الجزء

الجزء السابع من رواية بحر العشق والظلمات

الجزء السابع من رواية بحر العشق والظلمات

وفي الجزء السابع يا تري من رأيك ماذا سيحدث من مواقف جديدة مع ابطالنا وهل ستكون سعيدة ام حزينة ؟ دعونا نعرف إجابة هذا السؤال في السطور التالية بإذن الله من رواية بحر العشق والظلمات للكاتبة زهرة الشيخ .

الجزء السابع من رواية بحر العشق والظلمات

خش لغرفته 🙄مدايرا روحك فالحه
ريان: تنظم ف الغرفه وتمسح ف الخزانه … اييه 😒
نادر: قعد ع السرير وينحي ف سبيدروه افتحي الكيس هوا وشوفي شن جبتلك
ريان: بأستغراب فتحت الكيس بصوت عالي هيييي مش مصدقه شكرا شكرا نادر
نادر: الاسبوع الجاي تبدي دراسه
ريان:🤭🤭🤭تسلملي
نادر: شن هوا🙄بري بري ديريلي كاسة قهوى
ريان:😑به
اول ماطلعت نادر اتصل ب ميس
ميس: هدا وين فضيتلي
نادر: سادك نكد يابنت الناس
ميس: 😑
نادر: كيف حالك
ميس: تمام شن صار مازال مابطلقها
نادر: شوفي ريان انا مش حنطلقها وانتي اول مانظم موري نجي ندورك
ميس: 🙂لا ماتجيني وانت متزوجها يوم طلقها تعال وخطبني
نادر: معناها منيش جايك
ميس: كييف
نادر: ايه ريان مستحيل نطلقها .
ميس: معناها تحبها وتحبها اكثر مني
نادر: اعقلي
ميس: صكرت في وجهه
نادر: يالله🤦🏻‍♂️
خشت ريان وفي ايدها كاسة القهوه حطتها ع الطاوله .. صحه
نادر:😑صحيتي
.
.
________زهره الشيخ_________♡.
يوم الخميس
عند اهل العريس كان الفرح مش فخم هلبا وكان عباره عن يوم واحد بس
ريان لابسه قفطان احمر فخم وكعب عالي ودارت شعرها فلوو ومحنيه حنة عرايس لاول مره تحني بعد عرسها ونزلت وكل العيون كانو عليها وسلوى وميسس مبيجنن خصوصا ميس نار والعه فها
جود: خييتي سلم مرت خويي تهبببل
ريان: هههه
دعاء: تنادي على ريان رياان
ريان: نعم عمتي ومشتلها
دعاء: ف ايدها البخاره بخري بخري لا يضربوك بعين كلهم يشوضفولك
ريان: ابتسمت🥺🥺ربي مايحرمني منك ياغاليه
دعاء: ولا يحرمني منك بنوتي الصغيره
.
.
.
عند إيناس كان العرس عندهم عباره عن يومين بس وكان بسيط على قد حالهم
إيناس كيف طالعه من الكوافير ف غرفتها ولبست البس التقليدي
ر
حاب: شني جهزتي اهل العريس قريب يوصلو
إيناس: لحظه بس فتحت الدرج وطلعت مذكرتها وصورة امها حطتهم ف الشنطه
شوي وتلمن عليها بنات العيله والجيران يكشكن ويغنن
بعد ربع ساعه وصلو اهل العريس
ولبسو إيناس الكاب وركبت ف السياره
وطول الطريق تتسأل منو هدا لي يسوق بيها زعما هوا لالا هوا
وصلو للفيلا
فتح منذر الباب ل إيناس نزلت من السياره تتمشى بشوي لين وصلت للفيلا وكلهم يشوفولها
منى:🔥
ريان: سلمت عليها وبأبتسامه نورتينا ياعروس
دعاء: وصليها لغرفتها يا ريان
ريان: حاضر
اول ماوصلو للغرفه
ريان فتحتلها الباب ومشت
إيناس خشت وكان حازم قاعد وعلى كرسيه يستنا فها
حازم: نورتي بيتك
إيناس: ماعدش قدرت تصبر بعد ماسمعت الصوت رفعت الكاب وتشوفله بصدمه ماتوقعاته بهدا الجمال
وحازم: حتى هوا تفاجاء بشكلها الجميل تفضلي خودي راحتك
إيناس خشت للحمام ودوشت ولبست قفطانها وطلعت
حازم: يشرب ف عصير تفضلي اقعدي واشرلها ع الكرسي لي مقابله
إيناس قعدت ع الكرسي وهي منزله عيونها ومتحشمه
حازم: بعفويه ارفعي راسك خلي نتعرف على مرتي عارفها غريبه شوي بس عادي تمشي🤣🤣
إيناس ابتسمت ورفعت راسها
حازم: الله يبارك ربي يحفظك
إيناس: ويحفظك ربي
حازم: عارف انه فرحتك مش كامله لاني..
إيناس: قطعاته لا كامله ونا فرحانه لاني تزوجت ولد اغلى انسانه على قلبي بعد امي الله يرحمها
حازم: الله يرحمها ويحفظك إيناس
إيناس:🤭
حازم: يحليلي من ه الخدود وقرب عليها وباسها على راسها
إيناس:في داخلها صدقت امك يوم قالت ولدي حنون وخايفه عليه😍
حازم: هيا خلي نصلو ونرقدو
إيناس: حاضر ..فرشت السجاده وراه وصلا بيها
اول ماكملو طلع حازم كيس ادويته وبدا يشرب
إيناس : مدتله كاسة لميا وقعدت جنبه وشافت ادويته وحفظت توقيتهم
حازم: يشوفلها بفرحه وفي نفس الوقت متمنى تكون منى في مكانها 😊😞
.
.
.
.
________زهره الشيخ_________♡♡
ريان تنحي ف ستسواراتها
نادر : 🙄😁خيرك اليوم
ريان: تنحي ف الحلق خيرنيي
نادر: طالعه حلوه
ريان: 😑ومن قالك اشبح فيا
نادر:🙄برفعت حاجب حلالي عادي نشوفلك وليش لا
ريان: تحشمت ومعاش عرفت شن تقول وحمرو خدودها
نادر:🤣🤣🤣ماقلت شي خلاص
ريان :خشت الحمام وماردت عليه
نادر: عليك قصه وخلاص .
.
.
.
________زهره الشيخ_________♡♡
الصبح
صحى حازم ولقى إيناس راقده سرح في ملامحها شوي
صحت إيناس ولقت حازم كيف بينوض من مكانه ..صباح الخير
حازم: صباح الورد كيف اصبحتي
إيناس: الحمدلله
حازم: تمام هي نوضي صلي ماحبيتش اني نوضك الفجر واضح عليك التعب
إيناس: ابتسمت حاضر
الباب طق طق طق
حازم: تحرك بكرسيه لين وصل للباب وفتحه
جود: يسعد صباحك خيوو
حازم بأبتسامه وصباحك كتكوته شاف لسفره وين ه الحركات ع الصبح
جود: ماتفرحش هلبا اليوم بس قلت خلي ندلع مرت خيو
حازم:خزي خشي به
جود: خشت حطت السفره وطلعت
طلعت إيناس وصلت وبدلت وساوت شعرها
حازم: ياسرك جعت
إيناس: 😁اسفه
حازم: هيا تعالي نفطرو
إيناس: قعدت جنبه ويفطرو
وحازم مره مره يشوفلها 🥰
.
.
.
.
________زهره الشيخ_________♡♡
ريان بدلت لبست قميص ابيض وسروال جينز اسود ووشاح
تنوض في نادر …نااادر اصحى هيا مش قلت بترفعني للمدرسه
نادر: افففف انا شن درت في حياتي بسس هيا هيي وناض خش للحمام ..
ريان: هيا ناادر
طلع نادر: ياسرك دوشه ع الصبح خلي نفطر قبل
ريان: لا ساعه 8 اصلا تأخرت افطر برا
نادر: به بيطلع من الغرفه رجع مره تانيه .. رفع حاجبه ان شالله ماشيه بهدا المنظر🥺
ريان: ايه شن فها يعني؟
نادر: مافيش طلعه بهدي اللبسه بري البسي عبايه
ريان: ناادر بللهي
نادر: البسي عبايه قبل لا نقولك تلبسي حتى خمار
ريان: ب به باهي خلاص ومشت تجري تبدل
ونادر يضحك ع حركاتها الطفوليه
بعد كم دقيقه
ريان:هيا
نادر: يشوفلها من فوق للوطه دخلي شعرك
ريان: اففففف تكنطت معاش بنمشي نا اصلا بتمشي ..
نادر: مسكها من ايدها اتبتي وقعد يساويلها ف وشاحها…ايواا هكي هيا
ريان: من داخلها ميته من الضحك😑
طلعو ركبو ف سياره وطول الطريق كان في حد يراقب فيهم ..
وصلو للمدرسه
نادر: انزلي هي
ريان:بخوف بتنزل معاي
نادر: اي هي
نزلو مع بعض وكل البنات يشوفولها بأستغراب ! ويتسألو؟
احمد: ايوا
….: نادر توا كيف وصل ريان للمدرسه
احمد: قصدك ريان قاعده داوم ؟
……: ؟ اكيد
احمد: تمام انته خليك مراقبه لين انا نتصل بيك
…: تمام
احمد:🔥
سلوى: تعبت من شغل البيت الحق معاش نتحمل
منير:🙄 فمن تكلمي
سلوى: فييك انا ماني في وضع شغل البيت توا بدل ما نرتاح لا انا نشتغل والعرايس الجدد الي ماشيه لمدرستها ولي مارينا وجها اصلا
منير:يتصفح ع النت لا غايتك مرت حازم لي امس بس جايا هي لي تشتغل تحملي ه الاسبوع وتو يبدو يساعدوك وبعدين جود معاك يعني ارتاحي شوي
سلوى:🔥
منير:🙄
ريان ف المدرسه فرحانه برجعتها للمدرسه
لين جا وقت المرواح اتصلت ب نادر
نادر: كملتي
ريان: ايه
نادر: هي جايك
وقفت ومعاها بنتين التفتت جت عينها بعين احمد 🔥
احمد: يشوفلها وفي قلبه الف كلمه وكسره ..
ريان: قلبها بدا يدق بقوه حباً او خوفا من نادر ؟
احمد كل شوي يزيد يقرب من الباب
ريان: تبلع في ريقها وعاودت اتصلت ب نادر
رد علها نادر…. ايوا اطلعي نا برا
طلعت ريان بسرررعه ومن غير ما تلتفت لي احمد
احمد: في داخله لهدرجه تغيرتي عليا وكرهتيني يا ريان 💔
ركبت ريان ف السياره وكان وجها مايتفسرش..
نادر: 🙄خيرك
ريان: بخوف ش شي
نادر: اممم به
________زهره الشيخ_________♡♡
إيناس بدلت تعطرر..
حازم: لوين
إيناس: هي خلي ننزلو عند عمتي
حازم: تمام هي
إيناس: ساعداته لين نزلو
دعاء: صباح الخير
إيناس: بأبتسامه وفرح صباح النور
دعاء: كيفكم وكيفك اليوم حازم
حازم: الحمدلله احسن
دعاء: سلوى بنتي جيبي لعروستنا شن تشرب
سلوى😒اا
إيناس: قاطعتها لالا ياعمتي تو كيف شربت عصير
دعاء: باهي صحه
نادر وريان كيف خشو
ريان: اول ماشافت إيناس ابتسمت صباحيتك مباركه
إيناس:😊
نادر: وينه حازم
جود: ف المربوعه
دعاء: كيف كانو اجواء المدرسه
ريان:يهبللل تلاقيت بصاحباتي
إيناس: سنه كم تقريى
ريان: اولى ثانوي
إيناس: اها صغيره مازال
ريان:😊😁
سلوى: 😒🔥
حازم: وين من الصبح
نادر:يشرب ف قهوى وصلت ريان لثانويه
حازم: اها شن صار مع ميس
نادر:😑😑😑فتها .
حازم: كيف😳
نادر:🔥
يتبع ……

لقراءة الجزء التالي : الجزء الثامن من رواية بحر العشق والظلمات

لقراءة الجزء السابق : الجزء السادس من رواية بحر العشق والظلمات

للإطلاع علي فهرس اجزاء الرواية : جميع روابط رواية بحر العشق والظلمات للكاتبة زهرة الشيخ

جميع الحقوق محفوظة للكاتبة زهرة الشيخ .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى