وفي الجزء التاسع من رواية رحلة الحب دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة لين نزار .
الجزء التاسع من رواية رحلة الحب
بكره الصباح..
أمير :الو ابوي كيفك؟
عبدالمولى: تمام كيف انتو مع تجهيزات العرس؟
أمير :والله الحمد لله البيت مليان ناقصك بس
عبدالمولي : ان شاء الله نجي نحضر عرسك..
أمير :ابوي انا عايز اسجل البيت باسم هديل؟
عبدالمولى :سبقتني والله؟ كنت عايز اسجله باسم هديل ف بيت تاني عايز صيانه ان شاء الله كخطوه جايه نبدأ صيانه ويكون ليك؟
أمير :م مشكله المهم عايز ابدا ف إجراءات البيت دا من هسي لهديل 
عبد المولى :ليه خير حاصل شي؟
أمير :لالا هديل حاسه انك م بتحبها وعشان م جيت وكده قلت اعمل ليها هديه واقوليها دي من ابوي؟
عبد المولى :فكره سمحه خلاص انا هسي بضرب للمحامي امشي ليه وظبط الورق معاه.. م تنسى رسل لي فيديو العقد ث٢
أمير :ان شاء الله سلام
وفعلا ابوي كلم المحامي ومشي ليو أمير وتم كل شي 
أما أنا صحيت زهجانه وم قادره اعمل اي شي غير اني عايزه اشوف امي 
عايزه اشوف الحنان الاتحرمت منه، م نمت وكنت بفكر فيها وف ملامحها
جاتني عمتو سحر قومي ي هديل قومي رتبي نفسك واستحمي عشان الميكب ارتيست حتجي وانتي ف محلك بعيدا عن انك م رسمتي،،
ي عمتو هو انا الفرحانه ليها شنو، اي بت ف اليوم دا بتتمنى انو امها تكون جمبها قالت لي عيشي واتبسطي امك مصيرا حتجي والحقيقه حتظهر
قمت على حيلي استحميت وريان جابت لي التوب الأحمر وحاجاته،،. طبعا اساسا من الاول اتفقت مع فارس انو م عايزه صاله وكده،، بس عقد
وفعلا جات البت ومكيجتني 
بعد صلاه الضهر كده سمعت صوت ضرب النار بنات عماتي باركو لي وعماتي كمان،، بعدين جات امي 
او الكنت فاكراها امي جات داخله على وف عيونا دموع،، اي ام بتتمنى تشوف بتها وهي عروس والحمدلله اني شوفتك وحضنتني،، اول مره تعمل كده،، م كنت قادره اشوف ف عيوني ليها غير الكره وعلى العملتو فينا
الباب دقا فتحت عمتو سحر لقتو فارس،، كلهم طلعوا من الغرفه وقفلو الباب جا فارس داخل كان أطول مني حتى وانا لابسه الكعب دساني جوه حضنو بقوه وانا بس كنت ببكي زي الشافعه وبضمو اكتر
بعد شويه باسني ف راسي وف خدودي الاتنين قالي م بوعدك اني م حزعلك بس هوعدك اني م حخليك تنومي يوم زعلانه مني وبحاول ع قدر م ربنا ختا فيني القدره اسسعدك انتي الحاجه العايش ليها ي هديل تاني ضماني قالي أمير حكا لي اي حاجه وحالته م احسن منك بس اطمني ح احاول بقدر الإمكان ارجع ليك حياتك طبيعيه مع امك واخوك بعد شويه اتكلمت وانا صوتي يكاد لا يسمع،، فارس م تخليني،، حبني للابد وانا بوعدك اني حكون ليك الانسانه الانت عايزه ختا يدو ف خشمي قالي انا عايزك زي م انتي ي مرتي السمحه بعد شويه نزل حبه كده وباسني 
حسيت نفسي خدرتا وغمضت عيوني لأول مره وم شفت غير فارس بعدين خجلت ونزلت راسي وحضنتو بس ضحك 
قالي جاهزه قلت ليو معاك لي زحل جاهزه ضحك اكتر،، اول مره اركز فيه وهو بيضحك كده
بعداك صلحت الميكب حقي وهو بعاين لي وبتأمل فيني،، قالي عارفه انا الدنيا شكلها ضحكت لي لما ادتتني ليك جيت عليو ومسكت يدو بس قلت ليو ضحكت لي انا والله،، ونزلنا للناس تحت والزغاريت وعماتي وبنات عماتي ومرت ابوي واخواتا (ايوا مرت ابوي
) كنت بفتش ف الخلوق دي كلها على أمير ،، قعدنا والناس بدت تبارك لينا،، قلت لفارس أمير وين؟ قالي م عارفو 
بعد شويه جونا لينه ومعتز، لينه ضمتني عليها شديد وباركت لي قالت لي تستاهلي كل خير والله ربنا يسعدك ي هدوله معتز مد لي يدو قالي مبروك وسحبها ومشا كنت حاسه بالانتصار والحمدلله زمان هو م حباني لاني كنت م حلقي زي فارس دا للابد
….
أمير شال الوصف من عمتي ومشا لأمي دقا الباب،، فتحت ليو مره لا هي كبيره ولا هي صغيره بتكون بدايه الأربعينات كده.. أمير وقف مصدوم والدموع اتجمعت ف عينو..
امل :خير ي ولدي ممكن اساعدك ف شي؟
أمير مسح دموعو :انتي مش كان عندك ولد مخطوف من 25 سنه؟
امل دموعا جرت وبسرعه بقت تتكلم معاه :آنت بتعرفو؟ هو حي؟؟ عليك الله ي ولدي وديني لي انا قلبي والله مقطوع
أمير :قاليها بعرفو حق المعرفه
امل :عليك الله وديني ليه طيب كان وين انا عايزاه ليه شالو مني
أمير :طيب حتصدقي انو دا انا الواقف قدامك؟
امل عيونا بقت قدر دا، 
منو انت؟
أمير :انا أمير عبد المولى ولد دكتوره امل الاتخطف من امو وهو عمرو ٤ سنه وم قدر يتهنى بحنان الام قال الكلام دا وهو ببكي،، امل بدت تتححسس ف وشو هسي يعني انت أمير ولدي؟
أمير :اي ي امي انا أمير
امل :انا من فتحت الباب حسيتك م غريب علي حسيت اني بعرفك والله لكن قلت مستحيل الا لو دي تبقي معجزه وشكلو اتحققت المعجزه دي وأمير قعد يبكي ويبكي وامو تبكي معاه دخلتو جوه وبقت تسأل من صحتو ومن اخبار ووين كان،، قاليها انتي متذكره شي؟ قالت ليه انا عمري م نسيت تفصيله من حياتي،، الناس عايزه تدخل ف حياتنا بس وتعرف عشان كده عملت نفسي فاقده الذاكره جرت جابت ليو الصور شايف دا انت لمن كنت صغير دي انا وانت لمن كان عمرك سنه ودا انت لمن كان عمرك سنتين،، دي انا وانت وابوك وطلعت ليها صور تانيه من افترقت منها لحدي م بقا عمري هسي ٢٩ عاينت لصوره فيها انا ونهله وابوي وهديل،، دا عبدالمولى زاتو ودي نهله ودا انت بس دي منو؟ ع م اذكر نهله عقيمه؟ دي هديل اختي بتك ي امي،، هديل م ماتت لمن ولدتيها هديل حيه وعايشه والليله يوم عرسها امي دي ختت يدها ف وشها وقعدت تبكي بقت تقول الله يسامحهم ع العملوه فيني أمير حضنا م تبكي انتي ست الشي وكل شي،، هديل عرفت الحقيقه برضو،، تلفونو ضرب..
الو ي فارس وينككم؟
انت الوين؟
احنا قربنا عليكم..
تمام..
هدا ي امي هديل جايه ف الشارع..
أمير كان حاضن امي بقوه كأنه خايفه انها تمشي منو بعيد تاني ..
بعد شويه الباب دقا..
هديل:دا وين؟
فارس: مفاجأه
بعد شويه امل فتحت الباب..
هديل نططت عيونا،، وأمل كذلك فجأه الدموع اتملت في عيونهم الاتنين.. مشوا ع بعض.. هديل بصوت خانقاهو العبره،، انتي امي؟ انتي الاتحرمت منها عمري كله؟، انتي البعدوني عنك؟ وبقيت منفسنه بسبب تصرفات الوسخه الاسمها نهله وبسببا جاني اكتئاب وخليت القرايه ونص عمري ضاع امها مدت يدها وقالت ليها هسس
وبقت تبكي وأي ي هديل ي بتي وأي ي حرقه حشاي فارس كان شايف هديل الحاضنه امها وبتبكي وأمير صحبو المامصدقق وقعد يبكيدموعو خانتو ونزلت وف نفسو معقوله لسه ف ناس قذره كده كيف حرموهم من بعض العمر دا كله
..
في جانب تاني..
ام فارس : خلاص تمام زي م انت عايز،، بس دا عرس ولدي ودامك منعتني امشي وفوت العقد، أنا راجعت حساباتي كويس، أنا م حخلي ولدي،، كل زول يشوف حالو وانا مستعده امشي اقعد مع ولدي 
خالد: لو طلعتي من البيت دا م حتجي داخله تاني،،
ام فارس عاينت لخالد وضحكت :خلي قروشك تنفعك م راجعه 
(بعيدا عن دكتاتورية خالد، ماكان بعرف يعيش من غير امل)
ام فارس شالت تلفونه،،
امل :فارس الو؟
فارس: ست الناس
امل : الف الف مبرووك ليك ي ولدي ان شاء الله ربنا يسعدك و يهنيك تغلبا بالمال وتغلبك بالعيال ان شاء الله ي رب،،
فارس:اللهم اميييين امييييين ي رب، والله م كنت حاسي بطعم اليوم دا الا بعد اتصالك، دقيت ليك لقيت رقمك مقفول، قلت شكله ابوي حرم عليك تتصلي لي خوفتا والله
ام فارس : ابوك جن ع اخر عمرو والله بس اطمن انا معاك دايما عمري تاني م حسيبك بس ف مشكله؟
فارس :اللي هي؟..
☆يتبــــــــــــــــــــــــــــــــــــــــــــع☆☆
لقراءة الجزء التالي : الجزء العاشر من رواية رحلة الحب
لقراءة الجزء السابق : الجزء الثامن من رواية رحلة الحب
للإطلاع علي فهرس أجزاء الرواية : جميع روابط اجزاء رواية رحلة الحب للكاتبة لين نزار
جميع الحقوق محفوظة للكاتبة لين نزار
