هيا جهز فنجاة القهوة الخاص بك ولنبدأ سوياً سريعاً في قراءة جميل الكلمات من رواية بقايا امرأة للمبدعة كيندا، هل أنت جاهز ؟ إذا هيا بنا .
الجزء السادس عشر من رواية بقايا امرأة
نوره ….. اووووووو …. نست تلفونها …. وفى رسالتين واصلين …. لا وحده من وائل … وتانيه من مريم …. اه ه ه ه ه ه نسرررررين علاش باسورد شيت … حسبى الله ونعم الوكيل فيهم
شن ممكن يكونو باعتيلها يارررررب انى قلبى حاسسنى مصيبه … ياررررررب خيررر يارررررب
حطت نوره تلفون ونزلت لمزينها .. وبمجرد مانزلت لقت هلبه زباين يستنو فيها فاالتهت معاهم لحد ماوصلت نسرين من مشوارها… واول مافتحت الباب وخشت قعدة تنادى بااعلى صوتها ….
نسرين …. نووووووره حبيببببببتى تعااااااالى بنمووووت من الفرررررحه … شووفى اختك رشيقه كم وزنها بس ههههههه
نوره …. اه طمنينى ؟ شنى ؟ هياااااااا
نسرين …. شوفى الورقه بى ام عينك … ههههههههههههه
نوره ….. لا &&&&$$$ 79 والله توقعتك فى سبعيناااااات … والله والله انتى اشجع مرأه … قدرتى تكسرى كل حواجزك برافو عليك روووووووووووووووووى …
وهنا بدت نوره تزغرط وعيونها ملينات دموع من فرحتها بااختها ….
نسرين …. مانبيكش تبكى بالله عليك … انى ماصدقت نفرحو … باركيلى بس واضحكى …
نوره … حبيبتى انتى الف الف مبروك
نسرين … وين تلفووونى نبى نفرح امى ….
نوره …. فوك تلفونك جنب الارضى
نسرين …. اموووووووه ياعسولاتى انتم شفتو امكم قداش بدت رشيقه وحلوه ..
نركب تلفونى ونجيك نحكيلك شن صار معاى …
ركبت نسرين وجابت تلفونها … واول ماوصلت جيهت اختها لقت نوره نسرين ملامحها مسوده وهيا تفتح فى رساله الا على فايبر …. ورساله كانت فيديو من وائل قاللها فيها
وائل …. نسرين انتى طالق … ولو تبى صغار تنازلى على كل حقوقك … بدون شوشره او مشاكل .وبعدين شافت رساله تانيه وكانت قروب فاتحاته مريم عمدااااا ومخششتها فيه واول ماخشتله نسرين … شافت كل اقارب مريم يباركو لمريم … على فاتحتها اليوم … والرساله الا بعتتهالهم مريم كانت ….
مريم …. حبايبى … كانت وصية ماما ان نقرو الفاتحه ومايوقفنى شى … فاقرينا الفاتحه انى وخطيبى على سريع … اليوم بشكل ضيق … والدخول رح يكون بعد اربع شهور بعون الله …
وتحت هالتعليق بدت تنزل تبريكات والتهنيئات من اقاربها الا الباين مايندروش انا وائل كان متزوج او اى من القصص الا فاتت … وفى لحظه هيا … حست نسرين باان كل الا بناته انهار قدامها … ماضيها ومستقبلها … وخبطت تلفونها على الارض كسرت شاشه وخدت بعضهاودموعها على خدها ومشت لدارها وسكرتها عليها …. وهاللحظه كانت نقطة انهيار لى نسرين … نقطه رجعت فيها مشاعرها من صفر …ورجعت دوامت حبستها فى دارها وانقطاعها عن كل موجودين …
نوره …. انى من مبكرى خليتك تبكى وتطلعى طاقه الا فى داخلك … بس توا نبىيك تحكى … وتطلعى الا فى قلبك … علاش تبكى ؟
نسرين …. فى لحظه الا بديت نوقف وترجع حياتى صح … هدملى حياتى .. وكمل حياته عااااادى … ببساطه خدمه انتهت … حياتى رح توقف بس بكلمه منه … وانى ضحيه رح ننحط فى دار بين اربع جدران لمدة 3 شهور ومعاها …. وهوا قرى فاتحته ويقدر يسافر ويحب …
نوره … استغفرى ربك حبيبتى العده مش وائل الا حطها … ربك قال هكى … وملتندريش عسى ان تكرهو شى وهوا خيرا لكم …
نسرين …. انى قلبى محروق … ركبو على كتافى وبنو سعادتهم على حسابى انى وصغارى … ولحد هاللحظه انى رح ندفع تمن … خسارة حياتى … وخانونى اقرب ناي ليا .. وفوق من هدا كله … معاشى وقف والعياده بح واقساط سياره رح يوقفو … يعنى ببساطه بزر منه قدر يوقف حياتى كلها …
نوره …. يعنى كنتى حاله تقعدى على دمته هالواطى
نسرين …. كنت حابه نوقف على رجليا بس …. فهمينى … 3 شهور منين بنصرف على صغارى … فلوسى كلهم حطيتهم فى سياره …
نوره …. انتى خدمتى شهر فى عياده معناها اكيد رح ينزلو فلوسك
نسرين … انتى نسيتى ان وراى اقساط سياره ؟
نوره …. هوا عزو خلهملك 200 كل شهر يعنى يقعدولك 1300 دبرى بيهم نفسك وانى موجوده بس بالله عليك بطلى بكى … ليك اكتر من 6 ساعات تبكى …
نسرين …. انى والله مانبكى لانهم تزوجو او لانه طلقنى … لانى كنت متوقعه … بس بسرعه هيا … هانت عليه كل ايامنا مع بعض …. لهدرجه انى رخيصه فى عينه ..
نوره ….. قولى حسبى الله ونعم الوكيل بس وهوا رح ياخدلك حقك فيه ومعاش تفكرى فيه انسيه
نسرين …. ننساه ؟ انى توا بس بدت لعبتى معاه وتقوليلى ننساه … انى حاليا مش رح نرسم فى بالى الا كل تفاصيل خيانتهم ليا ….. ولو انى ماانتقمتش منهم …. معناها موت حلال فيا
نوره …. نسرين ماتخليش غضب يعمى عيونك يوخيتى
نسرين …. النار الا راكبه فيا مستحيل تهدى الا لو شفتهم يتعدبو زى ماانى نتعدب
نوره …. شن حاطه فى بالك ؟
نسرين … رح تعرفى اول مانوصل لهدف بس …. اعطينى فترة عدتى هيا بس .. وبعدين شوفى نسرين شن تدير …. والكيد الا هيا عطتهولى انى رح نحطه فى باكو ونهديهولها بعون الله
نوره …. باهى بالنسبه خدمتك كيف بيصير فيها ..
نسرين …. كلمنى زيد مبكرى وقتله على الا صار وقالى اهدى وبكرا نكلمك ونقولك شن يصير ..
نوره …. شن رايك نخش للقروب ونفضحها قدام اقاربها ؟
نسرين …. لا لا خليها توا تفرح وتستمتع …. جايها وقتها ورح تدفع تمن بالقطره … وبنفس السم الا ضوقتهولى ….
نوره …. خلاص توا ارتاحى وخلى صغار يرقدو معاى وبكرا بعون الله رح نزيدو نتكلمو وصدقينى ايام ويفوتو ومش رح نخليك بروحك ….
نسرين …. صحيتى حبيبتى … انى اصلا محتاجه انى نقعد بروى لاخر مره ونراجع كل الا فات من حياتى ونصفيه ..
نوره …. خلاص ليلتك سعيده
نسرين … ربى يخليك ليا يارررررررب
كان اليوم اول يوم لنسرين فى عدتها …. ولتغير كافة حياتها …. ومش رح نضيعو وقتنا فى شنى كانت تدير فى 3 شهور … لانا ببساطه كان نفس روتين … شاده فى ريجمها … ورياضه ساعتين فى اليوم داخل بيتها …. واكبر اهتممها كان لنفسها وجمالها وصغارها … وزيد كانت تتحسى تتكلم معاه بحكم انها فى اشهر العده وبرغم نكساتها فى كل ليلى ودموعها احيانا وهستيرية ضحكها تاره اخرى … الا انا مع الوقت كانت عزيمتها تكبر .. وتكبر … ووزنها كان ينقص بااستمرار وزى ماهى تبى …
. وبعد مرور شهرين من عدتها …
نسرين …. الميزان بدى عندى هاجس كل يوم نوزن تصورى ؟
نوره … فرحينى كم وزنك اليوم
نسرين … كم تتوقعى ؟
نوره … هياااااا قولللللى نحس فيك رجعتى زى ماكنتى بنت …
نسرين ….. ههههههههه وانى بنت كنت 68 وتوا 67 …
نوره …..روووزوووووووووووى حسك فرحتينى والله زغرطت من وسط خاطرى … بس خلاص مفروض توقفى لانا هكى جسمك يقتتتتتتتتتتتتل
نسرين …. لا لا حابه يوصل وزنى 59 كيلو …ورح نوصل قبل عرسهم 59 كيلو ولو كلفنى موضوع نقعد بدون اكل …
نوره … هلببببببه 59 بتولى زى عيل
نسرين …. فى شى فى بالى نوره … ويوم ماقررت انى نفده رح نفده
نوره …. نسرين .. انى حسيتك من لما طلقتى كرهتى كل رجاله وبدى هدفك الانتقام بس … حتى تلفونك ليه شهرين مقفل وانتى عارفه ان زيد رح يتصل ويكلمك
نسرين …. ولانه رح يكلمنى سكرته … انى مش مستعده حاليا نخش فى اى نوع علاقه مهما كانت شكلها … صداقه .. حب .. ارتباط … واتصلات زيد رح تخششنى فى متاهه انى حاليا مانبيهاش تشغلى دماغى لانا فى شى اهم … مهم غيرى موضوع … نبى نقولك … فى قفطان عاجبنى هلببببببه نبى نحجزه … هل نقدر نتسلف منك 1000 دينار بس لين نرجع لخدمتى
نوره …. عادى بس لاش تبيه قفطان
نسرين … هكى وخلاص نوره بطلى اسأله … انى نبى نحجز فيه اليوم ورح يوصلنى بعد تلاتين يوم … فابليز نبى نطلب منك انك تحوليهملى دولار وتصبيهم عن طريق الوسترن فى حسابك باش نقدر نخلصهم ووعد والله الا مانردهملك فى اقرب وقت
نوره …. برغم ان افكارك مش مريحتنة بس اوووك …
نسرين …. اوك استنى نفتح تلفونى بنبعتلك حاجه
واول مافتحت نسرين تلفونها على طول وكيف بتفتح على رسائل … جاها اتصال من شخص ماسمعتش صوته من شهرين …
نيرين …. الوووو
يتبع……..
لقراءة الجزء التالي : الجزء السابع عشر من رواية بقايا امرأة
لقراءة الجزء السابق : الجزء الخامس عشر من رواية بقايا امرأة
للإطلاع علي فهرس اجزاء الرواية : جميع اجزاء رواية بقايا امرأة كاملة للكاتبة كيندا
جميع الحقوق محفوظة للكاتبة كيندا من ليبيا .
