وفي الجزء الرابع عشر من رواية عكس ما تمنيت دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة روبا جعفر .
الجزء الرابع عشر من رواية عكس ما تمنيت
روبا مسحت دموعها لفت رجلها وطلعت م كانت قادرة تمشي كويس مشت الرسبشن شافت ليه جناح حلو حجزتو ليه وطلعت رتبته وفرشت الملايات و جهزت اي حاجة
روبا الجناح جاهز
محمد تمام ومشي معاها دخلو الجناح دا شنو القرف دا منو الجهاز الجناح دا
روبا انا
محمد جدع المخدات والفرش في الأرض ودخل الحمام رمى العطور وباقي الحاجات في الأرض جهزي من الاول وجيبي فوط نضيف وملايات لو م عجبتني تغيرها مفهوم
روبا حاضر وشال التلفون
محمد بتعلمي في شنو
روبا بضرب لخدمة الغرفة يجيبو لي الحاجات
محمد انزلي جيبها انتي
روبا عاينت ليه حاضر ونزلت جابته وجات
محمد لا الملايات م عجبوني انزلي غيرهم
روبا حاضر نزلت مرجعها أربعة مرات وهي خلاص تعبت رجلها مؤلمه شديد لدرجة الخدر
روبا ديل كيف
محمد امممم كويسات م بطالات
روبا طيب وبدت تفرش وهو قاعد وخالف رجل على رجل فرشت ورتبت الحاجات دخلت الحمامات رتبت العطور والشامبو والفوط
محمد نضفي الغرفة
روبا حاضر نضفتها
محمد عيديها
روبا هزت ليه برأسها عادتها محتاج حاجة تاني
محمد رتبي الهدوم وحاجاتي
روبا انت ح تقعد هنا
محمد م عارف ولا مزاجي البقول لي بعمله رتبي من غير دوشة
روبا حاضر رفعت الشنطة وبدت ترتب الهدوم في الدولاب القمصان برهم والساعة واالختم برهم والبذل براهم والقمصان وبناطلين براهم وهدم البيت براهم بعد ساعتين
روبا خلصت
محمد طلعي لي غيار وجهزي الحمام
روبا اوكي عملت القالو ليها
محمد عايز كوباية لبن بعد اطلع من الحمام
روبا حاضر ادخل وانا بجيبها ليك
محمد اوكي دخل ادوش وطلع
روبا اتفضل اللبن
محمد شرب منو بارد انزلي سخني
روبا لمستو سخن بس تفاديا للكلام نزلت سخنته وجاتو اتفضل
محمد سخن شديد اتصرفي بردي
روبا اعمل شنو طيب
محمد دا شغلك اتصرفي
روبا نزلت المطبخ بردت اللبن وشات تلاتة كبابي واحد بارد واحد سخن وواحد متوسط وطلعت تاني اتفضل اختار البعجبك واشربه
محمد ديل شنو
روبا واحد بارد واحد متوسط وواحد سخن ا
محمد انزلي جيبي كباية فاضية واعملي مكس بينهم
روبا عاينت ليه لمن قربت تبكي حاضر
نزلت جابت الكباية عملته القالو
محمد اقول ليك حاجة خليتو م دايرو
روبا طيب
محمد داير عصير
روبا حاضر فتحت التلاجة جابت ليه العصير
محمد دا ليمون انا عايز برتقال
روبا رجعت جابتو
محمد منقا قلت ليك منقا
روبا مشت جابته ليه
محمد ولا اقول ليك خليه
روبا ممكن امشي ارتاح
محمد ععاين ليها بالجد شكلها تعبان
طيب جيبي لي موية وامشي نومي.
روبا باردة ولا حارة الا نظامها شنو
محمد عاين ليها
روبا انا ح اجيبهم الاتنين فتحت التلاجة جابت الباردة ونزلت جابت السخنة من المطبخ وجابت معاها كوبية نضيفة اتفضل.
محمد كبي لي
روبا كبت ليه
محمد اعمليها معتدلة
روبا عملت ميكس بين الباردة والحارة وادتو شرب
محمد طيب تقدري تمشي انتي اطفي معاك النور
روبا اوكي طلعت بعد قفلت النور
واخيرا انا رجلي م حاسة بيها من الألم ااااااااااه مشت غرفتها ادوشت ولقت رجلها نزفت تاني نضفتها وبلعت مسكن ورقدت بالجد كان كل جزو في جسمها بالمها ونامت
الصباح الساعة تسعة
محمد كان جاهز ليس وفطر بس وين روبا اتاخرت هي قايلة نفسها منو نايمة لحدي الساعة تسعة وطلع دخل غرفتها لقها نايمة وكانت بتهلوس بابا لي مشيت وخليتني كان تسرقني معاك.…ابا بابا تعالى ودموعها نزلو محمد شال كباية موية كشها بيها
روبا اتخلعت وصحت في شنو.
محمد في انك نايمة لحدي الساعة تسعة وانتي مفروض تصحيني وتجهزي لي حاجاتي م انا الاصحيك
روبا اسفة بس كنت تعبانة
محمد اصرفها من وين اسفة دي
روبا تقدر تشوف العقاب وانا بنفذو م ح تتكرر ونزلت الأرض ااااااااااه
محمد مالك
روبا رجلي
محمد وانا اعمل شنو
روبا عاينت ليه لا ولا حاجة سلامتك ضغطت عليها هي كانت وارمة شديد بس م عندها حل غير تجي على نفسها كانت من الألم بتغمض عيونا وهي اصلا رأسها لافي كانت شايفة سواد واستسلمت ليه ووقعت مغمى عليها.
محمد جرى عليها روباا فوقي روبا ويضرب في خدها لقها عندها حمى جسمها مولع رفعها في السرير واتصلت يجيبو ليه دكتور
الدكتور ممكن اعرف مالها
محمد هي مجروحة في رجلها وعندها حمى واغمى عليها
الدكتور فحصها وشاف الجرح نضفو كويس ولفى ليها وادها حقنة وكتب ليها على مضاد حيوي
الحمى دي من الألم والدوخة لأنها م أكلت فعندها هبوط لو سمحت رسل زول يجيب درب ليها والأدوية دي وياريت م تجهد نفسها
محمد حاضر
جابو الدرب ركبو ليها
الدكتور ياريت ترتاح والاكل في مواعيده والأدوية كمان
محمد حاضر الدكتور طلع قعد جمبها
روبا بدت تصحى محمد انت جيت انا انتظرتك كتير بس لي اتغيرت وبقيت قاسي هي كانت تحت تأثير الحمى تسكت محمد بابا ي محمد مات وخلاني براي يعني هو كمان مشى لماما اعمل شنو واعيش لمنو قول ليه يجي يسوقني معاه كلمه هو بسمع كلامك
محمد اشششششش اهدي اانا هنا
روبا لا انت م هنا انت جيت اشان تنتقم مني بس انا م عملت حاجة ونامت
محمد ياريت لو بالجد تكوني م عملتي حاجة وسلم عليها في رأسها وطلع
مرت تلاتة يوم روبا اتحسنت ورجالها احسن بس م كانت بتشوف محمد في الأيام دي كان برسل ليها الاكل والأدوية حاسة نفسها زي منبوذة لدرجة دي هو بكرها دا اليوم الرابع هو م سأل منها غبية يا روبا يسأل منك لي اشان شنو بالنسبة ليه زول جاي ينتقم منك دايرة يسأل بس هو خلاني ارتاح حاجة إنسانية وشفقة م اكتر ودموعها نزلو
محمد دخل عليها سلام عليكم
روبا مسحت دموعها سرعة وعليكم السلام
محمد بقيتي كيف
روبا بفرحة كويسة شكرا لانك جيت تطمن على
محمد انا م جيت اطمن عليك انا جيت اشوفك لو بقيتي كويسة اشان ترجعي الشغل
روبا اختفت فرحتها جاهزة وقت م تحب
محمد خلاص بكرة ترجعي الشغل كفاية دلع وطلع وقفل الباب اوووووف كنت ماشي اطمن عليها بس لقت نفسي بقول الكلام السخيف دا
روبا هبلة في الأثناء دي جاها اتصال
الوو
من جهة تانية ماما انا جاية بكرة
روبا حبيبة ماما تنور جاية الساعة كم.
البت الساعة تسعة م تنسي بكرة الجمعة
روبا م ناسية حبيبتي تعالى بدري
البت حاضر يلا باي مامي
روبا بأي حبيبة مامي دي مصيبة شنو دي اسي ح اتصرف كيف. اوووووف.
————————————–
———————
*☆يتبــــــــــــــــــــــــــــــــــــــــــــع☆☆*
لقراءة الجزء التالي : الجزء الخامس عشر من رواية عكس ما تمنيت
لقراءة الجزء السابق : الجزء الثالث عشر من رواية عكس ما تمنيت
للإطلاع علي فهرس اجزاء الرواية : رواية عكس ما تمنيت ( جميع الاجزاء كاملة ) للكاتبة روبا جعفر
جميع الحقوق محفوظة للكاتبة روبا جعفر
