وفي الجزء الرابع والعشرون من رواية إمرأة بلا هوية دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة بت محمد جمال الدين .
الجزء الرابع والعشرون من رواية إمرأة بلا هوية
صحت رهف من النوم بدري وحست بالوحده لا اهل جو يقيفو معاها رقم انهم عارفين العقد ولا اخت ولا صحبه الا بس خالتو حليمه م قصرت مشت حجزت ليها في مركز تجميل مشهور وبعد تحنيس حتي وافقو يجهزوها عشان الوقت ضيق وطلبت منهم رهف تجهيز عروس كامل……
خطاب طلب من مهن يودي رهف الكوافير لانو ح يمشي للمحامي ويبدا اجراءات تسجيل الشقه بصوره رسميه ..
رهف لبست عبايه سوداء جميله وطلعت عشان تركب مع مهند بس لمحت وحده جايه من بعيد نزلتها امجاد ،،،، بعد قربت منها رهف صرخت : الاءاااااا 
وجرت حضنتها وبقو يبكو الاتنين مساااافه لحدي م جا عم طه وحليمه مخلوعين بصوت البكي ،،،،
حليمه عيونها دمعت لما شافت المنظر وقالت في حنان : موش قلت ليك انتي قلبك ابيض ربنا بسخر ليك اولاد الحلال… ربنا م يحرمكم من بعض تاني يابناتي
الاء وهي بتمسح في دموعها : م بنفع اسيبك براك يوم فرحك… انا آسفه حبيبه قلبي 
حقك علي… الشيطان شاطر و
قاطعتها رهف في ابتسام : ولا شاطر ولا بقدر يفرقنا ح نبقي افضل من الاول 
الاء : حسام بجي بعدين العقد 
رهف حضنتها تاني وهي بتقول : عقبالكم حبيبتي 
حسام طيب وبحبك…
الاء : آمين يارب
مهند نزل من العربيه وهو بقول : لسه عليكم شويه ؟
رهف في فرح : لا لا خلاص يلا الويه
مهند وصلهم مركز التجميل ومشي يلاقي خطاب في مكتب المحامي بس اتخلع لما شاف وش خطاب كلو دم وجري ناحيته وصرخ : خطاب مالك جاتك النوبه للمره التانيه يلا نقابل الدكتور 
خطاب بعد غسل وشو : انا كويس م تخلي قلبك رهيف كدا بعدين انا قابلت الدكتور وطمني علي وضعي ،،، نحن اتعودنا علي الحالات دي م تخاف ،،،
سكت حبه وبعدها : المحامي حصلت ليهو ظروف وسافر البلد ،،، عوارض عجيبه كنت عايز اخلص من الموضوع دا اليوم ،،،
مهند خاف علي خطاب جدا النزيف الحصل ليهو بالاضافه للشحوب الكاسي وشو .
عم طه جاب صاله متحركه وقام باللازم كله حتي المأذون اتفق معاه علي الساعه خمسه مساء…. وكمان
اتفق مع مطعم كبير يجهز ليه اطباق كوكتيل فاخره وبيبسي علب….
خطاب مشي الصالون وظبط نفسه علي الاخر ولما الساعه اربعه جات مشي مركز التجميل عشان يجيب العروسه ،،، مهند مشي عشان يجهز نفسه ،،،
خطاب لما رهف جات طالعه اتسمر مكانه وبقي متنح فيها كانت آيه في الروعه والسحر،،،، لابسه توب لونو طيني مشغول بالاحمر في الصدر واللفحه ومعاه جزمه بالاحمر بالاضافه للاكسسوار ،،،،،،
خطاب قرب منها وحضنها في حنان وباسها في جبينها وقال : مبروووك حبيبي 
ربنا يخليك لي ويحفظك يا نور عيوني
رهف في خجل : آمين يارب 
حسام من وراهم : احم شنو ي جماعه الحب نأجلو شويه الناس منتظره 
خطاب وهو م شال عينه من رهف : اعمل شنو ؟ البنوته دي مكسراني وم مصدق انها ح تبقي لي،،، ملكي للابد…
حسام : ربنا بسعدكم يلا نمشي المأذون منتظر،،،،،
خطاب بقي يتلفت وقال : وين مهند مافي عقد بدونه ،،، بعمل في شنو اصلو ؟ رهف جهزت قبله 
كريم واهله جو العقد وكريم كان وكيل رهف وعم خطاب كان وكيله الجميع مبسوطين شديد وحليمه صوتها ضاع بالزغاريد بس مهند م وصل وخطاب قال م بعقد بدونه……
اشجان اتصلت علي ميناس : مالك اتأخرتي الناس ديل مستعجلين ح يعقدو بعد شويه اتصلت عليك م رديتي
ميناس بصوت يائس : انا قربت اصلكم خلاص 
قفلت اشجان وجرت قعدت جنب رهف وهي ميته من الغيظ ومتابعه خطاب بي نظراتها في اي محل…
بعد الناس هدت شويه جا مهند ومد لي رهف علبه انيقه وقال : قدرك عالي هديه م قدر المقام بس حبيت اعبر عن فرحتي بي زواجك انتي وخطاب اخوي الما ولدتو امي …
شكرته رهف وفتحت العلبه وكانت عباره عن سلسال راقي وانيق ،،،،
فجأة سمعو صوت جوطه بره وبعد شويه جات داخله ميناس وعاينت ليهم في كره وقالت لي رهف: فاكره نفسك انتصرتي علي ؟ انتي خربتي بيت…… وم بتتعوضي ،،،، ان شاء تضوقي نفس الضقتو 
لانك خاينه وشلابه وحقيره وسمعتك في الحضيض ،،، في النهايه مصيرو يرجع لي وح تخسري نفسك اكتر واكتر…… وتفتشي لي البلمك وم تلقي ،،لانك هامله وم عندك اهل…
خطاب مسكها من يدها وطلعها بره ورهف دخلت الغرفه وقفلت عليها وبقت تبكي…..
مهند دق ليها الباب عشان تفتح بس رفضت …..
مهند فتش علي خطاب م لقاه والناس قاعده منتظره العقد …
خطاب اضطر يودي ميناس البيت عشان كانت محطمه ومنهاره روضه اول م شافت لونو شاحب وعيونو متعبه سألتو في قلق وخوف : مالك يا ولدي حاسي بي حاجه؟؟؟ الفقر رهف عملت فيك شنو يا حبيب روحي؟
خطاب : لا شويه تعب بس في عريس بكون حاسي بي حاجه غير السعاده ؟ روضه : ربنا يجعل فيه خير ليك امشي بعد دا ألحق رهف بتكون زعلت وانا بطلع فوق اقيف مع ميناس الله يتولاها بي رحمته
الجميع مشي وفضل بس مهند ورهف ،،،
خطاب ركب امجاد لانو جا بي عربيته ميناس ،،،
رهف بتبكي في الهول والاء نايمه جنبها ومهند يدخل ويمرق لحدي م خطاب جا داخل وسأله في ضيق : بالغت عديل كدا الوقت اتأخر وم قدرت اقعد الناس والمأذون اكتر من كدا
خطاب : آسف بس وجود ميناس في اي محل بخرب اي شي ،،،
مشي قعد قريب من رهف واعتذر ليها وبعدها قال : كويس انو العقد م تم الليله لانو مهرك لسه م اندفع رهف في حزن : انا م عايزه حاجه من الدنيا دي غيرك ،،، انا بحبك ولما قبلت اتزوجك م عشان حاجه غير حبي ليك عايزاك سند للزمن الطاغي ،،،
خطاب : دي هديه بسيطه واذا عايزه م تشوفي وشي تاني ارفضيها ،،، انتي ح تبقي مرتي علي سنه الله ورسوله بعدين الدنيا م معروفه مافي زول ضامن بكره يحصل شنو ؟ يعني نقعد انا وانتي عند عم طه ولا قصدك شنو؟
سكت خطاب مسافه وهو بتأمل فيها وبعدها قال : ماشاء الله حتي وانتي بتبكي رائعه لو طلعتي معاي بالمنظر دا معناه كل يوم بضرب لي زول ويودوني القسم
رهف في خجل : مجنووون انت ربنا رماني في راجل مجنون
خطاب : طلعي التوب دا معسمه بيه من الصباح م مضايقك ؟
رهف : بعدين بغير
خطاب : عليك الله نفسي اشوفك بالفستان
رهف : خطاب !! مستحيل… يلا بعد دا امشي البيت…
خطاب : م عندي بيت غيرك انتي وطني
رهف في رجاء : حبيبي عليك الله انا تعبانه والله امشي عشان عايزه انوم والا
خطاب : اها… والا شنو؟ جابت ليها تهديد كمان ؟
رهف : ح امشي انوم مع ناس عمو طه…
خطاب قام علي حيلو وجر التوب منها وهي بتضحك وتقول بصوت عالي : خطاب !! 
براحه بتشرط التوب مثبت بي بروش بعدين الاء نايمه جوه وصحبك بره … خلاااااص طيب ح اطلعو برااي…
خطاب بعد طلع منها التوب قال : انا ح اسوقك انتي ومعانا مهند اصحي المأذون من النوم يعقد لينا
رهف : خطاب
خطاب في حنان : عيون خطاب 
رهف : بطل جنون امشي انا تعبانه عايزه
انوم
مهند بتقلب في السرير م جاييه نوم بعدها قام عمل لي نفسه كبايه اوڤلتين وجا قعد في الهول وفتح التلفزيون بقي يحضر في كوره ونام في الكنبه لحدي الصباح…
رهف صحت مخلوعه من النوم وبقت تبكي وتضرخ : خطاب خطااب 
الاء قامت مخلوعه : رهف قولي بسم الله ،،، يظهر انك بتحلمي ،،،،،
رهف مدت ليها التلفون وطلبت منها تتصل ليها بي خطاب ،،،،
رد خطاب بصوت منخفض وواضح عليه الاعياء : آسف حبيبي كنت تعبان شويه اسي بجيك ونمشي المحامي اتنازل ليك عن الشقه بيع وشراء وبعدها نعقد و بكره ح نسافر انقره ومن هناك اشتري ليك شيلتك وافرش ليك البيت من ماليزيا و
قطع خطاب كلامه بي صرخه قويه وماسك الجهة الشمال قصاد القلب : آآآآه
رهف : خطاب مالك حبيبي ؟
فجاأه سكت خطاب وصرخت رهف :خطاب مالك حبيبي ؟ خطاااااااااب 
————————————–
———————
*☆إمتناني *
*☆بت محمد جمال الدين☆*
*☆يتبــــــــــــــــــــــــــــــــــــــــــــع☆*
لقراءة الجزء التالي : الجزء الخامس والعشرون من رواية إمرأة بلا هوية
لقراءة الجزء السابق : الجزء الثالث والعشرون من رواية إمرأة بلا هوية
للإطلاع علي فهرس اجزاء الرواية : رواية إمرأة بلا هوية ( جميع الأجزاء كاملة ) للكاتبة بت محمد جمال الدين
جميع حقوق الرواية محفوظة للكاتبة بت محمد جمال
