الجزء

الجزء الثاني من رواية كنت للروح سقيا

الجزء الثاني من رواية كنت للروح سقيا

وفي الجزء الثاني من رواية كنت للروح سقيا دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة شهد محمد .

الجزء الثاني من رواية كنت للروح سقيا

“كيف لانستطيع النوم بسبب الألم؟ ”
اليوم كان عادي جدا لحدي ما جينا ننوم ف قلت ليهم ما ح اقدر انوم في الغرفه همس قالت لي طيب الصالون؟ لما قالت الصالون قلبي وجعني اكتر اتذكرت ابوي قعدتو في الكرسي ورقدتو في سرير معين انا ح اتألم لمنو ولا منو طيب؟ لي هم الاتنين اختارو يمشو في نفس الوقت؟ شجن الكان بتتبطب على جروحي وين؟ طيب ابوي الكان محاوطني وماليني بحنيتو وين؟ انا ما قادره استوعب للأن فكره انهم خلاص ماف 😢كيف ح اقدر اواسي امي واقيف جنبها وانا اصلا ما قادره على روحي
قلت ليها لا ارحم الغرفه خلاص مشينا ورقدنا تحت في الأرض عشان اكون بيناتهم الاتنين عبير كانت بتقرا لي قرأن لحدي ما نمت.

“عبير وهمس عمرهم ما قصرو معاي عمرهم ما اترددو في أنهم يكونو معاي ويساعدوني وانا عمري ما ح اندم على معرفتهم وممنونه جدا لوجودهم في حياتي♥️

……….
صحيت من كابوس أقل ما يقال عنه أنه أشبه بالملح على جروحي زكرني الحادث كيف حصل وكيف شجن كانت بتنازع في الحياه وكيف ابوي وهو واقع والدم مالي جسمو كلو انا لو في حاجه ممكن اصلحها في حياتي ف انها ح تكون انا الاموت بدلهم 💔… صحو البنات على صوت بكاي كنت بتمتم بكلمه انا الكنت السبب و الله انا الكنت السبب
عبير :انتي ما السبب يا شهد ده ربنا مقدر يحصل كده
انا:انا القلت ليهم لازم نطلع الليله بس ولازم كنت فرحانه لاني خلاص خلصت جامعه ف قلت ليهم لازم نطلع ونحتفل ابوي قال تعبان بس قلت ليهم لازم لو ما اصريت ما كان حصل كده
همس:شهد صدقيني انتي ما السبب في ااي شي كل الحصل انو بس العربية كان فيها عطل وابوك ما لاحظ وابوك فقد التحكم في العربيه ده كلو قضاء ربنا ادعي ربنا يقويك يا شهد عارفه العليك ما هين بس صدقيني ربنا كفيل بانو يقويك
عبير :خلونا نصلي وندعي ليهم ونقرأ قرآن احسن
……………………………………..
=عايز تمشي وين انت بس وريني؟
_عايز اعزيها يخ كيف يحصل ليها ده كلو وانا ما عملت ليها حاجه؟
=ح تعزيها بصفتك شنو بس؟ هي اصلا ما ملاحظه لوجودك
_انا غبي انا مفروض اعرف انو عندها مشاكل من اول يومين ما شفتها فيهم… ما شفتها كانت فرحانه كيف لما طلعت من الجامعه ما شفت ضحكتها كيف يحصل ليها كل ده في نفس اليوم وانا ما قادر اكون جنبها
…………………………………….. عدت الايام عادي ماف شي جديد غير أنو نفس الكآبة نفس الحزن ونفس الكابوس!

عبير:عارفه لو شجن كان هنا كان قالت شنو؟
انا:يخوانا بطلو كآبه
عبير:وابوك؟
انا:ما تكهربو جو بيتي اي زول عندو مشكله يجيني احلها ليهو الا مشكله قروش طبعا
عبير:طيب اسي لو كانو عايشين كانو ح يرضو بحالتك دي كانو ح يرضو بالئيس الأنتي فيهو ده؟ ما اقول ليك ما تزعلي عليهم وما تجبري نفسك انك تنسي جروحك بس بقول ليك انتي أقري ليهم قران اتصدقي عليهم ادعي ليهم كتير وربنا كده ح يقويك شهد انتي الفضلتي لأمك بعد ده انتي الوحيده الح تسانديها هي كل يوم بتكون خايفه انها تخسرك كل يوم بتبكي بليل براها بس عشان ما تبكي قدامك وتخليك تضعفي اكتر شهد حاولي اطلعي من القوقعه دي انتي قويه وشديد
انا :ما قويه بعد موت شجن هي صح كانت أكبر مني بسنتين بس كنت بحسها قدري كانت حافطاني حفظ ولا ابوي الكان إذا ما اتأكد البيت كلو كويس وما عندو مشكله ما بنوم!.. انا لو في يوم جيت متضايقه ف هم بستلموني من باب الشارع لحدي باب الغرفه بالاسئله شجن عمري ما جيتها مهمومه الا ورجعت منها مرتاحه هي كانت قريبه لي وشديد كمان
عبير :عارفه والله عارفه بس ي شهد حاولي ارجعي للحياة شويه شويه عشان خاطرهم وعشان خاطر امك خليها ترتاح بعد ده طيب؟
أنا :حاضر ان شاء الله
بعدها جات همس وقالت لي امشي اقعدي مع امك شويه وختيت ليكم الغدا اكلو مع بعض انا :وانتو؟
همس:انحنا ما جيعانين اسي
انا : طيب
…….
بعد طلعت منهم مشيت لأمي وقعدت جنبها قلت ليها امي انتي كويسه؟ هزت رأسها ب ايوه قالت لي شهد ي بتي انا ما فضل لي غيرك عليك الله قوي نفسك وحاولي ارجعي شويه شويه ده قدر ربنا ولازم نكون راضين
قلت ليها حاضر ان شاء الله ♥️
…..
لما فتحت التلفون لقيت رسايل تعزيه من ناس كتيره شديد ف بديت ارد عليهم واحد واحد من بينهم كان في رقم غريب كان أول مره يرسل لي ف رديت عليهو برضو من غير ما اعرف هو منو ولا حتى حاولت اعرف
……………………………………..
وانا قاعد ومنتظر تحت بيتهم ما عارف منتظر لي وإذا هي طلعت ح يحصل شنو يعني بس كل الكنت عارفو انو لازم اكون هنا عشان في اي لحظه حصل شي لو لا قدر الله لازم اكون موجود
.. أول ما فتحت الداتا جات رسائل كتيره ف كالعاده ح اطنش الا انو في رساله وحده بس ما قدرت اطنشا رساله منها هي ما كان فيها شي مميز كل الفيها انو ردت على التعزيه حقتي بس بردها ده اتاكدت انها هي كويسه وانها احسن حاليا وأنها بتحاول ترجع لشهد القديمه (ايوه انا نفسو صاحب الرقم المجهول ونفسو البراقبها من بعيد ونفسو البحبها والح يفضل بحبها♥️)
……………………………………..
عبير وهمس مشو وخلاص وحقيقي مشيهم إثر معاي بس كان لا بد يمشو بعد ده بس كانو كل يوم بتصلو يطمنو على وبحاولو يطلعوني من المرء الانا فيهو ده فمره كنت بتكلم مع همس ف أصرت على انو اجيها ونتلاقى انا وهي وعبير ف وافقت في الأخير ومشيت كلمت امي قالت لي طيب اطلعي طوالي ♥️
******
عبير وهمس اتعرفت عليهم في الجامعه عبير قرت معاي بزنس اما همس ف هي بت خالتا وقرت سايكولجي هم كانو محلين على الجامعه زي ما شجن محليه على البيت وانا لو لفيت الف مره م ح الاقي زيهم ♥️
******تاني يوم جهزت وطلعت عليها اول ما وصلت وعايزه ادخل على مكان شغلها
=انتي ما محتاجه تجي هنا ي شهد
انا :واخيرا قررت تظهر!

“لقد مللت الاختباء اريد مواجهتها وليحدث ما يحدث لا أبالي بعد الآن” ♥️

يتبع ………

لقراءة الجزء التالي : الجزء الثالث من رواية كنت للروح سقيا

لقراءة الجزء السابق : الجزء الأول من رواية كنت للروح سقيا

للإطلاع علي فهرس اجزاء الرواية : جميع روابط اجزاء رواية كنت للروح سقيا للكاتبة شهد محمد

جميع الحقوق محفوظة للكاتبة شهد محمد .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى