متابعة الأحداث مع المؤلفة لوزة جميل جداً حيث موهبتها الرائعة تدفعك لقراءة كل سطر بتركيز وخيالك يعيش مع الأحداث بكل روعة وتتمني لو أن الجزء يطول أكثر وأكثر لتكمل القراءة بفرحة وإستمتاع، هذا ما يميز رواياتها عن باقي الروايات الأخري، لذلك هيا بنا لنبدأ قراءة الجزء العاشر سوياً لنعرف ماذا سيحدث فيه ؟
الجزء العاشر من رواية رجل يحببنه الكثير للكاتبة لوزة ليبية
هاني ل حسام:تعرف حسام 
حسام:نعم 
هاني:الحمد لله قدرت نتغلب ع شعوري بش مانكونش خاين برغم اني نحب روابي هلبا وحنحبها لين يدفنوني بس نحاول بكل جهدي ان ما نفكرش فيها بش معش نخون مرتي ونجرحها
حسام:والله فعﻻ تريس انت ياهاني ربي يحفظك …
هاني:ويحفظك
حسام:بجد ﻻن ماحد يعرف قداش انت تحب روابي اﻻ ربي وانا وهيثم الحق قبل ف ايام الجامعة كنت نغار من طريقة حبك ليها وطريقة حبها ليك كنتو تبو بعضكم بجديات. عاد بعد انها ضربت الشباب معاك ف العركة خﻻص بصمت انها تحبك رسمي
هاني :ايه نتفكر فيها كنت جاي ل جامعة ومريض جاي ع خاطر اﻻمتحان ويتﻻقو عليا زوز وﻻد ع خاطر ماسميتلهمش ف اليوم اللي قبله وانا نضرب وهيا تضرب معاي ف الشباب بشنطة واخرها جابت رشادة وضربت الولد ع راسه
حسام:ههههههههههه ستر ربي ف اليوم اللي بعده انا كنت موجود ف الجامعة ﻻن قريب تﻻقو عليها الشباب وبيديرو فيها حالة هديت الموقف و مشت اﻻمور
هاني:اخخخخ ياحسام اخ ربي يصبرني وخﻻص
حسام:تمشي تمشي اﻻمور
عزيزة متكية جاها اتصال من فيحاء
عزيزة:ها فوفو
فيحاء:عزو شن الجو
عزيزة:تمام
فيحاء:اسمعي بانون كان يكلم فيا
عزيزة:ايه وشن قال
فيحاء:قال انه مش قادر ينساك وانه ماقدرش يتزوج من بعد عزيزة وهوا مستغرب فيك كيف نسيتيه بسهولة هادي وتجوزتي
عزيزة:مانسيتاش انا
فيحاء:المهم هوا قال امه قبل ماتتوفى قتله سامحني ماخليتكش تتجوز اللي تبيها
عزيزة:ايه امه كانت واقفة فيها تبي تجوزه بنت خوها
فيحاء:ايوه بالزبط …. وعلى فكرة كل يوم نلقى فيه تحت روشن دارنا زي قبل
عزيزة:وووه عليا بنهبل انا … عﻻش تقوليلي مفروض ماتقوليليش شن قال….
فيحاء:هوا ايحلف فيا وصليلها كﻻمي
عزيزة:مستاحشاته يافيحاء
فيحاء:ههههههههههههههه
عزيزة:خيرك تضحكي
فيحاء:حتى هوا قالي مستاحشها يافيحاء …. وعلى فكرة هوا يبي يكلمك ضروري
عزيزة:ﻻﻻ مانقدرش انا متزوجة توا افهمي
فيحاء:اوك المهم توا عندي محاضرة يﻻ بباي
عزيزة:اوك باي
ناضت عزيزة فتحت الدوﻻب وطلعت شنطة صغيرة فتحتها وطلعت منها خاتم مكتوب عليه بانون 17-6-2013 … لبساته الخاتم وبكت وطلعت سنسلة ذهب فيها تعليقة على هيئة قلب فتحتها فيها صورتها هاديهالها بانون في عيد ميﻻدها لبستها …
وتلوحت على السرير تبكي وتشد ف اليرغان بيديها وتقول بانووووون والله ماقادرة نعيش من غيرك باهي شن كان في ايدي خيار امك ماكانتش موافقة وامي تبي تجوزني كيف ندير استحشتك بانون من فتحت عيوني عالدنيا انت كنت قدامي ومن عمري 15 العام حبيتك 
بانون انحبك انحبك انحبببببببببك
هاني ل حسام:خﻻص هدا قرار حنقعد على عزيزة
حسام:هدا الصح تعجبني هاني
فترة الظهيرة 12:30 مساء النوفليين مطعم التركي …
احمد:باهي اللي رضيتي علينا و وافقتي نتﻻقو
دنيا:حمودي هدا مش موعد وانت عارف شي هدا
احمد:باهي ياقاسية القلب
االمهم شن الجو
دنيا:قبل ماتهدرز قولي ع عزيزة
احمد:اوكي … هادي ياستي عزيزة كانت عﻻقة بشاب من كانت في العدادي ب ولد جيرانها اسمه حيه مش عارف نسيت
دنيا:غير ادكر حمودي
احمد:بنين بنان …. بانون ايوه
دنيا:تمام
احمد:المهم هوا يحبها ويبيها وحتى هيا تحبه وليوم نجمتها هوا واقف يدق في النوبة ويبكي
دنيا :كيف يدق في النوبة
احمد:متع نوبة هوا
دنيا:هههههههه
احمد:لكن هادي هوايته هو يشتغل موظف في شركة
دنيا:اها تمام
احمد:وتقريبا صارت مشكلة بينه وبين عيلته على خاطرها
دنيا:باهي احكيلي مافيش حاجة هكي واﻻ هكي ف عﻻقتهم
احمد:كيف يعني
غمزت دنيا لأحمد مشي قالها :اها ﻻﻻ مانعرفش المهم هوا يحبها للحظة هادي 12 العام حب …
دنيا:تمام تمام تهبل حمودي انت
احمد:لعيونك بس ياحلوة
سرحت دنيا في كﻻم احمد وقالت فبالها هادي اللي اتحبها ياهاني 12 العام حب شن دراك شن دارت قبل ماتتزوجها ههههه تو نطينلك عيشتك اصبر عليا بس
احمد:وين سرحتي دندون
دنيا :هههه معاك معاك
هيثم:اسمعو اسمعو شن رايكم نسافرو
حسام:امفلس ماعندي حتى قرش
هيثم:هههه صحيت
هاني:كان عندي فلوس راني درت شهر عسل
هيثم:اماﻻ شن رايكم تجو عندي الخميس في اﻻستراحة ونباتو عالجمعة ف نقضو يومين عزوبية
حسام:ايه ايه صح نكسدو
هاني:امممم لكن
هيثم:ماتوقفش فيها ياعكرا
هاني:باهي خﻻص تم
هيثم:تمام معناها غدوة بعد المغرب نمشو ها شنو تم
حسام:تم تم
هاني:تم ياغالي
دنيا:خﻻص هوا داك توا خلي نروح
احمد:خيرك شن قعدتي نص ساعة بس!
دنيا:حنعيدها مرة تانية وعد
احمد:اوكي دندون يﻻ ردي بالك ع روحك
دنيا:سﻻم
ركبت دنيا سيارتها ورجعت للمصرف واتجهت لمكتبها
حسام:هيثم نوض جيبنا اوراق واقﻻم هيثم:نجيبلك طياح سعدك نوض بروحك
حسام:هين ياهيثاموه حراويك
هيثم:ههههههههه
هاني:بالله جيبلي معاك ناقصني اوراق حتى انا
حسام:به نوض انت
هاني:ﻻﻻ ماخاطريش نركب فوق
حسام:به تو نمشي انا
قعمزت دنيا على كرسيهت وقالت :منال منال
منال:هاه
دنيا:قولي شنو
منال:شنو
دنيا:مرت هاني طلعت عﻻقة مع بانون ليها 12 العام
منال:تتسهوكي واﻻه
دنيا:والله بجد
منال:به وشن بديري توا
دنيا:اكيد حنقول لسي هاني
هاني اتكي عالكرسي و غمض عيونه افتك من دوشة حسام و هيثم وادكر عزيزة فخدي نقاله واتصل بيها
هاني:الو
عزيزة:اهلين
هاني:خيره صوتك حبيبي شنو كنتي تبكي ؟؟
عزيزة:ﻻﻻ غير نقشر ف بصل بس
هاني:باهي اتصلت بنقولك استحشتك هلبا … ومااطيبيش حنجيب غداء واتي من برا
عزيزة:اها اوكي حتى انا استحشتك هلبا
هاني:خﻻص خلي البصل محسسني انك تبكي هههه انحبك حبيبي
عزيزة كمدت صوتها المخنوق وقتله:حتى انا نحبك …
هاني:اوكي بجديات مستاحشك هلبا… حبوبي البسي الروب القصير الدانتيل عالون الزهري وقت نروح نبي نشوفك بيه 
عزيزة:ان شاء الله حبيبي …
هاني:اوك سﻻم توا عندي شغل
دنيا ل منال:حنمشي نقوله
منال:استني لنهاية الدوام ياغبية
دنيا:ايه صح صح بش نقوله ونروح طول ههههههه
يتبع ……
لقراءة الجزء التالي : الجزء الحادي عشر من رواية رجل يحببنه الكثير للكاتبة لوزة ليبية
لقراءة الجزء السابق : الجزء التاسع من رواية رجل يحببنه الكثير للكاتبة لوزة ليبية
للإطلاع علي فهرس الاجزاء كاملة : جميع اجزاء رواية رجل يحببنه الكثير كاملة للكاتبة لوزة ليبية
جميع الحقوق محفوظة للكاتبة لوزة ليبية .
