وصلنا إلي النهاية مع الأسف حيث سنعرف كل شيء علي حقيقته وكما نعرف لكل شيء جميل بداية ونهاية سعيدة، لذلك دعونا نتعرف علي ستكون النهاية سعيدة كما هو متوقع أم سنري عكس ذلك ؟ كل شيء سنعرفه في السطور الأخيرة بإذن الله .
الجزء الثالث عشر الأخير من رواية رجل يحببنه الكثير للكاتبة لوزة ليبية
روابي :انا انحب نكون معاكم ولسبب هذا امس جيت من وراكم وقدمت اوراقي نبي نديرهالكم مفجأة
حسام 
هيثم o_O
هاني انصدم ونحى نظراته وشبحلها باستعجاب *_*
روابي:خيركم تشبحولي هكي شنو مافرحتوش 
حسام:هههه ﻻ اكيد فرحنا
هاني اكتفى ب ابتسامة 
هيثم:اها مليح في الشور فرحنا
حسام:وقبلوك في المصرف واﻻ مازال ؟
روابي:بشوية واسطة تو يقبلوني ههههه
هيثم:هوا هدا عندك واسطة توصل وين ماتبي ههههه
روابي:هههه رسمي …. بجد فرحانة مش مصدقة انكم معاي تاني
هاني: ان شاء الله ديما فرحانة
حسام:نادرا اتصير بنت تتﻻقى بزمﻻئها متع الجامعة بعد طول فترة هكي
هيثم:اي رسمي …. هيا شن بتطلبوا
حسام:امنت بالله على هالبطن الي عندك خلينا نسترجعو شوية دكريات
هاني:ههههههههه نازل عليه الجعجوع
هيثم:ههههه باه انتو استرجعو دكرياتكم انا بنطلب
روابي :هههههه والله جو عليك هيثوم …
خدي كل واحد منهم قائمة الطعام هههه نعرف ان اسمها مينيو خلوها قائمة توا … المهم واللي هدا حط عيونه في القائمة اﻻ روابي عينها على هاني …. هاني حس بشعور غريب نظرات روابي كادت ان تلتهمه بنظراتها القاتلة وبعينيها الكبيرتين فنظر لها نظرة خاطفة فنظرت اليى مفاتيحه وقالت له: هنهن قاعد محتفظ بمدالية اللي هديتهالك الله ياربي … معناها مش ناسيني
هاني اتلكمس ورد عليها:اها امس ميداليتي تكسرت فلقيت هادي قدامي في الدرج فركبتها
هيثم:امتى تكسرت ميداليتك وانت ليك سنين ومنين بيها o_O
هاني فنص في هيثم
روابي:بجد ؟
حسام لم الموقف وقالها:هههههه هيثم ايحب ايبصر ماتصدقيشي هالأحول هدا المهم انا بنطلب ارز و شيش طاووق مشوي
هيثم:ارز وشربة عدس وكباب دجاج هاني:امممم حنطلب لحم مشوي بال
قاطعاته روابي وقالت:بالتوابل المغربية …. سبحان الله ماتغيرتش هاني قاعد كيف ماانت ^^
هاني :هههه وشن بيغيرني روابي
روابي شافت في عينه وقتله: ماتعرفش قداش استفقدت اسمي لما تنطقه
حسام دار روحه يهدرز مع هيثم ويتناقشو بش يخلو روابي تهدرز مع هاني ﻻنه عرف ان عزومة الغدي ع خاطر هاني ….
هاني سكت وتكلم بينه وبين نفسه ماتعرفيش قداش استحشتك روابي واستحشت كل حاجة فيك
روابي:بصدق هاني فيه هلبا كﻻم فخاطري بنقوله بس مش قادرة
هاني تكلم فباله اخ ياريتك تعرفي اللي فبالي
كملت روابي كﻻمها: كنت انعد في ساعات اللي بنرجع فيها ل ليبيا على خاطرك بس تصور تﻻتة ايام ماقدرتش ﻻ ناكل وﻻ نرقد من فرحتي …. ووقت رجعت دورتك في محل اللي كنت تشتغل فيه بس مالقيتكش
هاني:اي سيبته محل قداش ليا من وقت حصلت تعيين في المصرف
روابي:لين جت صدفة وتﻻقيت معاكم في المصرف
هاني:احﻻ صدفة
روابي:شنو ماسمعتكش
هاني:اها قلت ايه صدفة
جاهم الغداء وخدو تحﻻية
ونزلو وكل واحد فيهم وقف قدام سيارته وروابي قعدت تستنى قدام المطعم شافلها هاني ورجعلها
هاني:في منو تستني
روابي:في خطيبي
هاني انصدم وقالها :انخطبتي ؟ امتى امتى روابي انخطبتي ومن خطبك
روابي:هههههه نبصر عليك مانخطبتش نستنى في بابا بيجيني شوي تاني بس خيرك انخلعت هكي تغار عليا
هاني:ﻻﻻ مش قصة هك..
قاطعاته روابي وقتله:انحبك هاني وقاعدة انحبك وحنحبك طول عمري برغم انك اتزوجت وانا مابيتش نتزوج
هاني نزل راسه وقالها :انتي سافرتي روابي وانقطعت اخبارك عليا
روابي:سيور الطير يرجع ل عشه
هاني:وقت تأخرتو عن مدة محددة اللي هيا 5 سنبن فقدت اﻻمل
روابي:انت كنت عارف ان نحتاجو 5 سنين و4 شهور اي انك اتزوجت في اﻻربعة شهور هادو
هاني :مش عارف شن صارلي معش تحملت فراقك
روابي: معش تحملت فراقي فخديت واحدة تانية اتسكر الثغرة اللي فقلبك
هاني:خيرك تحكي هكي
روابي:شن متوقع من واحدة مجروحة !
هاني:سامحيني
روابي:الله ﻻ يسامحك
هاني:عﻻش بس
روابي: انا انحبك وانت اتزوجت منافق مخادع جبان وين الحب اللي كان بينا وكﻻمك المعسل انحبك ونبيك ولمساتك وهمساتك ليا كله اتبخر ياخسارة طلعت من النوع المهم مراة وخﻻص بالك حتى ماحبيتنيش
هاني:يكفي كﻻم قاسي
روابي:ماحبيتنيش هاني ماحبيتنيش هاني انفعل وقالها :انحبك انحبك للحظة هادي وربي شاهد عليا
روابي:امشي هاني امشي انت حطيت ايديك على انسانة تانية اللي قبل حطيتهم على خدي وقتلي وﻻ يمكن ايدي تلمس مراة غيرك روابي…. طلع كله كدب
هاني وجهه ولى احمر واضايق فعﻻ كﻻمها صح
روابي:امشي هاني بابا في اي لحظة حيوصل … امشي
هاني :اوكي
مشي خطوتين للقدام ووقف بعدين تلفتلها شاف في عيونها ومشي كمل طريقه ركب سيارته وانطلق يلود في الشوارع يفكر والله شورني تسرعت لما تجوزت عزيزة باهي عيب عليا لو اني نخليها
وصل هاني لحوشه وهوا ايكطكط وﻻفة بيه الدنيا ومش طايق شي شي ركب يكر في رجليه كران فتح الحوش وقعمز عالكرسي ..
جاته عزيزة وقتله :شنو هدا كله لودان من الظهر للمغرب
هاني ساكت ويشوفلها
عزيزة:وانا من بكري بروحي اهنا بدل مانطلعو ونعيشو حياتنا طالع مع صحابك
هاني ولى وجهه احمر غمض عيونه
عزيزة:خيرك ساكت
هاني:خليني عزيزة محتاج نقعد بروحي
عزيزة:ياسﻻم ادهور مع صحابك بعدين اتقولي محتاج نقعد بروحي
هاني:عزيزة !
عزيزة:شن عزيزة تره
هاني وقف وقال :استغفر الله ياربي
وتوجه للحمام خدي دوش وطلع لبس شورت واتكى على الكنبة يشوف لسقف و يسحن ويفكر كيف بتبدى روابي قدام عيني كل يوم امبكري في المطعم وشاد روحي بالسيف كان نلقى نحط ايدي ع ايدها ونحط صوابعي على خدها زي قبل … اااخ ياربي كيف اندير
انحبك روابي تعالي جنبي ضميني اقتليني بحنانك قبلي شفتاي كم اهوى رحيق شفتيكي ااااخ روابي حبي اﻻول واﻻخير انتي النفس اللي تنفس فيه انتي كل شي في حياتي بل انتي حياتي كلها
وبينما هاني يتخيل في روابي جاته عزيزة من وراء الكنبة وخلعاته
هاني:هااااه خلعتيني خير بﻻك عزيزة !
عزيزة:خيرك تكشخ عليا قلت بنابشك بس
هاني:وقت منابشة هوا …قتلك نبي نقعد بروحي
عزيزة بنبرة حزن :به على راحتك
مشت عزيزة خشت دار نوم وسكرت على روحها اضايقت من تصرفات هاني
هاني يتمتم استغفر الله العلي العظيم … والله ماوقتك عزيزة
فاتت ايام وتم تعيين روابي في المصرف
وكأول يوم ليها لبست روابي بدلة رسمية حلوة قونة كحلة وبلوزة بيضاء و جاكيت اكحل وكندرة كعب حلوة وحطت نظارات طبية بانت في البسة هادي طرف وانيقة
خشت للمصرف وصبحت على هاني وحسام وهيثم وركبت فوق لدور التاني
حسام ل هاني:خيرك اتقول هارب عليك الضي
هيثم:مش منه شاف الحب القديم
حسام ايكشك:الخاطر خلوه مراهين حطب يابس بي كوانين
هيثم:اه اهاها
هاني:والله ماوقت برادتكم انت وياه هيثم:سؤال ياهاني … قاعد اتحبها ؟؟
حسام:بكل انت واسئلتك ياراجل
هاني:ايه انحبها لين انموت حنقعد انحبها
هيثم :سؤال ياهاني….. قاعد تحبها ؟؟
هاني:ايه انحبها وحنقعد نحبها لين انموت
حسام:راك متجوز شن نحبها وتعشقها
هيثم:انك م ت ز و ج ياابني
هاني:باهي فددتوني متجوز متجوز متجوز فهمنا النهارات انا انسان عندي قلب واحساس مش كمبيوتر ندير شيفت ديليت يمتسح اللي نحس بيه
حاولت ننساها ماقدرتش وقلت هيا ياهاني تناساها وتناسيتها ولادت ﻻدت وطلعت في حياتي تاني وﻻ فوق من هكي اهي بتشتغل معانا اكيد توا انت بتقول هاني خاين هاني صفته هاني نعته هاني مايتحشمش لكن حط روحك مكاني جربها وحسها ياموعرها ….
حسام:باهي ياهاني خﻻص هدي اعصابك
بعد اسبوعين من دوام روابي .
روابي نازلة في الدروج واتمتم فبالها تو انوريك ياهاني وقفت على زميلها في المصرف وقتله:عادل كيف حالك
عادل:والله تمام شن اخبارك انتي
روابي بنبرة دلع :تمام بخير … وينك امس على اساس بتجيبلي مدكرة اشعارك
عادل:والله جبتها ياروابي لكن امس ضغط عمل ماقدرتش نركب لدور التاني
روابي حست هاني يشبحلها بغيض فضحكت لعادل برغم ان الموقف مش مضحك
هاني ل حسام:باهي عﻻش واقفة على عادل هكي وتضحك معاه قداش بنتحمل انا
حسام:مش عارف
هاني:الزح خﻻص ﻻش تهدرز معاه
حسام:انت شن تبي فيها نبي نفهم
هاني:شي شي …
سكت شوية هاني وقال :بنمشيلها
حسام:تي عﻻش بتمشيلها
هاني:هكي ليها سبووع توقف عليه ويوقف عليها ويهدرزو شن يبو فبعضهم
حسام:تي خلي البنت تعيش حياتها زي ماعشت حياتك
اغتاض هاني من كﻻم حسام وضرب بايده على الكيبورد وقال :ماتشوفش حد انا قاعد نبيها
حسام:تبي طياح سعدك مش غير تبيها الهى في روحك
روابي ل عادل:الله مدكرتك منسقة وحلوة خلي نقرا سطور
عادل :ﻻﻻ بالله ماتقريهاش توا هههه خليها وقت اتروحي حطي جنبك طاسة عصير برتقال واقري
روابي:اممممبه … خﻻص تو خلي نمشي عندي شغل فوق
عادل:به تمام ربي يحفظك
روابي:ويحفظك … سﻻم
عادل:اسمعي رني عليا كان روحتي بكري
روابي:تمام .. باي
مشت روابي ودارت ابتسامة عريضة بش يشوف هاني انها فرحانة
مع ساعة 10:30 نزلت روابي لقت حسام وهاني يشتغلو والمصرف زحمة لفت جيهة حسام ووقفت جنبه وقتله :حسومة معليشي الورق هادو يبو خدمة وانا عندي صداع وﻻزم نتمهم اليوم
حسام:اوكي حطيهم حنخدمهم غير انتم اللي في ايدي
روابي:ثانكس …. ماشفتش عدولة ؟؟
هاني بمجرد ماسمع كلمة عدولة تلفت يفنص بس روابي دارت روحها ماراتاش
حسام:مش عارف كان اهني وطلع تقريبا
هاني مزق الورقة اللي في ايده وقتل:مات عادل
روابي:بعيد السو على عدولة معش تقول عليه هكي
قلب هاني شيشة الميا اللي كانت جنبه وناض طلع من مصرف
روابي ل حسام:خيره هنيوة متكنطي ؟
حسام:مش عارف … روابي انا زحمة توا تو نهدرزو بعدين
روابي:اوك رن عليا ع تلفون المكتب تو ننزلك باي
ويوم عن يوم روابي ادير نفس الشي وهاني قريب ياكل الجيفة ويروح مغتاض من هالمواقف ويفش غله في عزيزة وفي مرة من المرات روح هاني من العمل وهوا ايسب ويلعن
خش حوشه ومش طايق حتى ذبانة تخطم من قدام وجهه
عزيزة:اهلين هنهن يﻻ فيسع بدل وصلي بنحط الغدي
هاني:مش خاطري
عزيزة:ﻻﻻ ﻻزم تاكل يوم تام قاعد هكي
هاني يكشخ :قلنا مش خاطري خﻻص عزيزة
اضايقت عزيزة واتصلت ب فيحاء
اهلين فيحاء
فيحاء:اهلين … خيره صوتك
عزيزة:هاني متغير ويكشخ ومعادش زي قبل متغير هلبا
فيحاء:بالك ضغط عمل
عزيزة:ضغط حناه الشارفة … معش طايقة نعيش معاه ماسد واخداته زواج تقليدي ماسد ينكد عليا
فيحاء:اصبري وخﻻص
عزيزة:اااااخ تعرفي بانون مافيش مرة علا صوته عليا مضايقة ومخلطة عليا ومستاحشته موت
فيحاء:نقولك حاجة
عزيزة:قولي
فيحاء:بانون كل يوم يكلم فيا ويدعي على هاني ويتجدا فيا يبيني نقوله شن يخدم هاني يبي يبعتله واحد يطقه بكﻻشن ويقتله قالي بش ناخدها
عزيزة:ياريت يموت ونفتك منه لكن ﻻﻻ ردي بالك تقوليله وين نسكن
فيحاء:به المهم هوا يبي يكلمك
عزيزة:قوليله اني استحشتك هلبا
فيحاء:به
عزيزة:هيا باي تو
وفات شهر وهاني مغتاض من عمله يبي روابي لكن مش عارف كيف ف فكر في فكرة خرندعية و
ركب لدور التاني يجري وخشلها ف المكتب
هاني:روابي شن عﻻقتك بعادل
روابي:فاش ايهمك ؟
هاني:جاوبي على قد السؤال
روابي:اعتقد مافيش داعي نجاوب
هاني:انا مش متحمل نشوفك مع شاب هكي تهدرزي وتضحكي
روابي:عﻻش ؟
هاني:انغير عليك
روابي:وخيره انا ماعنديش شعور واﻻ شنو؟
هاني:قتلك فيما فات استنيتك
روابي:خﻻص هاني عندي عمل توا
هاني: عﻻش اديري فيا هكي
روابي:وانت عﻻش درت فيا هكي
هاني:باهي فكرت في حاجة
ومابيتش نقول لحد لين نشوف رايك
روابي:تفضل
هاني نزل راسه شاف اﻻرض وقامه تاني وشاف لعيونها وقالها :تتجوزيني روابي ؟
روابي فرحت وعيونها يتلؤلؤ ردت عليه : شن قلت ؟
هاني :اللي سمعتيه
روابي:بس انت متجوز
هاني:الشرع حلل ب اربعة
روابي:بطلقها اﻻولى ؟
هاني:ﻻ ليش نطلقها
روابي:وامتى فكرت فيها الفكرة هادي :-I ؟
هاني :اليوم الصبح _
روابي:معناها فكرت من غيرتك مش ﻻنك اتحبني
هاني ايصيح :وحق ربي انحبك خيرك هكي روابي
روابي:باهي باهي نقص صوتك
هاني:شنو باهي ؟به اوكي نقولك فكري انتي وردي عليا حتى غدوة
روابي:موافقة
هاني:بجديات ؟
روابي:ايه نبيك وطول عمري تمنيت تكون عريسي
هاني:به وعادل ؟
روابي:عادل صديقي بس ~_~
هاني:اوووف ريحتيني ¤_¤ … به وبوك ؟هل حيوافقك
روابي: بابا قبل اعترض ﻻن يبيني نكمل الماستر مش عارفة عﻻش لكن توا ماعتقدش يرفض smile رمز تعبيري
هاني قرب منها ونحالها خصلة شعرها اللي على عيونها وقالها:انحبك
روابي غمضت عيونها تتحسس لمسات اصابع هاني على خدها وقتله:نموت فيك حبيبي…
استحشت لمساتك وانفاسك
هاني:استحشتك كلك مع بعضك
روابي:يﻻ بيبي عندي عمل توا بباي
هاني:باي ياروحي
رجع هاني ل حسام وقاله :اه شن بنقولك
حسام كان يشرب في نسكافية وقاله:اه قول
هان:عرضت الزواج على روابي
حسام تبزعت منه االنسكافية على سرواله وقال:الشيت $#@#$&* ش شن حسك قلت
هاني:بنتزوج
حسام قام يديه وقال:ﻻ اله اﻻ الله
هاني:محمد رسول الله
حسام:تي راك عريس 4 شهور خيرك
هاني:مش قادر نبعد على روابي
حسام:استهدى بالله ياهاني
هاني:مش حنطلقها مرتي افهم
حسام:حتجرحها هكي
هاني:حﻻلي يااخي خيرك
حسام:زيد فكر في الموضوع
هاني:اتخدت قراري
حسام:دير اللي يريحك وشد جنابك من المشاكل من رائيي تفوته الموضوع
هاني:اخطاني … وخود مكاني انا مروح بنهدرز على امي وبنقول لمرتي في مرة واحدة
حسام:ربي يهديك ياهاني
طلع هاني من مصرف
وبعد ساعة وصل للحوش
خش وقعمز وسط الحوش جنب امه وقالها :كيف حالك يمى
خ سميحة:الحمد لله شن مداير
هاني:اهو ماشي الحال … يمى نبيك في موضوع
خ سميحة:ان شاء الله خير
هاني: انا نبي نتجوز
خ سميحة:شنوووووو لواه خيرها مرتك ؟ من شن تشكي
هاني:بالله عليك ماتقوليش ﻻ يمى
خ سميحة:شن بنقولو لناس كيف متجوز ليك 4 شهور بس خير بﻻك
هاني:باهي نستنى شهرين زيادة
خ سميحة :على كيفك اتهمني راحتك ياهنيوة نخطبلك عادي
خدي هاني راس امه بين ايديه وباسها على راسها
وقالها:ربي يحفظك يمى خلي نركب انا تو
وركب هاني ويستنى غير امتى يفوتو الشهرين
وباختصار شديد فاتو شهرين ونص
وهاني بيفتح الموضوع مع عزيزة
هاني:عزيزة …
عزيز :نعم
هاني: انا هكي نبي نقولك حاجة لكن خايف تفهميني غلط
عزيزة:ﻻ ان شاء الله مانفهمكش غلط
هاني:انا نبي اااا نتجوز
عزيزة:اه ههههههههههه بﻻ برادة
هاني:والله مانبصر نتكلم بجديات
شبحتله عزيزة بنظرة غضب وامتلئت عيناها بالدموع اغمضت عيناها فدرفت دموعها الما وحسرة وقالت له بصوت مرتفع:عﻻش في شنو قصرت معاك انا بش تتجوز عليا
هاني:والله ماقصرتي معاي ف حاجة بالعكس ربي يحفظك كنتي نعم الزوجة
عزيزة:به شنو هكي بتتجوز احنا عرسان لينا 7 شهور بس
هاني:عارف عارف
ناضت عزيزة وقتله تو ترفعني لحوش امي ماقاعدتلك فيها دقيقة واحدة طلقني ياهاني
هاني:ﻻﻻ م مانطلقكش مانقدرش
عزيزة:كان نعرف بس من هيا اللي لعبت بعقلك … طلللقني
هاني:باه باه لحظة غضب مش حناخد ع كﻻمك عزيزة
عزيزة:ماتجيبش اسمي على لسانك توا ترفعني لحوش امي
لمت حاجاتها عزيزة ومشت لحوش امها ونزلت طول للباب الرئيسي نزل هاني فتح الحوش وركبو سيارة وطول الطريق صمت تام ووصلها قدام باب حوشها ستناها لين انفتح الباب ومشي
فيحاء :خيرك تبكي عزو شن فيه وعﻻش جايبة شنطتك
عزيزة:وين ماما
فيحاء:اونه في الدار
خشت عزيزة ع امها وهيا تبكي لحقتها فيحاء لدار
امها(فاطمة):خيرك عزيزة سمله شن فيه
عزيزة:قعمزت جنب امها تبكي وقتلها: يمى هاني
خ فاطمة:خيره شن صارله ادوش شن فيه
عزيزة:بيتجوز عليا يمى
خ فاطمة:اللطف !وشن سبب شن درتيله ادوي
عزيزة:مادرتله شي يمى بروحه بروحه ليه شهرين متغير عليا
خ فاطمة:بالك قصرتي معاه فحاجة
عزيزة:والله ماقصرت معاه فحاجة اشبح من لفت عليه … انا نبي نطلق يمى نبي نطلق
على جية بوها(محمد) سمع اخر كلمة و وقالها : نوضي بالكي نوضي شن طﻻق هدا تقعديلي اهنا مطلقة
عزيزة:يابابا اسمعني
عمي محمد:اش ماكان السبب طﻻق ﻻ شن تحسابي بيجو يخطبك حد تاني وانتي مطلقة واﻻ شنو
عزيزة:يابابا هاني بيتجوز عليا
عمي محمد :حﻻله شن بنخالفو شرع الله واﻻ شنو باتي الليلة اهنا وغدوة خوك ايحطك ف حوشك فاهمة واﻻه ومشي وخﻻها
اضايقت عزيزة وخشت لدارها
لقت نقال فيحاء خداته واتصلت ب بانون
بانون :ايوه السﻻم عليكم
عزيزة ساكتة
بانون:اه فيحاء وينك
عزيزة غمضت عيونها وهيا تبكي بحرقة
بانون :مش عارف عﻻش انحس فيك عزيزة المتصلة توا … مش فيحاء بالله كانك عزيزة ردي والله استحشت صوتك … الو عزو كلميني ردي عليا والله ملهوف عليك
صكرت عزيزة الخط وزادت تبكي على بانون طبعا نست ان هاني بيتجوز
وتاني يوم بوها رجعها غصب لحوش هاني
وبعد تﻻتة ايام رفع هاني امه ومرته بش يخطبوله روابي ﻻن شرط بو روابي اتجي مرته اﻻولى معاهم … خطبوله روابي وبعد ايام وافقت عيلتها بعد ضغط من روابي على بوها وامها دارت روابي عرس وهاني دار فاتحة بسيطة
وفي الليل من يوم الفاتحة
هاني:خيرك تشبحلي هكي
حسام:ﻻ شي ادكرت يوم عرسك قبل 8 شهور كنت اتقولي متوتر سبحان الله اتقول امس… مر شريط ليلة دخلتك اﻻولى من قدام عيني
هاني:ﻻ توا مش متوتر نستنى في اللحظة بفارغ الصبر
هيثم:طلعت نسونجي ياهاني… قبل ديما نقول حسام ماتسداش مراة واحدة ههههه
حسام:ﻻ الحمد لله سادة وحيدة نجيب زوز نساوين فوق راسي عﻻش اللطف ناقص نشاف راس انا
هاني:هههههه
هيثم:ان شاء الله ربي ايهنيك
هاني:ان شاء الله
وجي يوم الدخول وعزيزة تسحن ومرام اتبكبك واقفات جنب بعض زي ضراير ويسحنو على هاني …
دخل هاني في داره لوطى في حوش امه هههه ومن قدك ياعم عروستين في العام الناس مش ملحقة على وحدة ههههه
وعاش هاني احﻻ ايام حياته مع روابي
وعزيزة تستنى في اللحظة اللي هاني يوافق ويطلقها بش ترجع لحب قلبها بانون …بس هاني ماقدرش يطلقها …عزيزه عيونه و روابي قلبه
لقراءة الجزء السابق : الجزء الثاني عشر من رواية رجل يحببنه الكثير للكاتبة لوزة ليبية
للإطلاع علي فهرس الاجزاء كاملة : جميع اجزاء رواية رجل يحببنه الكثير كاملة للكاتبة لوزة ليبية
جميع الحقوق محفوظة للكاتبة لوزة ليبية .
