تتدافع الأحداث سريعاً وها قد نقترب من النهاية لكل ما بدأ بين ابطالنا من مغامرات ضمن إطار الحبكة التي وضعته الكاتبة لوزة، لذلك هيا بنا لنكمل المسيرة معها في مضمار السطور التالية في الجزء الحادي عشر لمعرفة الجديد من الجمال والروعة فيه .
الجزء الحادي عشر من رواية رجل يحببنه الكثير للكاتبة لوزة ليبية
في الحلقة السابقة
دنيا ل منال :مرت هاني طلعت عﻻقة مع شخص اسمه بانون ليها 12 العام
منال:تتسهوكي واﻻه
دنيا:والله بجد
منال:اووووف به وشن بديري توا
دنيا:اكيد حنقول لسي هاني هههههه
منال:اس اس نشوف ف ظل اشبح من كان يسمع فينا
دنيا:تتسهوكي !
ناضت دنيا وقفت وطلعت من وراء مكتبها … خش حسام للمكتب وقالهم :صباح الخير
دنيا:صباح النور … تفضل
منال:صباح النور
حسام:دنيا تره شوية نبيك قدام الباب
منال:اوكي انا طالعة ماشية بناخد قهوة خودو راحتكم …
كيف بتطلع دنيا من الباب على اساس مش مهتمة ب ان حسام سمعها …
حسام شد ايد دنيا من مرفقها وقالها : وديني يادنيا وحق ربي اتقولي كلمة لهاني نهار جدك احرف
دنيا:ماخصكش فيا وشن واقف تتسنط عليا بش عيب عليك
حسام:مش حتقوليله
دنيا رخت ايدها من قبضة حسام وقتله اطلع من راسي حسام
حسام:شن تحسابي انتي بس شادة حاجة عالناس …هاني مافكرش يتكلم عليك بالسوء حتى بينه وبين نفسه
دنيا:مايهمنيش شن يفكر هاني
حسام:به به عبدالهادي ولد عمك واﻻه اللي ملقبينه بالأفعى تقريبا والشارع كله يخاف منه يرعش ارعيش شباب ويخافو منه يبالك انتي
دنيا:ههههه وباه ماذا في هذا ؟
حسام:ايه توقعي هكي مع الظهرية انتي بتروحي يعطيك وين يوجعك
دنيا:ههههههه وعﻻش بيضربني اصﻻ حسام:اكيد لو عرف ان بنت عمه تلود على المدراء و …. ايه وانتي عارفة شن نقصد وتاخدي في هداية وتطلعي وتتغدي ايه ايه ماتشبحيليش هكي تبي نزيدك به نزيدك تتفكري مرة لما كنت نتمشى انا والمدام ولقيتك طالعة من سيارة كامري مرش مسلفر وكنتي تسكري في بطم سوريتك عليم الله شن كان صاير
دنيا:ماعندكش دليل
حسام:صدقيني الا عندي ….. المصرف هدا يشهد عالشي اللي ندوي فيه وخصوصا لما جيتي بتلفي على هيثم بعد عﻻقتك من هاني زعميتك بتخلي هاني يستاجع انه سيبك بش عرضتي نفسك عليه وقتيله قالو عندك استراحة و خاطري نشوفها وهلبا كﻻم غير ﻻيق
دنيا:به شن تبي حسام
حسام:تسكتي حتى كلمة وماتقولي شي ل هاني وحق ربي نلقاه متكدر من حاجة نسودلك عيشتك فاهمة واﻻه … وقد اعذر من انذر
شبحلها شبحة تقتل وطلع وخﻻها
تكنطت دنيا وضربت عالمكتب وتمتم حسام النمي هذا $#@&*$@ ديما واقفلي فيها زي الزقة اتقول هاني وهيثم فروخه البلي على دماغه
هاني ل هيثم:خيره عطل حسام
هيثم:اكيدة يهدرز ف جيهة من الجيه
خيرك قالق وتشوف لساعة من بكري عندك موعد واﻻ شنو o_O
هاني:ﻻ نبي نروح بس
هيثم:اووووووو 
هاني:شن اوووو هادي واﻻبتسامة الصفرة 
هيثم:مرايف معناها 
هاني:اس اس فكني من شرك 
هيثم:اسمع وانت مروح خود معاك جيﻻتي من حلويات العالم فيه جو حلو
هاني:مايفوت عليك شي شوره
هيثم:هههههه حاس بيك مرايف
هاني:هههههه صح والله من ركبت سيارتي وجيت اهنا
هيثم:الله الله ….. باهي اللي جيت ياحسام
هاني:ايه خيرك عطلت هدا كله اوراق و اقﻻم
حسام:ﻻ لقيت شباب فوق قعدت نهدرز معاهم
هاني:اه به
هيثم:ياحسام الناس مرايفة يبو ايروحو هههههه
حسام:هههه منو هاني ؟
هيثم:ايه من بكري يشوف لساعته ذكرني بيوم عرسه لما كان متفركس حسام:هههههه روح ياهاني تو ناخد مكانك
هاني:بجد تتكلم؟؟
حسام:والله بجد روح لمرتك حاس بشعورك حاليا هههههه لهفة على شوق مخلطة عليك
هاني:ههههه منور ياغالي ربي يحفظك
حسام:ويحفظك …هي هي امشي هاني
طلع هاني من المصرف وركب سيارته خدي نقاله واتصل ب عزيزة
هاني:عزيزو حبيبي
عزيزة:اها بيبي
هاني:انا مروح حبيبتي
عزيزة:بش عندك دوام ؟؟
هاني:ﻻﻻ طلعت
عزيزة:به …حبوبي وقت توصل للحوش خش عند اﻻي لوطى لين نرن عليك
هاني:عﻻش
عزيزة:غير هيا حبيبي
هاني:اوكي به وقت نوصل عند حوش امي تو نقولك …. ماتنسيش الروب الزهري
عزيزة:برغم ان مانحباش هلبا لكن اوكي بيبي…باي
هاني:عزيزة عزيزة
عزيزة:نعم بيبي
هاني:انحبك اممموه
عزيزة:اممموه باي
سكرت عزيزة الخط ونحت السنسلة والخاتم وحطتهم ف شنطة وقالت مستحيلة نخونك ياهاني حتى فخيالي بانون صار ماضي حتى لو اني نحبه وردتهم ل دوﻻب.. وتلفتت لسرير نحت اليرغان البيج وطلعت يرغان وشرشاف من الدوﻻب بلون اﻻحمر وطرحاته عالسرير ضمت الدار عالسريع وخشت للمطبخ دارت عصير هافانا وصباته في طاستين وحطتهم ف صفرة ودخلتهم لتﻻجة
نقال عزيزة يرن
عزيزة:اها هنيوة
هاني:انا وصلت وقاعد ف حوش امي
عزيزة:اوكي بيبي تو نرن عليك باي…
خشت للحمام خدت دوش وعطرت جسمها ب كريمات معطرة ولبست فستان ابيض حلو … دارت مكياج بسيط وبخت برفان ودارت رنة ل هاني
هاني:هي بنركب يمى ماتبي شي
خ سميحة:به اماﻻ ف امان الله
طلع هاني من باب الحوش وراكب ف الدروج
عزيزة وقفت وراء الباب بش من اول مايخش هاني تاخده ف اﻻحضان
طلعت مرام منةالحوش وركبت تهمس هاني هاني
هاني كيف وصل قدام باب حوشه
وطلع مفتاح وصلت فيه مرام وقتله من بكري انادي عليك
هاني:اها ماسمعتكش
مرام:هاني انا نبي نقولك حاجة
هاني:اها مرومة قولي
مرام:انا … انا …
هاني:هههه انتي شنو قولي
مرام:انا نحبك هاني
هاني:هههههههه تتسهوكي انتي بالك عندك حورارة
مرام:ﻻ ماعنديش حورارة نحبك بجد
هاني سكت حس بحركة وراء باب حوشه فقال لمرام :تو نهدرزو بعدين
مرام:اوكي حنستناك
نزلت مرام وخش هاني لحوشه
هاني:بيبي انا جيت 
عزيزة:اهلين 
هاني:خيرك عزو باين عليك زعﻻنة x-(
عزيزة:ايه
هاني قرب منها وباسها على كتفها وقالها:شن مزعل الحلو
عزيزة:كنت وراء الباب نستنى ف زوجي ايخش بش نحضنه على طول فتفجئت ببنت خاله اتقوله انحبك
وماتبينيش نزعل !
هاني:اها مشاعرها هيا ماقتلهاش ايه حتى انا انحبك
عزيزة:قتلها نهدرزو بعدين شن معناه …معناها تبي تهدرز معاها على رواق
هاني:شن الكﻻم هدا ؟؟ تشكي فبا عزيزة !
عزيزة:ﻻ ماشكيتش فيك
هاني:اماﻻ شن يسموه هذا
عزيزة:انت قولي شن يسموه هذا تو نهدرزو بعدين وعندك حرارة كﻻم قوي ….
هاني:ايه قتلها تو نهدرزو بعدين ولسبب ما قلته الكﻻم هذا ولو نبي
عزيزة:شن السبب
هاني:بما انك شكيتي ففيا هكي مش حنقوله السبب
عزيزة:ﻻن اصﻻ ماعندكش اسباب
هاني:معقولة تفكري فيا هكي بالطريقة هادي عزيزة !
عزيزة:انا مافكرت شي انا سمعت واللي سمعته قلته
هاني:قتلك مابينا شي انا ومرام
عزيزة:به اوكي هاني ..
هاني:شن اوكي
عزيزة:اوكي خﻻص سكر الموضوع كان بنتناقشو اكثر حنتعاركو
هاني:صدمتيني الحق …. مروح على خاطرك ومشتاقلك وتستقبليني وجعني خاطري
دنيا ل منال:وهذا اللي صار بينا انا وحسام
منال:امممم كيف بديري توا
دنيا:مسكين حسام يحسابني بنسكت مايندريش ان اللفعة ولد عمي في جيبي
منال:حتى لو انه في جيبك ماعتقدش انه حيخليك ف حالك لو عرف غبابيرك السود مع روؤساء اﻻقسام
دنيا:شن غبابيري هادي انا من بعد ماسيبني هاني معش تحملت فراقه والمدير اللي كنت عنده كنت نتختخ فيه بش يديرلي ترقية
منال:الترقية خوديها بجهدك والتزامك ف العمل مش بالحاجة هادي …مش عارفة حيرك وليتي هكي
دنيا :اسكتي عليا مش هدا موضوعنا توا بنبعت ولد عمي اللفعة يضرب حسام حنقوله ان يتحرش فيا ويديرلي ف لقطات حقيرة ههههه
منال:ﻻ عيب تتبلي عالولد
دنيا:ضميلي فمك بس ﻻ عيب وﻻ نمي
عزيزة:هاني وين ماشي ؟
هاني:اضايقت بنرجع للعمل
عزيزة حضناته من الخلف وغمضت عيونها وتحرك في ايدها على بطنه وقتله … ﻻ حبيبي انا طبعي غيورة مش قصدي
هاني :الغيرة لو زادت عن حدها تصبح شك … وبين الغيرة والشك خيط رقيق هلبا لو ضاع منك حيولي شك
عزيزة:ﻻﻻﻻ ماشكيتش فيك بس طبعب هكي نحط اسوء اﻻحتماﻻت ب انت تخبرني ان اللي نفكر فيه غلط …. ارجوك حبيبي ﻻ تذهب
هاني:ااه ياكل فؤادي وطيف عساني ان اذهب واترككي
عزيزة:احبك هاني
هاني:نموت فيك حبيبي
عزيزة:قعمز قعمز واستناني ثواني ونجيك
هاني:اوك سنفورتي
مشت عزيزة للمطبخ فتحت الثﻻجة وطلعت عصير هفانا ….
وخدتتها لصالون وين مامقعمز هاني هاني:اووو بيبي دلع
عزيزة:اممموه كل الدلع ليك يابعد عمري
هاني:اممم بيبي بش قتلك البسي روب زهري؟؟
عزيزة:قلت نلبس فستان ابيض بش تتدكر يوم دخولنا هههههه
هاني:ههههه ياروحي انتي
عزيزة:غمض عيونك …غمممض
هاني:عﻻاش
عزيزة:غير هيا غمض
هاني:اوك غمضت …
ناضت عزيزة بخفة لدار النوم لبست الروب الزهري اللي يبيه هاني ورجعت قعمزت جنبه عطاته بوسة على خده وقتله:يﻻ افتح عيونك
فتح هاني عيونه وقالها:ياروحي انتي
وقف هاني وهووب قامها ف حضنه وعطاها قبلة
عزيزة:بيبي حبيبي انحبك
رفعها لدار النوم وحطها بهدوء عالسرير واتكى جنبه وباسها من شفايفها ورقبتها
هيثم ل حسام :بجديات تتكلم ؟
حسام:والله زي مانقولك تو
هيثم:مقوى قلبها هادنيا وباه وشن قتلها
حسام:درت نفس اﻻسلوب الرخيص اللي بديره
هيثم:كيف ؟اها قصدك بتقول لماليها عاللي ادير فيه
حسام:بالزبط لكن مش لماليها ..
اللفعة كان تزبطه
هيثم:اعوذ بالله من شره …خير بﻻه
حسام:هدا ولد عمها
هيثم:وكيف اللفعة مش شاكمها هالحربة هادي
حسام:حتى انا مستغرب شوره ماسمعش بيها
هيثم:مش عارفة كيف هكي اذل ف روحها الزفت من واحد ل واحد
حسام:المهم توا وقفتها عند حدها حرام الولد عريس تخربله عيشته كل شخص عنده ماضي او سر صغير داسه
هيثم:ايه اكيد
هاني ل عزيزة:اوووف فشلتيني عزوو هههههه
طلعت عزيزة من سرير وووقفت وقتله :ههههه وهدا المطلوب
هاني قام روحه طشة وقالها:وين ماشية حبيبتي خلينا متكيين ونهدرزو
عزيزة:بناخد دوش وبننزل ل اﻻي خير ماتقول هادي معش تنزل
هاني:اوكي حبيبي … مطيبيش حنطلع شوي تاني نجيب غدي واتي لينا وللعويلة لوطى
عزيزة:اوكي بيبي
هاني:على فكرة عجبني اليرغان والشرشف اﻻحمر
عزيزة:ياروحي انت 
يتبع ……..
لقراءة الجزء التالي : الجزء الثاني عشر من رواية رجل يحببنه الكثير للكاتبة لوزة ليبية
لقراءة الجزء السابق : الجزء العاشر من رواية رجل يحببنه الكثير للكاتبة لوزة ليبية
للإطلاع علي فهرس الاجزاء كاملة : جميع اجزاء رواية رجل يحببنه الكثير كاملة للكاتبة لوزة ليبية
جميع الحقوق محفوظة للكاتبة لوزة ليبية .
