الجزء

الجزء الخامس من رواية رجل يحببنه الكثير للكاتبة لوزة ليبية

تحدث الكثير من التطورات الشيقة التي تجذبنا إليها الكاتبة في سطور الرواية والتي تجعلنا في حالة من السعادة كأننا نعيش مع ابطال الرواية حياتهم لحظة بلحظة وهذا أجمل ما في الكاتبة لوزة، لذلك هيا بنا لنكمل جولتنا داخل الرواية في الجزء الخامس منها .

الجزء الخامس من رواية رجل يحببنه الكثير للكاتبة لوزة ليبية

وفاء:وها قررتي
مرام:مش عارفة الحق …باهي وين ومنين نديره سحر هدا ؟؟
وفاء:فيه مرا في منطقة كدة بحدا سوق اﻻثاث كان زبطيه
مرام:ايه
وفاء:خﻻص غادي هيا
مرام:ﻻﻻ فكيني نخاف
وفاء:شن تخافي بش تبي حبيبك هاني
مرام:اي نبيه
وفاء:خﻻص بريلها
مرام:ﻻﻻﻻ هدا ولد عمي مانقدرش… شن نسحره وكان صارتله حاجة ؟؟
وفاء:انتي عبيطة بنروح انا راسي منفوخ من محاضرة تو نهدرزو
مرام:به اوكي باي

ركبت عزيزة لقت هاني راقد
قربت جبنه ونفخت في وذنه
فاق هاني وقالها:ها بيبي من بكري نستنى فيك
عزيزة:ماه كله من امك قيمي حطي
هاني:شنو ماسمعتش عاودي !
عزيزة:قصدي كنت لوطة ضميت مطبخ وركبت
هاني:كﻻم هذا معش نبي نسمعه ومعش تقولي امك ياقولي اﻻي يا قولي امي ….
عزيزة:باهي حاضر لكن تعبت انا حوشين اهنا وهنا تقطعت هاني
هاني:سبحان الله …. قبل من اول ماتعرفنا حكيتلك اني ندور في بنت الحﻻل اللي ترد بالها عليا وعلى امي واختي الصغيرة قتيلي ربي يبعتلك بنت كيف ماتبي وبعد ماحبينا بعض وقررت نخطبك سألتك يا عزيزة يابنت الناس راهو امي مريضة ومرضها زيادة في الوزن وسمينة ماتقدرش تتحرك قتيلي ياهاني امك امي واللي بيكم بيا وانا نتحمل المهم نكون معاك
عزيزة:صح قلت بس انا انسان وتعبت
هاني:معقولة لينا شهر ونص وتقولي تعبت…شاف لعيونها وقالها عزيزة انتي تتكلمي على امي راه ردي بالك
عزيزة:باهي لكن ماحسبتش هكي اﻻي مادير في شي
هاني يشبحلها وساكت
عزيزة:تعبت الحق هلبا حوشين
هاني:المشكلة كان امك راه مشيتي تجري وتقوليلي ﻻ بنقعد عند امي تعبانة صح واﻻه وماكنتش حنقول ﻻ …ﻻقدر الله طبعا
عزيزة:شن جاب سيرة امي توا
هاني:معش تعلي صوتك عليا والله ناكلك كان مزال صوتك علي ع صوتي من بكري تتكلمي ع امي ومع هدا اناقش فيك بهدوء
عزيزة:هاني افهمني حتى وقت بنطلعو العشية اﻻي قالت نساوين جايين وهاه ماصارش من طلعة
هاني:به ماصار سو اﻻيام جاية
عزيزة:شن اﻻيام جاية خلوقي في تل نبي نشم هوا راني قاعدة عروسة وامك ديري وحطي
هاني طلع من اليرغان ووقف وقالها :شن قلنا ع كلمة امك …. معقولة هكي عزيزة صدمتيني فيك الحق طريقة كﻻمك ماعجبتنيش
سكتت عزيزة ونزلت راسها وقتله : نسيت
مشيهاني خش لحمام الدار وعبى البانيو اميا وخش فيه قعد يفكر يفكر لين خداه النوم وهو ف الحمام
فاتت ربع نص ساعة عزيزة تبكي حست روحها زادت ف كﻻمها على امه وانها انفعلت زيادة عن اللزوم وتمتم بصوت مسموع لكن معاي حق شن حوشين هادو فوق ولوطا تي يالله نضم حوشي انا
وفكرت وخداها النوم فاقت شافت ساعة لقتها الساعة 6:15 تلفتت جيهة تانية بتكمل نومها ادكرت عزوزتها ناضت تجري
نست ان هاني ف الحمام توجهت للحمام وفتحت الباب بقوة
فاق هاني مخلوع وقعد يشبحلها شبحة عالجنب
طلعت عزيزة وسكرت الباب مشت للحمام الثاني خدت دوش وصلت ولبست عالسريع ونزلت
طلع هاني من الحمام صلى العصر ولبس حوايجه دورها ف الحوش مالقهاش طلع متعفلق
وهوا نازل في الدروج ويتمتم معقولة هكي حتى اسفة ماقالتهاش توقعتها ترضيني حتى بكلمة طيبة

ركب سيارته وهو مضايق متغلل ولع سيارته ومشي ل للقهوة
بعد شوي وصل….
درس سيارته ونزل يشوف في حسام و هيثم مقعمزين
مشالهم وقالهم:السﻻم عليكم
حسام:هههههههههه وعليكم السﻻم شوره ماصارش من الطلعة ياهيثم
هاني:اياح لقح عاد هي
هيثم:ههههههه كيف صار
هاني:بالله غيرو الموضوع ماعنديش خلوق لبصارتكم بكل

مع ساعة 8 مساء
عزيزة كانت مقعمزة بحدا النساوين
وبعد ماروحو العويلة
خ سميحة:خﻻص عزيزة اركبي انتي ارتاحي تعبتك معاي
عزيزة:تعبك راحة اﻻي هي تصبحي على خير
خ سميحة :تﻻقي الخير بنتي ….
خ سميحة حست انها تقلت على عزيزة وهيا مازال عروسة وﻻحظت من تعابير ودها..
خدت نقالها واتصلت ب مرت خوها لطفية
خ لطفية:مرحبا لطفية
خ سميحة :اهلين شن اخبار
خ لطفية: الحمدو له بخير كيف حالك انتي..
خ سميحة:اهو حال المرض …خيره اللطف معش تبعتي في مرام زي قبل تونسني اهو حتى القراية بدت وجامعتها قريبة من حوشي
خ لطفية:والله عاد امس كنتي تشكري في كنتك ماشاء الله عليها ادير ف كل شي ﻻش بنبعت بنتي
خ سميحة:ﻻ انا تعودت ع مرام واﻻ انتي تتسبلي عاد؟؟ ماتبيش بنت خوي اتجي عندي
خ لطفية:ﻻﻻ مانتسبلش اللطف خﻻص غدوة نبعتهالك
خ سميحة:به اماﻻ هي الرصيد بدي يصفر توا بسﻻمة
خ لطفية :بالسﻻمة

سكرت لطفية وهي تمتم تو شن تحسابها بنتي خدامة عندها
عمي مصباح(راجلها) :خيرك تدوي بروحك
خ لطفية:اختك سميحة تبي بنتك تمشيلها
ع مصباح:وشنو جديد عليك من صغرها تمشيلها
خ لطفية:ماه دارت كنة عاد نحساب خﻻص
مشت خ لطفية ل دار مرام وعايشة
خ لطفية: مرام عمتك تبيك تمشيلها
مرام:وين ؟؟
خ لطفية:وين يعني ف حوشها …
طلعت خ لطفية من الدار …ومرام طاريرة من الفرحة
وساعة وراء ساعة ومرام تفكر ف كﻻم وفاء خدت نقال واتصلت بيها
وفاء:اهلين
مرام:اهﻻ… اسمعي قوليلي المرا اللي تسحر شن تبي مقابل
وفاء: اكيدة فلوس
مرام:باهي كم هكي
وفاء:ف حدود 200 دينار على حسب اللي بديرهولك شنو بتمشي قصدك؟؟
مرام:مش عارفة نحس ف روحي خايفة
وفاء:ماتخافيش بش تبي هاني
مرام:ايييييه نبيه
وفاء:اماﻻ قوي قلبك
مرام:باهي ماعنديش فلوس وتاني حاجة من بيمشي معاي
وفاء: انا نمشي معاك وكم عندك فلوس
مرام:عندي 150 دينار
وفاء:خﻻص وانا عندي 50
مرام :خﻻص به تمام
وفاء:مبروك عليك هاني من توا
مرام:هههههه الله يبارك فيك

هاني ل حسام:على اساس على حسابك وقهوة وتحﻻية وبرو وادلل وهلبا كﻻم معسل
حسام:ههه العرض لمرة واحدة مش ساري المفعول يااحبيبي قتلي ماصارش قلت خﻻص ندفع ع هيثم
😃
هيثم :ههههههههه خدالي كباتشينو و تشيز كيك ومدلع الجو حساموه منور والله 😃
هاني:ههههههه تي باهي به عليك حق 🙁
حسام:نبصر نبصر العشي ع حسابي هي بحبح 😘
هيثم:شنو خالص اماﻻ 😮
حسام:ﻻ 😉
هاني:اماﻻ مختلس المال العام من المصرف هههههههههه 😃
هيثم:ههههه ﻻعب في المنظومة ياعافن تاريتك مش هوين :V
حسام:والله ماينفع فيكم النم
هيثم:قصدي هكي تعرض ف خدمات وعزومات شن فيه o_O
هاني:اكيدة اليوم المرا ف حوش بوها وبيدير يوم عزوبية ﻻ وين ماشي ﻻ وين جاي ﻻ وين صرفت فلوسك هههههه 😃
هيثم يغني:بتمشي لحوش بوها
هاني:اه ..اها اها وانا قتلها ﻻ
هيثم:اه اها اها … ياحليلي الليلة سودة
هيثم :اه اها اها خبروني كيف نراضيها
حسام:ضمو افماتكم لبستوني بناقص منه العشي كل مافي الموضوع المرا حامل قلت نعزمكم اليوم عشي وتحﻻية عفلقتوني 😣
هاني: اهااااا مبااارك مبااارك ربي ايبارك 😊
هيثم:مبارك يابرو
حسام:الله يبارك فيكم ^^ شنو هيثم مازال؟؟
هيثم:ﻻ مازال سنة القدام عالاقل نعيش حياتي انا والمدام ❤ ♥

عايشة:شن اديري مرام خيرك اتلمي ف حوايجك ~_~
مرام:مرت عمي اتصلت وقتلي تعالي
عايشة:به وعﻻش فرحانة 😮
مرام:ماه بنشوف هاني ♥_♥
عايشة: ياعبيطة عمره ماحيكون ليك مرام:ﻻ حيكون ليا تو تشوفي
عايشة:ههههه غبية ·_·

ومع ساعة 10 روح هاني لحوشه فتح الحوش وخش قال
السﻻم عليكم
ماحد رد
خش لداره لقي عزيزة متكية على السرير زي الطفلة وراقدة بخدودها الزهرية قعمز جنبها وماباش ينوضها
بعد شوي فاقت عزيزة شبحتله وقتله روحت حبيبي
هاني:ايه 😑
عزيزة:عطلت هلبا من بكري نستنى فيك ياروحي
هاني:كنت مع صحابي 😑
قربت منه عزيزة وقتله:خيرك حبيبي زعﻻن مني 🙁 ؟؟
هاني حط ايده على فمه وقالها :ﻻ مش زعﻻن 😕
قعمزت عزيزة في حجره وقتله سوري بيبي مش قصدي امبكري كنت معصبة بس… سامحني وهاه بوس على راسك 😘
هاني مازال ساكت يتغلى هههه
عزيزة:بيبي خيرك ساكت اممموه حبوبي خﻻص عاد والله ميمتك نقيمها برموش عيوني 😇 ….
هاني:هههه خﻻص ياشفشة اممموه استحشتك ♥
عزيزة :حتى انا ♥
وبدل هاني حوايجه ورقدو مع بعض ♥_♥

صبح الصبح ومشي هاني للعمل
خش المصرف ووقف طلع نقاله بيتصل ب حسام جاه صوت انثوي من وراه
صباح الخير هاني
تلفت هاني وقالها:صباح النور
دنيا:محلو اليوم ماشاء الله
هاني:شن تبي دنيا بالزبط فهميني
دنيا:اكيد نبيك انت
هاني:انا متجوز توا افهمي
دنيا:مش عارفة عﻻش سيبتني هكي بدون سبب ومشيت تجوزت هكي طول
هاني:دنيا خﻻص هدا ماضي مشينا هاليوم ع خير
دنيا:سعدودها عزيزة المهم سلملي عليها
هاني:كان نعرف بس منين تعرفي اسمها
دنيا :قتلك قبل مش مهم منين عرفت وكان عاد ماتبيش توصل السﻻم تو نوصله بطريقتي
هاني مشي وخﻻها
دنيا:هكي تمشي وتخليني ماتعصبنيش ياهاني تندم راه
هاني رجعلها وقالها :دنيا انتي غلطتي وتعرفي عﻻش خليتك ماتخلينيش نتكلم ونفتح سيرة وملفات قديمة نحنا في غنى عنها
دنيا:ماه انا نحبك

مرام :نحبك ياهاني
عايشة :نوضي ياكلبة محاضرتك قريب وقالك بوي بعد جامعة بري طول لحوش عمتك
مرام:خلعتيني خليتيني نحلم اللطف
عايشة :به نوضي هي

هاني:ماتقوليليش نحبك
دنيا :ﻻ بنقولها
هاني بنبرة عصبية :ﻻ ماتقوليهاش ﻻن وقت قلتيهالي فيما فات شفتك بعيني ف مكتب المدير … استغفر الله بري يادنيا انتي كﻻم بينا ومعش توقفي عليا

مشي هاني وخﻻها

وتت روحها مرام وخطمت على وفاء وبدل مايمشو لجامعة مشو لسحارة
مرام:والله خايفة
وفاء:ماتخافيش قوي قلبك وتشجعي مرام :به اهو سوق اﻻثات وينها المرا
وفاء:شن بتقعمز ف شارع بش يطبوها شرطة اصبري
مرام:وك عليا قلبي مش متريح
وفاء:اهو ف زنقة هادي
مرام:هدا شنو خيره زنق مدغرقات
وفاء :بﻻ نقان

دنيا ل منال:والله تو نوريه
منال:منو
دنيا:هاني…
منال:خليه فحاله الولد
دنيا:تو نوريه …عندك علم اختي تقرا مع اخت مرته في الجامعة
منال:حقققق؟؟
دنيا:تو شوي شوي اختي تجيبلي اسرار عزيزة وانا نقول ل هاني
منال:اختك تندري
دنيا: ﻻ ماتندريش لكن تو نقولها
منال:عيب عليك بتفريقه مع مرته
دنيا:ﻻ مانبيش نفرقه
منال:اماﻻ كيف
دنيا:اصبري بس وحتعرفي

يتبع …………

لقراءة الجزء التالي : الجزء السادس من رواية رجل يحببنه الكثير للكاتبة لوزة ليبية

لقراءة الجزء السابق : الجزء الرابع من رواية رجل يحببنه الكثير للكاتبة لوزة ليبية

للإطلاع علي فهرس الاجزاء كاملة : جميع اجزاء رواية رجل يحببنه الكثير كاملة للكاتبة لوزة ليبية

جميع الحقوق محفوظة للكاتبة لوزة ليبية .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى