هيا بنا لنبدأ رحلتنا داخل رواية قلبي ملكي ولكن أنت من للكاتبة الموهوبة كيندا ونتعرف سوياً علي الأبطال والأحداث كيف ستسير يا تري ؟ كل هذا وأكثر في السطور التالية بإذن الله .
الجزء الأول من رواية قلبي ملكي ولكن أنت من
ريحانا .. روشن مفتوح يامصيبه انتي وياها و صوتكم واصل لنص الشارع والله انتم تقعميزه معاكم اتم في اتم …
ريما … سكري فمك عرسى وبنزغرطو وبنضحكو وبنعيطو وبنهبلو واها .. روووووووووووووووووووي
ملاك ….. هههههه خلي يقولو مهبولين في عرس ريمو فرحانين <3<3 روووووووووووووي
ريحانا .. هههههه ووالله الا مهبله باهي .. الروشن علي شارع يابلوه انتي ويها ويسمعو في صوتكم الولاد ..
ريما ( العروسه بنت عم ريحانا )… ووووووه اهي ناضت الشيخه هي .. انت شن جيبك اليوم فهميني …
ريحانا .. هههههه امبحي .. امك نادت امي باش بيركبو القواطين اليوم .. وعلي اساس جايه بنعاونكم في تركيب الباكوات والكلينكس … لكن الباين اني غلطت لما جيت يامعفنه انتي وهيا … توا طلعت شن جيبني .
ريماا .. ماتخافيش رح نردهولك في عرسك بعون الله .. وياويلها الا نشوفها تزغط ولاحتي تطلع صوت بس بعدين .. يامعنسه هههههه
ملاك ( بنت عم ريحانه وريما )).. اي علي سيرة العنوسيه .. شني مافيش حاجه هكي ولا هكي روري 
ريما … ههههههههههههه عزفتيلها علي الوتر انتي .. اسمعي هي السموفنيه .
ريحانا … في عينك انت وياها .. اني مانرتبطش بطريقتكم هيا .. لان مابني علي باطل قهو باطل وهادي قناعاتي شخصيه .. وبعدين اني شخص الا حابه نرتبط بيه يكوم ملترم دينيا وخلقيا … ويخاف فيا ربي ياحلوه انتي وياها … وهالشخص هدا مش رح يرضي نكون زوجته بطريقتكم هيا فهمتم ورح يجيني من الباب .
ريما … اي اي زيدي اطربينا … والله لما نقعمز جنبك نحس اني ابي لهب وانتي ملاك مرته هههههههه
ريحانا .. زيدي تمهتكي انتي وياها … بس اها رح تشوفو العريس الا رح نكون اميرته كيف رح يكون ..
ريما … اي اي اطربينا اسمعي انتي شوط الكبير ياملاك .. باه شن موصفاته ترا سمعينا ياشهر زاد …
ريحانا … ههههههه نتكلم عادي هههههه
ملاك … اني متشوقه نسمع بصراحه ..
ريحانا … اول شي نبيه خلوق ومحترم وعينه
مايقيمهاش علي نساوين وخاتم القرأن وماعرفش قبلي مرأه الا امه واخته .. ومايدخنش .. ومايلبسش في سناسل والسروايل الطايحات ولاسلتات العجيبه ..وشن تاني وماعنداش اي نزوات قبلي .. والباقي نسيته
ملاك … بجد انتي تتكلمي … قصدي اني صح مالياش سنه مروحه لليبيا لكن في هولندا اني فترة عيشتنا فيها مامرش عليا ليبي هكي ..هوا قصدك في عينات في ليبيا هكي ؟؟
ريحانا … اكييييد في ياماما وهادي شروطي الا مستحيل نتنازال عليها .. قصدي اني عمري مادرت علاقه ومحافظه علي نفسي فا ياناخد شخص زيني يا مانحافظش علي روحي وناخد في الاخير واحد لف علي نص بنات ليبيا .
ريما … باهي كان ربع ربع بنات ممكن توافقي ههههههه .
ريحانا … ولا حتي بنت قبلي وهدا شرطي …
ريما … نسيتي تقوليلها علي اهم شرط …
ملاك .. شن هوا ؟؟ هههههه قولو خيرك فنصتيلها ؟
ريما … تبيه دكتورههههههههههههههه .
ملاك .. هههههههههههه بجد .. اه هدا علاش مبكري قالتلك يامعنسه .. توا عرفت علاش … وان شالله وين بتلقيه هدا … ههههه دقيقه بس ماما تنادي ماتهدرزوش لين نشوفها ونجي …
وطلعت ملاك وهنا ريحانه شبحت لي ريما وقالتلها ..
ريحانه … بجد انتي ؟؟ علاش لسانك متبري منك
ريما … علاش شن قتلها اني ؟
ريحانه << بوجه متعفلق >> انتي تعرفي بطلي استعباط >> ..
ريما … شن فيها يعني شن مافيش دكتور غير ليت يعني ..ولاهوا الحب القديم دقله القلب من تاني ههههه .
ريحانه .. تبصري انتي … ولا تبيني نوض نقتلك .. اولا نقصي صوتك لايسمعو يصدقو … تانيا هادي دوه قديمه … من ايام المراهقه وطفوله وحتي نسيته موضوع … وتاني شي اني فاضيه الا نحكيلك كنت ..
ريما … مجبره ياحبيبتشي هههههه العمره مافيهاش الا حوش جدي لوطه وفيها حوشنا دور تاني .. وحوش عمي محمد بو ملاك ولييييييت ههههه وهادم قداش ليهم مسافرين وسنه هادي بس كيف روحو … فامعندكش غيري تحكيله ..
ريحانا … اني الفاضيه بجد باهي اسكتي خلاص وانتي ليت ليت علقت في فمك قريب تسيحيلنا ..
وهنا خشت فتحت الباب وخشت ملاك وقالتلهم …
ملاك … بوووووووم هههههه شن كنتم تدو … سمعت اسم خوي ياكلبات شن في ..
ريحانا << لا لا مافي شي ..
وهنا خشت ريما بسرعه وقالتلهم …
ريما … اني قوتلها كانا نحصل ليت وهوا مروح يجيبلي شوية حاجات مش لاقيتها هنا بس ..
ملاك .. ياريتك قولتي قبل .. بس خلاص هوا حجز وطيارته الاسبوع هوا …
ريما … <<بنظرات خبت وملاك تقلب في تلفونها >> امتي مروح ؟؟
ملاك .. مش معروف … اليوم علي اساس بيأكد علينا .. بس تعرفي فرحان .. قال مستاحش ليبيا وأجوائها ونحس فيها مروح خصيصا باش يحضر العرس ..
ريما … من زيه بالله مروحي بشهادة دكتور بعد الماستر الا خداه … مازال في فرحه لعد هالفرحه … ياسعدود امك بيه …
ملاك … بالعكس امي متنكده … لان خوي مش ناوي يقعد هنا .. جاي زياره بس بيحضر شهر رمضان هنا لان صعب عليه يرمضن غادي بروحه وبيرجع ..
ريما … قصدك ناوي يستقر هنا غادي في هولندا ؟؟
ملاك … الباين هكي … لان بابا قاله لو خديت الماستر وتخصصت مني ليك احلي مبلغ محوشهولك تبدا ببيه حياتك وفي اي بلد .. وهوا مره مهدرزلي ناوي يستقر في هولندا ويخدم غادي ..
ريحانا … << بخجل >> هوا شن تخصصه ؟؟
ملاك … جراحه تخصصه …
ريحانا …<< بوجه متلخبط >> باهي غيرو موضوع كانكم تقطعو في الولد هلبا ..
ريما << تعمدت تتجاهل ريحانا وقالت >> .. زعمك خوك الغربه غيراته ولا لا ؟؟؟ علي ياماتي كان قبل خاش بعضه ودابه وداب القرايه والكتبات … ههههه
ملاك … ههههههههه … كأنا تلفوني يرن … ترا شوفيه تحتك ..
ريحانا .. اي اهوا تحتي …
ملاك … اااااااااااااه ليت يتصل
… الو
ليت … اه حبيبتي شن اخبارك ..
ملاك .. مانسمعش فيك سماعه متع تلفوني شكلها بتنضرب .. لحظه بس … << وفتحت المايك >>… اه ليتوو … اممتي مروح استاحشنك هيااااا عاد …
ليت … هانت حبيبتي خلاص وجبتلك كل الحاجات الا طلبتيها من غير ماتسألي … مهم حبيبتي امي جنبك لان رصيدي بيفصل في اي لحظه …
ملاك … لا لا ليت .. ماما طلعت مع مرة عمو سهيله باش بيأكدو حجز الاكل وهكي …
ليت … باهي خلاص قولها كلمك ليت وقالك توا نعاودلك في الليل …
ملاك … تمام ليتو .. وماتنساش شكلاته هاك ..
ليت … ماشي ياطماعه ماشي هههههه …
ملاك …خلاص باااااي
ليت .. سلام …
وسكر ليت هنا تلفون وونط في صاحبه ..
ليت … مش تشوف فيا نرغي يا معتصم … اسكت زفت اختي قريب سمعاتك …
معتصم … اطلع من دماغي واسمعني كوويس … الليله سهرتنا صبحي … عاد مروح وماتبيناش نحتفلو … اليوم لصبح هاااااا وخلي تريس تعرف بعضها …
ولا بتدير روحك محترم قبل ماتروح ههههه
ليت … عيب عليك .. اني ابو صياعه كلها … يالله والا يوخر فينا … ههههه وين بنسهرو اليوم …
معتصم … احلي نايت كلب فيك ياهولندا … غير انت وزع الا عندك قصدي نبوها تفرفيشة ولاد وراس ميمتك …
ليت …. اصصصصص تتصل … هاي بيبي … اي لا لا اليوم فوتيها .. .. موعد صحابي بنطلعو وهكي ايوااااا حفلة الوداع .. هههههه … حفله .. خلاص يعني اني وين بنهرب منك … نكمل منهم وجايك طول ورح نحتفلو لين تسقديني لطياره هههه … ماشي تمااام … اي تمام بيبي غير خلي تلفونك مفتوح مرات معاش نزبطو حتي نعتت الحوش ههههههه تمام باي …
معتصم … ليت بنسالك .. انت تحبها ؟؟ قاصدي بجد ناوي تكمل معاها برغم انها مش عربيه وليبيه .. قصدي عادي اهلك يتقبلو تاخد وحده هولنديه ؟؟
ليت … شوف معتصم .. اني خديت علي عيشه هنا … واحلامي كلها اني نكمل حياتي هنا ونستقر .. فااكيد باش نعرف نكمل هنا لازم ماناخد من هنا … وبعدين انت تعرف ان بوها مالك اكبر مستشفي في هولندا .. ولو صار وتزوجنا رح نوقع عقد ورح نعيش كل الا حلمت بيه هنا ..
معتصم … اه يعني ماتحبهاش انت … مسأله انها راكبه مع ظروفك واحلامك بس ..
ليت … اني عمري حاليا 34 سنه … فا لحب بالنسبه ليا مش قاعده نبني عليها حياتي … وبعدين اني ماقولتش اني مانحباهش .. بس اني انسان عملي حتي في الحب …
معتصم … وانت مقرر انك تجيب منها صغار واهلك يباركو وامورك تمام ؟؟ اني بجد متفئل عل كم الايجابيه الا عندك ..
ليت .. وشن مشكله .. هيا دكتوره زيني وبنت عائله معروفه وتحبني .. فاوين المشكله .. وبالنسبه لبوي فابم أنه مقضي نص حياته برا فالااعتقد مازال بيفكر في تفكير جدي وحناي ..
معتصم … يعني انت عادي تاخد وحده مش مسلمه ولا متحجبه ولاتطيبلك البازين والكسكسي ولا تنق عليك لانك نسيت شمالات صغار وحليبهم او لانك مارفعتهاش لسهرية بنت عم امها ههههههه لان بصراحه هادي احد مميزات الليبيه تحديدا هههههه ..
ليت …. واني هادي المميزات الا متنازال عليها … وبالنسبه للحجاب والاسلام اني رح نعرف نقنعها بعد الزواج صدقني .. وبالنسبه للكسكسي والبازين .. هما شهر عند امي وتولي فنانه ..
معتصم …. يعني انت خلاص منظم امورك وواحد قرارك …
ليت … بعون الله … واول مانروح رح نفتح مع اهلي موضوع بعون الله … تلفوني يشرين .. لحظه بس … الو …
ملاك … ليت .. اهي ماما كيف وصلت وقالتلي نتصل بيك .. بس ماتكترش دوه انت تعرف نظام شفط في الاتصالات غير دوليه …
وهنا ملاك مدت تلفون لامها ومافاتتش عشره دقايق لين امها مدتلها تلفون ووجهها مايتفسرش وقالتلها …
يتيع …
لقراءة الجزء التالي : الجزء الثاني من رواية قلبي ملكي ولكن أنت من
للإطلاع علي فهرس أجزاء الرواية : جميع اجزاء رواية قلبي ملكي ولكن أنت من للكاتبة كيندا
جميع الحقوق محفوظة للكاتبة كيندا .
