فنجان القهوة الخاص بك مع إضاءة مناسبة للغرفة وهيا لنبدأ سوياً قراءة قطعة من الجمال والخيال الرائع في السطور التالية من الجزء التاسع من الرواية المشوقة حبيبتي لا تنسيني من المبدعة كيندا .
الجزء التاسع من رواية حبيبتي لا تنسيني
وهنا فرح سمعت امها تتكلم فامعاش عرفت لا تقدم ولاتوخر وفجأه ضربت فى رأسها فكره خطيره .. ومشت طلقت الكلب الا عندهم وبدت تعيط …
فرح … ااااااااااااااااااااااااااااااااااه كلبببببببببببببببببببب نطلقققققققققققققققققققققققققققققق ..
ملاك .. كلبببببببببببببببببببببب نطلق لاااااااااااااااااااااااااااااا .. ااااااااااااااااااااااااااااااه
امها … استنووووووووونى وووووووووووووووووووه ياكبدى وووووووه …
وبدو تلاته يتجاورو ويسطربو فى جنان والكلب وراهم .. وفرح تجرى وميته بضحك .. وملاك تجرى وتبكى .. وامهم تجرى وتقطع فى شعرها … واحمد صايخ عليهم بضحك …. وفجأه ….
طلع احمد بسرعه وخش من الباب الخلفى وطلع يجرى من الباب القدامى ودار روحه مخلوع …
احمد .. بالطيف … يالطيف .. << وشد الكلب من سنسله متعه >>
ملاك … ااااااااااااااه .. ااااااااااااااه ااااااااااااه ياربى .. قلبى قلبى طاح .. خلاااااص بنموت حد يمدلى طاسة ميه << وحطت ايديها على ركاب رجليها …
بينما امهم فرشتها على الارض وقالتلهم ..
امهم .. طويسه ميه يابناويتى … طويسه ميه .. قلبى بيوقف من ولد الكل هوا … تتجاورو ولا وحده فيكم قالت نحن على امى وناخدها فى طريقى … بناويت العازه والقهرررررررره .. اااااه ياركابى . اااااه يارجيلاتى … خلاص معاش قادره نوقف …
فرح … هههههههههههههههههههههههههههه 
امها .. على شن تضحكى انتى يامزتته ؟؟
فرح … كأنا بنتواتى نفتحو … ااااااااااااااااااااااااااااااااااااااااااااااااااااااااااااه …
امهم .. ملاك اركبى يامنجوهه هاتى جبت اختك بسرعه … اررررررركبى … وهاتى شاربتى …
ركبت ملاك تجربى بسرعه فوق وجابت لاختها عبايتها ولبست عبايتها ونززلت بسرعه واول ماشافتهم قالتلها ..
ملاك … هاك شاربتك … نوووضى ياماما فرح تبكى ..
امهم … ارفعى اختك وبرى … انى مش قادره نوقف خلاص ركابى نصبت فيهم الميه …
ملاك … استنى ناديلك البنت من فوق يساعدوك تركبى … رغددددددده … سمييييييييه … انزلو بسرعععععععه ..خلاص اهم نازلين .. وانى نرفع فرح نطمن عليها ونجو ..
امها …. اسمعىىىىىىىى اركبى من تالى … تسمعى فيااااااا
ملاك … اكيد ياماما شن تقولى انتى …
ركبت ملاك وفرح لسياره وملاك بدو دموع ينزلو من الالم وفى نفس الوقت تضحك زى مهبوله …
ملاك …. فرح … بجد انتى هبلتى خيرك يابنت ؟؟
احمد …. فرح .. خيرك تضحكى وتبكى ؟؟
فرح … هههههههههههههه اااااه ياربى بسرررررررعه …
احمد …. لحظه لحظه … الكلب مايقدرش ينطلق بروحه … استنى … فرح .. انتى صح ؟؟
فرح … هههههههههههههههههههههههههههههههه ايه
ملاك … انتى الا طلقتيه ؟؟ هههههههههههههههههههههههههه بجد قسما بالله انى عجزت .. قصدى انتى بجد درتى هكى ؟؟
فرح … شفت امى معاك … وزبطت احمد تحت لودينو مش عارفه شن يدير وماكانش قدامى الا ندير هكى باش نلهى امى …
ملاك …. ههههههههههههههههههههههههههههههههههههههههههههههههه انتى الا خليتينا نجرو زى مهبله ؟؟ والله انتى الا مهبووووووله ..
احمد … انى بجد مصدوم ومتفاجئ … انتى قصدك تعرفى كل شى هههههههههههههه ؟؟
فرح …. والله انى حابه نسمع منكم موضوع … بس اعطونى ننزل لدكتور قبل وبعدين لينا تفاهم احنا تلاته … لانا مش معنا هدا الا درتوه فات …
وهنا ملاك شبحت لفرح وتدكرو امهم كيف تجرى وتري شفى شعرها … وكانت ردة فعلهم ..
ملاك وفرح ….. ههههههههههههههههههههههههههههههههههههههههههههههههههههههههههههههههههههه
احمد …. ان شالله غير تسامحكم على الا درتوه فيها بس … ههههههههههههههههههه والله حرام عليكم امكم معاش قدرة توقف …
نزلت ملاك وفرح للعياده .. ودكتور قاللهم انا بنتوات كيف بادين ينفتحو وغلط الجرى الا جراته … وطلب منها ترتاح ومعاش تتحرك اقل شى لمدة اسبوعين لانا ماعنداش مايديرلها .. واعطاها مسكنات فى حالة زاد عليها الالم … وطلعو من سياره واول ماركبو … درس احمد سياره على جنب وتلفت لى فرح وقاللهم …
احمد .. فرح …بدون لف ولا دوران .. انى نبى اختك ونبيها بالحلال ولو هيا توافق انى مستعد نخطبها من بكرا … واكتر من هكى ماعنديش شن نقولك .. وقرار باايدها هيا …
ملاك .. احمد مش وقته توا …
احمد .. لا لا وقته ونص … انى بنكون راجل مع اختك من الاول وواضح
فرح … وانتى شن رأيك ياملاك ؟؟
ملاك .. مش عارفه .. انى مش مستعده توا يعنى اقل شى لين نكمل امتحاناتى الفاينل ولو حتى حاب يتقدملى .. من هنا لصيف …
احمد … خلاص تم خليك انتى على نفس الكلام واول ماتكملى امتحاناتك .. مافيش اى مبرارت .. بنجيب اهلى ونجى ..
فرح …. اخر امتحان عندى قبل رمضان …
احمد … تم خلاص .. انى من توا نقولك .. يوم 27 _ رمضان بنجيب امى ونخطبك رسمى .. وكلمة راجل قدام اختك وهيا شاهده …
فرح … احمد … انت راجل وسيد تريس وانى امنتك على اختى فابالله عليك رد بالك عليها وماتزعلها ..
احمد … شن تقولى يافرح انتى يعلم ربى انا هيا فى عيونى زوز ..
ملاك … عندى شرط واحد بس …
فرح … شنى ؟؟؟
ملاك … مانبيش موضوع يعرف بيه حد الا احنا 3 بس بس … لين نكمل امتحانتى وتجيب اهلك …
احمد … علاش ؟؟
ملاك .. لان كانت ماتعرفش امى وخوتى .. لو عرفو انا بينا شى قسما بالله ماعاد نمشيلها لا لى جامعه لانك تقرى فيها غادى ولا نجى لحوش اختى … ومن الاخير انى مانعرفش نصيب يجمعنا او لا فامنبيش تسود صفحتى عند اهلى قبل مايصير بينا شى رسمى ….
فرح … صح عندك الحق … خلاص الكلام رح يبات بينا احنا 3 … وانى مطمنه انك اخترى الشخص الصح وربى يوفقكم ياررررب
احمد … << ولع سيارته وطلع >> والله حتى انتى يعلم ربى قداش نعتبر فيك زى وخيتى يا فرح وان شالله نكون قد الشهاده الا انتى عطيتها فيا واكتر ..
قعدو يهدرزو ويضحكو طول الطريق لحد ماوصلو للحوش واول مانزلو كل واحد منهم لبس قناع الحزن والكئابه …
واول ماركبو ورنو الباب فتحت سميه الباب وقالتلهم …
سميه … امك من بكرى وهيا راعشه عليك …
ملاك ..ماااااااااااااااما وصلنا …
وهنا ناضت امهم تجرى وقالتلهم …
امهم .. اه طمنونى … شن قاللكم دكاتره ؟؟
ملاك .. قالولها انا بنتواتها شبه نفتحو ومفروض ترتاح اقل شى اسبوعين …
امها .. عرفتها انى .. والله انى كنت حاسه من قبل ماتنزل انا بيطرا فيها شى .. بس هيا سكرت دماغها … خلاص دخليها لدارها وساعديها فى ترقيد صغار … وانى توا نفرش انى وبنات ..
ملاك .. بايته انتى ليله ماما ؟؟
امها .. اى بايته … كلمت بوك قتله مايجينى .. رغم انا والله كلمته مبكرى وحاله مش باهى حسيته ويشكى … غدوا صبح روحيلهم انتى طول ..
ملاك .. باهى باهى .. توا ساعه 12 قريب … بنخش نساعدها فى صغار وبنرقد … ت ع خ
امها .. وانتم من اهل الخير …
خشت ملاك وساعدت اختها ورقدو صغار وبعدين قعدو يهدرزو لحد مااتصل احمد مع ساعه 2 فى الليل … فاقعمزة ملاك على سرير واول ماقالت فتحت الخط قاللها …
احمد …. حاس نفسى رح ندمن على صوتك كل ليله … جنبك حد ؟؟
ملاك … لا لا ..
احمد … بكرا نقدر نشوفك ؟؟
ملاك … ممكن بكرا نمشى للجامعه بس مانيش معطله .. متع ساعتين وبنروح ..
احمد … خلاص بكرا اكيد نشوفك ؟؟
ملاك .. خليها على ظروف …
احمد … اوك لو حصلتى فرصه ابعتيلى رساله باش نعطى محاضرتى ومانروحش ..
ملاك .. اوك
ساد صمت بينهم وكل واحد منهم يسمه لانفاس تانى وخلاص … لحد ماكسر هالهدوء احمد بسؤاله ..
احمد … احكيلى على نفسك …
ملاك … من اى ناحيه ..
احمد … من كل نواحى .. حاب نعرف كل تفاصيل حياتك من اول ماتنوضى من نوم لحد ماترقدى …
وهنا بدى اول حديت جدى واول طوبه حب تبنى حياتهم الجديه ومستقبليه مع بعض … وفاتت ساعه وراء ساعه والحديت شيق الا كان بينهم ماخلهمش يحسو بالوقت … لحد ساعه 3 ونص فى الليل بزبط … لما خش خوها وليد عليها انتظار ….
يتبع……
لقراءة الجزء التالي : الجزء العاشر من رواية حبيبتي لا تنسيني
لقراءة الجزء السابق : الجزء الثامن من رواية حبيبتي لا تنسيني
للإطلاع علي فهرس اجزاء الرواية : جميع أجزاء رواية حبيبتي لا تنسيني كاملة للكاتبة كيندا
جميع الحقوق محفوظة للكاتبة كيندا من ليبيا .
