وفي الجزء الأول من الرواية دعونا نبدأ في قراءة جميل الكلمات والمواقف في إطار من الخيال والإبداع الجميل من الكاتبة أميرة رمضان ، هيا بنا ماذا تنتظر ؟
الجزء الأول من رواية عادت لكي تنتقم
الام بصراخ: سيييييييييييييف
سيف بخضه: حصل اااااااي مين ماااااات
الام : بقالي ساعه بصحي فيك مش عايز تصحي يلاا ي خويا عشان شغلك
سيف :هو الواحد هيرتاح ايمتي بقي الاول يلا اصحي عشان المدرسه وبعدين الجامعه وبعدين الشغل هنام براحتنا ايمتي يعني
الام : لما ربنا ياخدك ان شاء الله
سيف : ده اي كميه الحنان العلي الصبح دي ي ليلي هانم
الام : بلا ليلي هانم بلا ليلي زفت يلا قوم عشان لو الاكل برد مش هسخن
ومشت
قام سيف من علي السرير ودخل الحمام وخرج لبس بدله تركي شيك ونزل تحت
نتعرف علي المز قصدي الشاب
**(سيف العطار 25سنه ظابط في المخابرات المصرية وسيم ومرح جدا طويل وعندو عضلات ابيض البشره وعيون عسلي وشعر بني (حاجه كده تتاكل اكل )
ونزل وقعد علي السفره
سيف: اي ي حاجه امال فين رغد
ليلي : مشت علي الجامعه هي لسه هتستناك
سيف : الحمد لله مشت قبل متاخد الفلوس
ليلي : لاء متقلقش قلبتك وانت نايم
سيف : انا مش عارف انا نايم في بيتي ولا في محطه مصر وابتدي يفطر
_______________
علي الجانب الاخر
(بنت نايمه بتحلم ببنت في عمر الخامسه عشر ولابسه فستان وردي واقفه في البلكونه وفي ايديها كاميرا وبتصور والدها
ووالدها كان بيركن التاكسي في الشارع وبيعدي الطريق ولكن بتاجي تلات عربيات وبينزل منها رجال وبيضربو ابوها بالنار وبتصرخ البنت )
بتفوق مرام تلاقي نفسها علي السرير وضربات قلبها سريعه جدا
مرام بحزن: ياااربي نفسي مره انام من غير مااشوف اليوم ده بيتكرر تاني انا تعبت مش قاااادره
و مسكت صوره لابوها وامها
مرام: وحشتوني اوووي الدنيا وحشه من غيركم وغداره اوووي
بس وغلاوتكم عندي لاخد حقكم وانتقم منهم واحد واحد و بتاخذ نفس عميق وتقول
هانت وتبتسم تلقائي
(فاليوم هو يعتبر يوم مهم جدا في حياتها استعدت كتير لليوم ده )
قامت ودخلت الحمام وبعدها سرحت شعرها شكل كحكه ونزلت
…
(مرام محمود فتحي 21سنه بنت جميله اووي بشرتها بيضه وملامحها جذابه وعيونها بني وعندها غمازات متوسطه الطول وتكه من الاخر
ابوها وامها متوفين وهنعرف السبب بتفصيل في الاحداث )
قبل متخرج من البيت
كابتن مدحت: مرام
مرام :نعم ي كابتن
مدحت :مستعجله ليه كده انهارده دانتي حتي مفطرتيش
مرام: انهارده بذات لازم اكون مستعجله ده كفايه اني هشوفهم
مدحت: مش ديما بيكونو مهتمين بالمواعيد ممكن ميجوش انهارده بس اهم حاجه لازم تركزي كويس
مرام: اكيد
مدحت :وعشان تركزي كويس لازم تفطري وبعدين انا مش متعود افطر لوحدي
مرام بابتسامه : منتا علطول كنت متعود تفطر لوحدك
مدحت : بس من بعد مجيتي وانا اخدت اني افطر معاكي
مرام، ماشي يلا بسم لله
(مدحت حسين 45 سنه رغم عمره الانه محتفظ بلياقته البدنيه مدرب فنون قتاليه زوجته ماتت من زمن طويل معندوش اولاد )
دخلت مرام المعسكر
المدير :مرام
مرام :نعم ي فندم
المدير : عايزك تنظمي المعسكر كويس عندنا ضيوف مهمين اوووي بيزرونا كل فتره عايز الاستقبال بيهم علي اكمل وجه
مرام في بالها :ياهلااا دانا مستنياهم علي احر من الجمر
المدير :مراااام
مرام : نعم ي فندم معلش سرحت شويه
المدير :مش وقت سرحان عايز تركيز
مرام امرك ي فندم
وتتنهد مرام وقالت اخيرا هوصل لهدفي وجزت علي سنانها بغيظ وقالت وهنتقم منكم
كابتن مدحت : مرام
مرام :نعم
مدحت :طلعتي قبل متشربي القهوه اتفضلي
مرام :تسلملي ي كابتن واخدت منه القهوه وبدءت تشربها (ملحوظه البيت جنب المعسكر)
كابتن مدحت : كان بيقولك اي
مرام بضحكه بارده : بيقولي جهزي المكان عشان الناس جايه
الكابتن: فكري يبنتي دول مش سهلين دول عصابه حياتك هتبقي في خطر معاهم
مرام بدموع :انا حياتي انتهت من اليوم الشفت فيه وشهم قتلو كل حاجه حلوه في حياتي وسقوني المر وجه اليوم الهرد ليهم العملو فيا وفي عيلتي
الكابتن : طب براحتك هما هياجو بعد ساعه تقريبا خلصي الهتعمليه عشان اول ميدخلو المكان يشوفوني وانا بدربك وتبيني براعتك وقوتك قدامهم وهما اهم حاجه عندهم ان الشخص يكون قوي
مرام :وده الانا اتدربت عليه اربع سنين متقلقش عليا هتلاقيني في ساحت التدريب بعد نص ساعه
______________________
*في بيت سيف العطار
سيف:يلا ي امي هاتي الشاااااي انا اتاخرت وشاف التليفون بيرن ولكن عامله صامت
سيف :الو ي قلبي
ياسمين: بلا قلبي بلا زفت اخيرا رديت علي الزفت بقالي ساعه وربع برن عليك
سيف : والله كان صامت
ياسمين: ولما انت متنيل عاملو صامت بتقولي ليه ارن عليك الساعه ٧عشان اصحيك لشغل
سيف : معلش ي قلبي نسيت والله وجات عليا نومه
ياسمين :هو انت لسه منزلتش الشغل
سيف :لسه بفطر
(وسمع سيف صوت جاي من الفون)
_: انا مش قولت الساعه ٨بظبط تبقي في مكتبي
(واول مسمعه سيف قام بسرعه من علي السفره وركب عربيته ومشي بسرعه رهيبه للمكتب قبل مياجي مديره ويفنشو )
ياسمين :يابابا حرام عليك كان بيفطر
عمران :هو انا كنت منعته من الاكل
ياسمين : ايوا ماهو ساب الفطار وراح الشغل
عمران : لاء الاوامر اوامر مصحيش من بدري ليه خليه يتعلم الادب عشان يبقي يصحي بدري
(ياسمين عمران الدمنهوري 22سنه في سنه رابعه كليه تربيه بنوته طيبه وهاديه بشرتها بيضه عيونها سودا وشعرها اسود وطويل اووي
عندها خدود وطولها مظبوط وكيرفي بالمناسبه هي محجبه )
**(عمران الدمنهوري 51 سنه ولسه وسيم جدا لواء في المخابرات المصرية )
___________________
عند مرام
كانت واقفه في الساحه وجاء الكابتن وقال مستعده
مرام : جدااا
(وجاء خمس شباب من المتدربين في المعسكر وبدءو التدريب وكانو كلهم علي مرام
ومرام كانت بتتفادي الضرب ببراعه وكمان كانت تنقض عليهم وتضربهم ببراعه اكثر وفي اللحظه دي شافها قائد العصابه )
فاشار الكابتن بعيونه علي القائد ومرام خدت بالها انه بيبص عليها وذاد حماسها وقوتها في الضرب اكتر
مدير المعسكر : ياهلاا نورتونا
( ودخلو المكتب )
(مرام فرحت جدا وفاقت علي ضربه في وجهها من الكابتن ووقعت علي الارض )
مرام بضيق : ليه كده
الكابتن :من اكتر الحاجات العلمتهالك انك طول منتي في ساحة التدريب متامنيش للكابتن نفسه وطول منتي لسه محققتيش هدفك حتي ولو فاضل خطوه وينتهي برضو متخليش ثقتك في نفسك تهيألك انك انتصرتي يارب تكوني فهمتيني
(وجاء ليضربها مره تانيه بس هربت منها ببراعه وبعدها ضحكت وقالت الحمد لله ياكابتن مشفنيش وانا بضرب
)
)_________________
في المكتب
المدير :نورتنا ي خالد بيه
**(خالد توفيق رجل مافيا عمره ٤٠سنه بيشتغل في اي حاجه شمال )
خالد : الرجاله جاهزين
المدير : طبعا ي فندم وعلي اكمل وجه علي متشرب قهوتك هيكونو قدامك
خالد : مين البنت الكانت تحت دي
المدير : انهي وحده
خالد :البنت الكانت بتدرب دي لابسه اسود
المدير : اهاا دي مرام مساعده كابتن مدحت
خالد :هي معاه من ايمتي
المدير :من حوالي اربع او خمس سنين وهي بتدرب لكن دلوقتي بقت مساعدته
خالد : انا عايزها معايا
المدير : ي فندم دي مش من المتدربين هنا هي دلوقتي بقت مساعده الكابتن شوف اي حد غيرها وانا عنيا ليك
خالد باصرار : مش عايز حد غيرها هي باين عليها قويه وانا محتاجها معايا في الشغل
المدير بحرص: ي فندم دي ملهاش في شغلكم وكمان …
قاطعه خالد : ابعت للكابتن وانا هتكلم معاه
المدير بخوف : حاضر يفندم وبعت للكابتن
______________
(في الوقت ده الكابتن قاعد مع مرام )
مدحت : بعتلي شكلو هيقولي انه هياخدك
مرام : ياسلااام بس بقولك ي كابتن حاول تبينلو انك مش عايز تفرط فيا مش اول ميقولك تقوله اتفضل شيل
ضحك الكابتن : دانا الهروح اتحايل عليه ياخدك
بعد دقيقه الكابتن راحلهم
خالد : ازيك ي كابتن مدحت
كابتن مدحت : بخير الحمد لله
خالد :انا هدخل في الموضوع علطول انا عايز البنت الكانت معاك تحت تشتغل معايا
كابتن مدحت :تشتغل اي
خالد : لاء ده اسرار ملكش انك تسال
كابتن مدحت : يبقي معطلكش شكلك مستعجل
خالد : انا مش بقرر كلامي كتير البنت دخلت دماغي وعايزها معايا في الشغل والمبلغ الانت طالبو فيها هتاخدو
الكابتن : دانت جاي تشتريها بقي مش حكايه شغل
خالد :اعتبرو عربون
اتدخل المدير :خلاص احنا نجيب مرام وهي تشوف هتعمل اي
(وفعلا جات مرام ودخلت وهي بتبصله بتكبر وبرود )
خالد : انسه مرام انا عايزك تشتغلي معايا
مرام : هاخد كام
خالد بانبهار : مش هتسالي هتشتغلي اي
مرام : حضرتك مشفتنيش غير وانا بتدرب وبعدها طلبتني لشغل معاك يبقي اكيد مش عايزني مديره شركه يعني
خالد باعجاب : تمام اعتبري انك هتشتغلي مع الحكومه
مرام بثبات: يبقي معطلكش
خالد باستغراب : ليه
مرام : مليش انا في شغل الحكومه مبحبهاش ولا بحب شغلها
خالد بابتسامه: هدفنا واحد يبقي اتفقنا
مرام : لسه مقولتليش هاخد كام
خالد : احنا في شغلنا حسب شطارتك فلوسك تزيد
مرام : بس ده مبدء مبحبوش انا شغلي عالي جدا بس لزم اتفق علي الفلوس
خالد: هي الفلوس مهمه عندك كده
مرام ببرود :انا ابويا الجنيه وامي مصلحتي غير كده ميهمنيش
خالد : طب مش هنختلف اصل مش انا البحدد الفلوس الحكايه دي مع الكبير بتاعنا
مرام : يبقي لينا قعده مع الكبير بتاعك
خالد : يعني موافقه تشتغلي
مرام : والله طلاما الفلوس والمصلحه اجتمعو ليه لاء
خالد : طب يلا
مرام : استني فين العربون للكابتن
الكابتن : يبنتي انا مش عايز فلوس
مرام : ده حقك انت دربتني وصرفت عليا كتير وهو هيخدني اشتغل معاه يبقي يدفع عربون
خالد : كتب شيك وعطاه لمرام
مرام : عشرقايق هلم حجاتي واجي وطلعت من عند المدير
(لمت شنطتها وهي حاسه بنصر انها هتبدء خطوتها الاول في الدخول للعصابه وبعدها تنتقم منهم كلهم)
يتبع ………
لقراءة الجزء التالي : الجزء الثاني من رواية عادت لكي تنتقم للكاتبة أميرة رمضان
للإطلاع علي فهرس اجزاء الرواية : جميع اجزاء رواية عادت لكي تنتقم كاملة للكاتبة أميرة رمضان
جميع الحقوق محفوظة للكاتبة أميرة رمضان .
