الجزء

الجزء الرابع عشر من رواية عالمي

الجزء الرابع عشر من رواية عالمي

وفي الجزء الرابع عشر من رواية عالمي دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة بنان عماد .

الجزء الرابع عشر من رواية عالمي

قالت لي عمرها الرسمية م كانت بتولد العلاقه وفتحت تلفونها بقت شغاله فيهو قلت ليها امنيه بس من باب انك عاوزه حاجات كتيره والقروش حتكون كتيره م حتقدري عليها م ردت لي قلت ليها يد وحده م بتصفق م ردت برضو قلت ليها امنيه قالت لي راسي واجعني اسكتي شوية قلت ليها أمنية الله يخليك م تزعلي من حاجه تافه قلتها وانا م قااصده انا انا ي امنيه م قادرة احنس زول وبحنسك عشان انتي م اي زول أمنية الله يخليك اوعديني انك م تخليني انا بموت والله قبلت على قالت لي بنان دايما سيرة الموت ف لسانك ياخ بس افكر ف موضوع انك حتموتي بتأزم شديد ي بنان م بتخيل حياتي بدونك ودموعها ف عيونها قلت ليها امنيه انا م قاص.. حضنتي ف اللحظة د عرفت اني م برأي وان معاي سند كنت حريصة اني اتغير عشان السند د وعشان نفسي لانس مضايقة من نفسي انس ضعيفه ومن اقل شي بتذكر الماضي انا أنا لازم اتخلص من الضعف العندي د لازم بقينا نتونس لمن وصلنا مصر د حاجه كده حلوه عديل كنت مستغربه ف اماكنها في اماكن م حلوه وتحسها بضيق بيك وفي اماكن بتحس راحتك فيها مشينا فندق وصلنا محلات الحجز ودقيت لي ابوي رد لي بسرعه قال لي بتي قلت ليه ابوي قال لي ارجعي لي ابوك ي بنان محتاج ليك كيف تختفي عني مش قلتي لي انت سندي انت ظهري انت الجبل وروحي التانيه وينك هسي م اتكلتي فيني قلت ليه طلعت لقيتهم بتقطعو في بتكم وبتأذوها من ورا ظهرها زي الذئاب الكانت ف حياتي قال لي بصوت مبوح م وروك اني اول م سمعت خبر انك عاقر ضغطي ارتفع ورقدوني ولمن بتكلمو م كنت حاضر كدي احكي لي قلت ليه م حأحكي ليك ي بابا انت حيرتفع ضغطك تاني لو حكيت ليك خلينا كده قال لي رحمه كلمتني امنيه قالت لي بنان كملي كلامك فوق م ممكن نوقف كده قلت ليها دقيقه قلت ليه ابوي برجع ليك بعد شوية بس عاوزاك تحول لي قروش ف الحساب المصري قال لي بتذكر لمن امك مشت قلت ليه بس يلا شلت البطاقه حقتها فيها قروش بس م كتيره قال لي هسي حمشي أحول ليك بس ليه قلت ليه ممم م تكلم حد لمن اجي طيب قال لي طيب قلت ليه سافرت مصر اليوم قال لي م كان تسافري براك قلت ليه معاي أمنية قال لي خلي بالك من نفسك وانا واثق فيك والله قلت ليه د العشم والله ❤️قال لي واثق من تربتي اكيد يلا خلي بالك م ازعجك وخلي بالك من اختك ولو احتجتي شي رساله وحده بس منك قلت لية اخخ يا الغالي يلا معسلامه قفلت منو أمنية حمرت لي نظام ساعه بتتكلمي ضحكت ودفعنا القروش ادونا المفتاح وطلعنا أمنية قالت لي ابوك مالو قلت ليها بحبو ي امنيه بحبو وقف معاي وم سمع كلام الناس عني بس كان همو بتو امنيه انا حتغير عشان نفسي عاوزه اعيش حياتي زي الناس ليه م اعيش حياة مليانه فرح وانا بقدرتي اعيشها فتحت الباب وقفلتو قالت لي بجد م قايله انك حتتجاوزي الحصل بالسرعة د لانو الحصل م هين والله وانا الما مقاطعه اهلي ولا هم خزلوني حاسه بأحساس غريب وهم ف عطبره وانا هنا للشغل قلت ليها بتشتاقي ليهم وكده بس انا خزلوني قالت لي حتديهم فرصة؟ طلعت هدوم وكنت ماشه الحمام وانا سرحت بعيد لمن دخلت وبقيت استحمي ولسه سرحانه يارب حقدر اتغير عليهم؟ حقدر اتعامل معاهم وهم المره م وقفو معاي فيها طيب طيب عادي م. وقفو بس ليه فهمهم كده حتى انا؟ حتى انا بتهم💔طلعت ولسه سرحانه ومشيت المطبخ كبيت مويه قلت طيب يامن وبدر بدر ي بنات اخخ بنان م تفكري فيهم لازم تنسيهم هم م بستاهلو دمعه وحده منك م حضعف تاني ليهم وحبدا من الصفر انا عاوزه اعيش بفرح ليه احرم نفسي بسبب الناس الفي حياتي وعيت لمن امنيه رشت فيني قطرات المويه قلت ليها امنيه قالت لي يلا حتمسحي بشنو 🙂قلت ليها مممم قالت لي سرحانه وين قلت ليها ف حياتي الجايه قالت لي رايك نطول لمن تتغيري حتى نرجع قلت ليها موافقه وبشدة كمان بجد محتاجه قالت لي بس بنان قلت ليها ايوه قالت لي ممكن توعديني لو جا نصيبك م توقفي قلت ليها اوووف ي امنيه تااااني مصره مصره انك تفتحي لي الموضوع هو انا عاقره كيف اعرس عشان ادمر زول اوووففف بس لو تفهمي انا بطني طامه كيف انتي فاهمه احساس م حشيل ننو ف بطني م حسمي اسامي بتعجبني ولا حتوحم م حأتدلع ف فتره الحمل م بقدر
اتمني تكون بت ولا ولد اووف بس لو تقدري تفهمني اني بت بت م مره م مره لا اقصد م ام انا م اممم انا وحده مطلقه عاقره بسسسسس د كل العندي مره تانيه م تفتحي الموضوع د ولا بوعدك بحاجه لا يمكن تحصل او اقول ليك مستحيل مستحيل احب ولا اعرس تمام لمن انتهيت من كلامي القلتو بي وجع ودموعي واقفه ف طرف عيني وقلبي البتسرخ مع كل كلمه عاينت لي ملامحها الكانت مخلوعه وزعلانه جات قدامي افتكرتها تحضني بس صدمتتي بي الكف لسه كانت واقفه وبتعاين لي بخلعه قالت لي م. كنت متخيله انك م واثقه ف نفسك وبتشتغلي بي كلام الناس قلت ليها امنيه د الواقع د م كلام ناس قالت لي بلاا كلام الناس ونص وربع كمان انتي ليه حقيره كده ليه كل م اكون عاوزة مصلحتك بتسديني بنان اطلعي من دور الاستسلام د م جاي فيك م جاي لاني م اتعودت تستسلمي وتوقفي طريقك عشان زول تمام ولمن تغيري وجهه نظرك د تعالى اتكلمي معاي مشت دخلت الحمام كنت بحسب ف نفسي مم مف راجل بضيع سعادتو وهو لو رضي مستحيل….

*_-_-_-_-_-_-_-_-_-_-_-_-_-*

*مقيده هي روحي بين الاحتيار والتفكير المرهق*🦋❤️
*☆اشوفكم🖤☆*
*☆bnan☆*
————————————–
———————
*☆يتبــــــــــــــــــــــــــــــــــــــــــــع☆☆*

لقراءة الجزء التالي : الجزء الخامس عشر من رواية عالمي

لقراءة الجزء السابق : الجزء الثالث عشر من رواية عالمي

للإطلاع علي فهرس اجزاء الرواية : رواية عالمي ( جميع الاجزاء كاملة ) للكاتبة بنان عماد

جميع حقوق الرواية محفوظة للكاتبة بنان عماد .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى