الجزء

الجزء الثالث من رواية احببت منقذي

الجزء الثالث من رواية احببت منقذي

وفي الجزء الثالث من رواية احببت منقذي يا تري ماذا سيجري من مواقف مع ابطالنا وهل ستكون حزينة ام سعيدة يا تري ؟ دعونا نعرف إجابة ذلك في السطور القادمة بإذن الله مع الكاتبة زهرة الشيخ .

الجزء الثالث من رواية احببت منقذي

لين ادخلت الشرطه وهك
بعد نص ساعه هدا سيف وقرر يشوف بوه شافه ودكر سهام امشالها خش لغرفتها
سهام كانت فايقه سرحانه
سيف : سهام
لارد
سيف : قرب منها سهام حبيبت خوها
سهام :شافتله ونزلت راسها تبكي
سيف: خيرك سهام
سهام: وين بابا
سيف:لا رد
سهام : نسال فيك
سيف : مات
سهام:💔 ك كيف مات ها تبصر سيف صح
سيف : ياريت
سهام :تبكي وتضرب في سيف قولي تبصر سيف بلله عليك بابا هوا كل شي ف حياتي
سيف : اسسس خلاص سهام
سهام : تبكي ويهدي فيها خوها لين خش الدكتور عطاها مُهدئ رقدت
مع الساعه 12اليل
روح ناصر بامه وتعبي البيت ب اخوات امنه وبنات عماتها وشويه من الجيران وصغارهم
ناصر مشى لغرفة سهام مالقها وقلب الحوش كله ماليها اثر
ناصر :وهوا نازال الفرخه هربت والله لاقيها وبنحرق دين امها
امنه : حسبي الله منها هي سبب كل شي صار معانا
ناصر : طالع ندور عليها
اختها حلوم: من هدي
امنه : بنت المرحوم
حلوم :خيرها سهام
امنه : طلعت مصاحبه صاحب ناصر وطالعه معاه كم مره ومصوره معاه ف تلفونه وابصر شن مدايره اكثر من هكي بسببها بوها جاته الجلطه الله لا يسامحها وتوا هربت اكيد هربت معاه
طبعا الكلام هدا كله مش صاير منه 🙄
حلوم: حي جابتلكم العار لعيلتكم والله لي يشوفها مايقول كانت ع علاقه تف ع هدا جيل
امنه : والله صدقتي
الجاره : سهام مستحيل دير هكي نعرفوها بنت محترمه
امنه : انتي المحترمه وع نياتك مش هي
الجاره : لا حول الله
ف المستشفى
سيف : ياربي
مؤيد: شن فيك
سيف: شي
مؤيد: ماتفكر هلبا هاك قهوه رووق
سيف : خدها منه شربها
مؤيد: امتى بنروحو
سيف: اول ماتفيق سهام
مؤيد: تمام
بعد نص ساعه
فقت سهام هاديه وتبكي من غير صوت
الممرضه : طلعت من غرفة سهام + استاد سهام فاقت
سيف : اه تمام هي جاي
مؤيد: خليك قوي قدامها ماتضعف
سيف : نحاول
خش سيف عند سهام
سيف : السلام اعليكم
الدكتوره : وعليكم السلام
سهام:💔😔
سيف : كيفك توا سهام
سهام : بخير
سيف: باهي شني نروحو
الدكتوره: اي تقدر تروح بيها
سيف: هيا سهام
حط ع راسها وشاح ولبسها عبايه
سهام : س سيف انا اسفه مش قصدي
سيف: اسس انا عارف شن تقصدي ومش وقته توا الكلام خلينا نروحو اتكي عليا
سهام :💔 اتكت عليه
طلعو من الغرفه
مؤيد: حاضر حاضر يام مع صاحبي شوي تاني نوصله ونجيك مانطول ماتخافي.
سيف: خيرها الوالده
مؤيد : التفت شاف لي سهام كيف شبه دايخه ووجها معبي جروح اا اي متقلقه + حمدلله ع سلامه يابنت
سهام:💔سلمك
سيف : هي خلينا نمشو
مؤيد : تمام
سبقه لسياره بعده وصل سيف ركب سهام من التالي وهوا ركب من قدام وصلهم للحوش ومشى
سيف : يفتح ف الباب بيده وايده التانيه ماسك بيها سهام
اول ماخشو كلهم الجيران وخالاتهم و..الخ يشوفو ف سهام تقول اول مره يشوفوها
سيف : السلام اعليكم
امنه: الفرخه هدي ماتخش لحوشي
سيف: حوش من هوا
امنه : حوشي
سيف: حوش بوها وقاعده فيه فوق قلوبكم والمرا ولا الراجل فيكم يطلعها
كلهم سكتو لانه سيف تعصب لين ولا لونه احمر
خش بها لغرفتها وهي تبكي
سيف : اسكتي خلاص
سهام : خايفه من ناصر
سيف : ماتخافي انا معاك توا ارقد هي ارتاحي
سهام : بس نبي نقولك
سيف: مش وقته
سهام:💔
طلع سيف وصكر عليها الباب ب المفتاح ومشى لغرفته
شوي تاني روحو الجيران واخبار سهام انتشرت طوول
مع ساعه 1ومعاها
هش ناصر متكنطي ويسب ويلعن
امنه: الفرخه اختك يلي حارق اعصابك عليها ف غرفتها
ناصر: كيف جت ومن وين طلعت
امنه: سيف جابها اكيد لقاها هاربه
مشى ناصر لعند سهام قريب يتفجر يحاول يفتح الباب مصكر باالمفتاح
ناصر: افتحي يا بنت الحرام ويخبط بقوه قريب يكسره الباب
سهام : ناضت من نومها مخلوعه تبكي
سيف : سمع عياط ناصر عرف انه عند سهام مشالها
سيف : شن فيك انته نبي نفهم خير جد عم فيتك مع البنت
ناصر : خطاني سيف انت ماتعرف شن دارت
سيف :نعرف شن دارت حبت والحب مش حرام فوتها البنت احسنلك
سهام : تسمع فيهم
ناصر : ياريتها حبت شوف ياسر شن اعترفلي
سيف: سمعه 💔😳😨م مستحيل
سهام:😨😰تخبط ف الباب كدب والله كدب عليك انا مستحيل ندير هكي
شن صار🤔 وشن الكدبه لي قالها ياسر ع سهام
خلينا نرجعو لقبل ساعه
وقت طلع ناصر يدور في سهام
اول ماطلع من البيت قابله جارهم
الجار : خيرك ياناصر عالي حسك
ناصر: ندور في سهام
الجار : سهام رفعها خوها سيف للمستشفى مش عارف خيرها البنت
ناصر: تمام
ركب ناصر ف السياره
اتصل بصاحبه محمد
ناصر : الوو
محمد: ايوو
ناصر : وينه الكلب ياسر معاك
محمد: اي ف المخزن
ناصر : تمام تو نجيك
وصل ناصر للمخزن نزل من السياره وتصل ب محمد يفتحله الباب خش ولقا ياسر راقد شده من شعره وقعد يعدب فيه
ياسر : وهوا دايخ ش شن تبي مني بضبط انا اختك ماغلطش معاها
ناصر نبي نسجلك مقطع وقول فيه انك درت ودرت وطلعت معاك كم مره سهام
ياسر : مستحيل ندمر سهام
ناصر : محمد هات البنزينه
صب بنزينه ع ياسر وياسر يعيط يترجى فيه
ناصر : مزال ماك موافق
ياسر : موافق موافق بس بشرط
ناصر: شن هوا الشرط
ياسر : تخبرني كان سجلت المقطع شن بيصير ف سهام
ناصر : تموت
ياسر: انته متاكد خوها
ناصر : كثرت دوه معاك بتسجل ولا لا
ياسر: بنسجل
سجله مقطع ع كيف مايبيه وياسر ضميره مش مريحه
ناصر : ايوووه هكي تمام فكه يامحمد
محمد: تمام
وهدا الشي كله داره ع شان سيف يكره سيهام ويوقف ضدها
شن حيصير توا سيف بيصدق المقطع ويوقف ضد سيهام ولاالعكس.🤔
يتبع ……….

لقراءة الجزء التالي : الجزء الرابع من رواية احببت منقذي

لقراءة الجزء السابق : الجزء الثاني من رواية احببت منقذي

للإطلاع علي فهرس أجزاء الرواية : جميع روابط اجزاء رواية احببت منقذي للكاتبة زهرة الشيخ

جميع الحقوق محفوظة للكاتبة زهرة الشيخ .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى