الجزء الحادي والعشرون من رواية الزوجة التائهة بين الأحلام والواقع

مازالت الكاتبة كيندا تزيد من المفاجآت الجميلة داخل سطور الرواية ونري العديد من المواقف الرائعة بين الأبطال ، لذلك مشروبك المفضل وهيا بنا لنعرف كل جديد داخل الجزء الحادي والعشرون .

الجزء الحادي والعشرون من رواية الزوجة التائهة بين الأحلام والواقع

وهنا دارو حاجتهم كلها وليلى قعدت مع صفاء لوطه ومابتش تركب واحمد روح ركب فوق غسل وجهه وغير حوايجه ونزل وقعد مع خوته يستنو فى رجاله ومشى النهار وكملت الفضانيه على خير واتفقو الرجاله على كل شى وعلى انا العرس بعد شهر بزبط ووتعشو روحو وبعدها احمد قال لامه انى تعبان هلبه وبنركب بينما ليلى ماقالتش ولاحرف قعدت تشبحله وهوا مباش يشبحلها بكل وهوا طبعا ركب وفتح بدل ولبس بيجامته وقعمز على كنبه وهيا قعدت لوطه لحد ما كملو معايين وظمو كل شى وساعه 12 بزبط ركبت وقبل ماتفتح باب سمعت صوت تلفزيون مقوى فا غمضت عيونها للحظات وتنهدت وفتحت باب ولقت احمد يتفرج على تلفزيون .
{{K&K}}
فخشت ووقفت شوى تشوفله بعدين نزلت راسها وخشت بدون ماتقوله ولا كلمه وخشت لدار طلعت لبسة نومها وخشت للحمام فتحت ميه السخونه وقعدت تحتها تبكى وبعدين لبست روب الحمام وطلعت وخشت لدار وقعمزة على كرسى شكماجه تسلت فى شعرها فااهوا خش للدار وقعد قدام الباب يشبحلها بس هيا هنا مسحت دموعها وقعدت تسلت فى شعرها وبعدين ناضت تبى تاخد الكريمه من الحمام فاوهيا طالعه وقف قدام باب وسكر عليها طريق فا قالتله
ليلى …. لو سمحت ممكن تحول …
احمد ….. علاش كنتى تبكى ؟؟؟
ليلى …. مافى شى ممكن تحول …
حول احمد وخالها خطمت ومشت خدت الكريمه وولت بس وهيا كيف خاشه وبتصكر باب شدها من ايدها وغمرها وقاللها
احمد ….. ليلى انى نحبك علاش تديرى هكى
ليلى …. شوف انت شن تخبص من وراى يااحمد مش هدا الا اتفقنا عليه …
احمد رد عليها بعد ماشدها بأيديه ووخرها وقعد يخضخض فيها ويقوللها انى شن درتلك خيرك انتى هبلتتتتى قوليلى شن فى علاش تتصرفى هكى لو الحمل بيخليك هكى يالعن امه معااااااش نبى صغااااار خلاااص انى فديت من مشاااكل خلاص
ليلى ….. قعدت تبكى وبعدين قالتله …. علاش اليوم خليت بنت ترد على نقالك ؟؟
احمد ….. اما بنت على شن تدوى ؟؟
ليلى …. خلاص احمد باللهى عليك انسى موضوع خلاص انى طفح بيا راهو خلاص…. انى بنرقد فاممكن تطلع وتخلينى نلبس حوايجى ممكن …
احمد ….. …. انتى خيرك شن تبنى ندير معاك مافى شى يرضيك مافى شى يعجبك انى فديت ياليلى راهو وانى قاعد متحمل وماسك اعصابى …. شن فى ؟؟؟
ليلى ….. مافى شى احمد خلينى واطلع لوسمحت اطلع …. وقعمزة على سرير وقعدة تبكى
فااحمد هنا خدى نقال لوحه على حيط وقعد يعيط ويقولها …. خلااااااااااص انى فديت … شن فى قوليلى ….. نقال اهو فترشته ومعاش نبيه ماااااشى .. شن تانى يرضييك …. ردى عليا زفت ردددددددى
ليلى …. <<قعدت تبكى هنا وساكته ماقالتش ولا كلمه>> ….
احمد ….<< فاهوا سكت للحظه ….. وبعدين قرب جنبها وقعمز شويه وبعدين قاللها …. ليلى حبيبتى واللهى مافى بنت رح تاخدك منى وانتى الا فى بالك كله وهم فى وهم
ليلى ….. الوبنت الا ردت عليا ؟؟؟؟ …
احمد …. اما هيا ….. يابنتى واللهى مافى حد خليته يرد على نقالى
ليلى …… احمد … انى متاكده انها ردة عليا وقالتلى احمد كان فى اجتماع وعاوديله بعدين وسكرت عليا
احمد ….. واللهى ورس امى مافى منها دوه هيا انى صح كنت فى اجتماع بس نقالى كان فى جاكيت فى مكتبى فوق بس لا قالتلى على شى ولا نندرى على شى …. وبكرا رح نخليها تعتدرلك شخصيا وتنفاهم معاها
ليلى …. اوك خلاص ….
احمد …. متأكده …. خلاص صفينا …. يعنى ناخد راحتى ههههههه
ليلى …. ايه خلاص … شن تاخد راحتك هادى هههههههه
احمد …. باهى نقولك شى توا بيهرب ضى خودى موقعك شوى هههههه
ليلى …. ههههههه بطل يااحمد انت صايع اطلع
احمد …. باهى نقولك شى ونطلع …
ليلى … شن تبى …. احمد بطل بطل يابارد …. ههههههههههههههههههههه… حتى انى نحبك … خلااااااااص بطل ههه … ومشو فى خبر كانا لحد تانى يوم صبح وهنا ليلى فاقت على صوت احم يقوللها …
احمد ….  صباح الورد حبيبتى شنى مازال مانبيش توضى ؟؟؟
ليلى …. صباااح الورد حبيبى ساعه كم توا  ….
.احمد ….. ساعه 10 ونص توا وانتى راقده زى اموات لو كنتى ميته كنتى نضتى من الا نديرلك فيه هههههههه
ليلى …. هههههه بطل يابارد خلاص اهو بنوض لكن انت علاش مامشيتش للخدمه ؟؟
احمد …. اليوم جمعه ياحلوه ولا نسيتى …..
ليلى …. بالفعل كلام الليل مدهون بالزبده هههههه وتقولى بكرا ناخدلك حقك ونخليها تعتدر وانى زى هبله صدقتك ونسيت انا جمعه
احمد ….. واللهى حتى انى نسيت زيك …. بس انى راجل وكلمتى ماترجعش قواتلك رح تعتدرلك رح تعتدر
ليلى …. هههههه اوك اما نشوفو ….. حبوبى شن تبى تفطر ؟؟؟
احمد ….. الا انتى تديريه تمام بس نقولك شى دير عصيده والله خاطرى فيها ولا ماتقدريش كان تتعبى فوتيها
ليلى …. لا لا عادى حبيبى …. خلاص نخش للحمام ونوتيها ماشى
احمد …. خلاص وانى اهو واقف ندخن ونستنى فيك ماتعطليش عليا …
ليلى … اوك حبيبى وماتصكراشى روشن بعد ماتكمل خلى تخش شمس شوى
وهنا ليلى خشت للحمام غسلت وجهها وحكة سنونها وخشت وخشت للمطبخ طيبت العصيده وفطروها وبعدين دارت القهوه وقعمزو يشربو فيها فى مطبخ وهنا ليلى قالتله …..
ليلى …. حمودى شن رايك اليوم ننزلو نتغدو لوطه عندكم لانى مساحشه بنات ونبى نهدرز معاهم ….
احمد…. اصلا انى كيف كنت بنقولك انى بننزل نشوف امى لانا الحق قداش ليها تكلم فيا تبى تتفاهم معاى على موضوع صفاء ومضبحه حتى على خوتى الولاد اليوم ونساوينهم …. هههههه يعنى تقدرى تقولى اليوم اجتماع القمه عائلى فا كانا بديرى شى توا فى حوش تديرى وبعد ماتكملى الحقينى لوطه ماشى للوشى
ليلى …. خلاص حبيبى اوك برا انزل انت توا وانى مع ساعه 1 لاظهر نكون لوطه نكمل ضمانى ونصلى ظهر ونننزل نساعدهم ماشى حبيبى ؟؟
احمد … خلاص حبيبتى وتسلم ايدك الحلوت هما على الفطور الحلو والحقينى اهو نازل انى
ليلى ….. اوك حبيبى
نزل احمد لوطه وخش للمطبخ ولقى امه تقرض فى بصل فاقاللها …..
احمد ….. صباح الورد على الورد الجورى ياعسل انتى …
ام احمد ……… اممممممممم << لوحتله تلقحيه وتنهيده معاها >> شن مالا راضيه عليك الكبيده الا فوق وجاى تزمزكلى بعد تكشيخة امس اصلا عادى الحلو فيهم واليامات سودا فينا <<< انى نربى وغيرى ياخد عجب يادنيا عجب>>
احمد ….. ههههههه منين تحفضتيها كبيده هادى شنى مالا ملايمه على شله الانس ولادك ههههههه الايامات هيا ….
احمد …. تى بتمشى ياولد لاصام لاصلى ولا لا تى من جاريركم انتم انى بتخلونى نكفر << استغفر الله ياربى >> والا زاد خاتمها عاد خوك الخايب الكبير تى والله على حالتكم هادى ماكم شايفين منى سماح …
احمد ….. تى خيرك…. شن فى شن دارلك محمود … اكيد اصلا مافيش الا هوا مشيطلك ريقك
ام احمد …. قتله اشترك انت وخوتك الولاد مانبيش ينزل تقل عليهم وكلهم عندهم مسولياات زيك وديرو للحوش صيانه قبل عرس اختك؟؟؟؟؟
احمد…… باه شن قالك ….
عصااااااام ….. يااااااااما << طلع راسه من روشن المطبخ الا يفتح على جنان وقاللها ….. بتخطبيلى ولانمشى نخطبها بروحى اهو قتلك من توا واعتبريها تهديد ياحويحه راهو نحنو لما نستخدم القوه بعد …
ام احمد ……. تى بتمشى ياولد كلبه ولا لا ….^&*&^%^إ[لألآ{لآآ%^لإإلإلأ{لآ
احمد….. ههههههه تى دمغتيله راسه بشبشب ياما الولد بتقتليه قبل ما يلحق يخطب
عصام …… طلع راسه من روشن وقاللها …. تى واللهى الاما نخطبها بروحى باهى …..ومشى يجرى لانا عارف احتمال طنجره تكون فوق راسه
احمد……. تى خيرك عليه الولد ؟؟؟؟ علاش ماتبيش تخطبيله ؟؟؟
ام احمد…. انى من الاول عاطيتك قلة سماح كانا ماسكنتش فوقى ولامعاى وبوكم كان بانيلكم شقه فوق ليك وشقتين فى دور تالت جنب بعض على اساس واحده لي عصام وتانيه نبيل …وانى عطيتكم
كلكم قلة سماح كانا ماسكنتوش معاى لانا البنات بيمشو وانى مانبى نقعد بروحى ؟؟
احمد…. باه …. شن صار؟؟؟
ام احمد ….. جانى هدكا مزتت امس فى الليل وبدى يتسكبن وينزل فى عسله …… عرفته يبى مصلحه وجه الكلب هوا …
احمد ….. هههههههه كانا يسمعك تى حاط روحه بربيت هوا هههههه باه كملى
ام احمد ….. اى دار روحه ولا راجل عليا على اساس كانا دار لحيه ولا راجل مهم قالى اخطبيلى وهكى وقتله باهى ياوليدى انت غير كمل باقى شقتك فى هالشهر لانا خلاص هيا تبى تركيب مواد صحيه متع الحمام والمطبخ وزواق وخلاص وقتله حقك عليا نديرلك عرسك مع صفاء اختك ونفرح بيكم الاتنين وخطوبه مش صعبه قصدى غير يبدا انى من اسبوع جاى نمشى نخطبله ونعطى كلمه فيها واسبوع الا بعده فض وتم
احمد ….. باه شن صار
ام احمد ….. شن قالى وجه الكلب هوا قاااااااالى لا هيا تبى حوش بروحها وانى فلوس الا عندى بناخد بيهم ليها فيله ارضيه فى عين زاره عجبتنى ان شالله …… شفته المصدى وجه بنت هدا قدرت تحكم فيه وتمشى فيه وتجيبه من توا وحتى خطوبه قاعد ماخطبهاش مالا لما يتجوزها شن تدير فيه تقطعه علينا زى خوتك الكبار …. لا عادى نتوقع اى شى منهم هالمزتتين مش يقولك زى من يربى فرخ الحنش فى كمه يطول الزمن ويلدغه …..والفرخ تانى قالى لا لا لا انى فلوس الا عندى مانقدرش نديرلكم بيهم صيانه للحوش لانى خااش فى مشروع فى تونس ومرات اصلا بستقرو غادى وحتى صغارى نبى نخمم فيهم ….. والفرخ نبيل يطوطح زى عزرى قموده ولا خدمه ولامخدمه دابه وداب دويرته وفيصلوك هدا الا نبيه متفجر بعون الرحمن ودابه وداب المريه وكريمته وشعره ولبسه وباقى القلب الا تقلب
احمد……. هههههههه اسمه فيس بوك من فيصلوك هدا منين لقيتيها يعطيك الهنى هههههههههههههههه
ام احمد…….. وين نندرى عليه نسمع فى بنات يقولو هكى ولا انى ممكن هدا الا شديته منهم مهم خلاصه وهدى اخبار خوتك مزتتين
احمد ….. نقولك شى بالنسبه لعصام تو نتفاهم معاه مهم بشرط بكرا تاخدى ليلى وصفاء وتمشو تخطبوها ماشى وباقى خليه عليا واما بالنسبه على صيانه حوش بكرا ان شالله نسحبلك عشره الاف جنى ديرى بيهم صيانه وباقى وتو منهم العرس وفوتيه محمود انتى عارفتيه من الاول كحته وجلده …… توا شنى وضعى فى سماح ؟؟؟؟ خديت بطاقة دخول ولا مازال بنوقف فى طابور ؟؟؟
احمد ….. الله بجاه نبى محمد ياوليدى نبيك مدير قد دنيا والا يجى وراك يجى قدمك ويطيحك فى ولاد الحلال ويرزققك بوليد باهى يارب وبرا مسامحتك دنيا واخره
احمد …. هههههههه على اساس انى توا كناس ولا شنى ههههه باهى باه ياحويجه مدير مدير …. اسمعى انى توا بنطلع نهدروز مع عصام ماشى ونتفاهم معاه …. بس باللهى شن مدايره الغدى ؟؟
ام احمد ….. مدايره مكرونه ياوليدى بالبصله لانا اليوم زحمه ياوليدى هلبه الحوش وكناتى المزتات والا وحده بت تقول عزوزتى رجليها يوجعو فيها وجت ساعدتنى ا نى رجليا بينكسرو من وقوف ….وخواتك يضموفى حوش خليتهم ويسيقو فى جنانا تا اما مزتتات نساوين خوتك ا كاسرين روسهم فى بعض وشادينها قرمة فلى فينا …
احمد…… اهو توا ناديلك ليلى تجى تساعدك توا …….. طوووط طووووط ….. الو ليلى انزلى لوطه توا وسيبى الا فى ايدك امى بروحها فى مطبخ تعالى عونيها باهى …
ليلى ….. باهى حبيبى اهو نازله اصلا حتى انى كيف كملت ونازله
نزلت ليلى لوطه وقعدت واقفه مع عزوزتها فى مطبخ بينما احمد طلع لعصام الا واقف فم شارع خايف امه تحدفه بدفله ولا طنج باهيه على قد ماوكل على قلبها وشارب وقالله…….
احمد …. عيصوووو تعالى نبيك تعال
عصيام …. اه حميده ياروح امك شن فى ؟؟؟
احمد…. ههههه قويه روح امك شن بدينا نعرفو نلقحو
عصااااام ….. فى جرايرك انتم اصلا وام بنبدا نسكر ونحشش مش بنلقح بس
احمد ………. اييييييييييه عاد الا يجى يقولى يجرايركم شن اليوم المتجر هدا من صبحه خلاصه ….. مادما انت عندك حوش واتى برا ارضى امك واسكن فيها وامك مش رح دوملك هلبا بس اقلها طول ماهيا معنا وبينا حرام نكسرو بخاطرها وبعدين يوم نعاش واما لى بنت هادى الا تكلم فيها فاعمرك ماتخسر مرتك بسبب امك ولا تخسر امك بسبب مرتك يعنى مرتك مستقبليه تقدر ترضيها بعدة حاجات تانيه فهمتنى وصدقنى انت غير اضغط عليها شوى وقولها واحكيلها على ظروفك وهيا رح تقولك باهى وبعدين هيا علاش تبى تبعدك على امك وهيا عارفه انا بوك مريض مفروض انك انت من نفسك ماتسيبش امك وبوك مريض ياراجل وعارف اصلا اختك قاعده صغيره فامفروض كنا نوقفو معاهم
عصام … واللهى الا عندك الحق وانى مافكرتش هكى الحق وخلاص مالا اعتبرنى سكنت فوق من توا وبعون الله من بكرا نبدا نكملها ونطلع نشرى اتات بس وامك شن حل فيها ؟؟؟
احمد …. شن قصدك فى خطوبه … هههههههه غدوا بنت خاطبها وخلى امى عليا وووخودها كلمه منى ماشى ….
عصاااام….. خلاص مش بكرا تتطلع زنيلو وتقوتنى اهههووو قتلك …… باهى
احمد ….. باهى خلاص وانت نفاخ زفت مهم قولى خوك نبيل شن مداير ؟؟؟
عصام …. واللهى شن نقولك راهو يحادى فى شله ماتنفعش متع حشيش ودخان وهوا صح مايدير فى شى بس خايف يطلقو عليه وانى نصحته بس هوا مصكر دماغه …. شوف انت بالك تحاول معاه
احمد ….باهى باه توا غير تعال نخش وفى مربوعه نهدرزو مع خوتك وبعدين ساهل
خش احمد وعصام للمربوعه بينما ليلى نزلت لوطه ولقت عزوتها فى مطبخ وقعدت تساعد فيها فى سلاطه وتوى صفر الغدى وهنا خشت صفاء ومروه وقالو……
صفاء ومروه …… فازو نوتيلا ههههههه اطلعى اطلعى توا نكملو حنا منك مع ليلى …
ام احمد …. باهى باه مالا خلى نمشى نشوف هدوكا كملو بينا تهدريزة شاى ولا نديرلهم صفرة قهوه سحيقه ترفعه ان شالله
صفاء ….. باهى باه خلاص برى ارتاحى داخل
مروه …. ليلى …. نبى نطلب منك طلب …. قولى لى احمد يخلنى نرجع نمشى للمدرسه باللهى عليك ويمشى معاى لانا بعد الغايب هوا مش رح نقدر نمشى
ليلى ….. باهى باه يامروه وانى عرفت شن الا صار هههههههه هدى عمله تديرها ههههههههه
مروه …. تضحكى … اكيد بلوعة مجارى قالتلك صح …
صفاء …. من هيا بلوعة مجارى ياخمار ولانقول عل مكعبات تلج …
مروه ….. انى انى بلوعة ماجرى ضمى فمك واسكتى ….وانتى ماتصدقى
ليلى …. هههههههه واللهى انتى يامروه تهببببلى خلاص رح نحاول نقنع احمد يسامحك ويخليك ترجعى …
مروه ……. ياوخيتى محلها عسل امووووووووووووووووووه
صفاء ….. باهى خلاص وانتى قتلتيها بنت بالبوس ….
مروه …… ضمى فمك انتى …
وبعد لحظات حطو الغدى وكملو وتغدو وغسلو معايين وعشيه دارو قهوه وقعدو يهدرزو على موضوع عرس صفاء واحتمال عصام عرسه معاها وقعدو ينسقو ويخططو للعرس وبعده كل واحد خدى مرته وروحو واحمد وليلى ركبو فوق وقعدو يهدرزو مع بعض فى صاله وبعدها ليلى قالت لااحمد…
ليلى ….. نوتيلك عشاك …
احمد …. لا لاصحيتى حبيبتى …
ليلى …. مالاخلاص انى بنرقد توا لانى تعبانه وانت ماتبيش ترقد
احمد…. لا لا بنستنى على اتجاه معاكس برنامج فى جزيره وبعد لامايكمل بنخش نرقد برى انتى ارتاحى
ليلى … اموووه تصبح على خير حبيبى
احمد … وانتى من اهل الخير ….
تفرج احمد على برنامج وبعد ماكمل لحقها ورقد وهنا فاتت ليله وجى صبح واحمد ناض بدل حوايجه وكتب رساله لى ليلى ….
احمد….. < حبيبتى استنى مكالمه منى >>
وطلع … ركب سياره ووصل لسياره وركب فوق واول ماوصل للمكتب قالتله سكرتيره ……
سكرتيره …. صبح الورد بس مهندس
احمد ……

يتبع………..

لقراءة الجزء التالي : الجزء الثاني والعشرون من رواية الزوجة التائهة بين الأحلام والواقع

لقراءة الجزء السابق : الجزء العشرون من رواية الزوجة التائهة بين الأحلام والواقع

للإطلاع علي فهرس اجزاء الرواية : جميع الأجزاء كاملة لرواية الزوجة التائهة بين الأحلام والواقع

جميع الحقوق محفوظة للكاتبة كيندا من ليبيا .