهي مابترقدي انتي حره
مرام: وانا مش متعوده نرقد ع الارض
فؤاد: خلاها تتكلم ولبس البطانيه ورقد
مرام: فؤاااد انزل ارقد ع الارض مانقدرش نرقد نا غادي نخاف
فؤاد: مرام ترقدي قبل لانغير رايي ونقربك ره🙄🤨
مرام: خافت ورقدت جنبه ومالبست بطانيه
فؤاد استناها لين رقدت وغطاها ورقد حتى هوا
*_الكــاتـبـــــه زهــره الشــيـــــــخ_*
احمد : نبيكم تعالولي للمكتب قصده ع إسحاق واياد وفؤاد وزيد
أيمن:🙄
ف المكتب
احمد:شن صار شن الموضوع لي عندكم
إسحاق: تعرف من لي كان يخدم مع العصابه امتاع الحشيش
احمد: لا من
إسحاق: ولاد عمي أيمن سامر وحمزه
احمد:😳🔥 كيييف
أوس: زي ماسمعت تعرف من لي حط الممنوعات ف غرفة إياد وإسحاق
احمد: من
أوس: عمي أيمن وحاول يحطهولي حتى نا غير كشفه ربي وطلعاته فطوم
احمد: يااااااااااوااطي فتح الدرج وطلع سلاحه بيطل.
.
يتبع……..

لقراءة الجزء التالي : الجزء الثاني عشر من رواية افعال ابليس

لقراءة الجزء السابق : الجزء العاشر من رواية افعال ابليس

للإطلاع علي فهرس أجزاء الرواية : جميع روابط اجزاء رواية افعال ابليس للكاتبة زهرة الشيخ

جميع الحقوق محفوظة للكاتبة زهرة الشيخ .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى