الجزء الثاني والعشرون من رواية الزوجة التائهة بين الأحلام والواقع

وفي الجزء الثاني والعشرون ماذا يا تري سوف يحدث مع ابطال الحكاية من جميل المواقف ؟ كل هذا سنعرفه في السطور التالية من الجزء من إبداع المميزة كيندا .

الجزء الثاني والعشرون من رواية الزوجة التائهة بين الأحلام والواقع

احمد….. < حبيبتى استنى مكالمه منى >>
وطلع … ركب سياره ووصل لسياره وركب فوق واول ماوصل للمكتب قالتله سكرتيره ……
سكرتيره …. صبح الورد بس مهندس
احمد ….. هاتى بريد اليوم وتعالى نبيك …
سكرتيره……. حاظر باش مهندس << وفى داخلها تقول … ان شالله خير>>
خشت سكرتيره للمكتب وقلبها قريب يطيح منها لانا وجه احمد ونقرت حواجبه ماتطمنش بكلللللل مهم خشت وحطت البريد على طاولة المكتب وقالتله….
سكرتيره ….. تبى شى تانى بش مهندس
احمد … ايه … ترا قربيلى هنا …. . انتى هنا شن وضيفتك …. اصصصصصص انى نقولك انتى وضيفتك شنى … انتى وضيفتك هنا تسمعى أومرى انى بس صح ولا مش صح ررررردى ؟؟
سكرتيره …. اكيد بش مهندس …
احمد….. مادما اكيد باشه زفت معناها علاش تحشرى نفسك فى الى مليكش فيه ترا فهمينى …… رددددددددى
سكرتيره ….. انى مفهمتش شن تقصد ممكن لو سمحت تفهمنى ؟؟؟
احمد ….. من الا خلاك تردى على كازى متعى وتردى على مرتى وتوزعيها ….. تكللللللللمى انى اكتر من مره نبه فيك نقولك مرتى تكلمنى على شركه تعطيهالى ولو كنت فى قلب البحر ويادبك انتى تطلعى نقال من جاكيت متعى وتردى عليها … شن نفهمها هادى واقحه متلا … على عموم استقالتك تلقيها موجوده على مكتبك فضى مكتب واخطمى على ماليه خودى باقى فلوسك…… وتوووا خودى باب وراك بررررررا
سكرتيره …….. باللهى عليك سامحنى يابش مهندش والله انننى درت هكى لانى بس .. بس .. نحبك …قصدى نعزك هلبه وقولت مرات فى شى ضرورى باللهههى عليك انى حابه الخدمه هنا وهادى اول غلطه ليا بالله عليك عطينى فرصه وواللهى اخر مره ولو تبنى نتصل بى بالمدام ماعنديش مشكله ونتأسفلها بس خليننى معاك وماتبعدنيش على شركه ….
احمد ….. انى بنتصل بى مدام بس لانا اصلا طلعتى ولا قعدتى مايهمنيش الا يهمنى انك تتاسفى لمرتى فقط …. طوووط طووووط الو ليلى فى شخص يبى يحكى معاك …
ليلى ……اوك حبيبى … الو
سكرتيره ….. اهلين مدام انى اسفه انى كلمتك بطريقه هيا ومش رح تتكرر مره تانيه نتمنى انك تقبلى اعتدارى وتكلمى بش مهندس احمد مايكتبليش ورقة طرد من شركه لوسمحتى مدام …
ليلى …. اوك خلاص انى سامحتك ولايهمك اعطينى احمد
احمد …. نعم…. شنى انى شخصيا ققرت نفصلها لانه تصرفها فى حد داته غلط وهيا غلطت غلطين مش وحده بس
ليلى … حبيبى خلاص سامحها مره هادى انى حامل ونبى ربى يوفقنى … مانبيش حد يدعى على طول عمره مرات تكون صح مش قاصده واهم شى انها اعترفت بغلطها
احمد …. انى رح نخليها على خاطرك بس وباقى قسما بالله ورقتها وطريق وعلى عموم خلاص توا نى بنسكر ووتى روحك انتى بنطلعو نتعش وفى مطعم الليله   سلام
انى رح نخليك مره هيا بس قسما بالله لو تتصرفى مره تانيه من راسك ومن غير مانقولك او تفتشى اى شى شخصى ليا ماتلومى الا نفسك وتوا خودى باب وراك وبرى كملى طباعة الا امس وصيتك عليها وقبل ماتروحى سلميهولى ….. واستنى على فكره انتى مخصوم منك شهر من مرتبك
سكرتيره ….. اوك بش مهندس ….. وطلعت وسكرت الباب ورها وقعمزت فى مكتبها تجوح وتنوح لحد ماجتها رندا صديقتها الا فى جهة ماليه وقالتلها ….
رندا …. هههههههه خيرك يامنجوهه شن درتى تانى انى قتلك بعدى عليه راهو مش سهل باش تلعبى معا هو أك كليتيها فى زلخاتك هههههه وخصملك مرتب كامل ههههههه شن درتى يادعوه من فالطه تانيه؟؟؟
هيا ….. اسمعى صكرى فمك واسكتى مش ناقصتك واهم شى من الايضحك فى الاخير بس
رندا …. انتى بجد مازال عندك امل يابنتى…. راهو باعتلك اندار والا بعده فصل طول
هيا ….. كيف عرفتى ؟؟؟؟
رندا …… والله الا دارلك اندار وخصم مرتب كامل وانى متاكد الا بعدها ورقة استقالتك تلقيها ملصقه برا على باب شركه والا مايشترى يتفرج هههههههههه
هيا …. برى اقلبى وجهك برى وانتى ماتعرفى غير شماته ……. مرض يعطيهم سم ان شالله لا ويقوووللها بنتعشو بعدين يعطيها سم فى بطنها بس والله الما نظمنه ليا بس ويكون ملكى بعدها نطلعها من حياته بتيرو باهى هالمسكسكسه هاااادى مستكه و الامانخليه يجيها مره فى شهر وتلاته اربع جيته يكلم فيا ..
رندا …. نقولك شى انتى باين وليتى مهووسه ومش بعقلك ان شالله وان شالله ربى يلطف بيك فاخلينى نولى لمكتبى قبل…… بس تعالى هنا شن درتى بنموت ونعرف ؟؟؟
هيا … هههههه شى الحق رديت على تلفونه لما هوا كان فى الاجتماع وخليتها تسحن مع بعضها وسكرت ههههههه بس احلى شعور لما رديت على تلفونه للحظه حسيت انا هوا راجلى ياررررررب اكتبلى هالاحساس عن قريب يارررررب الله لو يصير الما نصدق 1000 جنى
رندا …. وتدعى على اساس انا نيتك طيبه وبتدير حاجه كويسه ولا شنى مافهمتش انى ؟؟؟
هيا …. هههههه شرع حلل اربعه ياماما هيا الاوله وانى تانيه و تالته والرابعه بعون الله ^^ وبرى برى كملى شغلك واعتبرى معاش الا خصمه فرقت عليكم بيه شربات من توا ههههههههه مش خساره فيه
مشت رندا لمكتبها وهيا قعدت تكمل فى الورق مطلوب اما احمد فا كان يكمل فى تدقيق حسابات مشروع لحد ما تفكر موضوع عصام فا اتصل بى امه وقاللها ….
احمد …. الووووو ا هيام شن الاخبار اسمعى شنى بتمشى العشيه تخطبيهاله ولا لا راهو امس عصام كلم بنت وكلمت امها على اساس بتجو اليوم مش تتطلعى غيرتى رايك عاد امس تفاهمت معاك ولا لا
ام احمد ….. ايه وليدى ان شالله بنمشى انى وليلى وصفاء مع ساعه 6 بيرفعنا عصام واهو توا بنمشى نأكد على ليلى وصفاء باش يوتو روحهم ان شالله
احمد….. على سيرة صفاء شنى معاش كلموكم ناس على موضوع تلبيش دبل مفروض اقل شى يلبسو دبل على خفيف باش يتسمو مخطوبين قدام الناس لانا بينى وبينك حتى الولد اتصل بيا وقالى امس بس قالى جتنى رزينه نقولهالك وانى قوتله عادى ماعنديش مشكله تعالى انت وامك ولبسو دبل على خفيف
ام احمد …. والله ياوليدى شورا مالا هدا علا ش امه كلمتنى وقالتلى راهو نهاية الاسبوع الخميس جاين بنلبسو دبل باش تطلع معنا صفاء هيا وبنتى وخطيبها وتختار دهب والفيلو وانى قتلهم على توا يوم الخميس وتو نشاور خوتها ونرد عليكم..
احمد …. خلاص مهم انتى ردى عليها وقوليلها احنا موافقين الخميس وبالنسبه لموضوع اليوم انى بنكلم عصام يطلع ساعه 5 ونص من محل ويجيكم ماشى ؟؟
ام احمد …. باهى باه ياوليدى وفى امان الله توا ….. ياصفاااااااااااع ياصفاااااااااااء يامنجوهه انتى تعالى هنا نبيك وينك سيبى الا فى ايدك وكلمى ليلى تنزل ونبيكم انتم الاتنين
… صفاء … ماشى ماشى يافازو نوتيلا ان شالله خير …. طوووووووط….. الو … ليلى ..
ليلى …. نعم حبيبتى ؟؟؟
صفاء …… قالتلك امى تعالى نبيك هههههه شكله فى اخبار بتنزف هههههه
ليلى …. حاضر هيا شوى وانى نازله …..
نزلت ليلى ولقت صفاء مقعمزه مع امها فى صاله فا طلقت سلام وخشت قعمزت وقالة لعزوزتها ..
ليلى …. نعم ماما فى شى ان شالله خير
ام اجمد ….. اول شى اكيد احمد قاللك اليوم بنمشو نخطبو لعصام فا نبيك يابنيتى مع ساعه 6 تكونى واتيه ايواااااا وانتى وصفاء بتمشو معاى اما موضوع التانى فا امس اتصلت عزوتك ياصفاء ووحددنا يوم تلبيس دبل على خفيف الخميس ان شالله باش نوتو روحنا من توا صفاء ……… ررررررررررررررروى يادبلة الخطوبه عقبلنا كلنا…. تيررر …. ونبىنى طوبه طوبه فى عش حبنا نتهنى بالخطوبه ونعيش اجمل الحياه….. يادبلة الخطوبه عقبلنا كلنا ههههههههه رووووووووى وووه خشت
ام احمد …. نهار سود غبار على راسك يابنت خيرك بتكلبى تقولى ظفرتى شيب نهار بيض على راس الرومى عشنا وشفنا عروسه تزغرط على روحها ياحساره على ايام زمنا لما يفتحونا موضيع زى هيا عيونا يبدو فى لوطه والخدود بيطربقو دم اما انتم جيل توا اغبر احرف ياحنا جيل نت وفيصلوك وساهو نوضى مرفعين باهى واتقلى بنعطوك لراجل وانتى مازال خفيفه قريب تكلبى … ترا يوم الخميس ديرى هكى ولا هكى والله الا معصه بااااااااااااهيه لين نخليها زرقه ….
ليلى ….. ههههههههههه يعطيك الهناء ياماما اسمها فيسبوك وياهو ههههههههه ايه والله جيلنا احنا معاش زى جيلكم قبل … مهم توا تبى شى منى لانى حاطه الغدا على نار فاخلى نلحق نكمل غداى ونوتى روحى
صفاء …. برى برى وخيتى كملى خلينى نفرح حتى انى بروحى شوى رووووووووووووووووي … هالنهار عليه اندور هانهار ربيعه نور …. ياوليد ياولد اللعب شقلب ماتعدل على حد روووووووووووى ههههههههههه يابطه ميحى ميحى يابطه راك طيحى …
ام احمد …. ليلى باللهى عليك بنيتى ترا مديلى شبشب الحمام الا وراك خلى نوريها كيف تلعب وتشقلب وتميح براحتها … والله مايطيح فى ايدى شبشب الا مانخليك تنقزى نقز مش تميحى وتتشقلبى بس …. نوضى ورشكين ولا صكة حمار باهيه ….. وووووووووولله يامااالودن تشرف والعين يامتشوف والودن ياماتسمع ….. نوضى حركى رشده و ديرى تمره بدل هالهبال
وناضت صفاء ووحركت رشده ووتوا لغدا وتغدو وغسلو معايين وبعدها كل وحده منهم تكمت روحها على سنقة عشره وبينما عصام …. ياارض تهدى ماحدا ادى خطم على سوبرماركت خدى باوكو شكلاته باتشى الاميره وباقة ورد وصفرة زوز كيلو بكلاوه بالعسل الحقانى واتصل بصفاء وقاللها هيااانى فم الباب ……. كلمت صفاء امها وليلى ونزلت واما صفاء وامها ركبو لسياره ولحقتهم ليلى وقعدو ساكتين لحد ماام احمد قالت…..
ام احمد …… اسمعى ياحرفه نهارك اسود تلقحى ولا تقعدى تضحكى عارفاتك انى ماتصدقى
عصام …… نهاااااااارك سود ديريها تى والله الا مانقتلك تحشمينى مع الكبيده وانى نقوللها عيلتى برستيج
ام احمد ….. اختك تحشمك نوض ركايه ولا اتنين انت وهيا …. صفااااااء بنتى …. تى والله هدوء وادب واخلاق زى نسمه تنحط على جرح تبرى غير انت خمم فى روحك وشيطانة اللنس الا بتاخدها
عصام … على اساس انتى كنتى تحكى على ليلى متلا ولا شنى ؟؟؟؟
ليلى ….. هههههههههههههههه
ام احمد ….. تى بتمشى وانت ساكت ولا نقولك ولى بيا اصلا انى من الاول مش خاشتلى راس بنت راهو ايووووووووا والله مانقولك الا لف بالكرهبا ووللى بيا …
عصام ….. تى باهى باهى ياحويجه خلاص وانتى شورك متسبله شن مالا غيرتى هههههه بتاخدى منك
ام احمد ….. نوض بومبه باهيه ….. الا حاسدنى فيك يجى ياخدك مشبط ملبط عليها تاخد وتشبع وتتهنى الا يموت من جنون يخفف على ملايكه وصونيه الا تقعد تقعد …… اسمع وليدى بتسكن معاى ولا لا راهو قتلك هدا شرطى من الاول
ليلى عصام وصفاء …. ههههههههههههههههههههههههههههههههههههههههههه
ام احمد …. على شن تضحكو يامزتتين …. مش منكم موتت قلب زايده …. مهم شن جبت معاك ماتحشمنيش مع ناس
عصام ….. جبت بكلاوه وشكلاته وباقة ورد ….. نخطم نجيب صندوق مشروب ؟؟؟
ام احمد …… لا لا باللهى اخطم جيب معاك نص صقيته …….. ااااااااااااااااااااه ياناس ياتقتلوه يانقتله … علاش من قالك انى نعلف فيهم للعيد برا برا وانت ساكت …..
كملو طريقهم و وليلى وصفاء مابطلوش ضحك وربك يستر فى عقابها …….

يتبع……..

لقراءة الجزء التالي : الجزء الثالث والعشرون من رواية الزوجة التائهة بين الأحلام والواقع

لقراءة الجزء السابق : الجزء الحادي والعشرون من رواية الزوجة التائهة بين الأحلام والواقع

للإطلاع علي فهرس اجزاء الرواية : جميع الأجزاء كاملة لرواية الزوجة التائهة بين الأحلام والواقع

جميع الحقوق محفوظة للكاتبة كيندا من ليبيا .