الجزء

الجزء الحادي عشر من رواية إدمان

الجزء الحادي عشر من رواية إدمان

وفي الجزء الحادي عشر من رواية إدمان هل سنري مفاجآت سارة كثيرة ستحدث مع أبطال الحكاية ام ستسير الأمور في منحني جديد من المواقف ؟ كل هذا وأكثر سوف نعرفه سوياً في السطور التالية بإذن الله مع الكاتبة زهرة الشيخ .

الجزء الحادي عشر من رواية إدمان

____________«زهره الشيخ»______________
طول الطريق طه يشوف لرغد بنضرات بارده
رغد سرحانه
دقايق ووصلو للمشفى
رغد نزلت نمشي بخطوات متردده تجاه الانسانه لي جابتني ع الدنيا ولوحتني.
لين وصلنا ع الغرفه
طه فتح الباب..رغد خشي
رغد: خشيت وكنت منزله راسي مع كل خطوه نبضات قلبي تزيد
منى: عينها جت ع خالد خافت بعدها شبحت ف رغد :كيف متجها ليها بخطوات بطئه بكل. منى حاولت تنوض وتوقف رجليها بس حست بألم رهيييب ف راسها ورجعت ع سرير ومسكت راسها
طه: بخوف مسكها اممييي خيرك
منى: ابتسمت شيي ماتخاف وشبحت ف رغد مدتلها ايدها
رغد :ركزت ف ملامحها لي تشبهلي وعيونها قعدت نقرب منها ودموعي بدو ينزلو من غير مانحس مسكت ايدها
منى :خدتها لحضنها وبدت تبوس فها وتبكي..سامحيني ياباتي سامحيني لاني بعدتك عني وعن خوك سامحيني لاني قصرت معاك سامحيني لاني خليتك تتربي وتكبري بعيدا عني
طه: خانوه دموعه ومعاش قدر انه يشدهم قعد يدمع ويمسح ف دموعه عشان مايحسو بيه
رغد :ف حضن منى ومعاش عرفت كيف تتصرف وكيف بترد عليها اكتفت بشوفتها بس
منى: تمسح ف دموع رغد ..سامحتيني بنتي
رغد بردت فعل قويه ..لا كيف تبيني نسامحك وانتي لوحتيني ف الشارع ك كيف تبيني نسامحك ونا 19 سنه عايشه في وهمم وبعيده عن خوي كيف تبيني نسامحك بسسس احكي
منى: بوك خالد كان سبب بعدك عني خداك مني وهددني بقتل طه وقالي حيربيك احسن ترببه مالقيتش حل قداميي وتبكي. سامحيني يابنتيي سامحيني انا عارفه انه مش مازالي هلباا ف هدي الدنيا
رغد وجعتها منى من قلبهاا .. وكل الكرهه الي كانت حاملته ليها ف قلبها في لحظه تحول ل عمها خالد الي هوا بوها. .. حضنت منى… طولت عمرك ونا مسامحتك تعرفي ليش ممكن لاني طحت بين ايدين ناس تحبني لي هيا عيلتي
خالد منزل راسه ومعاش عرف شن يقول ولا شن يحكي تمنى الارض تنشق وتبلعه ماحسبش حساب لهدا اليوم الاسود ماحسب حساب انه رغد ف الاخير بتعرف كل الحقيقه واحتمال كبير انه تكرهه بعد تعرف شن دار في امها منى وكيف كدب على خوه كريم ولعب عليه
رغد: تبكي ومنهاره ف حضن امها لي كانت محرومه منه كل ه السنين
منى: تبوس ف رغد ع راسها ..ترجعيلي بنتي
رغد :لا مانقدرش نخلي عيلتي ..
منى: ونا المحرومه من بنتي
رغد: نبدا نجيك كل يوم لين تتحسني
منى: فرحت بخوف رغد عليها
خالد :بنتي نوضي هي نروحو
رغد ردت عليه بغللل ..معاش تقولي بنتي انا ماليا اي علاقه بيك
شبحت ف طه ..نروح مع خوي طه
طه: فرح ..تمام هي نمشو
منى: باست رغد من ايدها رد بالك ع روحك
رغد :وانتي رد بالك على روحك
خالد: واقف ومصدوم من ردت فعل رغد
طلعت رغد مع طه وركبت ف السياره
