وفي الجزء الرابع من رواية نبضات قلب دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة ميشو محمد .
الجزء الرابع من رواية نبضات قلب
بعد ماتعشو باشميل وشربه وبيتزا من ايديات تسنيم 
روحت مع ادهم وكانت الغيرة تاكل فها 
اول ماوصلت للحوش كان حوش ادهم ف نفس الشارع متع حوش امه بينتهم حوشين بس تقريبا ووصلو نزلت تسنيم ساكته وقربعت الباب متع السيارة ادهم مستغرب من حركتها
تسنيم فتحت الباب وخشت تجري خدت توتة حمراء وبيضا قطنيه
ادهم ضحك:خيرها هادي.وفتح الباب وخش لصالة ولع تلفزيون
تسنيم تحت الدوش:طلع يحب بنت خالته رويدا .طلعت مشطت شعرها المشط الحراري وصار حرررير ومع مكياج خفيف وروج وتوتة وطلعت لصالة
تسنيم:ادهمم
ادهم يقلب ف القنوات:نبضه
تسنيم قعمزت:كساد تعلا نلعبوو لعبه
ادهم شافله :حتى دار للنوم تستقبل عادي راه
:حتى دار للنوم تستقبل عادي راهتسنيم تعصبت حدفت عليه الوساده:نلعوو بس وهني ف الصاله
ادهم ضحك:باهي بنتي شن نلعبو
تسنيم:ادهم حبيبي انت ماتكدبش عليا بنلعبوو تحدي وصراحه
ادهم:اوكي انت الاولى اختاري
تسنيم:تحددددي اني نحب التحدي
ادهم ابتسم بخبت:نقولك ع التحدي
تسنيم عقدت حواجبها:لااا يا بابا تكلم من مكانك
ادهم شافها بتحدي:تسنننيم انتي قلتي تحدي تعالي
تسنيم وقفت بخجل وتقرب لجهته بعدت خصلة من وجها وراى ودنها بخجل
تسنيم:شنو التحدي ياراجلي
ادهم بعد شعرها وراى ضهرها:امممم التحدي مانعرفش شنو
تسنيم بعدت وفتحت عيونها
ادهم يضحك
تسنيم قعمزت ف مكانها متعصبه:هيييا تحدي او صراحه
ادهم:تحدي 
تسنيم تقول مع روحها.ياربي اني نلعب معاه لاني نبيه يصرحني بموضوع رويدا وهو يختار ف التحدي اوووووف:ادههمم حبيبي ياقلبي انت نبيك تختار صراحه
ادهم:تحدددي
تسنيم:ادددهم
ادهم ابتسم بضحكه كيف متعصبه:تحددي
تسنيم ناضت بغيظ: العب بروحك ومعادش تكلمني ومعادش مرتك اني وانت غشاش .وجت بتمشي
ادهم فكها ضحكككه لسمي
بعدين لحقها تسنيم ف السرير متغطيه كلللها حتى وجها ادهم جنبها
ادهم:خيييرها سومتي سومه بنتي
تسنيم ساكتها
ادهم قرب ويحاول يجبد البطانيه من وجها:هيا سومتي خلاص قوليلي خيرك
ادهم ايده ع ضهرها حسها تبكي وتشهق:تسنيم بلا كدب تبكي حق وريني ترا.وجبد البطانيه
تسنيم غطت وجها ف الوساده وكانت تبكي حق 
ادهم بجديه:تسنيم اسف يامرتي شوفيني وحق ربي نلعب معاك لكن شوفيني
تسنيم:باهي لف وجهك غادي
ادهم قعمز ع حافت السرير ولف وجها وعطها بضهره
تسنيم مسحت دموعها ماتبيشي يشوفها:توا لف وجهك ليا
ادهم لف وجها وايدها ع خدودها:تسنيم كنتي تبكي ع شان لعبه
تسنيم بشهقه:مش ع شان لعبه عشان سؤال
ادهم:سؤال؟
تسنيم غيرت رايها متبيش تساله نزلت ايديه من خدها:ادهم مش انت راجلي وحبيبي
ادهم ابتسم وغمزاااته :اييييي
:ايييييتسنيم تغير ف الموضوع:لم حني بيجونا ولاااد مني بتحب انييي او…قاطعها
ادهم جبدها فوقها:ام ولادي اكيد
تسنيم فوقه: نموووت فيك اني
ادهم جبدها جنبه وجبد البطانيه فوقهم (هووووب هوووب ياسر الى هني )
)ف مكان تاني
رويدا فوق سريرها:اني حبيته وهو حبني والى اليوم نحبه يانور
نور اختها الكبيرة:لكن هو تزوووج افهمممي
رويدا:حببيبتي حني زوز بنات برواحنا وبابا ميت يعني ف عرسك انتي الاسبوع الجاي رح يعول ادهم ولد خالتك وولاد عمامك بس واني عندي اسبوووع تام نقدر نخليه يحبني
نور:ولللهي انتي وشطارتك
تاني يوم
ترررن تررررن
ادهم:ايوووه يما
يمنى:الووو اسمع اتصلت خالتك وعزماتك ع عرس نور وقتلك تعالى عاونها اليوم وجيب مرتك
ادهم:ااهااا انتي بتمشي نجيك نرفعك
يمنى:اي وجيب مرتك تعاونا
ادهم:تو نشووف
يمنى:ماشي سلام.وصكرت الخط
تسنيم طلعت من الدوش
ادهم: تسنيم تعرفها خالتي يسرا لعندها زوز بنات رويدا ونور
تسنيم:اي نعرفها
ادهم:الاسبوع هدا عرس بنتها وتبي تجهز وامي بتمشي تبيك تمشي معها تمشي
تسنيم بفرح:رووويدا
ادهم:لا نور رويدا مزال صغيرة
تسنيم:مصحح وجهك رويدا ياحبيبي اكبر مني بخمسه سنين شن مزال صغيرة
ادهم:خيرك مندفعه انتي مالنا ومالها
تسنيم ابتسمت:لاشيي
ادهم:بتشمييي؟؟
تسنيم:لالا وانت؟
ادهم طالع:بنرفع امي اني سلاام
تسنيم:سلامات
وتصكر الباب
تسنيم:وقتتته توا هدا ااووووف
رويدا لابسه تيشرت اسود رقبته ووووواسعه تبين ف صدرها وسروال جينز ازرق…وتستنا ف خالتها يمنى وادهم
وسروال جينز ازرق…وتستنا ف خالتها يمنى وادهمادهم وصل امه:يماا اسمعي انزلي انتي بس اني مش رح ننزل عندي خدمه ولو ف حاجه تبوني نديرها اتصلي بيا
يمنى:باهي سلام.ونزلت وادهم طلع 
رويدا سلمت ع يمنى:شنو وين كنتك
يمنى:مرة تانيه نجيبها
رويدا:ااهااا وادهم
يمنى:ادهم وصلني ومشي عنده خدمه
رويدا بصحت وجه:وخيره ماينزلش يسلم
يمنى خشت معاها وسلمت
تسنيم مللت ف الحوش بروحها فتحت نت وبعدين ناضت دارت كيكه بمناسبة زوجها صكر شهر
تسنيم:من الكساد وحده ادير كيكه بمناسبة زواجها صكر شهر يلااا عادي
ف اليل رجع ادهم من الخدمه واتصل بـ امه
ادهم:ايوووه يماا نجييك
يمنى:اي تعالى
ادهم:تمام.وصكر الخط وبعدين دار رنه وطلعت امه
ف الحوش رجع ادهم وضييي كله مطفي
ادهم:تسنيم .وولع ضي الحوش ..تسنيييم معقولا راقده وقرب فتح دار النوم
شاف الكيكه قدامه
ادهم ضحك:ياغبيه وينك
تسنيم من وراه مدت ايدها غمضتله عيونه لكن كان اطول منها
ادهم تلفت
تسنيم لابسة روب ابيض:شووف التارييخ
ادهم يتلامس ف خدودها ف الممر:خيره التاريخ
تسنيم بتتكلم
ادهم قامها وطلع الهاتف:اووو اليوم انتي ليا من شهر
تسنيم ابتسمت:اممم
تاني يوم
رويدا:يمااا اتصلي بها بللهي علليك
يسرا امها:خلوها ع راحتها
رويدا:يماااا
يسرا خدت الهاتف: باااهي
يسرا:الووو صباح الخير
ادهم:اهلا ياخالتي صباح النور
يسرا:كيف حالك وحال مرتك
ادهم:والله كويسين الحمدلله شن اخبارك مبروك ع نور
يسرا:يبارك فيك ياربي ادهم سلم ولدي نبيك توصيلي ع خيمه وسرااب اليوم
ادهم:حاظر ياخالتي اي حاجه تانيه
يسرا:البنات قالولك جيب تسنيم معاك اليوم خلها تهدرز
ادهم:حاظر تو نقوللها
يسرا:باهي صحيت هي سلام.وصكرت الخط
ادهم كانن راقد شاف تسنيم:صباح الخير ياقلبي
شاف تسنيم:صباح الخير ياقلبيتسنيم:صباح النور
ادهم يلعب بشعرها: قتلي خالتي جيب مرتك عيب تسنيم نوضي البسي ولو نعجبكش جوهم نرجعك بعد العصر هني
تسنيم:تمام ياراجلي
وبعد دوش تسنيم لبسة قفطان بسيط اسود ومنقط ابيض وفيه حزام احمر حلوو طويل ومستور
ادهم وصلهم لحوش خالته يسرا…يمنى وتسنيم خشوو وكان حوشهم اكتريته بنات وسلموو
رويدا جتهم وسلمت عليهم 
رويدا لابسة سروال ابيض ع تيشرت وردي
رويدا قعمزت جنب تسنيم: شن اخبارك
تسنيم ابتسمت:تمام الحمدلله بخير
رويدا: نحس فيك صغيرة ع الزواج ماليد كم انتي
تسنيم: مواليد 2000
رويدا:اااهاا اي صغيرة ع ادهم واصلا انتي ماتعرفيشي كويس ادهم
تسنيم بتحدي:كنت مانعرفاش لكن توا نعرفه
رويدا ناضت من جنبها بغرور ومتعصبه
تسنيم تشوفلها بكره وتتكلم مع روحها:مرررض اسلوبها اتفه منها الكلبه وتلكح ع اساس تعرف ادهم وجو
بعد الطهر جي ادهم ومعاه عمال وركبو الخيمه وبعد ماركبوو الخيمه رويدا تسمع ف تسينم
رويدا وع ودنها الهاتف:صحيت ادهم
ادهم:سلمك.وصكر الخط
رويدا تعقدت لم صكر الخط:اااه ههههههه
تسنيم ناضت المطبخ بتشرب ولمحة ادهم من الشباك طلعتله
ادهم:خيرك تبي حاجه
تسنيم ابتسمت وف ايدها ميه:خود ميه حبيبي
ادهم ابتسم وشرب:صحيتي ياقلبي
تسنيم:صحتين
ادهم ابتسم:ع قلبك
تسنيم:عندك خدمه توا
ادهم:لالا قعد حني بنركب السراب متع الضي
تسنيم:رد بالك ادهم
ادهم:غيرتي جو هني
تسنيم:لالا عادي اصلا بنات خلاتك محبتهمش
ادهم ضحك:المهم حبيتيني اني شن تبي فيهم هما وبعدين مش ضروري
تسنيم:صح يلا باي اني بنخش
ادهم دارلها باي بيده وهو مبتسم
تسنيم خش رجعت الكوب لمكانه وتفاجأة برويدا كانت واقفه وتتفرج عليهم
رويدا:خيرك تبي حاجه
تسنيم ابتسمت:لا شي عطيت لـ ادهم يشرب بس.وطلعت من المطبخ
رويدا بعصبيه:يعني عرفتني نكدب لم كنت نتكلم مع ادهم ع الهاتف اووووووف
تسنيم فرحانه ومقعمزه
تتبع 
لقراءة الجزء التالي : الجزء الخامس من رواية نبضات قلب
لقراءة الجزء السابق : الجزء الثالث من رواية نبضات قلب
للإطلاع علي فهرس اجزاء الرواية : رواية نبضات قلب ( جميع الاجزاء كاملة ) للكاتبة ميشو محمد
جميع حقوق الرواية محفوظة للكاتبة ميشو محمد .
