الجزء

الجزء العاشر من رواية عالمي

الجزء العاشر من رواية عالمي

وفي الجزء العاشر من رواية عالمي دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة بنان عماد ، قراءة حلوة بإذن الله للجزء .

الجزء العاشر من رواية عالمي

صح ان بنان م اتكلمت ولا قالت لي انا موجوعه بس كان باين ف دموعها البتنزل بغزاره انا اكتر وحده عارفه حياه بنان ولا اقول انا الوحيده العارفه حياه بنان انا اليوم فت ضعفها الاختفا من حبت بدر طيب هل بدر حيتنازل عنها انا شايله همها وخايفه تخسر بدر وتخسر نفسها لمن كانت بتبكي كنت بحس بغرز في قلبي بحس بي سهم قسمو انا ك امنيه م بحب اشوف بنان بضعف د اتصلت لي منيه ورحمة يجيبو لي غيار م بقدر اخلي بنان كده مف زول عارف غيري وقلت ليهم تعبانه شويه قالو لي بتكون حامل بنان في اللحظه د بقت تقح لمن وشها حمر ودموعها جرو غصب عنها وعيونها حمرو جرت الحمام بقت تقح لمن استفرغت قالو لي ياهو الحمل زاتو قلت ليهم متشكره للهدوم قالو لي يلا ومشو انا بقيت بسمع انين بنان ف الحمام حتى م انتبهت لي بدر الدخل بخلعه وبقا يدق ف الباب حق الحمام وبقول بنان افتحي افتحي مش وعدتيني تبكي ف حضني بس بنان اطلعي بعد لبست قلت ليه بدر قال لي امنيه انتي هنا؟ الظاهر انه من الخلعه م شافني قال لي بنان مالا سكت وغلبني وخوفو ضهر ف ملامحو بنان مرقت ومنزله راسه لمن شافها طلع بسرعه وشكلو كان متوتر فهمت أنه كان عاوز يحضنها بس لاحظ لي دخلت الغرفه البعيده عن غرفتهم وخليتهم لحالهم مشيت صليت بسرعه وبقيت ادعي وابكي عشان يسهل لي بنان وم يتشاكلو ولا يحصل حاجه بس صدمني لمن…
——————————
لمن شفت بنان بي حالتها دي بقيت مقلق وللحظه كنت حديها كف عشان تتكلم طلعت بسرعه وبقيت منتظر تجي بس م جات لمن غلبني جيت لقيتها ماف بقيت افتش عليها لمن سمعت صوت زول ببكي فتحت البلكونه شفت بنان قاعده ف الزوايه وعاضه يدها وتبكي كأنها م عاوزه زول يعرف انها بتبكي م حسيت الا وانا جاريها وحضنتها قوي وهي بتبكي وتقول زح مني زح💔وبتبكي بطريقه هستريه دخلتها وقلت ليها تتكلمي ولا اتصرف معاك م ممكن معاك تقلقيني كده ينفع كده ي استاذه؟ قولي ي شيخه ف شنو عشان انا اقلق ومشيتي المستشفى ليهه وريني يلا فكتني وقالت وهي دموعا بنزلو مرتك ي بدر مريضه بالكلاميديا عرفت مالي؟ يلا طلقني يلا اصلا عارفه النهايه شنو انت حتتخلي عني وتتطلقني اكيد ما هو اكيد انت بعد عرفت اا وبقيت تبكي بطريقه هستريه كنت مصدوم شديد من كلامها يعني انا م حأكون اب؟ دقيقه راسي شطب وبقيت م قادر انطق حرف زي الانشليت انا بدر كنت عاوز ولد يشيل اسمي وبت ابقي مهندسه واعمل ليها شركه بدمي لو عاوزه عاوز ادلعهم واميزهم واسمع بابا اليوم مرتي تقول انها عقيمه وكل امنياتي د سراب قلت ليها ب بنان ااا انتي متأكده قالت لي د الفحوصات وادتني لمن شفتها….

——————————
لمن رحمه ومنيه جو بقو يزغرتو انا استغربت جدا هم مشو لي بنان طيب رجعو بزغرتو لي م اشتغلت بالموضوع بس سمعت رحمه بتقول بنان حامل ي امي انا وقتها م كان فارق معاي نهاي كانو شعور هوا ساي لأني اتعذبت كتير منها حدي خلاص رحمه عاينت لي ضحكت قلت ليها ف شنو قالت لي يامن انت كويس؟ قلت ليها الحمد لله وقمت مشيت منها وطلعت الشغل بقيت شغال شايف عبد السلام جا ومعاهو….
——————————
ممكن اقول غزل احلي حاجه حصلت ف حياتي غيرتها تغير واضح بقيت مدمن ليها وفي نفس الوقت يخاف الله فيها م بلمسها نهاي ولا بقرب منها كلامي معاها ف حدود حتى لمن تجي بنزل راسي احترام ليها عشان اقدرها واوريها قيمتها غزل اخخ ي غزلي م عارفه عملتي في عبد السلام شنو ياخ انا لمن اشوفها زعلانه م بستحمل هي والباقي هين بتزكر وانا قاعد بفكر فيها جاتني خاطره.. وقعتُ بك ،بكامل اِنتباهي🌎❤️فتحت الواتس وختيتها استوري تمت خمسه دقايق استلمت رساله منها #ممكن تقول بختها بجد ي عبد السلام بختها الوقعت بيها قلت ليها غزل اديني رقم خالك قالت لي ليه؟ قلت ليها م تسأليني ويلا منتظرك رسلتو وهي خايفه قلت ليها م تخافي ودقيت وقتي لي خالها بعد السلام قلت ليها معاك عبد السلام محمود صاحب عبد المجيد قال لي ي اهلين عرفتك اي مرحب كيف الاخبار واهلك قلت ليه كلو تمام الحمد لله كنت متوتر بس اتذكر الموضوع بخص غزل طوالي قلت ليه ي خال انا داقي ليك لي خير قال لي اتفضل قلت ليه الموضوع م بتقال بي التلفون قال لي خلاص انا قدام مطعم تجيني قلت ليه تمام الاسم شنو قال لي.. قلت ليه المطعم الشغال فيه اخوي طيب يلا قفلت ومشيت المطعم بعد سلام الرجال دخلنا قلت ليه كيف الحال….

*_-_-_-_-_-_-_-_-_-_-_-_-_-*

*وتظن إن الأمر بات في طي النسيان وتبكي لا حيلة لك وتكتم في قلبك حاجتك وتمضي مثقلا بكسورك والله يرعى قلبك وشروخه ودعوتك ويدبر لك فرحتك و ما ظننته نسيا منسيا سيأتيك قريبا لتعلم “وَمَا كَانَ رَبُّكَ نَسِيًّا”*
*ويهتف قلبك” إِنَّهُ كَانَ وَعْدُهُ مَأْتِيًّا “💜*
*☆اشوفكم🖤☆*
*☆bnan☆*
————————————–
———————
*☆يتبــــــــــــــــــــــــــــــــــــــــــــع☆☆*

لقراءة الجزء التالي : الجزء الحادي عشر من رواية عالمي

لقراءة الجزء السابق : الجزء التاسع من رواية عالمي

للإطلاع علي فهرس اجزاء الرواية : رواية عالمي ( جميع الاجزاء كاملة ) للكاتبة بنان عماد

جميع حقوق الرواية محفوظة للكاتبة بنان عماد .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى