الجزء الثالث من رواية نبضات قلب

تسنيم تبكي شدت ايديه:اسمعني

ادهم ويشوف ف دموعها وهي شاده ايده:كسرتيني تسنيم

تسنيم تبكي بعبرتها:ادهم نحكيلك بللهي

ادهم لاتعرفيه متعصب ولا تعرفيه بيبكي لاتعرفيه مكسور خاطره وساكت ويشوفلها

تسنيم مقعمزة ع الارض وتبكي وشاده ايده وهو مقعمز ع الكنبه ويشوفلها

ادهم يشوفلها:اني شن درتلك علاش ماقلتيليش

تسنيم تبكي :ادهم شوف هو اسمه هشام و…قاطعها

ادهم:احكيلي بتفصييييل هيااا

تسنيم خافت وقعمزت جنبه:اني كنت نحبه وشايفاته وشايفني وصح انه اني نتتقم منه عن طريقك لكن انحبك اني نبيه يندم انه خلااني…قاطعها

ادهم بعصبيه وقف:انتي تلعبي ع حبلين تسنيم لو كنتي تحبيني مترديش عليه وللهي لو نعرف انك تحبي شخص غير ماتعرفت عليك ولا حبيتك ولو قلتيلي قبل العرس بساعه كنت رفضتك لانه اكره ماعندي شخص يلصق فيا وهو يمتل ومش متقبلني (بصوت حاد شد مرفقها بقوة )واني لكنت مفكرك بريئة وطلعتي شيطان.ودفها لعند ماطاحت ومشي لغرفة النوم

ادهم قعمز ع السرير وهو يقول ف تفسة:علااش هكي اني نخدم ع شانها وكل شي درته لاني نبي نسعدها وبس والباقي اخر همي اني لتعبت وهي بين عيوني وف النهاية كافئتني

تسنيم دخلتله تبكي:ادهمم وحق ربي ياادهم ماشاف شعره من شعراته ولا مسني اني تعرفت عليه وبس وشفته وشافني

ادهم اتكه ع السرير وحبس غضبه ويشوفلها:تعرفي اتبتيلي انه لازم كل شخص ياخد من توبه انتي كنت مفكرتيني فقير ومش راجل وساهل ينضحك عليه صح

تسنيم بتقرب

ادهم قام ايده بعلامة وقفي :اشرحي وانتي ف مكانك معادش تقربي

تسنيم زادت بكي:اني مدرت شي

ادهم وقف وشدها من ايدها بعنف وعيونه نار:انتي رح تقعدي عندي هني ع شان بوك وبس الراجل لـ اكرمني وعطاني بنته رغم حالتي وبعد فترة رح تطلقي ومن اليوم معادش تجي عيني ف عينك ونبي كل مانخش للحوش مانشوفش اتر ليك ولا نشوفك ولا نسمع حسك لم انيييي نخش للحوش تختفي انتي لاني لو نشوفك قدامي رح…وسكت ورخي ايدها

تسنيم تشوفله:رح شني كمل

ادهم خدي شرشف ووساده وكان طالع

تسنيم:لكن اني نحبك

ادهم ف ايده الشرشاف والوساده:مانقدرش ننكر اني نحبك لكن بسبب حبي هدا مش رح نسكت (وشافلها) الكلب لكلمك رح نحصل عليه ورح نربيه.وطلع

تسنيم خافت طلعت ببطىء تشوفله متسطح ع الكنبه ويشوف ف السقف وواضح انه والعه فيه نار

تسنيم مسحت دموعها وقربت منه:ادهم

ادهم يشوف ف السقف وساكت ونار تاكل فيه

تسنيم قربت وخايفه:اني غلطت ادهم سامحني وحق ربي نحبك اني ولو مش مصدق كلامي اني رح نتصل بـ هشام ونسأله ع علاقتي بيه صدقني انه علاقه سطحيه اني مدرت شي

ادهم يشوف السقف:اني مكدبت عليك بـ ولا حرف والحمدلله لكن الباين انه انتي ف من وراك حكايات طويله يامدام

تسنيم:لو الكلام عليا يريحك هزب وربي مانقولك ولا حرف اني ماكدبت عليك بشي…قاطعها

ادهم بصوت عالي:اسكككت وللعلم اني مستحيل نسكت عليه الموضوع ورح نجيبه الولد هدا وماتخفيش مش رح نحرمك من شوفته رح نجيبه لعندك هننيي (وبصوت حاد ومستفز)ورح تكحلي عيونك بشوفته لكن صدقيني رح يندم انه قعد يتواصل معاك

تسنيم زادت تبكي وخشت لغرفتها وطوول اليل وهي تبكي وادهم طول اليل وهو والعه فيه الناس كان يستنا ف طلوع للشمس بصبر

تاني يوم ساعه تمانيه طلع ادهم وخدي معاه الهاتف متع تسنيم وهو مكسور خدي منه الشفرة وطلع

ادهم خدي رقمه واتصل وتالت مكالمه رد عليه:ايوووه حبي وينك

هشام راقد بااستغراب:تي من حبك مني انت

ادهم ولعه فيه نار :تي ماعرفتنيش تي باهي ياكلب باهي تفوووو عليك يامسخ نسيتني

هشام قعمز يتكس: تي منييي

ادهم يتسهوك:نبيك ف موضوع مليح تعلا لـ قهوة ال**** تمام

هشام:انتتت مني

ادهم:تي بتجي ولا نشوف غيرك خيرك خاييف مني ولا كيف

هشام:باهي ع عشرة نكون غادي

ادهم:تمام حبي تشاوو…وصكر الخط

ادهم فرح :ياحببيبي ساهلا نربيك ونمسح بمك الارض ياولد الحرام

تسنيم بعد البكي هدا كله طلعت خدت وسادة هشام ووشرشافه ورقدت ف مكانه ودموعها ع خدها

ادهم رجع للحوش خش لصالة شافها راقده ف مكانه مقدرش يقوم شكلها قرب: ياقلبي كسرتيني .وطلع وفي ايده مسدس صغيرغلط وطلع

ساعه عشرة هشام حس بحاجه غلط قرر يمشي ويرن ع صاحب الهاتف يبي يشوفه ولو يعرفه اولا لانشه شك شف الموضوع