سنكمل سلسلة التشويق التي تأخذنا فيها الكاتبة لوزة في رواية رجل يحببنه الكثير ونعيش احداث رومانسية وجميلة معهم ومن جمال الرواية هي الخيال الكبير فيها الذي يجذب عقولنا لها لمتابعها بإنتباه وللنهاية، لذلك هيا بنا سريعاً لنبدأ متابعة الجزء السادس سوياً لمعرفة أحداثه .
الجزء السادس من رواية رجل يحببنه الكثير للكاتبة لوزة ليبية
وفاء:اهو وصلنا
مرام:حيه والله رجليا يتمرعشو معش حامليني
وفاء:خلي روحك عادية ماديريش الخوف قدامها وقوليلها ابلة ماتناديهاش باسمها
مرام:باهي به
وفاء:هي خلي نطقطقو
طق طق طق
مرام:شوره مافي حد ف الحوش
وفاء:اصبري
انفتح الحوش وطلعت بنية صغيرة
قتالهم سن تبو
وفاء:ابلة كاميليا قاعدة
البنت:ايه تعالو
خشو لوسط الحوش بعدين وصلو جيهة قبو نزلت البنت قبلهم من الدروج وتقولهم هيا انزلووو
مرام رجليها تصلبو معش قدرت تتحرك جبدتها وفاء ونزلو يشبحو في حاجات غريبة وريحة ابخرة قوية
مرام ل وفاء:خلي نروحو مش مرتاحة
وفاء:مش حتخليك تروحي بما انك وصلتي
طلعتلهم كاميليا من دار وقغمزت ع الكرسي وقتلهم
ابلة كاميليا:شن جابك ياانتي؟ درتلك مرة اللي فاتت
وفاء:ﻻﻻ مش ليا انا …ه ه ه هادي صاحبتي تبيك ديريلها حاجة
كاميليا:اها به قعمزو …..
مرام:انا عندي شاب قصدي نبي شاب
كاميليا غمضت عيونها وقالت:هاني واﻻه اممم اسم جميل…
مرام :ايه هاني
كاميليا:هاني يحب مرته يابنتي… وفيه هلبا بنات حواليه
مرام:نبيه ليا انا بس
كاميليا:به …عندك حاجة ليه اي قطعة يستعمل فيها
مرام:ﻻﻻ ماعنديش
كاميليا:اماﻻ جيبي قطعة من مﻻبسه قبل
مرام فكرت فبالها انها ماتبيش ترجع لهالمكان المخيف فقتلها:ﻻﻻﻻ مانقدرش ماعنديش ليه قطعة باهي مافيش اي طريقة تانية
كاميليا:ﻻ فيه لكن اغلى
وفاء:بكم هكي
كاميليا:230
وفاء:اوكي به
مرام تهمس ل وفاء :شن اوكي هادي ماعنديش فلوس !
وفاء:اسكتي معاي فلوس
كاميليا:ها شن قررتو
وفاء:تم تم
كاميليا غمضت عيونها وقالت شنو اسم امه سميرة سماح مانسمعش فيك علي صوتك
مرام:سميحة
فتحت عيونها وكاميليا وقتلها :ماكنتش نكلم فيك
ناضت كميليا وخشت لدار ف القبو دارت طقوسها وبعد ربع ساعة طلعت مدتلهم شيشة صغيرونة ومدتها ل مرام
مرام:كيف الطريقة ؟؟؟
كاميليا:خليها شيشة هادي تحت مخدتك الليلة كلها وماتنوضيش بكل لين يصبح الصبح من اول ماتطلع الشمس ورشيها الميا هادي كلها قدام عتبت حوش الشاب اللي تبيه وقولي كربوش كربشات تﻻتة مرات …لكن تأكدي انه هو حيعفس عليها ﻻن مفعولها مرة واحدة بس
مرام:كيف؟
كاميليا:يعني مثﻻ انتي ريشيتيه تجي صاحبتك هادي تعفس عليه حيندار عليها السحر وكان جت واحدة بعدها عفست مش حيصيرلها شي فهمتي
مرام:اها اوكي فهمت
هيثم ل هاني:بتمشي تعبي بنزينة اليوم
هاني:ايه ان شاء الله برغم انه طابور و نفخ ونو
هيثم:بالهدرزة وجو تمشي اﻻمور
حسام: قدم كرسيه وقالهم:النم خير شبابيكم فاضيات وشباكي طابور خبزة
هيثم:هههههه خود شباكي متع المراجعة
هاني:ههههه ماك شمتت فيا امبكري ….حقا جتني دنيا امبكري وقتلي نبيك وجو هدا
حسام:تاعبة دنيا هادي
هيثم:فوتها ياراجل ماتحطهاش فبالك
هاني:ايه حتى انا هكي قلت …. بنطلع ناخد مكياطة تجي هيثم
هيثم:اوكي هي
حسام:جيبولي معاكم
هاني:اوك
طلعو هاني و هيثم لشارع وهما ماشيين يدرجو في الطريق جاية واحدة من قدامهم وتبتسم
هيثم:ريت المزة واﻻه ياحليلي عالعيون العسليات
هاني:ديما وانت تكحل
جت البنت جيهتهم وقتله صباح الخير هاني
هيثم حل عيونه 
هاني:صباح النور…. نعرفك انا؟؟؟
البنت:معقولة نسيتني …. انا جيداء بنت عم رندة
هاني:من رندة الحق مانعرفكش
جيداء: اها اوكي اسفة ع اﻻزعاج
ومشت البنت
هيثم:كلب وستين كلب
هاني:خيرك النم
هيثم يعجب ف هاني : يااخي درت روحك تبي تدكرها تبي تعرف كيف عرفاتك اي شئ اخخخخ …. تو حد يرفس النعمة برجليه
هاني:عندي حبيبتي مرتي ببنات الدنيا كلها
هيثم:غير قاعد عايش الدور عريس شهرين حنسألك بعد عامين القدام وحنشوف ردك
هاني:فكني منك
هيثم:اح وخﻻص
هاني:اهياه قهوة وين ماشي
هيثم:نحسابك بتمشي لقهوة جمعة
هاني:ﻻ حتى هادي باهي
خشو هما الزوز خدو تﻻتة مكياطة وطلعو ورجعو للمصرف..
دفعو مرام و وفاء الفلوس ل كاميليا وطلعو روحو
مرام ل وفاء: قريب يا وفاء قريب
وفاء:اشكريني
مرام:مشكووووورة يااروع صاحبة
لكن تعالي اهني امتى درتي سحر وخيرك ماقلتيش
وفاء:درته ل ولد خالتي اونه يجري ف جرتي غير شن تبي بس
مرام:تاريتك مش هوينا هههه اسمعي
توا حناخد افيكو نمشي لحوش عمتي قتلي تعالي ريتي جت مع بعضها بش انفد خطتي
وفاء:حلووو معناها بتعيشو ايام حبكم انتي وياه
مرام جتها قشعريرة وردت عليها: وك عليا ايهبل هالولد زين وطول ايهبلللل
دنيا ل منال:اخخخ ياربي تعرفي و الله ماقدرة نحس بالحب مع شاب غيره
منال:باهي عﻻش ضروري هاني اونه عادل متع المالية يبيك
دنيا:عادل مش نوعي المفضل مانشوفش فيه مواصفات اللي زي هاني
منال:اسسسككككتي عادل نحس فيه سمعك
دنيا:ينفلق المهم هاني توا
يتبع ………….
لقراءة الجزء التالي : الجزء السابع من رواية رجل يحببنه الكثير للكاتبة لوزة ليبية
لقراءة الجزء السابق : الجزء الخامس من رواية رجل يحببنه الكثير للكاتبة لوزة ليبية
للإطلاع علي فهرس الاجزاء كاملة : جميع اجزاء رواية رجل يحببنه الكثير كاملة للكاتبة لوزة ليبية
جميع الحقوق محفوظة للكاتبة لوزة ليبية .
