الجزء

الجزء الثاني عشر من رواية إدمان

الجزء الثاني عشر من رواية إدمان

وفي الجزء الثاني عشر من رواية إدمان هل يا تري ستأخذنا الكاتبة لمنعطف جديد من الرواية حيث نري جميل المواقف مع ابطالنا ام لا ؟ كل هذا وأكثر سوف نعرفه في السطور القادمة بإذن الله مع الكاتبة زهرة الشمس .

الجزء الثاني عشر من رواية إدمان

طه: ينادي ع يونسس ..افتحلي السياره بسرعه
يونس مشى يجري فتحله السياره ودخلو رغد ف السياره وركبو هم من قدام ومشو بها للمشفى
اول ماوصلو دخلوها لعند الدكتور
الدكتور :ماخيرها شي البنت بس صارلها شوية هبوط شكلها امس مش واكله شي
طه: االحمدلله فيني نبي نشوفها
الدكتور تفضل
خش للغرفه وشاف رغد تحاول تفتح عيونها
رغد تنادي باسم انسس ومالك
طه: انجرح منها بس ماعدلش واتصل ب مالك
مالك: شاف الرقم غريب ؟ رد
طه: الو
مالك :ايوا من
طه: معاك طه
مالك: بتفنيصه امم
طه :تعال ع المشفى رغد اغمى عليها
مالك : تكنطىى وعلى اعصاببه كيييف وامتى وانته شن عرفك
طه: تعال للمشفى وتوا نفهمك وصكر عليه الخك
مالك ؛لوح التلفون وناض يلبس ف جاكيته
انس: يحكي ه الهاتف ..شن في مالك
مالك :رغد اغمى عليها
انس: كيف فصل الخط وناض يجري لسياره
ركب مالك جنب انس ومشو للمشفى
نزل مالك وهوا يسب ويلعنن
انس نزل على طول وخش يدور ع رغد
رغد فتحت عيوني شفت طه واقف قدامي وحاسه بألم رهيب في راسي
ثواني وخش مالك معاه انس
انس :رغدد وحضنها خيرك شن صار معاك.
طهى تكنطى بعد عنها شن تحضن فها وهي مش اختك
انس:سيب رغد و ناض متكنطي ومشى لعند طه ..انته ماليك ايا دخل واخر من يتكلمم ضمم فمك منبيش نديرو عار فوسط المشفى
طه: بيتكلم مسكه يونس من ايده
مالك :يشوف لرغد بعصبيه شن كنتي ديري معاه هدا
رغد :شي كنت نتمشى وفجاء طلع قدامي وحسيت بوجع ف راسي ودخت
مالك: قعد جنبها ومسك ايدها اممم به تو شن تحسي
رغد :شوية وجع في راسي بس
انس: تمام هي نروحو
رغد :به وبدت تعدل ف وشاحها لي انه كان امبين نص شعرها برا
رغد: نبي نشوف منى نطمن عليها .
مالك: شبح ف طه بغلل به هيا نمشي معاك
وقفت رغد بصعوبه وتكت على مالك ومشو لي منى لي كانت في الدور التاني من المشفى
____________«زهره الشيخ»______________
طه طلع من الغرفه ومعاه انس
تلفون طه ترن
طه: رد عليه..الو
الشاب: ..وين يامعلم ماقتلي شن ندير بيه الرجل لي عندي
طه: تنهد دير لي بديره اشنقه اخنقه احرقه اضربه لين تعيا دير رايك نا مش فاضي
الشاب: ابتسم بفرحه تمام توا نتريض عليه لين تفضى
طه: تم
يونس :واقف يستنى فيه يكمل كلامه
طه: صكر الخط
يونس: بنسالك
طه: شني؟
يونس: ليش نسرين تبي تتخلص من رغد انا متاكد انك تعرف السبب لي خلاها دير هكي
طه :ف داخله هل نقول كل لي عندي ولي يصير بيصير ونفقد ايدي اليمين ؟ …او نخبي في قلبي ونغدر بيه ؟
يونس: الووو نكلم فيك
طه: انا نعرف ليش دارت كل هدا الشي
يونس ىليش
طه: اسمعني انت تعرف انك خويا وصديقي ودرعي الثابت مانبيش نخبي عليك اكثر من هكي
يونس: بخوف شن في
طه: نا خبيت لاني خفت نخسرك بس ه اليومين خسرت هلباا وعرفت قيمة ناس هلبا ونا بنخبرك ولي يصير خلي يصير
يونس: احكي ماتحرقلي اعصابي
طه: تذكر يوم عزمنا صاحب بوك ع الحفله ومشينا انا وياك ونسرين كانت حاضره
يونس :اي الكلام ليه فتره
طه: تمام يومها كثرت من الشرب انا وياك وكيف ماتعرف انا مدمن فقدت الوعي
يونس: تمام وبعدين
.طه وبعدين معاش شفتك قدامي نشوف ف نسرين بس جتني وقعدت جنبي وكل شوي تقرب منيي لين قالتلي انا نحبك يا طه وتعجبني شخصيتك وهكدا ومعاش دكرت شي لصبح فقت من نومي وكانت نسرين جنبي انصدمت من الشي لي نشوف فيه نضت من مكاني بسرعه وطلعت روحت ع البيت ثواني وتصلت بيا نسرين قاتلي انك درت ودرت ودرت ونا طبعا مش مكدبها ولا مصدقها لاني مش مدكر حاجه وهدا لي صار ومن يومها وهيا تتصل وتتلصق عليا ونا كم مره مهددها وبعدتها عنيي
تفسد علي كل بنت نا نكون قريب منها وماتعرفش انه رغد تكون اختي وهدا لي كنت مخبيه عنك ..
يونس: من الصدمه قعد ع الكرسي وحط ايديه ع راسه بنت ال……. وربي لا ندمككك وربيي لو ماندمتك على اللحظه لي قربتيي من طهه يا ….
طه :سامحني يا يونس وربي ماكنت بوعيي بكل ومش مدكر حاجه
يونس: نا مصدقك وعارف ليش خبيت عني حسابي مع الفرخه نسرين انت مادرت شيي نعرفك يوم تشرب
طه همم ونزاح عن قلبه خدا نفس بعمممق وقعد جنب يونس
رغد :خشت للغرفه عند منى لقيتها راقده قربت منها ومسكت ايدها حست بيا وفاقت من النوم
منى :انا نحلمم ولا انتي رغد بنتي
رغد :انا رغد واسفه لاني نوضتك من نومك
منى: واحلا من ينوضني
رغد :كيفك اليوم ان شالله احسن
منى :بفرحه بخير احسن من امس
رغد: شبحت ف مالك وانس لي كانو واقفين ويتفرجو عليها ..هدو خوتي
منى: ابتسمت ليهم ربي يحفظكم لبعض ان شالله
انس :ان شالله غير ماتاخدو مني اختي بسس
منى :بضحكه لالا انتم اولا بيها انتم لي ربيتوها وتعودت عليكم
مالك: ارتاح بعد شاف طيبة منى وتفكيرها
منى :وين امكم خاطري نشوفها
مالك: حاضر غدوا نجيبها عندك هيا ورغد
منى :بفرحه تمام
انس؛ يلا تو نستادنو منك لين نجوك مره اخرى
منى: باست رغد ع راسها ..رد بالك على روحك
رغد: ابتسمت وباستها ع راسها حتى هيا …وانتي رد بالك على روحك
مالك: تأثر ياسر هيا امي توا تكون خايفه عليك
رغد :تمام وناضت من جنب امها وطلعت مع مالك وانسس
طه :شافهم طالعين من الغرفه …رغد ارتاحي وكولي ه اليومين ناخدلك اذن ف الكليه ماتجيش
رغد :ابتسمتله تم حاضر
انس: شبحله بنضره حقيييره وطلع
طه خش للغرفه عند امه وماعدلس ع انس ومالك
منى: بفرحه شفت رغدد
طه ؛ابتسم رغم كل المشاكل لي صايره معاه ..اي وكانت خايفه عليك واصرت انها تجي تشوفك
منى :الحمدلله اني شفت بنتي وشميت ريحتها قبل لا نموت
طه :تعبو عيونه دموع ..طولت عمرك ياغاليه
منى:💔 كانت فاقده الامل لانه كانت عارفه انها وصلت لمرحله صعب انها تتعالج فيه ورغم هدا كله تبتسم عشان ماتحسس طه
منى: وين مختار مشفتاش من امس
طه :مسك ايدها وقعد بجنبها بوي عطاك عمره امس اليل توفي بس ماحبيت نخبرك عشان ماتزيد تدهور صحتك
منى :قعدت ساكته ونزلت منها دمعهه وتمسكت ف طه ونبضاتها زاددن مع انه كان ديما يهين ويهدد ويضرب فها بس قاعده تحبه جتها زي الصدمه
طه: خاف امه سكتت وماطلعت صوت ..ياام احكي خيرك نا مانبيش نخبي عنك لانه خالاتي اليوم جايات يعزوك
منى تمسكت ب طه اكثرر وقعدت تبكي وتذكر ف دكراياتها معاه قبل 19 سنه كيف كان يحبها وما يرفضلها طلبب وكيف كانت معاملته وحنيته عليها ودكرت نضرته ليها يوم عرف انها حامل من شخص تانيي ولعتت ناار ف قلببها وقدت تبكيي بهستريا
خش يونس وشاف الوضع ستأذن من طه وطلعع وهوا مش ناوي على خير ابدا…
دقايق ووصلن اخوات منى واقاربها يتحمدولها على السلامه وفي نفس الوقت يعزن فيها
____________«زهره الشيخ»______________
روح طه على بيتهم وجاب كم عامله تنظف البيت وركب خيمة العزا فم بابهم والضيوف والاقارب خاشين طالعين
طه يضيف ف الضيوف جاه اتصال من رقم غريب رد عليه
رؤيا :الو
طه: ايوا
رؤيا: عرفتني
طه :اي اي عرفتك صاحبة رغد
رؤيا: اي بللهي عليك قولي شن صار ان شالله تكون ؤغد بخير
طه: اي الحمدلله لحقت عليها قبل لا يدورلها شي وهدا بفضلك انتي ومش ناسيها ليك يا .. ماعرفتك
رؤيا ؛اسمي رؤيا
طه: عاشت الاسلامي ه اليومين مشغول نفضى نكلمك عندي ليك هديه
رؤيا: بخوف ت تمام شكر وصكرت الخط
طه حاول يتصل ب يونس لاكن رقمه كان مقفل
روحت رغد ع البيت وكانت عائشه خايفه وتستنا فيهم
رغد :تحضن في امها وتضحك والله ماخيرني حاجه
عائشه: ووه عليا قلبي قريب طلع من مكانه
رغد :ههه سلامتك قلبك وين باتي
عائشه ف العمل
مالك :نبي نعرف عميي وين بس مختفي
رغد: 😑🔥
انس: امس حاولت نكلمه بس رقمه مقفل
عائشه :بخوف ان شالله خير
انس :ان شالله
انس جاه اتصال وطلع يتصل
حواء: الو
انس :ايوا حبي
حواء: معقوله هكي هاملنيي
انس: وربي مشغوول في كم موضوع وكيف ماتعرفي العرس تحدد وفي كم حاجه نبي نكملها
حواء :اممم
انس : ياعمري
وقعدو يهدرز ويخطوو لعرسهم بفرح
____________«زهره الشيخ»______________
يونس درس سيارته جنب حوش نسرين وفتح تلفونه واتصل بيها
نسرين: ايوا
يونس :وينك ف الحوش حبيي
نسرين: اي
يونس: اطلعي نبيك
نسرين: باستغراب تمام
يونس:🔥🔥
يتبع………

لقراءة الجزء التالي : الجزء الثالث عشر من رواية إدمان

لقراءة الجزء السابق : الجزء الحادي عشر من رواية إدمان

للإطلاع علي فهرس أجزاء الرواية : جميع روابط اجزاء رواية إدمان للكاتبة زهرة الشيخ

جميع الحقوق محفوظة للكاتبة زهرة الشيخ .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى