الجزء السادس من رواية متعصب واحببته

وفي الجزء السادس يا تري ماذا يا تري سوف يجري من مواقف مميزة وجميلة مع ابطالنا وهل سيظهر بطل جديد في الرواية ام لا ؟ كل هذا وأكثر سوف نعرفه سوياً في السطور التالية بإذن الله .

الجزء السادس من رواية متعصب واحببته

تمت الحفلة وماكلها حد غير الخدم 😂
جود في المطبخ كملت تنظيف قعمزت على الكرسي
جود≈ افف واخيرا كملت 😷
زياد ≈جا ..قعمز على الكرسي الى بجنبها.. سلامتك
جود ≈تعرف رجليا مكسرات من الكعب
زياد≈ فستق ولا لوز 😂😂
جود≈ خزي انا تعبانه وانت تتمسخر عليا.. 😢
زياد≈ههه سلامتك ياريتهم في رجلين بوي ولا في رجليك😂
جود ≈ تحشم. ياولد 😂
زياد≈ ايوا اضحكي الدنيا ما تستاهل😂😂
جود ≈شن قصة هبة 😒
زياد≈فكيني من نضرة رضوى الشربيني 😂 ماعندها قصة هذي نفسها البنت الى زمان تستعمل في كلمة ارجوك،، بترجاك .اكثر من الهنود 😂
جود≈ 😂😂😂😂
زياد≈ ضحكتك حلوه يابنت 😍😊
جود≈ابتسمت تشوف فيه..احم شكرا ع القفطان و…
زياد≈ يشوف فيها.. اشش ما تكملي صدقيني مايغلى عليك ولا شي في الدنيا كلها 😍..
جود≈ انت اجمل حاجة صارت في حياتي بجد
زياد≈ وحتى انتي 😍😍
جود≈ احم ءاا خلاص امشي ارقد غدوا وراك نوضه بدري 😊
زياد ≈غدوا عندي شغل لفوق راسي ادعيلي ان يطلع الى في بالي صح ونكشف اللعبة الوسخة الى في الشركة
جود≈ انسيت ما سألتك شن تشتغل انت
زياد≈ نسيتي مش انا شاطر في الرياضيات اشتعلت محاسبة والجو هذا
جود≈ امم ربي يوفقك تصبح ع خير
زياد ≈ ناض .. وانتي من اهله.. عدا

عليا≈تدلك في يديها بالمرطب.. تعرف ياعلي ثريا جت ع الحفل ما توقعت انها تجي بكل
علي≈ بدون انتباه.. منو ثريا
عليا≈ حرم الاستاذ عثمان عبدالله
علي≈ انتبه وصحصح عدل قعدته.. باهي كملي
عليا≈قعدت تحكيله عن لبسها وشكلها ….. بس هوا يبي يعرف حاجة ثانية 🔥

ثريا ≈خسارة ما جيت ع الحفل اليوم
عثمان≈ انتي تعرفيني مانحب الحفلات المختلطة
ثريا≈ اليوم شفت بنت خشت قلبي ع طول ور تحتلها طبست راسها بحزن.. لو كانت بنتنا عايشة لكانت في عمرها توا
عثمان≈ بحزن.. ربي يرحمها ويجعل مثواها الجنة.. الحمدالله على كل حال..
ثريا≈تعرف اليوم شفت شي غريب
عثمان≈ شنو
ثريا ≈خديجة
عثمان ≈ باستغراب.. خديجة خديجة
ثريا≈ ايه
عثمان≈ غريبة شن جابها لبيت علي
ثريا≈سألت عليها قالو تخدم عندهم
عثمان ≈اه ممكن صدفة
ثريا≈ ممكن

عند جود كانت راقدة ع رجلين خديجة وتحركلها في شعرها
جود ≈نبي نسأل ع حاجة غريبة لاحظتها
خديجة≈ شنو هيا
جود ≈تعامل مدام عليا مع زياد احسن من زين وكأنه زين مش ولدها
خديجة ≈ءااا 😰بعد تفكير..لا يابنتي هما التنين ولادها بس لان زين انطوائي ويحب يعتمد ع نفسه صح عصبي بس قلبه طيب سافر للخارج من لما كان صغير اتزوج اجنبية وبعد سنوات رجع معاه ولد وبنت ولما سألنا وين مرتك قال ماتت في حالة وضع استاذ على كان يعرف بالموضوع عصبت مدام عليا شوي وبعدين رضت بالامر الواقع ..
جود≈ اه مش عارفه انا هكي حسيت.. مرات مريض ولا حاجة قصدي ما يتكلم واجد وكان تكلم يجاوب ع قد السؤال من الشغل للبيت انطوائي بكل عكس زياد
خديجة≈ احم شن تبي فيهم.. جود انتي شن بينك وبين زياد
جود ≈ءاا..
خديجة≈. انا عارفه انه بيصير هكي بس يابنتي ردي بالك من عليا راه لو تحس بحاجة مش حترحمك 😔

لمار≈ بابا اقرالي القصة الى جابتها ليا خالتي جود
زين ≈ حط الاوراق.. حاضر يا بابا وين ليث
لمار≈ بستنا فينا في الدار

في الصبح
نفس الروتين فطرو وعدو للشغل
في المطبخ
جود≈ صباح الخير
الكل≈ صباح النور
جود ≈شن فيه
خديجة ≈كيف نسيتي انه الاسبوع الجاي رمضان
جود≈ ضربت جبهتها بعفوية.. ايح نسيت بكل
خديجة ≈حنبدو التجهيزات من اليوم لان الفطور في البيت الكبير هنا
جود≈ قصدك كل يوم حيجو بيت عمهم في الفطور
خديجة≈ ضحكت بفهم قصدها.. ايوا
جود≈ لاحول ولاقوة الا بالله معناها ربي يفوت رمضان على خير
خديجة≈ انتي يابنتى ماتعدلي بس
جود≈ انشاء الله هاتي عندك نساعدك..

في الشركة
موظف استاد زياد هادو كل الملفات الى طلبتهم
زياد≈ يشوف في الكمبيوتر خلاص حطهم وعدي
موظف≈. نجيبلك قهوة
زياد ≈يشوف فيه😠. قتلك حطهم واطلع
موظف≈ متوتر وخايف.. حاضر استاد.. طلع

زبير≈ عاود الى قلته بشوي بدون خوف عشان نفهمك
موظف ≈ءاا استااد ززياد طللب كلل الملفات والجداول وكل الصفقات ولو شافهم ودارلهم حسابات حيعرف كل شي
زبير≈ تمام انا فهمت اطلع
موظف≈ بخوف.. ءااا
زبير ≈خلاص قتلك اطلع …. افف شن جابه زياد توا لازم نحوله من طريقي لازم 😈

فات الاسبوع وجا رمضان
زياد≈ تي وين جايبتني انتي
جود ≈السطح
زياد ≈انا عارف انه سطح بس خيرك جايبتني هنا
جود≈ اشرت ع السماء.. شوف
زياد≈. منبهر سبحان الله اول مرة نركز في الهلال
جود ≈فعلا سبحان الله
زياد ≈بس شن يعني
جود≈ يافهيم يعني غدوا صيام
زياد≈ احم احم
جود≈ ماتحمحم غدوا ح تصيم
زياد≈ يشوف فيها.. انا عشانك بس انصيم رمضان كله 😍
جود≈ زياد انت لما تتغير ماتتغيرش عشان حد تغير عشان نفسك بس..
زياد ≈هايم فيها😍 😂
جود≈ زياد زياد
زياد ≈تعرفي يا جود انك نعمة من ربي ليا
جود≈ زياد متغيرش الموضوع راهو غدوا ح تصيم
زياد ≈يعني زبطيني 😂😂
جود≈ هههه انا اكثر وحده فاهمة حركاتك 😂

وقت السحور

ثريا ≈شن تبي تاكل ع السحور
عثمان≈ اي شي من يديك ناكله
ثريا≈ ابتسمت.. عدت اتوتي في السحور

في بيت على عندهم السحور كل واحد بروحه عادي بس الفطور مع بعض اجباري..

اسحرو عليا وعلي ورقدو

زين مداير اكل بروحه في جناحه الاكل قدامه بس ماجاته نيه في شي مرن عليه ذكريات💔 فاق منهن على صوت لمار

لمار≈ بابا انت مازال ماتسحرت
زين≈ انتي امتى نوضتي يابابا
لمار≈ توا
زين≈ وين ليث
لمار ≈راقد.. عادي نسحر معاك
زين ≈ضحك ع برائتها.. قعمزي عادي

جود بشويا ع روحك الوكال مش طاير
زياد≈ يحكي بجدية وياكل.. انتي عارفة شن معناه صيام معناه 15ساعة تقريبا من غير اكل وشوفي روحك
جود ≈تضحك ع منظره.. منظرك تحفة 😂😂
زياد≈ قولي حاجة ياخدوجة خيرك ساكتة
خديجة≈ خليه ياكل وفكينا من دوشته
زياد≈ شوفي هذي الناس الى تفهم في الجو
جود≈ 😒
خديجة≈ استوعبت الموضوع .. قصدك انت بتصيم 😨غدوا
زياد ≈ها بدينا في الغلط 😒
جود 😂😂

في الصبح(اول يوم رمضان💚 )
دار زياد
جود≈ تفتح في النوافذ .. نوض ياخامر قالو الحركة بركة ماقالو الحركة بركة ماقالو الى صايم يرقد .. حولت منه البطانية 😂
زياد.. 😡

يتبع …….

قراءة الجزء التالي : الجزء السابع من رواية متعصب واحببته

لقراءة الجزء السابق : الجزء الخامس من رواية متعصب واحببته

للإطلاع علي فهرس أجزاء الرواية : جميع اجزاء رواية متعصب واحببته للكاتبة سراب الغيث

جميع الحقوق محفوظة للكاتبة سراب الغيث .