الجزء

الجزء السابع من رواية عديم الضمير

الجزء السابع من رواية عديم الضمير

وفي الجزء السابع من رواية عديم الضمير دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة ميشو محمد .

الجزء السابع من رواية عديم الضمير

رحمه ع الخط: اسفه بس انت خديت مني شي اغلا من روحي
وسام: اني حلفت يمين بلله ع اني نحببك ليش مش مصدقه عطيني فرصة تانيه الله يربحك ناادم صدقيني
رحمه: تذكرر لم ااغتصبتني شن قتلك قتلك وقتهـ… قاطعها
وسام: قلتيلي وقتها رح يجيك يوم ورح تجيك خبطه قويه تخليك تندم وفعلا جتني 💔
رحمه بنرة باكيه: شرف ياوسام
وسام: بنتزوجك عطيني فرصصة بس ماطالب شي تاني (وقف) اول مرة نترجا شخص نبي فرصه منك
رحمه: معنديش تقه فيك ومانقدرش نعطيك فرصة صعععب
وسام: عندك حق مانستاهلش بس رح ناخدها الفرصة بطريقتي باي… وصكر اخط
وسام غير ملابسه وطلع
وسام رجع لحوشهم
#يوم_الجمعه
عدي فرحااان بيخطب وجهز اموره وعطي لـ عيلة مرام علم
بعد العصر
طق طق طق
ليلى فتحت وتسلم: اهلين انستونا
حميدة: الله ياانسك
ليلي: تفضلوو
ف الصاله
مرام لبسة سروال واسع ازرق وبلوزه داخل السروال ورديه هاديه مع شعرها ديل ومكيج بسيييط ❤🤤
مرام دخلت القهوة. السلام عليكم
حميدة 😍: وعليكم السلام
مرام حطت السفره ع الطاولة وسلمت: اهلين انستونا
وقعمزو
حميدة شافت مرام: مشالله ع ذوق ولدي
رحاب اخت عدي: اي مشالله
مرام تحشمت ناضت
ليلى: عندي تلاته بنيات بس وعطيت تنين مزال هادي اخر العنقود
حميدة: واني عندي تلاته زوز وليدات وبنيه
ليلى: ربي يحفظهم
حميدة: وبنتي رحاب متزوجه وعندها زوز بنيات وتوا حامل وقالولها وليد
ليلى ابتسمت: مشالله ربي ينوضك بسلامه❤
رحاب: سلمك ❤
بااختصار رجعو للحوش وعااساس بيردولهم الجاوب ع الهاتف
عدي بعتلها(خطيبتي؟)
مرام تغير ف ملابسها جها اشعار فتحت ضحكت بعتتله(مرتك وانت الصادق 💔😂)
عدي (علاش لا بس حني نركبو الدروج درجه درجه)
مرام (ماما حكت لـ بابا وهكي لكن بابا رافض انه اني نسكن مع امك)
عدي فتحت ريكورد:شوفي حني تلاته زوز ولاد وبنت البنت تزوجت وخوي الكبير اسمه علاء ومتزوج ومسافر قصدي وامي بروحها بااختصار اني بنقعد مع امي قصدي مش معقولا نخلي امي ف حوش بروحها ماتجيش وبعد لو صار نصيب حوشي فوق امي
مرام ( بعكس اني هكي نحب ومانحبش نقعد بروحي وبعدين امك بتكون امي وبجدد من كلامها حبيتها)
عدي ابتسم بعتلها(حتى هي حباتك وحكتلي عليك انك تحشمتي وهكي ونشالله يصير نصيب)
مرام (الخيره فما اختره الله ♥)
عدي (ونعمه بلله❤)
.
.
وسام حط ف راسه انه ياخد منها فرصة بس بااسلوبه وخش لحوش بوه
سماح:اهلين
وسام:اهلين بيك مكسده ف الحوش يامسكينه
سماح ضحكت:الله غالب شن بندير
وسام: سماح قعمزي عندي معاك موضوع
سماح قعمزت
وسام: يوم الخميس الجاي مسافر
سماح: ليش السفره نشالله مافي سو
وسام: خدمه
سماح: ربي يسهلك
وسام:اعطي علم لـ بوي ملا..وناض
سماح ناضت:حاظر
وسام طلع
وسام ركب سيارته وولع:توا لم تسمعي بموضوع السفرة نتفاهمو 😊(يقصد ع رحمه) وطلع
.
.
تررررن ترررن
هشام:ايووه تي وينك انت
وسام: ف شقتي الجديدة تعلا
هشام:خديت شقه؟وين؟
وسام:ف شارع ال،،،، نستنى فيك
هشام:تي كيف شكلها الشقه ولا نخش لشارع ونقعد انادي 🙄😂😂
وسام:شقه لونها بيج كبيرة باب الخارجي لونه اسود وفيه قزاز
هشام:تمام..وصكر الخط
جو نص ساعه ووصل هشام
طق طق طق
وسام فتح:خش
هشام:فيلا مش شقه يامتخلف
وسام:نفس الشي
هشام خش وقعمز:مليح الحوش عتبه مبارك ياغالي
وسام: حبيبي ياهشام
هشام ضحك:اي مقلتناش منين صاحبة الحوش لـ غيراتك معادش تصهر معادش تطلع بديت تمشي ع الصراط المستقيم
وسام ضحك: مافيش منها الدوه
هشام:ربي يسهل عليك
وسام:ااحححم هشام الخميس مسافر
هشام شافله؟؟؟
وسام: سمعتني؟؟
هشام:اي سمعت وياريت ماسمعت…وناض وقف بيطلع
وسام شده:استنى خيرك تكنطيت؟؟
هشام: حني عندنا خدمه من شهرين وحني شاقيين نفتشو ع صفوان وجمعته ولم وصلنا ليهم خلاص بتسافر
وسام بيتكلم قاطعه
هشام:مش رح نصر عليك..وطلع وقربع الباب
وسام ابتسم:هدا لـ نبيه ✅
.
.
#يوم_الاربعاء
هشام نزل لـ امه:بتمشوو
فايزة:اي لحظه نكلم اختك
رحمه ف غرفتها
فايزة:نوضي البسي ماشيين لـ سماح
رحمه:ليش شن المناسبه
فايزة:ولد مجدي بيسافر ماشي هشام يهدرز عليه واني ماشيه لـ خالتك
رحمه:اني مانبيش امشو انتم
فايزة:من امتى تقعدي ف الحوش بروحك نوضي البسي ماشيين نهدرزو ونروحو
رحمه:باهي باااه ناضيه
فايزة طلعت
رحمه:وين بيسافر الخراا ياعليك حصله حصلتها النممم
وناضت لبسة سروال اسود جينز وبلوزة بيضه وجاكيت اسود لعند الركبه وسبيدرو ابيض وشاح اسود
وطلعوو وصلو حنان لـ حوش اهلها
حور تعيط:نبي نقعد مع باابااا 🥺😭
رحمه:حنان خلاص امشي انتي خليها معاي
حنان:صحيتي رحمه ديري بالك علها باي…وخشت وهما كملو طريقهم
حور:عميمه لحمه وين نمسو ني (عميمه رحمه وين ماشيين)
هشام وفايزة ضحكووو 😂😂😂😂
رحمه تعصبت:مافي شي يضحك غير هيا ماتعرفش تنطق اسمي
هشام يضحك ويسوق:حور بابا قولي هشام
حور:شمام 😊
يضحكو 😂😂😂
ووصلو ونزلو
حور كانت لابسه جامسوت جينز ازرق وشعرها زوز قرون وقصتها نازله ع عيونها🤤💫❤
.
.
عمكم وسام كان لابس ومتانق وركب ف سيارة بيطلع لكن بصدفه الباب الخارجي نفتح وشاف ف المرايا ❤ونزل
وسام قربلهم:اهلاا
هشام:بيك ياطيب
فايزة سلمت عليه:كيف حالك
وسام سلم:الحمدلله شن اخبارك
وسام سلم ع هشام
وبعدين مد ايده لـ رحمه سلمت علها وسكتوو
رحمه شافت حور:حور سلمي ع الراجل
وسام مد ايده لـ حور وقامها:بنت مني انتي
حور ضحكت: بنت شمام 😊
وسام وهشام وفايزة ضحكوو😂😂
وسام :تفضلو خشو
وخشو
كلهم خشو
وسام شاف سماح ترش ف معطر جو شاف رحمه: انتي خليك برا ماتخشيش خالتك راشه معطر جو
رحمه كانت تشلح من رجل حور شافتله:صحيت لانك قتلي
وسام خش داخل:سماح ضغط الحوش شن رايكم تقعمزو ف الشرفه فوق
فايزة فهمت انه الموضوع ع رحمه:اي خلي نطلعو برا ضغط
سماح:اوكي تعالي نطلعو لجنان وبعدين نخشو
رحمه قعمزت ف الدروج
وسام طلع شافها: بسست طلعو من الباب الخلفي امشي وراى الحوش
رحمه تعصبت: معادش تدخل خليك ف روحك
وسام تعصب لكن خش للمربوعه:شنو ياهشام جاي تودعني؟؟
هشام: اي مستاحش وجهك
وسام كان خاطره يحكي مع رحمه بـ اي طريقه
حور خشت:بابا نيي توا؟(وين حني توا)
وسام شافلها: هدا حوش عمك
حور:نينو (منو)
هشام اشر صبعه ع وسام:هدا عمك
حور قربت ع وسام:انت عمي
وسام:اي اني شن اسمك انتي
حور ابتسمت وميلت راسها ببراءه 🤤:أُور
وسام ضحك:انستينا يا أور 😂😂
هشام:حور امشي لـ عمتك
حور دارت ايدها هكي 🤷‍♀️:عميمه لحمه دتلي امشي لـ شمام 🤷‍♀️🥺(عميمه رحمه قتلي امشي لـ هشام
وسام وهشام ماتوو 😂😂😂
وسام شدها:ليش لزاتك شن درتي
حور: سي (شي)
هشام:اي واضح انك مادرتي شي
وسام ضحك: مشالله بنتك لسانها
هشام شاف حور:قالك لسانك مشالله باه قولي وسام
حور شاف وسام: سومام 😊
هشام:وسااام
حور:سوماام 😳
هشام:قولي وسا
حور:وسا
هشام:وسام
وسام يضحك 🤣🤣🤣
حور: حمام 🤗
وسام خلاااص بدموعه 🤣🤣🤣🤣🤣
حور:نمسي لـ عميمه لحمه باي …وطلعت تجري 🤤❤
هشام:وسام ياسر
وسام 🤣🤣🤣🤣🤣
هشام قلب وجها:باه كملت
وسام 🤣🤣🤣🤣
سماح دخلت سفرت القهوة وسلمت ع هشام:شجو هشومه
وسام خلااااص 🤣🤣🤣🤣🤣🤣🤣
هشام🤦‍♀️:كبرت ع كلمت هشومه ياسر
سماح ضحكت وطلعت
حور خشت تجري:انييي زيييت (اني جيت)
وسام عدل تقعميزته:تعالي انتي بديتي صاحبتي وربي تعالي جنبي
حور  :صحاب ؟
وسام:اي صاحب باهي؟
حور دايره زوز قرون شدت قرن بيدها:حلو صعري باهي؟(حلو شعري)
وسام لمس شعرها:اي حلو حتى انتي حلوة
حور: صعري دلاته لحمه ليا (شعري دراته رحمه)
وسام: اممم حلوو هلباا
حور دارت ايده ع لحيت وسام: نمسي نتلم لحمه اديلك صعرك باهي (نمشي نكلم رحمه اديرلك شعرك)…وطلعت تجرري
وسام وهشام 🤣🤣🤣🤣🤣🤣
.
.
مرام فتحت نت بعتله(سلااام)
عدي بسرعه رد (سلامات شجو)
مرام (حمدلله وانت)
عدي (ماشيه وينك انتي)
مرام ابتسمت(استاحشتني؟؟)
عدي(ليش الكذب اي استاحشتك)
مرام ابتسمت ❤(ماما اتصلت بـ امك وعطتها الرد ع الخطبه)
عدي(جديات؟ وشنو الرد)
مرام (الرد هو انك نبليت بااكثر بنت مجنونه وحمارة 💔😂)
عدي ضحك وفرح ف نفس الوقت❤(الاعتراف بلحق فضيله 😏😂)
مرام (فكرتك بتقولي حشاك وهكي ياخيبتي وخلاص 💔🤦‍♀️)
عدي(عادي اصلا اني بناخد حمارة يعني حتى اني حمار 😊)
مرام (ايواه كدا🙄😂)
عدي (مرام عطيني رقمك توا خلا انتي خطيبتي)
مرام (شن المقابل؟؟)
عدي ضحك (الطمع شن تبي مقابله)
مرام (رقمي صفر، تسعه، تنين،،،،،،،،)
تررررن
مرام فتحت الخط:مافيش صبر لعند غضوا؟
عدي: شن الفرق بين غضوا وتوا
مرام:اممم كيف الحال
عدي:تمام الحمدلله شن دايره؟
مرام: دومها،ولا شي
عدي:اممم صار موافقين
مرام ضحكت:اي ريت وله
عدي ضحك: مزال البيان؟
مرام: ليش مستعجل اللطف؟
عدي ضحك:كلمة اللطف معادش سمعتها من ايام جداي الله يرحمها 💔😂
مرام ضحكت:الله يرحمها
عدي: مش مستعجل ولا شي لكن اني خطبتك يعني بعد الخطبه ف بيان
مرام: اممم مكنتش نعرف 😂🙄
عدي ضحك:باارده 😏😂😂
مرام:عدي!!
عدي: يانعم،لحظه مرام سؤال
مرام:تفضل
عدي: بنبعتلك صور انتي اختاري منهم تمام؟
مرام:صور شنو
تيييك رساله ع الواتس
مرام لبسة السماعات وفتحت الصور:محلااااهم
عدي: عيونك الحلوات ❤
مرام:نختار اني؟؟!
عدي:ياريت
صور دبلات وخواتم خطبه ❤
مرام:ليش مش مكتوب سعر ع الصور
عدي: شن تبي ف السعر انتي
مرام:اني لم ناخد حاجه مانحبش تكون غاليه هلبااا بجديات وكلهم حلوات
عدي:اختاري لـ يعجبك
مرام:اممم الدبله لـ ع طرفين
عدي:حلووو تمام مية مية
مرام: تهبل ❤من اي محل هادم؟؟
عدي:هو محل ع النت شفتهم وغضوا بنمشي ناخدها لـ عجباتك
مرام:شن اسم المحل ع النت؟
عدي؛اسمه،،،،،
مرام تتكلم ع السماعات دارت بحث ع اسم المحل ولقاته وخشت ع صفحه تتفرج ع الصور وطاحت عينها ع الدبله لـ ختارتها 😳
مرام فنصت ف السعر:نعععمم نعمممم هدا شنوو
عدي:خيرك شن في
مرام:الدبلة لـ خترتها بـ 3200 عدي انت اكيد تبصر
عدي:اي نعرف
مرام: لا مانقدرش عدي مستحيل
عدي: انتي شن تبي فيا فلوسي هما
مرام:فلوسك صح بس مش لدرجه هادي تي سعر سيارة هدا
عدي ضحك: الغالي للغالي ❤
مرام: بس…قاطعها
عدي:3200 يديرو مراة تانيه نصرفهم عليك خير صح؟
مرام ضحكت:انت عينك ف زواجه تانيه 🙄😂😂
وكملو هدرزه
.
.
رحمه تتمشى مع حور جنب الوردات كانو عندهم ورد ف الجنان
هشام طلع:اني بعدين نجي نروح بيهم…وطلع
وسام خدي السفره وبيدخلها لمح رحمه شاده ف ايد حور ووقفين جنب شجرت الورد رجع السفرة للمربوعه وقربلهم
رحمه كانت عطياته بظهرها
وسام بصوت واطي:رحمه
رحمه فنصت وتلفتت: نعم
وسام مقدرش يتكلم غير الموضوع:نقطفلك وردة
رحمه افت الشجرة:لالا خليهم هكي منظرهم احلا لو قطفت وحده منهم تموت مع الوقت
وسام قرب ايده وقطف وحده حمره وكبيره وغصنها طويل مدها لـ رحمه
وسام مدها:اسف سامحيني
سماح تصكر ف الشباك شافت وسام ماد الوردة لـ رحمه 😳 وخافت فايزة تشوفها صكرت الستار
رحمه: مش بسهوله هادي
وسام ماد الورده: صدقيني نادم خليني نسافر مرتاح
رحمه:هيا قصة السفر عشان تبي تنسى لكن للاسف مش رح تنسى شي
وسام حدف الوردة ع لارض:فدييبت اعتذرت تاسفت شن تبيني ندير
رحمه:لو نقولك شن نبيك ادير رح تنفد
وسام:مقابل انك تسامحيني؟
رحمه:اي لو تنفد نسامحك
وسام ابتسم:تمام شنو
رحمه قامت الورده:تخطب وتتزوج وتمشي ف طريقك
وسام 💔: شن تقولي انتي؟؟؟
رحمه:هدا الموجود…وكححت
وسام يشوفلها بخيبه 💔🖤
رحمه: عشان معادش تغلط…
رحمه دارت هكي عشان تشوف ردت فعله لكن انصدمت بلجواب
وسام: موافق
رحمه سكتتت 🤐
وسام:ليش سكتي انتي طلبتي واني رح انفد
رحمه شدت ايد حور وخشو
وسام قعمز ف الدروج
بااختصار تاني يوم سافر
وسام ف تركيا
.
رحمه تمشط ف شعرها ع المرايا:غلط لـ قلته لكن نعرف انه مستحيل ينفد لانه حبني ❤
وسام فتح نت وجاه طلب صداقه من بنت وجاه طلب مراسلة ع المسنجر (عرفتني؟وسام)
وسام شافه مردش علها
جاته رساله تانيه(اني بنت خالتك )
وسام بعتلها( من بنت خالتي؟؟)
بعتتله(من موت امك معاد شفتك 💔)
بعتتله(اني رتاج)
وسام بعتلها(اهاا اهلين رتاج)
رتاج(سنين معاد شفتك وينك انت هكي ادير لو امك ماتت معاد اتزورنا)
وسام(ظروف)
رتاج (باه لم تفضى تعالى)
وسام(اني ف تركيا)
رتاج (اهااا ليش ماخديتني معاك 😅)
وسام (كيف حال العويله)
رتاج (كويسين الحمدلله)
وسام صكر النت:مبرددد امهم 🚫
مر يوم وتنين وتلاته وابعه وشهر وسام مسافر
مرام ع الخط:الوو
عدي: اليوم خطبتنا فرحانه ياقلبي؟
مرام:اكيد ❤
عدي: دومها
مرام:عدي حبيبي
عدي:عيونه
مرام:تلبسني انت؟
عدي: معنديش فيه الجو هدا منحباش
مرام:عشاني ❤
عدي:اسف
مرام:اوكي
عدي:انتي مزال عند الكوافيرة
مرام:اي كملت اتصلت بـ بابا وهو جاي
عدي:اي يلا اني بنوصل امي وخلاتي لـ صاله
مرام:اوكي باي
عدي:باي ووصكر الخط
مرام وصلت للصاله وبعد مقعمزت ورقصو وسلمو علها ودارو جو قالو عدي بيخش يلبسها
مرام لبسة قفطان احمر منفوخ فخم طويل يجنن مع تسريحه ناعمه ومكياج خفيف وروج نفس لون القفطان ❤
عدي لبس بدله زرقه غامقه لكن عبارة عن سورية وسروال وجاكيت بس بدون قرواطه وتحليقه وعطرر كان طووووويل 🤤❤
مرام ابتسمت وتشوف فيه يقرب ❤
عدي قربلها وبدو يسلمو عليه
عدي قربلها: مكبيتش نكسر بخاطرك
مرام ابتسمت بصوت واطي: نحبك اني نموت فيك
حميدة جابت الدبلات:لبسها
الصاله مطفيه ع الضو المخفي بس ✨
ع اغنية ناصيف زيتون (مبروك عليكي)
(مـبــروك عليكي وعليآآ
آنتي صـرتي مـني وفيي
قآلوو مـآفي فرحه بــتكمـل
كمـلت وصـرتي بــين يدييآ
مـبــروك عليكي وعليآآ
آنتي صـرتي مـني وفيي
قآلوو مـآفي فرحـه بــتكمـل
كمـلت وصـرتي بــين يدييآ
لآلي لآلي هل ح ـلآ لآلي
طـله بــتبــكي آلغـزلآن
وعيون بــتغـلي غلي
مـآفي شـي تمـنيتو آلآ فيكي لآقيتو
حـبــك صـلآحيتو آبــديه آبــديه)
رحمه كانت لابسه قفطان اسود مرشوش ماشي ع الجسم وطويل وشعرها فلوو مكياج خفيف ❤🤤
عدي ابسها الدبله:مبروك ❤
مرام ضحكت:عقبالك ❤😅
عدي ضحك
الناس تشوف فيهم يضحكو ❤
عدي:نستاذن اني …وطلع
رحمه قربت حضنتها باركتلها.مبروك ياعمري تهبلوو ❤
مرام:ياعمري عقبالك يارب ❤
بدو الناس يتعشو رحمه قعمزت جنب مرام
رحمه: مرام
مرام:نوضي تعشي رحمه
رحمه:ماخاطريش اسمعي
مرام:نعمم
رحمه: نبي رقم وسام
مرام:وسام صاحب عدي؟
رحمه: اي نفس لـ حكيتلك عليه
مرام طلعت هاتفها
رحمه ضحكت: مش توا قدام الناس
مرام:عادي..واتصلت
مرام:الوو حبيبي
عدي:عيونه ❤
مرام:انت تتواصل مع صاحبك وسام؟
عدي.ليش؟
مرام:حبيبي وسام مرتبط بصاحبتي
رحمه ضربتها 😂
مرام:عطيني ايميله او رقمه
عدي: مانقدرش ياقلبي هو منبهني
مرام:عدي حرام عليك هو يحبها وتعاركو وسافر زعلان
عدي:لو نعطيك الرقم يرجع؟
مرام:اكيد
عدي:اوكي نبعتهولك ف رساله
مرام:نحبك
عدي:باهي لذكرتيني 😏🤤
مرام ضحكت
عدي:امي وامك قعدو محاوطينا مقدرتش نقولك طالعه تجلطي 🤤❤
مرام:حليلي
حميده اتصلت بـ عدي خش انتظار
عدي:حبي امي تتصل باي بعدين نكلمك
مرام:تشوف فيا غبارتي باي
عدي ضحك وصكر ورد ع امهعدي:ايووه
حميده:نهارك اسود ع راسك خلي البنت تهدرز ع الناس شن متصل بها توا اني عرفتك
عدي ضحك:حاظر
حميدة صكرت الخط
مرام عطتها الرقم
رحمه: اني بنوض نتصل بيه ف الحمامات (حشاكم)
رحمه اتصلت لكن صكر علها
وتفاجاة انه اتصل
رحمه:عرفت رقمي صح
وسام ساكت
رحمه:وسام..قاطعها
وسام:اي رحمه اكيد بتساليني ع خطبتي لـ طلبتها مني
رحمه سكتت💔
وسام:اي اسمها رتاج عمرها 23 بنت خالتي
رحمه قلبها بيطلع
وسام:توا نفهم انك سامحتيني؟
رحمه تشوف ف روحها ع مراية الحمام (حشاكم..)
رحمه ايدها ع فمها وجتها فكره انه تمتل انها تكح بدت تكح بلكدب:احووو احووو
وسام خاف ووقف :اهدي خيرك رحممه
رحمه كاتمت دمعتها.يعني راجع
وسام عرفها بتبكي ابتسم:اي راجع كنت بنرجع اليوم عشان خطبة صاحبي لكن محصلتش طيارة
رحمه:توصل بالسلامه…وصكرت الخط
وسام
تتبع ✨❤

لقراءة الجزء التالي : الجزء الثامن من رواية عديم الضمير

لقراءة الجزء السابق : الجزء السادس من رواية عديم الضمير

للإطلاع علي فهرس اجزاء الرواية : رواية عديم الضمير ( جميع الاجزاء كاملة ) للكاتبة ميشو محمد

جميع الحقوق محفوظة للكاتبة ميشو محمد .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى