الجزء

الجزء العاشر من رواية كنت للروح سقيا

الجزء العاشر من رواية كنت للروح سقيا

وفي الجزء العاشر من رواية كنت للروح سقيا دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة شهد محمد .

الجزء العاشر من رواية كنت للروح سقيا

عند شهد :
تاني يوم من الصباح مشيت لأمي
انا : امي انا ح اطلع مشوار قريب
امي : وين ي بتي
انا: عندي ام صحبتي عيانه ماشه ازورا ( ننسى لؤي ونقول هبه صحبتي مالو؟؟ 😉)
امي : ربنا يشفيها أن شاء الله طيب ما تتاخري وخلي بالك من نفسك بكره الطلعه وح يجو ضيوف ف تجي بدري عشان تنضفي مع همس
انا : اوك طييبب
طلعت فوق وكلمت همس اني ح امشي المستشفى ف قالت لي ح امشي معاك ف قلت ليها طيب.. جهزنا وطلعنا

شهد:
( قررت بيني وبين نفسي اني ابدا ما ح أبين ل لؤي خوفي الشديد عليهو عشان ما ااثر عليهو كفايه امو واختو وقررت انو ح احاول كل مره افرق عنو واقويهو ونحاول نخلي المرض ما يأثر على نفسيتو ونعمل كل البيدنا)… بعد وصلنا مشينا على غرفه خالتو لقيت لؤي وهبه وكانو حقيقي تعبانين… سلمنا وسالنا من حاله خالتو وقالو انها كويسه
انا : هبه انتي تعبانه شديد امشي البيت استحمي وارتاحي شويه وتعالى انا وهمس قاعدين بنخلي بالنا منها
هبه : لالا ما بحتاج انا كويسه
لؤي : هبه شهد كلاما صح انا هنا وشهد وهمس في ما تخافي امشي ارتاحي شويه بس وجيبي الحاجات البتحتاجو ليها
هبه : طيب لو حصل اي شي طمني م ح اتأخر أن شاء الله
لؤي :أن شاء الله خلي بالك من نفسك
هبه : حاضر ♥️

بعد هبه مشت جات همس ناحيتنا انا ولؤي
همس : ممكن اخد من وقتك 10 دقائق؟
لؤي : طبعا اتفضلي
همس: عارفه ده ما المكان المناسب ولا الوقت المناسب بس ح أقول ليك انو شهد كلمتني عن مرضك وربنا يشفيك أن شاء الله وان شاء الله م ح تجيك اي حاجه
لؤي : أن شاء الله يارب
همس : انا صراحة سمعت عن المرض ده قبل كده
لؤي : (عدل وقفتو ) كيف؟ ووين؟ وهل ممكن يتعالج؟
همس : اطمن بتعالج اما سمعت بيهو وين ف بحكم شغلي الإعلام ف مره اتواصلت معاي وحده عشان تحكي عن حكايه المرض ده معاها وكيف قدرت تتخطاهو وطلبت مني انشر القصه
لؤي : انتي متأكده انو ما في كل حاله بقتل.. همس انا كنت بشوف جدي بموت قدام عيوني
همس: عاين اولا جدك الله يرحمو حالتو الصحيه بتختلف ومرحله المرض بتختلف حتى توفر الاحتياطات زمان وأسي بختلف ده غير العلاج الاتطور صح ماف علاج ممكن اقول ليك ده للمرض ده بالتحديد بس في بدائل كتيره وكل بديل ليهو دورو ده غير الإجراءت البدنيه المفروض تبداها طوالي اللي ما اقول ليك بتمنع بس بتقلل من فكره حدوث الشلل والأعراض التانيه انت ح تجيك أعراض كتيره بس صدقني انت لو حافظت ح تقدر تسيطر عليهو
لؤي : و الله ي همس انا بحاول ابدا طوالي أن شاء الله بس شويه حاله الوالده تتحسن وزي ما قلتي أن شاء الله كل شي ليهو حل وبعدين انا ح اسيب شهد الحلوه دي لمنو؟ ( عاين لي وغمز😉)

همس : ما ح تسيبا أن شاء الله… شهد انا ح امشي على الشغل بعد ده.. ( اتلفتت على لؤي) ربنا يطمنكم على الوالده أن شاء الله
لؤي : ان شاء الله يارب شكرا ليك ما قصرتي 💙
همس : العفو ولو
بعد طلعت مع همس وجيت
لؤي : قبيل اشمعنا قلتي لهبه تمشي ترتاح وانا لا مالي ما بتعب انا قال
انا: اولا انت اصلا ما ح تمشي 😂😭💙
لؤي :ما راضي ي زوله
انا: لو زعلت طقق😂😭💙
لؤي : حرام عليك 🥺
شهد : خلاص خلاص معلش
عدا اليوم عادي بعدها استاذنت ومشيت وأول ما وصلت ابتدينا ننضف انا وهمس وحقيقي اليوم البعدو كان متعب جدا وم لقيت طريقه اصلا اتصل على لؤي الا بعد الساعه 10 حتى فضيت شويه واتصلت عليهو
لؤي : السمحه ♥️
انا: النفسيات فل
لؤي : الحمد لله الوالده صحت
انا: الحمد لله ربنا طمنكم عليها الف حمدلله على سلامتا
لؤي: الله يسلمك ي قلبي ♥️ بس ح تكون تحت المراقبه يومين كده ونطلع أن شاء الله
شهد : اممم أن شاء الله
لؤي: كيف كان يومك؟.
شهد :متعب جدا بس الحمدلله عدا على خير
لؤي : الحمد لله… بالمناسبة خالد ما قصر و الله ما شاء الله حجز لي مع دكتور وحتى حدد معاهو كيفيه العلاج وبكره ح امشي للمقابله أن شاء الله ف اطمني ♥️
انا: ما شاء الله ما قصر طبعا ح امشي معاك
لؤي : لالا ما بحتاج بعدين خالد ح يمشي معاي وانتي بكره ما تجي زاتو لأنك تعبانه وغير كده ماف شي ان شاء الله وانا. ح اطمنك اول بأول
انا: طيب سيبها على الله
لؤي : ما عارف لي حاسي الجمله دي معناها انو ح تجي ح تجي😂😂💙
انا: رجاله حسنه كمان بس ما حابه اجادلك😭😂💙
لؤي : كمان!!!… شهد
انا : نعم
لؤي : بحبك ♥️
انا: وانا كمان بحبك ♥️…. يلا يلا تصبح على خير
لؤي : وانتي من اهلي ♥️
انا: الخلا عادتو قلت سعادتو😂😭💙
لؤي : 😭😂💙

عند لؤي :
بعد خلصت من شهد لقيت خالد طالع من غرفه امي ف قال لي الوالده طالباك
لؤي: ايوه ي امي في حاجه؟
امي : تعال اقعد جنبي
لؤي : اها
امي : ( مسكت يدي) صراحه انت ح تكون عارف سبب حالتي دي شنو انا اول ما سمعت كلامك الدنيا كان ظلمت في وشي انت أغلي حاجه عندي ي لؤي ف ما تتصور كيف خفت عليك بس خالد صحبك ما قصر قبل شويه كان معاي وقال لي كل شي وحتى طمني وطلب مني اكون قويه عشانك وحتى وراني انك ح تبدأ علاج طوالي ف رجاء خاص ي ولدي خلي بالك من نفسك وم تحرق حشاي عليك
لؤي : افوتك وين يالسمحة اتاكدي ما ح اخليك وخليك مطمنه بس ح اطلب منك طلب ممكن تشرحي لهبه؟ صراحه شايل همها وما قادر اواجهها
امي : خليها على ما تخاف
( اتونسنا شويه بعدها طلعت عشان ترتاح طلعت ولقيت خالد لسه قاعد)
لؤي : انت لسه قاعد
خالد : الليله ما ماشي.
لؤي : خالد حقيقي شكرا ليك انت ما عارف كيف كنت خايف أواجه امي واشرح ليها انت شلت عني هم كبير♥️
خالد : العفو ي خوه ما عملت شي بعدين عشان عارفك شايل هم الحاجه دي كلمتها قلت انا وانت واحد
لؤي : طبعا واحد ♥️

يتبع ……….

لقراءة الجزء التالي : الجزء الحادي عشر من رواية كنت للروح سقيا

لقراءة الجزء السابق : الجزء التاسع من رواية كنت للروح سقيا

للإطلاع علي فهرس اجزاء الرواية : جميع روابط اجزاء رواية كنت للروح سقيا للكاتبة شهد محمد

جميع الحقوق محفوظة للكاتبة شهد محمد .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى