الجزء

الجزء الأول من رواية عكس ما تمنيت

الجزء الأول من رواية عكس ما تمنيت

وفي الجزء الأول من رواية عكس ما تمنيت بقلم الكاتبة روبا جعفر دعونا نبدأ في معرفة كيف ستبدأ الرواية وعن شخصيات ابطالنا ؟ وسنعرف إجابة هذا التساؤل في السطور التالية بإذن الله من الجزء ، ونتمني لكم قراءة حلوة بإذن الله .

الجزء الأول من رواية عكس ما تمنيت

*م معروف قدرنا شنو القدر بلعب الدور الأكبر في حياتنا ومسارها في كتير من المرات اتمنينا حاجة بس م بنحصل عليها ليس ما تشاء يجاب وتجري الرياح بما لا تشتهي السفن*
*احلى حاجة انه القدر م بيد زول والا كانت حياة ناس كتيرة ادمرت الأجمل انه القدر من ترتيب ربنا برتب وينظم الأمور بطريقة متسلسلة ومتقنة اي حاجة في الوقت المناسب ووقت نكون محتاجنها ربنا لمن يشيل مننا حاجة بدينا حاجة أجمل* *منها وأعظم بتناسبنا شديد على قدر احتيجنا بكون العطاء و اكتر*
*منو مننا م أتمنى حاجة وم* *حصل عليها في الاتمني بت وم حصل عليها وفي الاتمنت شاب وحب و م حصلت عليه وفي الاتمنى سفر وغيرو وغيرو بس م حصل لكن لو دققنا بنلقى ربنا عوضنا بالاحسن ففي المنع عطاءولمن نرضى بالمقسوم ربنا بدينا اكتر*

*روبا* بطلتنا الدللوعة كل طلبتها مجابة ابوها من أكبر رجال الأعمال بملك أكبر سلسلة فنادق على مستوى الشرق الأوسط امها اتوفت خلتها صغيرة اشان كدا ابوها مدلعة عمرها 23 سنة بس شاطرة ومجتهدة اتخرجت من إدارة أعمال وماسكة الشغل مع ابوها
*محمد* خريج إدارة اليد اليمين لابو روبا شاب ممتاز وملتزم وطيب عنده أمه كبيرة هو سندها الوحيد بحب بت معاهم في الفندق عمره 26
*ياسمين* شغالة في الاستقبال في الفندق بتحب محمد وبفكرو في الزواج من بعض عمرها 24 خريجة تجارة
*احمد* ابو روبا 65 سنة ماتت زوجته وسابت ليه روبا رباها ورفض الزواج تاني لأنه كان بحبها شديد بس رغم سنه بس بشع شبااب وحيوية
في أكبر صالة في الفندق مجهزة على أعلى مستوى اكيد ح يكون التنظيم عالي لأنها بت المدير اكيد زواجها ح يكون خرافيييي
في واحدة من غرف الفندق
كان في حديث داير بين أحمد ومحمد
محمد بانهيار عصام المنافس حقي عملها فيني اتخيل العريس يهرب من العرس سمعتي وسمعة بتي على المحك
محمد ياباشا انا م قادر افهم
أحمد عصام باعت الولد المان ح يعرس روبا يمثل انه بحبها وح يتزوجها لحدي م يخليها يوم العرس اشان هي وحدة م كويسة وم بت بنوت الواطي نفذ الخطة وحسن اسي في استراليا اتخيل عريس بتي المفروض يكون في الصالة حاليا يستقبل الضيوف سافر خلها الناس ح تعمل شنو وتقول على شنو سمعتي
محمد دي مصيبة يا باشا ح نعمل شنو طيب والحل
أحمد م عارف راسي جايط ومخي واقف م قادر افكر ااااه والصداع داير يكسر راسي وقام بقى ماشي جاي
محمد اهدا يا بوس اكيد في حل
أحمد حل شنو وفاضل للعرس 3
ساعات
محمد اكيد في حل وقعدو يفكرو
أحمد لقيتها
محمد بلهفة اها قول يا بوس الحل شنو
أحمد عرسها يا احمد م بثق في غيرك ارجوووك انقذ سمعتي وسمعة. بتي ارجوك
محمد………..
*من جهة تانية*
روبا كانت بتجهز نفسها ومعاها الميكب ارتست وصحبتها فاطمة بجهزو الاتنين
فاطمة لا اللون دا م حلو اللمبي احلى
روبا بس انا بحب الذهبي
فاطمة بس أوفر يا روبا
روبا لا خلاص احمر لمن لقت فاطمة زعلت
فاطمة يا بت انتي عندك ظار اهدي كدا
روبا دا عرسي ومرة واحدة في العمر
فاطمة م قلنا شي وقاطعة دخول أحمد
أحمد لو سمحتو داير روبا على انفراد
فاطمة والبت طيب
أحمد لا خليك ي فاطمة
فاطمه طيب والبت طلعت

أحمد روبا عايز الكلام ح اقوله ليك يتنفذ بالحرف وم تناقشيني كتير
روبا بابا خير في شنو قلقتني
أحمد…سن كان بلعب علينا هو كذاب رسله عصام المنافس حقي اشان بخرب سمعتنا
فاطمة بخلعة شنو ووو
روبا قعدت في السرير من الخلعة أحمد مشى عليها انتي كويسة
روبا ساكتة دموعها بجرو
أحمد وفاطمة أرجوك أتكلمي
روبا والحل انا اعمل شن ياربي بابا انا انا وانهارت بالبكاء
أحمد في حل بس هل انتي بتوافقي
روبا قول يا بابا انا بعمل اي حاجة اشان سمعتي وسمعتك
أحمد انا كلمت محمد وحكيت ليه بالحصل وم لقيت حل غير انك و سكت
روبا كمل انا سامعاك
أحمد انك.. أنك… تتزوجين محمد
روبا شننوووووو😳😳😳😳
فاطمة عمي انت جادي
أحمد ايوا على فكرة الرجل م بقروشو الرجل كلمة وموقف ولو م عايزاه اتزوجي لفتر ة مؤقتة وبعدين أطلقوا بس اسي ارجوك وفقي
روبا بابا انت سامع نفسك بتقول في شنو انا محمد م بعرفه ايوا بشوفه معاك دايما بس م عندي احتكاك بيه
أحمد انا متأكد انه ح يحافظ عليك زي م بحافظ على مالك هو ولد ممتاز
روبا بس يا بابا
أحمد لو بتعزي ابوك وافقي سمعنا بين يدك
روبا طيب موافقة بس عايزة اتكلم معاه
أحمد حاضر ح اخليه يجيك وطلع
أحمد اتزكر كلامه مع محمد
أحمد اتزوجها ارجوك أنقذ سمعتي
محمد مصدوم وبعاين ليه
أحمد ارجوك وافق
محمد يا بوي م بقدر
أحمد م تكمل انا بدفع ليك الدايرو بس انقذنا من الورطة دي سمعتي بين يديك
محمد يا باشا م مسألة قروش هل انسة روبا ح توافق بي
أحمد خلي موافقة روبا علي
محمد بس
أحمد م بس انا م عندي غيرك اعتمد عليه وانا متأكد انك ح تصون بتي وافق مش انت قلت بتعتبرني زي ابوك وافق بترضى ابوك يكون في موقفي
محمد طيب موافق
أحمد دا عشمي فيك تسلم يا ولدي وضامه ليه انا لو عندي ولد م ح يكون لي زيك انا ح امشي اتكلم مع روبا وانت اجهز
محمد حاضر يا باشا
أحمد لا قول لي يا ابوي بعد العملتو معاي بقيت ولدي
محمد حاضر يا ابوي
وطلع أحمد
باااااااااك محمد بعد م طلع منه أحمد قعد في الكرسي
محمد ياااالله انا اعمل شنو اسي مع ياسمين لو عرفت بتجوط وانا م بقدر اطلع ليها أسرار شغلي وحتى انسة روبا انا م بعرفها هل ح تتقبلني
اوورف يارب سهل وقام يشوف وراه شنو
ياسمين من جهة تانية كانت قاعدة مع صاحبتها فرح
فرح بغمزة عقبالك انتي ومحمد
ياسمين امييييين يارب م عارفة بتين ح نتلم في بيت واحد نفسي اليوم دا يجي بفارغ الصبر
فرح حضنتها أن شاء الله بجي اصبري محمد وضعه اتحسن وماشي كويس
ياسمين يااارب يارب يا فرح
من ناحية ثانية روبا بعد م طلع منها ابوها قعدت تبكي وفاطمة ضامها
فاطمة اهدي حبيبتي كل لخير وبتصلح
روبا لي يعمل فيني كدا انا عملت ليه شنو
فاطمه في ناس عايشة على أذية غيرها ماشة تحرج وتظلم بس انتي قوية
روبا انا تعبت والله تعبت
فاطمه صدقيني لخير اهدي انتي
روبا طيب بس انا م بعرفه يا فاطمة محمد دا بشوفه مع ابوي
فاطمة طلعتها من حضنها وقشت ليها دموعها اولا انتي بتثقي في اخبار ربنا
روبا اكيد
فاطمه يبقى تحمدي ربنا انه بعده منك وكشف حقيقته ورفع عنك مصيبة حاول ارضي بنصيب ربنا
روبا طيب كويس بس هو ح يقبلني
فاطمة حاولي معاه واثبتي للناس انك قوية وبتحلي مشاكلك
روبا اكيد ان شاء الله وانتي معاي صاح
فاطمه اكيد انا دايما جمبك ويلا قومي خلينا نجهز وم نكسر فرحتنا
أحمد مشى لمحمد لاقه جهز وكلمه بأنه روبا عايزه
بعد ساعتين محمد مشى لروبا قبل موعد نزولهم بنص ساعة دق الباب هي كانت جاهزة
روبا اتفضل
محمد دخل ومدنقر راسه سلام عليكم
روبا وعليكم السلام اتفضل دخل
فاطمة محمد كيف
محمد اهلين انسة فاطمه كيفك
فاطمه الحمدلله مبروك يا عريس لكن ما طالع خطر
روباعمر لو سمعك بتتغزل في راجل غيره بقتلك
فاطمة رجلي وبعملها مجنون عارفه اشان كدا انا بنسحب نتلاقى تحت خلي بالك منها يا محمد
محمد في عيوني
فاطمة طيب سلام وطلعت
محمد بابا أحمد قال انك عايزني
روبا ايوا تعال نتكلم
وقعدو في طقم جلوس
محمد سامعك
روبا انا عارفة انه زواجنا م جا برضا تام مني ومنك بس اوعدك اني اعمل كل ال بيدي اشان اسعدك واحافظ على زواجنا
محمد كلام حلو وانا كمان بحاول بس اشان م ابدا حياتي معاك وانا مخبي حاجة انا بحب بت كنا متفقين على الزواج بس م قدرت أرفض طلب والدك
روبا طيب حلك للموضوع دا شنو
محمد والله م لقيت حل ليسا لأنه الموضوع جا بسرعة وانا م كلمتها حتى
روبا اسمع يا احمد انا م دايرة ادخل حياتك والخبطها ليك ولو وجودي في حياتك ممكن يأذيك انا ح انسحب منها صدقني من غير طلب حتى بس اشان اكون واضحة معاك من البداية اانا م بقبل وحدة تشاركني فيك يعني مستحيل وجودي في حياتك ومعاك غيري يوم التفكر تتزوج من حبيبتك انا بطلع من حياتك اوكي
محمد خير لمن اجي وقت الكلام دا
روبا المهم كلمتك
محمد انا وانتي ح نسكن مع امي في شقة. صغيرة. كدا رايك شنو
روبا انت مش رجلي محل م تكون لازم اكون
محمد كدا تمام
روبا محمد ح تسمح لي اشتغل
محمد اوكي بس تراعي امي
روبا حاضر برجع من الشغل بدري اشان
محمد يبقى اتفقنا
——————…—————–
———————
*☆يتبــــــــــــــــــــــــــــــــــــــــــــع☆☆*

لقراءة الجزء التالي : الجزء الثاني من رواية عكس ما تمنيت

للإطلاع علي فهرس اجزاء الرواية : رواية عكس ما تمنيت ( جميع الاجزاء كاملة ) للكاتبة روبا جعفر

جميع الحقوق محفوظة للكاتبة روبا جعفر

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى