وفي الجزء التاسع من رواية زوجة المغترب دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة بيروحاء.
الجزء التاسع من رواية زوجة المغترب
فقدت رغد شدديدد.. حتى اني فكرت انزل ليها في السودان كذا مره .. بس كان الموضوع صعب بالنسبه لي .. من ناحيه شغل.. ومن ناحيه اني اخلي امي واختي براهم برضو
كنت كل ما فطومه تتكلم معاها بسألها عنهااا.. الطريقه الوحيده ال بقدر اطمن عليها بيها
لحدي في يوم ما قالت لي انها حامل!
حسيت بي قلبي ممكن اقول اتمزق وبدون ما أشعر دمعت.. وقدام فطومهه
حامل! يعني عايشه حياتها طبيعيي.. يعني بتحب راجلهاا وحياتهم ماشه
وانا ب هنا واقف عليها .. وميت عليهاا اي شي عندي الا رغد ..
انا كنت ناوي اسافر بس عشان اكون في نفس البلد ال هي فيووو.. عشان اشوفها وهي ماشه وهي بتبتسمم وهي وهي ..
“لقد كان حبي مستحيلا ولكنني عاندت .. لم اخبرك يوما بحبي لك.. لكنني حفظت مواعيد نومك،، اكلاتك المفضله،، العطر الذي تستخدمينه،، عدد رموشك!”
…………………….
شوق ورت وائل بموضوع الحمل .. والفرحه الكان ببارك لي بيها وانبساطتوو بالموضوع للان م قادره انساهاا..
كان بقول لي م تتحركي تاني .. اتدللي.. اي شي عايزاه يكون قدامك..
وفعلا وظف لي بنات يخدموني.. وخلاني ماا أضطر اقوم من السريرر اصلا ..
في الفتره ديك.. اكتشفت اني حبيت وائل اهتماموو الخنقني بيوو.. وفقداني ل مشاكلناا ونقتناا اثبتوو لي
وعرفت انو مشاعري تجاهه مزمل م كانت حب.. لاني م فقدتوو يمكن كانت غيره بين أصحاب .. بين اخوان بس م كان حب
عديت اربعه شهور وكل شهر كنت بتعب اكتر من الاول .. وكل شويهه كانت بتنط لي شوق اني افكر تاني.. ولسه في فرصه الحق نفسي.. بس انا كنت مصصره..
في يوم كنت بتمشى في الشارع مع شوق اختي .. فجاءه اسمع
“زوجه المغترب”
لقيت انو الصوت ما غريب علي .. اتلفت لقيتها اريج صحبتي
بقيناا نكورك الاتنين.. وجرت علي حضنتني..
قالت لي عاش من شافك ياخ بقيتي كلبه وما بتظهري..
قلت ليها الحمل وكده
قالت لي حامل! وتاني بقت تصرخ
قلت ليها ايوه في الشهر الرابع..
قالت لي بت ولا ولد..
قلت ليها ولد
قالت لي كوويس.. البكر لمن يكون ولد احسن..
بعداك جيبيي البنات..
ابتسمت ليها واتلفتت على شوق .. ال لقيتها وشها قلب
لدرجه اريج لاحظت.. وقالت لينا مالكم؟؟
قلت ليها لا ماف شي كلامك صاح
………………………
مزمل انت بتبكي؟؟
لالا يا فاطمه انتي هبله؟ في شي دخل في عيني..
قبل ما ارد عليوو دخل وقفل عليو الباب..
دا ال كنت خايفه منو من زمان اهوو بحصل قدامي وانا ما ح اقدر اعمل شي
اصعب حاجه انك تشوف زول قريب ليك .. زول بتحبوو..بتألم .. وما تقدر تساعدوو.. احساس العجزز دا بشع
لمااا بقيت في الشهر الخامس .. ام وائل اصررت شدديد انو امشي اقعد معاها.. خصوصا انو فتره بتحتاج رعايه.. وامي ماتت.. كانت بتقول لي بعد امك الله يرحمها اعتبريني انا امك التانيه وانا ال ح اولدك يا بتي.. واشيل ليك جناك
وفعلا كنت قاعده معاهاا هي ونجوى اخت وائل.. ومراد اخوهو الاكبر منوو..
من فتره ل فتره كانت بتجيناا بت عمه وائل اسمها نجاح..
يلا دي كانت بتحمر لي دايماا وبحسهاا كارهاني..
حتى اني وريت نجوى كم مره.. بس كانت بتقول لي ما تشتغلي بيها
في يوم وانا قاعده في غرفتي جات دقت لي الباب .. وقبل اقول ليها اتفضلي دخلت.. قلت سبحان الله دي حافظه ما فاهمه
قالت لي وبدون مقدمات..
على فكره انا حبيبه وائل.. واسألي اي زووول.. وائل من زمماااان كان دايرني انا بس انتي جيتي اتحشرتي في نصنااا.. وائل حبيبي المسكين كان عايززز يتفك منك في شهرر.. بس حسي بقيتي ليوو عاهه دايمه!
كانت بتتكلم بي مياصه كده و حاجه قمه القرف يعني..
غاظتني شدديدد ف قمت قلت ليهاا..
انتي ما اسمك حبيتوو.. اسمك مرحله في حياتوو وانتهت.. دقيقه اسمها شنووو.. تسليهه ..بتعرفي التسليه؟؟
وحتى لووو حبيبتوو.. عرس منو في النهايه؟؟
ومديت ليها صباعي ال فيو الدبله..
كانت شويه و ح تنفجرر.. بس مسكت اعصابها وطلعت من سكات..
بعد ربع ساعه يمكن دق لي وائل..
بعد سلم وكده قال لي مالك معاها؟؟ قلت ليوو لحقت شكت ليك.. ما مالي كلامي حقيقي كضبت..
ضحك وقال لي معصبه مالك حسي..
قلت ليو لالا ما معصبه.. تعصبني حبيبتك؟؟
قال لي اوو بتغيري وكده
قلت ليوو لاا وقبل اتم جملتي حسيت ب ألم في معدتي وبقيت بصرخ..
ووائل شغال لي مالك؟؟ رغد ..رغد طيب نادي امي .. نادي اي زولل..
وانا م شغاله بيوو وبكورك..
آخر شي شفتوو نجوى بتفتح باب غرفتي وداخله.. وتاني بعداك م شفت شي..
ناديتوو مزمل يلا الغدا..
كورك من غرفتو.. لالا انا شبعان اكلوو انتوو..
امي كانت جمبي قالت لي .. مزمل دا ما طبيعي يا فطومه ليو فتره اكلو ضعيف شدديد بكون مالوو؟؟
قلت ليها لالا ماف شئ بكون اكل قبل شويهه بسس..
م حبيت اقلقها خصوصا انو هي عندها ضغط
بعد خلصناا اكل مشيت ليوو
كان شغال باللابتوب ..
قلت ليو مزمل طيب اعمل ليك سندوتش؟؟
قال لي م جعان يا فطومه..
بسس حبيت اقول ليك انو ايام العرس دي ح تكون داخل مارق ..وشغال كتير ف لازم تأكل والا م حتقدر ..
ابتسم وقال لي طييب..
……………………
لقيت انو العزله ماف منها فايده .. وعدم اكلي ما ماشي يرجع لي رغد!
وبعدين فطومهه ..فطومه العروس المفروض تكون نايره ومبسوطهه.. مضايقه بسببي..
ف قلت اني ابدأ حياه جديده .. انسى فيها رغد وانسى اي شئ بخصهاا.. رغم اني عارف صعب .. او شبهه مستحيل .. بس احاول عشان فطومه
………………….
بعد سمعت صرختهااا ديك م قدرت .. قمت من مكتبي ومشيت ع المديرر طوالي اطلب اجازه عشان اقدر امشي ليها واشوفهااا..
وطبعاا لأنو ما عندي سبب عديل ف وافق مقابل لمن ارجع اضاعف شغلي واعوض الفاتني..
صح الموضوع ح يبقا متعب بس كلوو يهون عشان رغدد
من هناك مشيت حجزت وطلع اقرب حجزز بكره طوالي..
فرحت شدديدد .. ورجعت استنى بفارق الصبر بتين بكره يجيي..
يتبع ………
لقراءة الجزء التالي : الجزء العاشر من رواية زوجة المغترب
لقراءة الجزء السابق : الجزء الثامن من رواية زوجة المغترب
للإطلاع علي فهرس أجزاء الرواية : جميع روابط اجزاء رواية زوجة المغترب للكاتبة بيروحاء
جميع الحقوق محفوظة للكاتبة بيروحاء .
