الجزء

الجزء الاول من رواية هدوء ما قبل العاصفة

الجزء الاول من رواية هدوء ما قبل العاصفة

وفي الجزء الأول من رواية هدوء ما قبل العاصفة دعونا نري ماذا ستكون بداية الرواية هل ستكون بداية عادية مثلما نقرأ في باقي القصص والروايات الأخري أم سيكون هناك شأن آخر لذلك ؟ كل ذلك واكثر سوف نعرفه في السطور القادمة بإذن الله .

الجزء الاول من رواية هدوء ما قبل العاصفة

احلام .. اهلين دكتور … سامحنى جيت قبل موعدى بس من امس نفكر فى الجهاز الا انت اقترحت عليا نديره وماحبتش نقول لزوجى الامانعرف قبل ….
دكتور …. هههههههه انتى شن تبى ..
احلام ….. انى نبى الا يبيه زوجى << ولد >>
دكتور …. والله ربى يهديه زوجك يااحلام صدقينى اهم شى الخلقه تامه فقط اما صبى او بنت فاهدا كللله رزق من ربى
احلام ……. يالله الحمد لله على كل شى
دكتور ….. تفضلى وخيتى ..
احلام …… اه شنى دكتور ….
استمر دكتور فى الكلام واحلام لحظه ورا لحظه بدت تسود دنيا فى عيونها ومعاش تشوف فى شى وكان الكلام الا سمعاته كله يمر زى شريط فى ودانها والجمله الا علقة فى ودنها بس هيا << والله مانبى نخوفك بس البيبى متعك احتمال يعانى من متلازمة داون المنغولية (لانا الا شوفته هوا وجود مشاكل فى القلب وحركة الأمعاء وهدا فى الاغلب يكون في الأطفال المنغوليين):

وكانت طول طريق وهيا تسوق وتبكى وماعرفتش تستوعب اى شى نهائيا ولا تحاول تصدقه ولقت نفسها للحظه فم حوشها

واول ماطلعت مفتاح تبى تفتح سمعت حد يقوللها ….

مجدى << زوجها >>…… وين كنتى يافالحه ؟؟؟

احلام …… طاح مفتاح من ايدها وقعدت تبكى وبعدين طبست بتاخد مفتاح وخشت…

وهنا خش وراها الباب وقربعه وقاللها …..

مجدى ….. شنى بعيده طرشه ماتسمعش وين كنتى ….. ولابالك ندوى بالعبرى انى …

احلام ….. مجدى وراس امك ارحمنى خلااااااااص الا فيا كافينى …..

مجدى …… تعرفى تتكلمى بااحترم وتردى عليا خير مااقسم بالله نهدلك سنونك …

احلام ……. كنت عند دكتور << الكشف معتاد باش نطمن على بيبى >>

مجدى …… انى مش قتلك اكتر من مره حولى عند دكتوره ولا انتى حماررره ماتفهميش ولاعندك عادى يتفرجو عليك …..

احلام ….. ففففففففففففف يارب حاظر مره جايه نحول عند دكتور ماشى اى شى تانى

مجدى …… شن قالك سحنتى الا مشيتيله ؟؟؟

احلام …… ماقالى شى قالى الحمد لله ومش باين اى شى وخلاص ….

مجدى ….. خلاص خلاص فهمنا برى حطيلى حاجه ناكلها ووحدديلى لبستى اليوم طالع العشيه وبنبات مع صحابى فى الاستراحه … وكلمى وحده من خوتك يباتو معاك …
احلام ….. الغدى واتى نصب المكرونه بس ……. بدل حوايجك ويكون على طاوله ..

مجدى …… ماشى ماشى انتى عندك غير المكبكه اصلا << هادم الليبيات فاش فالحات >>

خش مجدى لدار وهوا يبدل جاه تلفون رد عليه وقال ….

مجدى …. الوووووووو باكو شن جو وينك وينك ؟؟

صاحبه ….. والله هياجه فى جامعه …. مرندف مع بنت وقريب توصل قالتلى ربع ساعه بس ماهو تستنى فى صاحبتها بتجى معاها … بيداخه اليوم هههههههه

مجدى ……. اووووووووف صحه عليك يارجل مش انى طايح فى البقره واختها والله صحه عليك ..
صاحبه …… هيا تعالى شن رايك وهيج معاى مازال وقت توا كله كله ساع 1 ظهر وخوده الغدى منى انا انى بنغديهم نغديك حتى انت قعدة غير على صحيبى تى نعطيه عيونى ❤

مجدى ….. تقووووول هكى …. مالا نقولك شى … انت غير مهدلى جو مع صاحبتها وانى ندوش فيسع ونطرح ونجى وتعرف لو تقولهم متزوج انسااااااانى باقى حياتك …
صاحبه …… ههههههه تى باهى باهى ياملعبى انت يانارى على طايحه فيك وخلاص مهم نستنى فيك وتلاقينا فى مربع شمس ….
مجدى …… فى طبيات قصدك ولا لا ؟؟؟
صاحبه …… تى ايه ايه جيب 4 قهوه من الجلد وتعالى ماشى وانى مكياطه جيبلى يالله برا وانت نفختهم تشاوووو

.. خش مجدى دوش وطلع لبس البنطلون جينز الاسود وبدى سماوى وحط شال على رقبته وبخ من برفان شانيل نمبر فايف وتكم شعره وطلع واول ماطلع من دار قالتهله ….

احلام…. اه وينك حبيبى شن غيرة رايك …

مجدى …… كلمنى صاحبى توا وقالى فى خدمه جديده طلعت وبكرا يبيها مدير ضرورى فابنمشى ونساعده مادما مازال وقت وبنتغدا برا فامتستنينيش واتغدى بروحك ….

احلام ….. باهى حبيبى ان شالله ربى يوفقك ياررررررب ويعطيك الا فى بالك فى امان الله حبيبى …

طلع مجدى وهوا ينفخ وبدون مايرد عليها ولا كلمه وقربع الباب وراه بينما خشت احلام للمطبخ وقعمزت على صونية الغدا وتفكر فى الا قالهولها دكتور ….. وهيا كيف سرحانه سمعت الباب يطق بالقوه فا مشت تبى تفتح واول مافتحت الباب لقت فى وجهها ….

يتبع………

ملاحظة : وعلى فكره القصه حقيقيه للاسف وكان اول هدف ليا انى نعرضها على هيئه مسلسل على شن وسبب رح تعرفوه فى نهاية مسلسل ان شالله ❤ ❤

لقراءة الجزء التالي : الجزء الثاني من رواية هدوء ما قبل العاصفة

للإطلاع علي فهرس اجزاء الرواية : جميع اجزاء رواية هدوء ما قبل العاصفة كاملة للكاتبة كيندا

جميع الحقوق محفوظة للكاتبة كيندا من ليبيا .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى