وفي الجزء الرابع من رواية زوجة المغترب دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة بيروحاء.
الجزء الرابع من رواية زوجة المغترب
قلت ليها رغد؟؟ ..
قالت لي ايي بت جيرانكم.. بس كنت عايزه اسألك.. الكلام ال قلتوو قبيل بجد؟؟
قلت ليها ايووه ولو عايزه بكره بمشي معاك ..
اخدت صنه شكلها بتفكر..
قلت ليها هو اذاك؟؟
قالت لي لا.. هو كان زهجان وبفرغ غضبو على الكبابي واي شي قدامو.. عششان م يأذيني انا
وسريع قبل تديني فرصه ارد قالت انا نعست مع السلامه وطق قفلت..
اتحيرت..
يعني طلع عندو انسانيه؟
كوييسس ياخ..
دخلت سجلت رقمها.. وبعد ما كتبتو رغد .. في شي خلاني اخت قلب جمبوو واعمل حفظ.
…………………..
ما عارفه الخلاني امشي على السله وألم الرقم واضرب شنو؟؟
وفي لحظهه يأس وضعف مني .. كنت ناويه امشي مع مزمل ع راجلي .. لا وكنت ناويه احكي ليو كمان؟
وعيت ع نفسي ولحقتها وقلت ليو اني نعست وقفلت..
ما عارفهه بس حسيت بالارتياح.. لمجرد انو رقمو بقا عندي .. واقدر ادق ليو في اي وقت..
حسيت بالباب فتح .. عدلت قعدتي في السرير وبقيت مستنيه وائل يدخل..
جاني مختلف تماما عن شكلو وهو طالع..
كان رايق ع الآخر وهادي كده..
اول شي قالو انتي لسه صاحيه؟؟
قلت ليو بيأس عندك مانع في دي برضو؟؟
جاء قعد جمبي وقال لي.. رغد ممكن نتفاهم؟
علاقتنا دي انا يأست منها .. ووببساطه لا انا الزول البسعدك.. ولا انتي ال بت البحلم بيها..
كلها شهر بالكتير واطلقك.. وارجعي ل امك وشوفي مستقبلك..
قلت ليو ليه شهر؟؟
اخد نفس بعدين قال .. عشان م اقدر اطلقك ونحن لسه ما كلمنا اسبوع متزوجين كده ما كويس ل سمعتك.. الناس م بترحم
استحمليني شهر وو بعداك كلو بهون..
كبر في نظري شديد لمن لقيتوو بعاين للموضوع من ناحيه مصلحتي.. ابتسمت وقلت ليو ..
انت ال استحملني
ضحك ودي اول مره اشوفو بضحك..
سرحت في شكلوو.. دقنو الكثيف.. وعيونو البتختفي مع ضحكتوو.. وحواجبوو الكثيفه..
بجد وائل دا جميل شدديد
قال لي يا ستي الاتنين نتحمل بعض ورانا شنوو..
اتونستت معاوو.. واكتشفت انوو ظريف
كانت اول قعده لي معاو بعد اتزوجنا.. واصلا انا م اتكلمت معاوو قبل العرس الا مكالمات وكانت دايما مختصرره..
نمنا بعداك وكأنو ما كنا متشاكلين الصباح ولامين الخلق..
عدت الايام وعلاقتي مع وائل بقيت احسن نوعا ما
بقيت بخليو يطلع الصباح شغلوو.. وبمشي بقعد مع فاطمه وامها.. وقريب وقت رجعتو برجع وبنظم لحدي ما يجي..
الايام كانت ماشه وكنت في انتظار الشهر ينتهي..
كان نفسي ارجع ل اهلي لاني اشتقت ليهم شدديد..
في يوم وبينما قاعده مع فطومه كالعاده..
جاء مزمل راجع بدري من شغلو على غير العاده.. سلم علينا ودخل غرفتوو..
وقتها فطومه قالت لي ..
رغد انتي ما اتطمنتي لي لسه؟؟ ما نفسك تحكي لي الحاصل معاك؟؟
اخدت نفس وقلت ليها انتي هبله؟؟ اكيد مطمنه ليك اصلا انتي صحبتي الوحيده في الغربهه دي
قالت لي طيب وريني مالكم.. حاصل معاك شنوو..
و قررت فعلا اني احكي ليها الحصل.. ومن البدايه شدديدد..
قلت ليها كنا اولاد جيران وبنلعب سوا من ونحن صغيرين
وائل سيد احمد.. الكبير العاقل الصارم في بيتهم.. عندو اخ اسمو مراد.. واخت نجوي..
وضعهم ممتاز لدرجه كنا بنستغرب المخليهم يقعدو في قريه بسيطه زي بتاعتنا دي شنو؟؟
لمن دخل العشرينات قرر يغترب.. وو فعلا دا الحصل .. ولمن الحظ مشا معاهوو ووضعو بقا فوق الممتاز.. قرر انو يتزوج..
بالجهه التانيه انا كنت شايفاو ولد جيران لا أكثر .. حتى كلامي معاو كان عادي ومختصرر شديد..
سمعت من الحله انو قرر يتزوج.. والبنات كانو بطاقشو من بيتهم داخلين طالعين عسى ولعل يختارهم..لأنو وائل كان جميل شدديد..بعيد عن انوو ح يعمل ليهم عرسس نفسهم فيوو…
ابتسمت وواصلت.. انتي عارفه كانوو بقولو لي ارح معانا.. و م تتحبسي في بيتك.. كده م حيشوفك وعمرك م ح تتزوجي ..
سبحان الله اهو اختارني انا الوحيده ال ما كنت بطلع
سكتت قالت لي اهاا..
قلت ليها جاء واتقدم لي .. واخواني وابوي كانو مبسوطين شدديدد.. بسس امي م كانت مبسوطه لسبب م بعرفو للان.. كانت دايما بتقول لي فكري .. انتي لسه صغيره .. العرس ملحوق يا بتي
قالت لي وليه ما سمعتي كلامها؟؟
كان تفكيري في الوقت داك .. انو العرس طلعات وو بيت براك م حتشتغلي كتير .. كان تفكيري طفولي.. اللي هو ح يكون عندي مفتاح بيت براي.. و ح يكون عندي مكياج.. والبس تياب
انتي عارفهه يا فطومه؟ برغم من انو ما تمينا شهر بس تفكيري داك كلو اتغير.. حصل لي زي ما يكون نضجج.. عقلت وفهمت انو تفكيري كان غبي وطفولي اكتر من اللازم ..
المهم بدو ترتيبات العرس ال حصل سريع شديد عشان كان نازل ب زيارة
وطول الفتره ديك كانت القريه كلها بتناديني.. “زوجه المغترب”
يمكن لأنو وائل اول شاب يغترب منها..
قاطعنا صوت امها بتقول .. فطومه نزلي الهدوم شكلو في مطر ح ينزل..
استأذنتها اني ارجعع قبل ما تنزل وتزنقني في الشارع..
قالت لي طيب ونكمل كلامنا يوم تاني..
زنقتني مطره قويه في الشارع.. نزلت فجاءه كده بدون مقدمات..
سرعت وطرت طيران بالعربيهه لحدي وصلت البيت..
لقيت رغد قاعده في كرسي جمب الشباك وماده يدها بالشباك..عشان تلامس المطر الغزير النازل وهي بتضحك..
سرحت فيها مسافه..
يتبع ………
لقراءة الجزء التالي : الجزء الخامس من رواية زوجة المغترب
لقراءة الجزء السابق : الجزء الثالث من رواية زوجة المغترب
للإطلاع علي فهرس أجزاء الرواية : جميع روابط اجزاء رواية زوجة المغترب للكاتبة بيروحاء
جميع الحقوق محفوظة للكاتبة بيروحاء .