وطول الطريق رغد ماحكت ولا كلمه وطه نف الشي
وصلو ودرس السياره
رغد :بتنزل مسكها طه من ايدها
طه: احتجتي شي كلميني فاهمه
رغد: ببرود حاضر. ونزلت
طه :مشى للمشفى طول عشان يكمل اجرائات الدفن وطول الطريق يفكر كيف بيخبر امه على الي صار
رغد خلبطت على الباب
ناض مالك فتح الباب
رغد اول ماشفت مالك حضناته على طول وقعدت تبكيي
مالك: بخوف رغد خيررك شن دارولك احكيي في حد ضايقك
رغد: تهز براسها بمعنى لا وتبكي
مالك: وجعاته حالت رغد وقعد يهدي فها ..خلاص ماصار شي رغوده اهم حاجه عرفنا كل الحقيقه احمدي ربك
جت عائشه تجري خيرك رغوده شن فيك
رغد :تعبتت يام تعبت كل يوم تصدمو فيا كل يوم صدمه اكبر من لي قبلها كرهت حياتيي كرهتها وتبكي بهستريا
عائشه: قعدت ف الارض بجنبها .. وتهدي فها
وطلع انس مخلوع مع كريم
مالك خلوها توا نرفعها لغرفتها تصلي وترقد ترتاح ومشى بها مالك ع غرفتها ومسحلها دموعها هي نوضي توضي وصلي ورتاحي
رغد به وخشت للحمام (اكرمكم الله)
طلع مالك وخلها بروحها ونزل لعند كريم
طه مشى للمشفى وخش للغرفه عند امه لقاها راقده قعد جنبها ع الكرسي وحط راسه ورقد.
مالك طول اليل وهوا يفكر ف رغد
ومر اليوم على خيرر
الصبح
____________«زهره الشيخ»______________
نسرين تحكي خلف مبنى الكليه
الشاب مافهمت
نسرين :نبيك تخطف رغد وبعدها انته تعرف الباقي وغمزتله .. وردد بالك يعرف طه مختار والا نكون انا وانت في مشكله كبييره
الشاب :باستغراب وانتي بهدي الطريقه شن بتستفادي
نسرين: برفعة حاجب وليش انت اسألتك ياسره هل انت بدير لي قتلك عليه ولالا
الشاب: تمام
نسرين: ايوواه ومدتله ظرف في داخله مبلغ
الشاب :اعتبريه تم
نسرين: ضحكت ومشت
رؤيا واقفه ومصدومه من لي تسمع فيه .. زي ماتوقعتت البنت هديي مش ناويه على خيرر ومشت تجري وقلبها قريب يطلع من مكانه وقعدت واقفه وتفكر كيفف تحذر رغد وهي تلفونها من امس مقفل
نسرين: هااي
رؤيا: بخوف هلا
نسرين: بنسالك رغد خيرها ماتجيه الفتره
رؤيا :مانعرفش
نسرين: بس اكيد جايا البوم عندنا امتحان
رؤيا: ف داخلها يالفعهه .. اي اكيد جايا
نسرين: اممممم ومشت
رؤيا قعدت تفكر وذكرت طه …اففف كيف بنحكي معاه ه المخلوقق نخاف منه مشت لواحد من الشباب لي ديما مع طه
رؤيا: تبلع في ريقها بللهي نبي رقم طه ضروري بعد اذنكم
الشاب: تبصري انتي
يونس :لا عادي وحده من معجبينه
رؤيا: لالا فهمتو عليا غلط بس انا نبي نقوله حاجه ضروريه
يونس: تمام وتصل بطه
طه: صاحي من النوم ..ها ع الصبح
يونس: في بنت تبي رقمك قالت ضروري وتبي تقولك حاجه
طه: باستغراب من هدي
يونس: مانعرفهاش
طه: تمام عطها
يونس: تم وصكر الخط وعطا الرقم لي رؤيا
رؤيا: طلب رقمه بروحه يخوف .. وكتبت الرقم ف تلفونها وضربت
طه: شاف الرقم طلعله ف الكاشف روئ رد عليه
رؤيا :بخوف ا الو
طه: بصوت كله رجوليه ايوا
رؤيا :طه ولا
طه: اي تفضلي احكي ع طول
رؤيا: في مؤامره صايره ضد رغد صاحبتي
طه :اول ماسمع اسم رغد فتح عيونه وعدل تقعميزته …خييير
رؤيا :حكتله عن كل شي سمعاته …مع انه ماليك علاقه باالموضوع بس هيا جابت سيرتك وانها خايفه انك تعلم باالموضوع
طه: تمام بارك الله فيك وصحيتيي ومنوره بلهلبا
رؤيا :بللهي عليك ماتخليهم يديرو فها شي
طه ولا يهمك هي سلام وصكر الخط وتصل ب يونس على طول ..
..
____________«زهره الشيخ»______________
رغد نضت الصبح وكان راسي يوجع هلبا دوشت وبدلت وجهزت روحي للكليه نزلت لقيت انس يفطر
انس: صباحو
رغد: صباح النور
انس :لوين
رغد: عندي امتحان ومش قاريه حاجه وبنمشي
انس :حلوه حتى هدي
رغد: ابتسمت شني توصلني
انس: يشرب ف قهوته به هيي
وطلعت ركبت مع انس ومشينا للكليه
دقايق ووصلنا ع الكليه خشيت ومشيت للقسم على طول
ف القاعه :
نسرين :ويينك لينا هلبا عليك
رغد: من غير نيه وحتى نا
نسرين: كيفك
رغد: بخير وانتي
نسرين: عاال العال
رغد استلمت ورقة الامتحان حليت لي عارفته والباقي خليته فاضي وطلعت نتمشي برا
ثواني وطلعت نسرين وراي
نسرين :ع وين
رغد: شي نشم ف هوا راسي يوجع
نسرين: اها باهي تاعلي نتمشو خلف المبنى
رغد :باستغراب وليش خلف المبنى مافي حد غادي
نسرين: اي افضل من الدوشه
رغد: بعدم رضاء وافقت ومشينا ورا المبنى وقعدنا نتمشو
نسرين :تشوف يمين ويسار دور ع الشاب
طه ويونس طلعو قدامهم فجاء
نسرين: بدت تعرق اا اهلين
طه على شن دوري انتي وياها
رغد :نتمشو
طه: برفعت حاجب ولا دوري ف الشاب لي اجرتيه عشان يخطف رغد
نسرين: شن تقول انت
يونس يشوفلها بنضرات تقطع القلب لانه بجد كان يحبها بس بعد عرف بكل شيي هيا دراته طاحت من عينه
طه قرب من نسرين بخطوات سريعه ومسكها من فكها ..وربييي كان مش يونسس كان شربت من دمككك اليوم
نسرين: بعددد عني ودفت طه انت جنيت
رغد مش فاهمه حاجه وماسكه راسها ..شن صاير طه
طه: الي صاير انه نسرين ب
قبل لا يكمل طه كلامه …رغد معاش سمعت شي وقعدت الدنيا دور بيا وظلمت قداميي مسكت طه من ايده وطحت ع الارض
طه ؛ينادي ع رغد …رغدد
نسرين :تشوفلها وابتسمت باستفزاز
يونس :انتيي من شن مصنوعه بسس
طه: ينادي ع يونسس ..افتحلي السياره بسرعه
يونس مشى يجري فتحله السياره ودخلو رغد ف السياره وركبو هم من قدام ومشو بها للمشفى
اول ماوصلو دخلوها لعند الدكتور
الدكتور :ماخيرها شي البنت بس صارلها شوية هبوط شكلها امس مش واكله شي
طه: االحمدلله فيني نبي نشوفها
الدكتور تفضل
خش للغرفه وشاف رغد تحاول تفتح عيونها
رغد تنادي باسم انسس ومالك
طه: انجرح منها بس ماعدلش واتصل ب مالك
مالك: شاف الرقم غريب ؟ رد
طه: الو
مالك :ايوا من
طه: معاك طه
مالك: بتفنيصه امم
طه :تعال ع المشفى رغد اغمى عليها
مالك : طوووووط
يتبع ……..

لقراءة الجزء التالي : الجزء الثاني عشر من رواية إدمان

لقراءة الجزء السابق : الجزء العاشر من رواية إدمان

للإطلاع علي فهرس أجزاء الرواية : جميع روابط اجزاء رواية إدمان للكاتبة زهرة الشيخ

جميع الحقوق محفوظة للكاتبة زهرة الشيخ .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى