وفي الجزء الثامن يا تري هل سيكون لأبطالنا موقف تجاة كل الأحداث التي تجري معهم ؟ أم سنري شيء غير متوقع ؟ كل هذا وأكثر سوف نعرفه سوياً في السطور التالية .
الجزء الثامن من رواية حوش جدي
وسام … مش عارفه الحق .. هوا انتى عندك خال اهبل ؟؟
نهال … هههههههههه لا لا عندى خاله سمينه شوووى ..
وسام … هههههههههههههه سمينه صار …
نهال …. اى اى .. وسع شوى بنركب بعععععد … ههههههه
وسام … تى شنى فيل بيخطم اطلعى …
طلعت نهال وركبت اول درجتين وهنا وقفها لما قاللها …
وسام … نهال … استنى شوى … بنقولك شى ..
نهال <<< جمدت فى مكانها وغمضت عيونها وخدت شهيق وزفير وبعدين تلفتت وقالتله …>> نعم
وسام ….. << ركب درجه درجه وكل مره يقرب منها اكتر قلبها يطيح وخلااااص بتمووووت وعيونها يلمعو وقريب تقوووله وراس امك خف خف راهو بيغمى عليا فى اى لحظه >>
وهنا وقف قدامها شوى بعدين قعد يشبحلها وقاللها ….
وسام …. هههههههههههههههههه نبى نركب قبلك بس <<وضحك >> وقعد يجرى …..
وهنا شبحتله شبحة كره وحقد وضغينه وشدة فى تيشرته ودفاته وقالتله ..
نهال …. مبررررررررررردك والله الامانركب قبببببببببلك … حوووووول ياغشاااااااااااااااااااااااش حواااااااال
وسام …. تى وراسك ياعزيزة راس ماك راكبه قبللللللللللللى هههههههههههههههههه حووووولى ها والله ندفك ..
نهال …. انت شرررررررررررير … برا اركب هيا برا خلاص انى بنقعمز فى دروج مره وحده ومانيش راكبه ..
وسام … هههههههههههههههههههههههههههههههه باهى خلاص اركبى .
نهال … لا .. خلاص مانيش راكبه …
وسام … اهاااااااااااا خلاص ننزل وين كنت وبدون غش هيا … خلاص اهااااا .. خلااااص اركبى ..
وهنا نهال شبحتله شبحة مكر وقالتله …
نهال …. اهاااااااااااااااااا سحنه كنت نضحك عليك بس .. بنركب قبلللللللك << وفيكتهاااااااااااااااااااااااا>>
وسام ….. اهو لاحقك هيا وتوا يبانلك انتى وشعرك الا نصه عرياااااااااان هوا .. مش عارف امتى بتلميه بس .. اصلا جايته تحليقه ..
نهال .. كبهت من وراء الباب بعد ما وصلت وقالتله …
نهال …. كداااااااااااااااااب ….
وسام … بعدى مبررررردك .. انتى امتى تكبرررررى …
وخش للحوش .. ولقى امه مقعمزه على تلفزيون فاقعمز جنبها من جيهه اليمين ونهال قعمزة حنبها من جهة اليسار … وقعد و يتفرجو على مسلسل وبعدين امه قالت لنهال …
خالتها << سميحه >> حقا ماقولتلكش نهال ؟؟
نهال … شنى خالتى ان شالله خير ؟؟
خالتها … امك هدرزتلى على الخطاب الا جوك … وقلتلها … اى قالتلى نهال انى موافقه مبدئيا على موضوع ..
وهنا وسام شبح باص عيون لنهال ونزل راسه … ونهال شبحت لوسام وقلبها طاح وقالتلها …
نهال …. انتى قولتيلها ؟؟ شن قالتلك ..
خالتها قعدت تكسر فى السامنسه وعيونها فى تلفزيون وقالتلها ….
خالتها … لما سمعتنى ناضت باش ترد عليهم فى تلفون وقالتلى مالا خلى نمشى نكلمهم لانا كلمونى و يستنوفى ردها …
وهنا وسام قام عينه وابتسملها على جنب وهمد عيونه وقاللها …
وسام …. باهى الف مبروك وخيتى .. عقبال مانشوفك فى حوش راجلك ..
نهال .. << بصوات واطى جدااااا >> …. وخيتك ؟؟ فى حوش راجلك ؟؟
تغاضت نهال من البرود الا كان فيه وسام … وردود فعله وكلمة اختى .. وحست للحظه انا هيا مش اكتر من اخت بالنسبه لوسام وردة على خالتها وقالتلها ….
نهال … اى احسن مادرتى .. حتى انى جيت بنكلمها اليوم وبنقولها .. قوليلهم يجو يوم الاحد جاى
وسام … حط ايديه على رجليه وناض وقاللهم …
وسام … هياااا تبوشى توااا .. انى بنخش لدارى ..
امه … نهال قالت نبيك تصلحلها نقالها … صلحهولها .
وسام … اى نقال ؟؟ ماقالتيلش ؟؟ هاتيه لدار توا نصلحهولك … وانى بنخش نقرا شوى تبى شى نادينى … وهدكا لما يروح قوليله يصلى العشا قبل مايدن عليه الفجر ويخلطه بوه على خوه ….
امه …. اسمع شن صار فى موضوع الا قوتلك عليه ؟؟
وسام …. اما موضوع ؟؟
امه … بنت جيراننا الا كلمتك عليها ؟؟
وسام … قولتلك مانبيش نخطب حدا …. مانبيش حر خلااااص .. ولا حتى فى هادى ضرورى مانمشى بمزاج ناس …. برى اخطبيها لولدك هونى واتى وكان يلقى ؟؟
امه …. اما انت دماغك ايبس من هالحيط هواااا … وحرام فيك حتى الحكى …
وسام … هي شن تبى تديرى … بنظفر عندكم شيب … .. وتولى دار من توا فيها سرير وكميدنيو نحط فيه الدواء وفوقه مالقى ميه وردايو ….
نهال … << وهنا نهال نزلت راسها وقعدت تضحك >> ههههههههه
بس وسام شبحلها وميل شاربه على جنب << حركة تعبر على نوع من انوع السخريه >>وقاللها ..
وسام …. تضحكى … عجباااتك نظفر شيب ؟؟؟ هاهاهاها .. هاتى نقالك قبل مانرقد هاااتى ..
نهال …. ههههههههه ..
مشت هيا وسام للدار … وقعمز على كرسى المكتب متعه وقاللها …
وسام … هاتى نقالك ترا …. شن مشكله ؟؟؟
نهال …. اه .. ااااااااااا والله هوا
وسام ….<< يقلب فى نقاله ويقوللها >> اها ها شنى ؟؟
نهال ….. لغه لغه … مره مره هكى من غير اى شى ينقلب عبرى ..
وسام …. ههههههههههه زى صاحبته .. مش غريب عليها … خلاص اتددلى على خطيبك يجيبلك واحد تانى ..
نهال … خطيبى ؟؟ ا انت عاجبك موضوع ؟؟
وسام … هههههه انتى شن همك فيا ؟؟ اهم حاجه انتى موافقه 
نهال …. اكيد … بس يهمنى رأيك لانك زى خوى … واكيد مصلحتى تهمك
وسام … خووووك ؟؟؟ على علمى امى ماجبتش بنات … ومنك نستفيد …
نهال … هاااااات نقالى هات ..
وسام … تفضلى …
وهنا نهال فكت تلفونها وطلعت وقربعت الباب وراها …..
ومشت للمطبخ … شربة ميه وقعدة واقفه تفكر شوى بعدين طلعت وقالت لخالتها ….
نهال …. خالتى .. تبى شى ؟؟؟ بننزل …
خالتها … اقعدى حبيبتى .. نتسحرو مع بعض وبعدين انزلى ..
نهال … لا لا ماعنديش نيه … وتوان تسحر مع جدى وحناى لوطه …
خالتها … استنينى مالا خلى ننزل معاك لوطه … نهدرز على حناك شوى اكيد توا تتمتم عليا هههههه لانى مانزلتش اليوم .. وخاصة انها خالك حطها مع صلاة ترويح .. مش عارفه علاش رافعينها … على هالسعتين وروحت .. كانا جوها هما خير ..
نهال …. اه … باهى خالى وين هوا ؟؟
خالتها … اكيد روح من ترويح وقعمز جنب بوه وامه ….
نهال … خلاص هيا الحقنى …
نزلت خالتها ونهال وقعمزو فى مربوعه … ولقو امجد وعمى فرج مقعمزين ويهدرزو …
فاقعمزت نهال وخالتها .. واول ماشاف امجد نهال .. ناض وقعمز معاها وقاللها ….
امجد …. خيرك .. خيرك تقول اشبح من ميتلك ؟؟
نهال … لا لا شى خلوقى ضايقات بس ..
امجد … شنى مالا فارس الظلام لقحلك …. اسمعى هدا واحد متججوق راهو ماتعدليش عليه ..
نهال … معاش تقول عليه هكى ..
امجد … اها اها جديده هادى هههههههههه بدينا ندافعو على وساااام … شنى مالا شدت ههههههههههه
نهال…. شن شدت هادى مصحك .. كانا قوتلك ماتتكلمش على خوك هكى معناها شدت مصحك ..
امجد … غير قولى قولى … سرك فى بير والله مارح نقول شى … باهى نقولك شى تعالى نقولك شى فى ودنك بعد ها تقررى تقولى او لا ماشى ههههه ؟؟
نهال … تتسهوك .. مبردك
امجد … والله ندوى معاك بجد .. غير تعالى نقولك تعالى <<…………………………………………….>>
نهال …. لا لا كداااب … مبردك حوووول … هههههههههه
امجد …. قسما بدينى الله … مانكدب عليك فى كلمه …
نهال … برغم الا قولته … ماعندش شن نقولك هههههههه …
وفجأه حناها تكلمت وقالت لنهال …
حناها << وريده >> … نهاااااااااااال .. شنى نخطبتى ؟؟ الف الف مبروك ..
امجد … خيااااااااااااااانه قصدك ماقولتيليش ؟؟؟ اها توا عرفت انى …
وفجأه خش وسام وقال ….
وسام …. ااااااااااااااااااااى خلاص معاش فى سيره غير نهال فى موضوع … ماعيتوش من المباركه … تقول ترشحت رئيسة وزارء …
امجد …. وانت شن الا حاز فى نفسك .. ضايقك موضوع شى ههههههههه << وغمزله >>
وسام … انت ضم فمك واتحشااااااانى بس وفكك من تلقيح الا بيجيب سنونك فى اللوطه ..
امهم … تحشم انت وياه .. بوك وحناك وجدك قدامكم وانتم تقول زوز صغاااار ..
فاتت الليله على حوش جدى زى اى ليله .. العيله ملمومه والكل يضحك ويهدرز وينتاوش مع خوه …. ولاتخلى الجلسه من بعض اليبر …. الا يضرب فيها امجد لوسام .. بس الباين انا العاده عند امجد انا مايستمتعش الا مايشوف وسام متنرفز ويغز ويسحن عليه ….. فاتت الليله واليوم الا بعده ونهال .. تخمم وتخمم كيف بيكون بعد بكرا .. هل رح تقدر تتقبل العريس … وهل رح يقدر يمسح اى تشويش صار فى الوقت حالى …
<< وهدا كل الا نقدر نحكيلكم عليه لحد اللحظه هيا … اما شن بيصير وكيف يتكون ردة فعل البعض من الخطوبه الجديه … وهل اليوم رح يمر بسلام .. وشن مواقف الا بتصير لنهال …. وهل بتستمر فى هالعبه هادى او بتوقف … هداااا كله رح نعرفوه مع بعض فى الحلقه الجايه من حوش جدى .. بعون الله
يتبع………
لقراءة الجزء التالي : الجزء التاسع من رواية حوش جدي
لقراءة الجزء السابق : الجزء السابع من رواية حوش جدي
للإطلاع علي فهرس الرواية : جميع الاجزاء كاملة لرواية حوش جدي للكاتبة كيندا
جميع الحقوق محفوظة للكاتبة كيندا من ليبيا .
