الجزء

الجزء الثاني عشر من رواية تزوجنا ولكن هل يبقي الحب

الجزء الثاني عشر من رواية تزوجنا ولكن هل يبقي الحب

وفي الجزء الثاني عشر يا تري ونحن نقترب من نهاية الرواية هل سنري أحداث مشوقة تعلي من حبكة الرواية أم لا ؟ كل هذا وأكثر سوف نعرفه سوياً داخل أحداث الجزء في السطور التالية بإذن الله ، فهيا بنا نبدأ القراءة .

الجزء الثاني عشر من رواية تزوجنا ولكن هل يبقي الحب

استعد الكل للبيان ولبست منى وهدى لبسه بسيطه وسهيله مشت للمزين والام كدلك ووكيف الباب طق وخشو الناس وبدت هدى ومنى فى تفريق وتوتى صفر … هدى قالت لمنى ….
هدى …. منى كأنى نسمع فى تلفونك يشرين راهو …
منى …. هههههه لا لا يتهيألك ..
هدى …. ياعبيطه والله تلفووونك يشرين الله ….
حطت الكاس منى من ايدها ومشت تجرى لدار وقامت تلفونها وقالت ….
منى …. الوووووو
وائل …. اطلعى انى فم الباب ..
منى …. وااااااااااااااائل شن تقووول ….انت روووووحت ؟؟؟..
وائل …. اطلعى انى نستنى فيك فم الباب
منى …. مش وقته توا روح وبكرا نتكلمو ..
وائل … كلمتى تسمعيها بالحرف الواحد … ااااااطلعى تواااا
منى ….. ماتكلمنيش بطريفه هيااااااا ومانبيش نطلع …
مافاتتش ربع ساعه الا واتصل بوها بيها وقاللها …..
بوها …. منى البسى عبايتك واطلعى ..
منى .. علاش بابا .
بوها …. راجلك برا وقالك اطلعيلى .
وفجأه هدى خشت لدار منى وقالتلها …
هدى …. خيرررك شن فى .. خيرك تبكى ..
منى …. وائل براااااا ..
هدى …. شنننننننننى .. امتى جى وعلاش جى بدون مايكلمك …
منى ….. اتصل ويكشخ ويقولى اطلعى ولما قولتلها لا … باين وقف على بابا وكلمه وبابا اتصل بيا وقالى اطلعى ..
هدى … مافهمتيش منه شى …؟؟؟
منى … لا لا خلاص انى طالعه توا وتو نكلمك بكرا ونقولك شن صار …. ااااااه بطنى بنمووووت بالخوف ياررربى استرها معاى ياررب
طلعت منى من الحوش بعد مالبست حوايجها ومش فاهمه اى شى وركبت سياره وماقدرتش تقيم عينها لى وائل نهائيا ولا شبحتله اصلا بحكم انا كان مدرس فى جيهة ظلام …
ساد صمت فى سياره لحد ماوصلت لحوشها .. الا كانت مقرره تسكن فيه قبل مايجيهم عقد العمل وهنا اول ماوصلت للحوش وفتحت ضى شافت وائل ايده مجبسه وشوى كدمات جيهة راسه وايده تانيه فاقالتله …
منى …. << قربت منه ودمعو عيونها وقالتله >> وائل خيرك شن فى علاش هكى صاير فيك اااااحكى…. سيف هوا الا دار فيك هكى ؟؟

وهنا وائل تعصب وقعد يعيط بدون وعى منه وقاللها …..

وائل …. الحقيررررررر هوا معااااااااش تجيبلى سيرته بكل … فااااااهمه..

انصدمت منى من عصبيته وشرارة النار الا فى عيونه وخافت وخشت لدار نومها لبست بيجامه من بيجاماتها الا مابتش ترفعهم معاها وفتحت ضى سهره ورقدة على جانب من سرير وقعدة عاطيه للباب بالقفى وفجأه خش لدار نوم وقعمز على حاشية سرير وقاللها ….
وائل ….. شن قولتى لاهلك …. حكيتلهم الا صار ؟؟؟
منى …. لا مازال … كنت نستنى انت تجى وتحكيلهم بنفسك ….
وائل ….. موضووع مات …. ماتحكى شى لاهلك … ومانبيس سيرة موضوع هوا تنفتح نهااااائيا ولا نسمع سيرة حد فيهم ولا سيرة هالموضوع فهمتتتتى ..
منى ….. كيف تنهى موضوع انت اساسا شاك فيه قووول …
وفجأه تنرفز وجاها وشدها من ايدها بعصبيه وقعد يقوللها …
وائل …. لو انى شاك فى موضوع بنسبه وااااااحد فى ميه قسمااااااا بالله ماكنتى شفتينى تانى …. فهمتتتتتتتتى …. ولدلك الموضوع من اليوم انتهى فى مكااااانه … ومن بكرا نمشو لحوش اهلك تلمى حوايجك وترجعى معاى لدبى …. وخلاص …
سكتت منى شوى وبعدين قالتله … شن صار فى امك ؟؟
وهنا وائل طلع وسيبها من دار ومشى لصاله وقعمز فيها … فالحقاته وقالتله..
منى .. رد عليااااا … شن صار ؟؟
وائل …. ببساطه الطيحه الا حصلتها امى بعد ماصاخت وجت رقبتها على حاشية الطاوله … خلتها تمشى فى غيبوبه … وحاليا الدكاتره قالو مافيش اى امل انها تنوض … وانى خديت تداكر ليا وليك وبكرا ساعه 11 نكونو فى مطار …
… سكتت شوى وبعدين قامت عينها وقالتله ..
منى … انت علاش صاير فيك هكى … احكيلى … شن صارررر ..
وائل …. لانى مهبوووول ولحقتك لما مشيتى من غير حتى ماتقوليلى ولا تقدرى الا صارلى ولا حتى حاولتى تحطى نفسك فى مكانى وتعطينى فتره بس نطلع من الا انى فيه .. طوووول مشيتى وماهمكش طرطور الا واخدتيه حتى شن رأيه … لهدارحه انتى هاززززيه علياااا قولى … بسبب الحماقه الا انتى تصرفتى بيها انى قريب مشيت فيها لولا رحمت ربى وانى تنطرة من سياره ولحقونى فى اخر لحظه
.. وعلى فكره قالولى …. اتصلنا بزوجتك بتلفونك فى وقت الحادت لانه كان اخر اتصال مسجل وقفلتى تلفون فى وجههم لما جو بيسعفونى .. لهدرجه انى قليل بالنسبه ليك ….
منى ….. انى مكانش فى حل قدامى تانى الا انى نحفظ كرامتى ونطلع ونخليك تتخد القرار بنفسك …
وائل ….. اه عند اول مشكله تهرررربى طووول صح قوووولى …
منى …. انى ماهرررررربتش افهم انى كرامتى ماسمحتليش نقعد مع شخص ماعطاش فيا تقه …
وائل …. علااااااااش انى قوتلك شى … قوووولى … انتى للاسف مازال ماتعرفنيش والموقف الا درتيه اتبتلى انى شن بالنسبه ليك ….
وفجأه ناض وخدى بعضه ورقد فى صالون .. ومنى خشت لدار وحست بغلطتها وتسرعها .. بس كبريائها كان يقولها انتى الا درتيه صح ….
وفجأه ساعه 6 صبح جى تلفون لوائل من دبى وفيقه واول مارد على تلفووون وقال …
وائل …. نعم من معاى ..
سستر … انت سيد وائل …
وائل … اى من معاى ..
سستر .. حنا نكلمو فيك من مستشفى الا امك موجوده فيها وحبينا نقوولولك بس << ان لله وانا اليه راجعون >>
…. فجأه طاح من ايده تلفون وحط ايديه على وجهه وطاح على ركابه وقال ..
وائل ….ياررررررررررررررررربى …..

يتبع ……

لقراءة الجزء التالي : الجزء الثالث عشر من رواية تزوجنا ولكن هل يبقي الحب

لقراءة الجزء السابق : الجزء الحادي عشر من رواية تزوجنا ولكن هل يبقي الحب

للإطلاع علي فهرس الرواية : جميع اجزاء رواية تزوجنا ولكن هل يبقي الحب للكاتبة كيندا

جميع الحقوق محفوظة للكاتبة كيندا من ليبيا .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى