الجزء

الجزء السابع من رواية حبيبتي لا تنسيني

من الجميل متابعة رواية جميلة من المبدعة كيندا وسوف نري في الجزء السابع احداث مميزة ورائعة لذلك هيا بنا لنبدأ قراءتها سوياً .

الجزء السابع من رواية حبيبتي لا تنسيني

وهنا فجأه طق الباب فاناضت فرح فتحت الباب بسرعه وهنا لقت امها قدامها وعيونها شرارت كره وغضب ونار بتتطلع من عيونها … وجبدت فرح ودخلتها لدار وسكرتها وشبحتلهم وقالتلهم ….
امهم …. ال$#@ الا برا عزوزتك قالتلها باتى هنا فوق … وانى مروحه … وكيف كانت تلقحلى عليك وعلى خاطر مازلتى ماتزوجتى وتلقح على راجلك انتى كيف مسيبك وانى ماسكتلهاش والباين انا عندها نيه فى مشكله اليوم … بس قسما بالله لو نشوفك انتى او هيا رادين عليها بالحكى وبدات انتى الا اسمك ملاك .. عارفاتك انى ايديك مش محادين ودانك .. نهارك اسود تسمعى فيا ؟؟
فرح … من قاللها هيا تبات فوق ؟؟
امها … عزوزتك والباين انا عزوزتك الليله بتبات معاها فوق … وانى والله لولا ماقولتش لبوك تعالى رانى قعدت وماخليتكم بروحكم ..
ملاك … ولايهمك ياماما انتى روحى بس وصدقينى كونى متهنيه …
امها … ملااااااااااااااااااااااااك انى نحدر فيك … قسما بالله نسمعك مدايره العار هنا ماعاد تطقيها خطوه فااااااااااااهمه ؟؟ احنا هنا ضيوف مش اكتر ..
فرح … ماما خيرك تتكلمى هكى العفو .. الحوش حوشك وهيا ضيفه ..
امها … مهما كان يابنتى … مانبيش مشاكل قدام عزوزتك انى … وهيا استحملوها الليله وبكرا مروحه … خلاص اهو بوك يرنلى … انى نازله ..
فرح … خلاص ماما ليلتك سعيده وماتخامميش اصلا انى توا بنخش نرقد وملاك توا تفرشلهم وتلحقنى ..
امها … ماشى ماش وانى بكرا صباح توا نتصل نطمن عليكم …
سقدت فرح امها وورجعت لصاله هيا وملاك .. طلعو المنادير وفرشو وحطت فرح قدام عزوزتها مالقى ميه وقالتلها ..
فرح .. يالااى تبى شى تانى ؟؟ انى بنمشى نرقد صغار ..
عزوزتها .. برى برى بنتى سلامتك .. غير خليلى ضى حمام مفتوح باش نوص نصلى فجر …
ملاك … تصبحى على خير خالتى مهيبه .. تصبو حعلى خير ..
طلعت ملاك وفرح من دار وخشو للحمام .. ملاك باش تنظف سنونها … وفرح باش تغسل حوايج بيبى بالصابون الاخضر وتنشرهم …
ملاك … تعرفى من العشيه حاسه المراره نايضه عليا .. مش عارفه خيرنى بجد
فرح … هههههههههه انتى كلك علل اصلا ..
ملاك .. والله بعون الله امى ماتعتقنى فى حالى لين تخلينى ريبش ❤
فرح …. هههههههههههه باهى انى لحقت على عمرى … تعرفى ياملاك مبكرى نشوف لروحى فى مرايه .. نهار ابيض لقيت بطنى موليه زى عبقور .. ههههههههه
ملاك … هههههههههه اه اه اه فرح … فرح تعاليلى .. خلاص ااااااااااااااااااااااه .. فرح بنموت خلاص معاش قادره نوقف .. كلميلى بابا بسرعه اااااااااااه …
وهنا لما سمعو العياط جت عزوزة فرح تجرى وقالتلهم …
خالى مهيبه … اللطف ياربى .. خيرها .. خيرها .. شن صايرلها ؟؟ كان حالها كوووويس ..
فرح .. اااااااه ياربى تلفون بابا مقفل …
عزوزتها .. ماتتصليش بيهم .. ماتخلعيهمش فى هالليل … اهو اكيد احمد مازال نايض .. بدلى حوايجك بسرعه وبرى انتى وياه وملاك للعياده الا جنبنا .. وانى توا نرقدهم صغار …
فرح … ملاك فيقى .. فيقى حبيبتى البسى عبايتك …
كلمت خالتى مهيبه احمد .. واول ماسمع ناض من نومه زى مهبول ولبس حوايجه وركب .. ونزلوها ودخلوها سياره …
احمد … خيرها شن صار معاها ؟؟
فرح … كانت عاديه تضحك وتلعب فجأه طاحت ..
احمد .. لاحول ولاقوة الا بالله .. ان شالله غير مش منى بس ؟؟
فرح … نعم ؟؟
احمد … لا لا شى الف لاباس عليها …
وصلو للعياده فى اقل من 10 دقايق … ونزلوها ودخلوها للاسعف وغاديكا طول استقبلوها وقررو انا تقعد لصبح .. لانا الباين انا المرره ناضت عليها برغم انا ليها مده ماتشكيش منها … واول مافاقت ملاك بعد ماحطولها مسكن وابرة تغديه .. لقت فرح فوقها وهنا قالتلها …
ملاك … سامحينى والله ماعاد حسيت بروحى .. فجأه حسيت نار فى جيهة مصارينى .. اول مره نحس بالالم هكى .. وبعدين معاش حسيت بشى
فرح … حبيبتى انتى ❤ ولايهمك … بس انى خفت عليك لما اغمى عليك فى الاخير.. وحاولنا انا نفيقوك بس انتى مشيت فى صيخه وحده .. وكانا مش من احمد هوا الا ساعدنا راهو مالقيت من يقيمك معاى … هوا انتى اخر مره وزنتى فيها كم كان وزنك ههههههههههههه
ملاك … حى عليا .. بجد قصدك ساعدك .. نهارى الاسود انى هدا باقى شرفى ضاع بينه وبين كلبه ياحلييييييييلى انى والله كان تعرف ماما … وبعدين والله وزنى 60 كيلو حرام عليك تضحكى ..
فرح … هههههههههههههههههههههه ❤
ملاك .. هوا قاعد قصدك ؟؟
فرح .. اكيد بنستنو هنا لصبح وبعدين نروحو ❤
ملاك … خلاص انى حالى كويس مش ظرورى نستنو ..
فرح .. اقعدى هنا وهفتى روحك لصبح .. وبعدين خلى حتى انى نرتاح من دوشة صغار شوى ههههههه ❤
ملاك … باهى مع من خلتيهم ؟؟
فرح .. مع عزوزتى .. توا تبدلهم هيا وتديرلهم شيشه وترقدهم .. هيا وتعلب مكار هديكا .. خلى نحرت عليها شوى وهيا اكله وصنعه وقلت مرعه …
ملاك .. تلفونك يشري نفى شنطه …
فرح … اكيد محمد هدا لانا رنيتله .. ووووه مافيش تغطيه هنا .. شوى بس مانعطلش عليك نطلع برا نكلمه ونجى ..
ملاك … خودى راحتك …
طلعت فرح ونزلت باش تكلمه فى مكان فيه تغطيه .. بينما ملاك غمضت عيونها وحاولت انها ترقد بس حست بصوت فم الباب غريب يهمس …
احمد … احم احم … يالله يالله ❤
ملاك … احمد … << وقعمزة وعدلت تقعميزتها >> ..
احمد … خليك زى ماانتى ❤ خاش باش نطمن عليك بس ونطلع .. والله حاس بدنب .. ولو صارت فيك حاجه ماكنتش رح نسامح روحى ..
ملاك … << نزلت عينها وخدودها ولو حمر وبعدين قامت عيونها وشبحتله وقالتله >> … لا لا اكيد مش منك ..
قالت ملاك هالجمله وكان وجهها كل تعبيره مشاعر غريبه بس معناها مايبتعدش على معانى الحب والاعجاب والميول .. ولكن فى لحظه ولما ملاك ركزت شوى وحطت ايدها على فمها بنظرة اندهاش وقالت …
ملاك … هههههههههههههههههههههههه ❤
احمد … خيرك تضحكى يامهبوله شن فى ؟؟
ملاك … ههههههههههههههههههههههه انتى مش فايق بروحك ؟؟ بجد بجد عادى ؟؟
احمد … << قعد يشبح لروحه وقال >> شن فى خيررررررك
ملاك … تيشرتك مقلوب هههههههههههههههههه بجد انت ماحسيتش بروحك ؟؟
احمد … هوا الا يعرفك مازال عقله يقعد فيه … انتى دهبتلى شيرتى بجد … والله والله ماعاد فيا عقل .. واحتمال تلقينى بكرا طالع هكى مره وحده ..
ملاك … ههههههههههههههههه مش لهدرجه يعنى ❤
احمد … ببساطه انى من اول يوم شفتك فيك معاش قدرة ننساك … انى عارف انا الموضوع صار بسرعه بس والله والله هدا الا حسيت بيه …
ملاك … احمد بالله عليك ماتحرجنيش .. انت عارف رأى
احمد … اعطينى فرصه بس .. والله والله رح نتبتلك انى راجل وقد كلمتى ..
ملاك … انى خايفه …
احمد … علاش ؟؟ فهمينى بس ؟؟ انك تحبينى ؟؟ ياسيدى انى هبلت قبلك وحاسر وحى حبيتك والله فى يومين … والله والله مستعد بكرا نمشى لاهلك ونتقدملك …
ملاك … لااااااااااااااااا رد بالك بجد .. انت الا حاس بيه مجرد اعجاب بس …وصدقنى والله مع الوقت رح يختفى وتنساه وبمجرد انى نروح لحوشنا ومعاش نرجع … لدلك مش ظرورى تشهدرنى فى عيله واحنا اساس مافى بينا شى ..
احمد … شن هوا شى ؟؟ انى نبى يكون بينا شى … نبى نكون فى حياتك ولو شى بسيط ..
ملاك .. نزلت عينها وسكتت وبعدين قالتله >> … بجد اسفه ..
احمد … هدا رايك نهائى ؟؟
ملاك …. متأسفه جدا ..
احمد …. اوك .. نستأدن منك توا .. واسف على الازعاج …
ملاك …. احمد ….
بس احمد اكتفى انه يخليها وراه ويطلع …. وماعطاش لنفسه فرصه انا يتلفت او حتى يحط عينه فى عينها … اما ملاك … فااكتفت باانها تطلع كل الا قلبها من دموع بس بصمت … علاش ؟؟ لانا قلبها حارقها لانا كانت تتمنى انا تكون ليه هوا بس . تكون ملكه … ويكون ليها … بس خوفها من المستقبل هوا الا خلها ترفض … خايفه فى يوم تبكلا وتبكى ومافى حد يمسحلها دمعتها .. خايفه انا يضيع مستقبلها بسبب اختيار ممكن يكون غلط … وخاصة انها مش ضامنه منه ايدها وخايفه انها رح تكون فى حياته مجرد نزوه بس … ولدلك فضلت انها تبدا بيه وتقوله لا … لانها متؤمنش بالنهايات سعيده فى اى قصة حب اقلها تبتدى بشخصين تلاقوفى الوقت صح وفى المكان صح وكل منهم مشاعره باين فى عيونه حتى لو ماتكلم ❤ ..
فرح .. سامحينى عطلت عليك ؟؟
ملاك … لا لا عادى .. اصلا ماكنتش بروحى …
فرح … من كان فى ؟؟ وخيرك تبكى ؟؟
ملاك … احمد كان هنا .. وعرض عليا للمره تانيه وانى رفضت …
فرح … خلاص معاش تبكى … واحكيلى انتى شن حاسه وعلاش رفضتى ؟؟
استمر الحديت بين ملاك وفرح لحد صبح …. والباين انا كل وحده منهم خداها نوم وهما فى يفضفضو لبعض … ومافاقتش فرح الا والباب يطق او بالاحرى ممرضه كانت تطق باش تستأدن لدخول دكتور المناوب الصباحى …
ممرضه .. صباح الورد .. دكتور بيخش وبيطمن على ملاك .. ممكن بس بعد ادنك تطلعى ؟؟
فرح … اوك …
خش دكتور … ومافاتتش خمسه دقايق لين طلع وهنا قال لفرح …
دكتور … اهلين اختى .. انى توا رح نوقعلها على ورقة الخروج .. بس ياريت تنتبهو لاكلها شوى وياريت الاخت تبعد على الحار ودهون وشكلاته ومادبيكم اكلها يكون ابيض .. وكدلك يفضل فى اقرب وقت تديرها العمليه …
فرح .. اوك دكتور بارك الله فيك … باهى نقدرو نطلعو توا ؟؟
دكتور … اى انى رح ننزل توا نوقعلها على ورقه … ورح تلقوها فى ريسبشن ..
فرح … اوك دكتور وشكرا …
كلمت ملاك احمد … لانه كان راقد فى سياره … واول ماعرف انا ملاك بتنزل .. مشى لريسبشن كمل اجرأءت الخروج وخلصو وطلعو … واول ماوصلو للحوش وركبو … خشت ملاك وفرح لدارها ولقو الكل راقد …. فاتكت فرح على سرير واتكت جنبها ملاك وهنا قالتلها ..
فرح .. ندمتى ؟؟
ملاك … مش عارفه والله .. بس نندم توا وننسى خير من نندم بعدين ونخسر كل شى ..
فرح .. انتى علاش حكمتى عليه الولد هكى ؟؟
ملاك .. لانى عارفه انا الحاجه الكويسه مش من نصيبى ولو كانت من نصيبى مش رح تكون ليا …
فرح … والله انتى ام نكد … خلى نتصل باامى ونطمنها عليك … ونحط الفطور على نار .. شكلهم مازال راقدين ..
ملاك .. ساعه كم توا ؟؟
فرح … ساعه 10 صبح ..
ملاك … مش ظرورى تكلميها امى .. توا لما تجى نقولولها … وهيا تعالى نوتو الفطور مع بعض ..
فرح .. لا لا انتى ارتاحى ..
ملاك … لا لا تعرفينى مانحبش نوم هلبه … خلاص تعالى نوتو الفطور …
خشو وتوا الفطور وناضت العزوزه وبنت خالت احمد … ووفتحو سيره الا مابتش توقف والموضوع يتعاود ويتكرر مشاهد تتكرر وتتعاود وملاك وفرح كل وحده تشبح لتانى والملل يدير فى اتصال بينهم … وماانقطعش هالاتصال الا على رساله لنقال ملاك …
احمد …. هما كلمتين ومش رح نكررهم يامهبوله .. ياتوافقى انك تكلمينى وتكونى ليا بس او نديرلك العار ..
وهنا ملاك ابتسمت وبعدين ردتله رساله ..
ملاك … اسفه جدااا ❤
احمد …. بالك تندمى ؟؟
ملاك …. لا لا مش رح نندم ههههههه ❤
احمد …. عندك من هنا لساعه 5 عشيه … وبعدها ماتلومنيش على الا يصير …
شبحت ملاك لرساله وضحكت لانا ماكانتش عارفه انا احمد يتكلم بجد … وبعد ماقرت رساله حطت تلفونها على جنب وقامت معايين فطور وبدو فى الروتين اليومى .. فرح مشت لصغارها وملاك ظمت الحوش وبخارته .. وبعدين خشو للغدى وماطلعوش من مطبخ لين وتوو الغدى وتغدو وغسلو معايين وهنا فرح قالت لى ملاك ….
فرح … افتحى الحوش شكلها امى …خلى نحط العاله قدام عزوزتى …
ملاك … اوك …
فتحت ملاك الباب وطلعت راسها مالقت حد … فاطلعت قدام المنور باش تشوف منى .. وهنا ايد جبدتها جيهة صالون خارجى الا جنب شقه وقاللها …
احمد … اخر كلام اخر كلام ؟؟
ملاك … انت مهبوووووول ؟؟؟ اطلق ايدى انى مش لابسه وشاح .. وانزل بسرعه يشوفنا حد ..
احمد …. اخر كلام ماتبيش ؟؟
ملاك … باهى حول ايدك قبل … اى اخر كلام … وخشت بسرعه وسكرت الباب ووتكت على باب وشدت قلبها من الخوف …
وهنا فرح قالتلها …
فرح …. منوووووو ملاك الا جى ؟؟
ملاك … مافى حد فم الباب يتهيألك … اهو توا الباب يطق استنى نشوف منى ..
وهنا فتحت الباب وكانت ناويه تركه كف يعلمه الادب واول مافتحت الباب بعصبيه وقامت يدها استعدادا للكف … لقت امها قدامها ..
ملاك …. اه اه قلبى قلبى مراره فرح تعااااااااااااااليلى ..<< وسكرت الباب فى وجهه وخشت بسرعه وجت فرح >>
امها … خيرها مجنونه هيا ؟؟؟ فرح … وينك يابنت اختك سكرت فى وجهى .. افتحولى …
وهنا فتحت فرح الباب لامها وقالتلها ..
فرح … معليشى ماما امس كانت طول اليوم فى عياده ..
امها … خير شن صار ؟؟ خيرا ماقالى حد ؟؟
فرح … خشى خشى توا تحكيلك عزوزتى …
خشت ام ملاك لدار وسلمت ونفتح موضوع ملاك من جديد … اما فرح فاخشت تغسل فى مرضة صغار … وهنا طق الباب من جديد …
فرح .. ملاك .. افتحى الباب ..
خدت ملاك وشاحها وحطاته على رأسها تجنبا لااى ظرف … والصدمه اول مافتحت لقت احمد قدامها .. وهنا قاللها ..
احمد .. لو سمحتى ممكن تناديلى فرح ..
ملاك … اوك << وقعدت تشبحله مصدومه >>
جت فرح بسرعه بعد مالبست وشاحها … وقالتله ..
فرح .. نعم احمد ؟؟
احمد … فى حد برانى داخل ؟؟ قوللهم يلبسو وشاحاتهم بنخش نكلم امى ..
فرح … ماشى ماشى .. خشت فرح بينما ملاك قعدة واقفه تشبحله وبعدين قالتله ..
ملاك .. اكيد مش رح تقول شى يخصنا صح ؟؟ صح ولا لا ؟؟
احمد …. ههههههههه انى قتلك رح تندمى ..
ملاك … بجد انت ولا تتسهوك … تكلم احمد ماتستفزنيش ؟؟
وهنا جت فرح وقالتله …
فرح .. خش احمد امك قالتلك مافى حد برانى ❤
خش احمد وملاك جت من وراها وقعدت تنادى عليه بالهمس …
ملاك .. احمد .. احمد … تعالى … احمد بجد نكلم فيك .. ااااااااااااااااحمد … اااااه ياربى
وهنا خش احمد لدار وسلم وقعمز وبعدين قاللهم …
احمد … ياما نبيك فى موضوع مهم …
امه … خير ولدى ان شالله خير ؟؟
احمد …

يتبع………

لقراءة الجزء التالي : الجزء الثامن من رواية حبيبتي لا تنسيني

لقراءة الجزء السابق : الجزء السادس من رواية حبيبتي لا تنسيني

للإطلاع علي فهرس اجزاء الرواية : جميع أجزاء رواية حبيبتي لا تنسيني كاملة للكاتبة كيندا

جميع الحقوق محفوظة للكاتبة كيندا من ليبيا .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى