الجزء الحادي عشر من رواية متعصب واحببته

وفي الجزء الحادي عشر يا تري هل سيكون هناك مفاجآة من نوع خاص ستحدث مع ابطالنا ام ستسير الأمور علي ما يرام وحسب الحبكة الخاصة بالرواية ؟ كل هذا وأكثر سنعرفه في السطور التالية من رواية متعصب واحببته .

الجزء الحادي عشر من رواية متعصب واحببته

جود≈مش قتلك نحنا صاحبات يعني اي حاجة تبيها نديرها ليك

لمار ≈باستها ع خدها ..شكرا

جود≈ هههه هيا نمشو

لمار ≈ هيا

عند زياد مع الشباب

وليد≈معصب ..زياد يسدك شرب بتقتل روحك ولا شنو!!

زيمباشر ش واعي.. خليني نشرب من فلوس بوك نا

وليد≈ لاحول ولاقوة الا بالله

زيدان≈ خليه انت خيرك خليه يشرب وينسى.. غدوا فيه سهرة مليحة في شاليه سالم جايب مزز ع اخير آآه

وليد≈ هذا مادام تنصحى هكي تزيد فيه خيرك

زيدان≈ مش واعي..لا شي راسي يوجع فيا توا ناخد مسهل يمشي الحال.. قول سبولة

وليد≈ مسح ع وجهها.. استغفرالله ها بدا في التفاهة

زيدان≈ طايح من الضحك.. جدتك مهبولة

وليد ≈خزي يا كلب والله ماني قاعدلك فيها

زيدان ≈عطاه بوسة في الهوا.. طريقك بيضة يا قدرية

وليد≈ضربه برجله وعدا معصب

زيدان≈ خيره عدا هاذا

زياد≈ عدا ولا ولى

زيدان تعرف شن الى يجمع الليمون والبرتقال

زياد اكيد الشجرة

زيدان لالا غلط النوايا

زياد

زيدان≈ نقولك نكتة

زياد≈ قول

زيدان≈ مرة في واحد عسل عسل عسل مات قول ليش

زياد ليش

زيدان≈ لانه رقاله السكر شوف هيا قوية ..عارف ليش سموها ميرندا

زياد≈ ليش

زيدان≈ لان صاحب الشركة متزوج تنين وحدة مي والثانية رندا عشان يعدل بيناتهم رصق الاسمين في بعض ميرندا

زياد ≈ورضن بالعدل هذا

زيدان≈ لالا قعدن يتعاركن كل وحدة تبي اسمها الاول

زياد ≈ما اضحك انا عندي وحدة

زيدان ≈قول

زياد≈ ليش تضحك مزال ما بديت

زيدان≈ ماهو نسخن في الضحكة

زياد≈ تعرف شن الشي الى يجمع بين شفرة الحلاقة والنساء

زيدان≈ شنو

زياد ≈ هو كل ما يستحقه الرجال

زيدان .. طايحين ع بعضهم من الضحك

شرب +تفاهة+ضحكو لين طاح سعدهم

هبة≈خالتي انا ماني قادرة نتحمل ولدك يطلع من الصبح وما نشوفه الا اخر الليل نا مزال عروس وفوق هذا مش واعي شارب

عليا≈ ادعيله يابنتي ربي يصلح حاله مجرد فترة وتمر

هبة≈ افففف.. عدت

عليا≈ تشوف فيها كيف تنفخ.. بندم.. اخ شن درت في روحي وضيعت ولدي

جود≈ كملت ..ها شن رايك حلو هكي

لمار≈ بإعجاب.. حلوو

ليث ≈يشوف.. حتى نا نبي زيها

جود≈ هههه حاظر توا انديرلك

وقت السحور

جود≈ مشت لدار زين خبطت الباب..

زين ≈قاعد ع المكتب يشوف في الاوراق .. تفضل

جود ≈ فتحت الباب ..نحطلك تتسحر

زين≈ يشوف في الاوراق.. مادخلك فيا غير تسحري

جود≈ بتطلع

زين≈ شاف فيها..لو سمحتي سكري الباب وراك

جود≈ سكرت الباب بقوة ومشت تجري

زين≈ بصوت عالي..الباب بفلوس

جود≈ خزي الحق ماهو فيك فيا انا متعصب مريض

في المطبخ

جود≈ تاكل في خيار فاتحة التلاجة.. افف شن ناكل

زين ≈ وسعي

جود≈ شرقت من الخلعة.. كح كح احم.. كان وراها مباشر

قعمزت ع الكرسي الى بجنب الثلاجه..

زين≈ يطلع في حاجات من الثلاجة..

جود≈ ناضت منحرجةطلعت خيار وتمر وحليب وقعمزت ع الطاولة تاكل مره مره تشوفله..

زين≈يطيب بمهارة.. في اشياء غير مفهومة

جود≈ تشوف فيه اذكرت

زياد≈ جود تعالي شوفيها خيرها المكرونه ولت صفرة

جود≈ شافتها.. لا اله الا الله شن درتلها!!

زياد≈ يحك في راسه .. كركم نسمع فيهم يقولو كويس للكحة

جود≈ حطت يديها ع راسها .. كم كاشيك !!

زياد≈ ..six !!

جود≈زياد ماتعصبني تكلم عربي الهم لحرف

زياد≈تي بتريس 6

جود≈ وووك عليا ياربي الصبر زياد اقلب وجهك من المطبخ

زياد≈ غير هدي ياحاجة

جود≈ اصلا انا لحمارة الى خليتك اطيب

زياد≈ باهي الى اعترفتي

جود≈ نعم !!

زياد≈ يجري.. لا شي سلامتك

جود ≈ياربي قعد يترجى فيا عشان يطيب وفي النهاية شنو تقول حسى هندي والله حتي كان نعطيه ليهم ماياكلوه من كثر ماهو مر

جود≈ فاقت من ذكرياتها مالقت حد في المطبخ .. غسلت طاستها وشربت مية.. وطلعت

زين ≈كان في الصالة ياكل .. ساكت

جود≈ مرت بجنبه .. تصبح ع خير

زين ≈ استنى

جود≈ استغربت قربت منه .. نعم!!

زين≈يشوف في الاكل.. من اليوم للاسف ح ترقدي في داري

جود≈ شنوو!!

زين≈ شاف فيها.. اكيد مش حبا فيك انتي ع السرير وانا ع الصالون والاسبوع الجاي حتسكن معانا عمتي فادية مانبيها تحس بشي

جود≈ عدت من غير ماترد عليه..

زين≈ تنهد.. ناض رفع السفرة وغسلها.. منظم ياكبدي

في الدار

جود≈ حايسة في الدار ومش عارفه شن ادير واقفة تلود

زين≈ طلع مخدة وبطانيةوحطهم ع الصالون.. لو بتقعدي تلودي زي النحلة هكي اطلعي برا بنطفي الضي

جود≈طلعت مشت لدار الصغار لقتهم راقدين.. قعدت تلود شوي في الفيلا و ردت الدار لقت زين راقد والع الوناسة

قعدت تشوف فيه.. آآه والله هالراجل غريب بكل شن يجبره انه يتزوجني وليش هكي حياته معقدة اكيد فيه سر

زين≈ فتح عيونه بشوي .. بتقعدي لصبح تتأملي فيا

جود≈ تغير لونها من الاحراج.. مشت ولا كلمة لسرير وغطت راسها بالبطانية

مرت الايام بسرعة من غير احداث تذكر

لمار≈ خالتي جود

جود ≈نعم حبيبتي

لمار ≈صوت الباب

جود≈حاضر توا نشوفه خشي داخل انتي وليث..مشت تشوف الباب فتحاته

فادية ≈اهلين كيف حالك

جود≈سلمت بالاحضان.. كيف حالك انتي ياعمتي تفضلي

فادية≈خشت تشوف للفيلا.. ما تغير فيها شي زي ماهيا

جود≈ واقفة مبتسمة

فادية≈ كيف وين الصغار

جود≈ قاعدين داخل توا اناديهم البيت بيتك تفضلي

جود ≈مشت .. لمار ليث تعالو سلمو على عمتكم فادية

لمار وليث≈ مشو يسلمو ع فادية

فادية≈ معليش يابنتي وين داري خليني نحط حاجاتي

جود≈ اه تفضلي من هنا.. رفعتها لدارها الى اول مرة رقدت فيها

فادية≈ فتحت الدولاب بترتب حاجاتها لقت دبش في الدولاب .. دبش منو!!

جود ≈دبشي

فادية≈ بشك.. وليش انتي دبشك هنا مش في دار زين!!

جود≈ بتوتر .. ءاا

يتبعع…

لقراءة الجزء التالي : الجزء الثاني عشر من رواية متعصب واحببته

لقراءة الجزء السابق : الجزء العاشر من رواية متعصب واحببته

للإطلاع علي فهرس أجزاء الرواية : جميع اجزاء رواية متعصب واحببته للكاتبة سراب الغيث

جميع الحقوق محفوظة للكاتبة سراب الغيث .