وفي الجزء الثاني عشر من رواية سرقت قلبي دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة ميشو محمد .
الجزء الثاني عشر من رواية سرقت قلبي
جنات خديت الهاتف واتصلت ماحد رد 
ابراهيم ياروحي عليه ف السيارة وجيلاطي مبزع ف السيارة والدم ع الكرسي والمشكله انه اضرب جت من جهته هو
الدبوب ملبز بجيلاطي
وهو غارق ف دمه
تجمعوو كلهم متاعين المحلات 
لاحول لله وليقولو مسكين واخد هدية وليقول شكله مات
سعفووه وخدو الهاتف
ترررن ترررن
الممرضة: ايووه
جنات: ابراهي عفوا مني انتي؟
الممرضة: للاسف صاحب الهاتف دار حادث وهو موجود ف المشفى عندنا
جنات: ابراهيم ابراهيم كويس
الممرضة: للاسف اسفه مانعرفش حالته خطيرة
جنات طاح من ايدها الهاتف ووقفت تجمعوعيونها: ماتبكيش جنات هو كويس رح يتعافى وماصارله شي وبسرعه قمت الهاتف ودموعها اقوى منها وينزلو
قامت الهاتف رننن
جنات صوتها متغير: زياد خوك يازياد
زياد: هدي روحك اني ف طريق جاي ناخدك تشوفيه اهي امي ماعي
جنات وراسها معادش حملها وحسها روحها بتطلع
زياد وصل وركبت جنات بسمه تبكي
جنات شدت ايد جنات: بسمه مافي شي ماتبكيش عليه
فريال: كلللل شي بسببك سبحان الله قداشك نحس جيتينى بلمشاكل والهم الغم ربي يحاسبك
زياد: يماااا خلاص البنت مش ناقصه
فريال تبكي: ولدي هدا ولدي لتعبت عليه وسهرت ع راحته
جنات تتلامس ف بطنها وكاتمه دمعتهااا وتدعي ف داخلها.. مانبيش نبكي نبيش نفاول عليه بوك قوي ومش رح يتخلى علينا صدقيني ياماما نشالله 
وتدعي ف داخلها.. مانبيش نبكي نبيش نفاول عليه بوك قوي ومش رح يتخلى علينا صدقيني ياماما نشالله ووصلوو
جنات وبسمه وفريال وزياد واقفين قدام غرفه العناية
جنات تتلامس ف بطنها وواقفه وترجف وخايفه بتموت ومافي ولا واحد شافها قاللها قعمزي او ريحي روحك انتي حامل وتدعيله ف داخلها
زياد: ارتاحي انتي نشالله خير قعمزي
جنات: مش قادرة نتحرك من هني
فريال وبسمه يندبوو
جنات شافتهم بعيرتها: حرام عليكم تبكوو عليه هو مش ميت هو كويس
بسمه تبكي مسحت دموعها: ياربي وحضنة جنات
فريال: مسكين ولدي غير شن طيحه فيك بس حتى دموعك مانزلو عشانه
جنات: البمي مليشي داعي هو اكيد كويس ادعيله مش تبكي عليه
طلع الدكتور: ادعوله بشفى
قربوو عليه
زياد: خيره احكي
دك: تعرض لكسر ف رجله وجورح عميقه
جنات فقدت توازنها ونزلو دموعها بحرقه وجتها بسمه شدتها
جنات اكتر وحده كتمت دمعتها كانت توهم ف نفسها انه بخير وحادث بسيط
تررن ترررن
زياد:ايوووه نادر…اي مستشفى ال…..خليك برا اني جايك وصكر
زياد:اني بنطلع صاحب ابراهيم برا كان صار شي او احتجتو شي كلمون..وطلع
فريال:بسمه انزلي للكافي خودي لمرت خوك مية ولا حاجه حلوة مش كويس هي حامل
جنات ساكته وفي عالم تاني وتدعيلة ودموعها ينزلو
بسمه مسحت دموعها ونزلت
.
زياد؛ووووواك راسي بينفجججر
نادر؛نوض تحرك خود مسكن الم او اي شي
نزار:شفتها سيارته بعد الحادث
زياد:سيارة مكسرة هلبا
نزار: تقول حتى سبحان الله لطلع منها ربي يشفيه
نادر: نوض زياد خود مسكن نووض
زياد:بللهي فوتني ياراجل
نادر:تي شن فوتني نوض ولا نقولك خالك اني جاي وخش للمستشفى واتجه للكافي
..
بسمه خدت شكلاطات عشان جنات مدوخش وتقعد بوعيها
نادر:السلام عليكم كيف حال
بسمه:اهلين نادر كيف حالك
نادر:الحمدلله كيف حال ابراهيم شن قالولكم
بسمه: عنده كسور وجروح (ونزلت دمعتها)
نادر:ماتبكيش تي دكاترة نممم هادم اكيد كويس غير يديرو ف جو ع اساس خطير وابصر شنو
بسمه مسحت دموعها:نشالله خير يارب
العامل عطها كيستها:تفضلي
نادر.نبي مية وشريط حبوب بنادول
بسمه دفعة الحساب؛ عن اذنك..ومشت
بتنزل من الدروج كانو ف مجموعه شباب ومعاهم ممرضين مقعمزين والقهوي ف ايديهم ويضااحكوو تحسها مش مستشفى
بسمه بتنزل من دروج معرفتش كيف:ممكن تبعدولي نبي ننزل
شاب مش ممرض:اهلاا
نادر دفع الحساب وشاف بسمه ونزل من دروج:شن في
بسمه؛نبي ننزل
نادر:شن مقعمزين فالدروج مربوعة بوك هادي نوض تحرك انت وياه
الممرض:احترم نفسك انت ف مستشفى
ممرض تاني:تبي الامن انت يحدفوك برا المستشفى
نادر اتك ع حيط:طززز
شاب: ادير ف البطولات قدام للبنت
نادر تعصب دف الولد:نوضو تحركوو عندي خدمه غيركم تحرك
جي المن متع المشفى بيخدو نادر
نادر بعد الامن من عليه:انت عارف روحك ف مني بتاخد اني بشكوو وحده نسجنك انت والامن لمعاك
الشرطي بصوت عالي:انزززلي معااي
نادر طلع البطاقه ورها لشرطي بعصبية:اني الضابط نادر السيد ال…. وبسبب ختدمتكم وبسبب المفرخ لداخل والجو المكركب ف المستشفى اعتبر روحك اننت ولمعاك اسماكم عندي رح تشوف
الشرطي:احورامي اني كيف بنعرفك
الشباب وقفو بسمه نزلت بسرعه بخطوات سريعه
نادر:اعتبرني شخص عادي مش ضابط هكي ادير انت مسالتش حتى من سبب المشكلة ع طول جيتني اني
الممرض شاف الشرطي:سبب المشكله البنت لنزلت
نادر شد رقبة الممرض:رددد بالك تغلط والا ماتعرفش شن يصير فيك رددد بالك توصل فها
الشاب يبعد ف نادر عن الممرض:اهدوو
زياد:نادر شن في هني
نادر محبش يسبب مشكله لـ بسمه صكر الموضوع شاف الشرطي:موضوعك عندي تمت عليك..ونزل مع زياد
زياد:خيره؟
نادر:لقيتهم يتعاركوو ولا شي اهو خديتلك حبوب خود
زياد
.
بسمه قعمزت جنب جنات:جنات خودي حاجه حلوة
جنات؛بسمه ماخطريش بللهي عليك
فريال حنت شوية:خودي شكلاطه انتي حامل عشان العيل
جنات:مخاطريش ياعمتي مستحيل نقدر نبلعها
طلع الدكتور: الحمدلله ع سلامته
فريال: بخير؟
دكتور:اي كويس حالته
جنات ابتسمت ف وسط دموعها
جنات؛دكتور…قاطعها الدكتور
الدكتور: ف وحده يهلوس باسمها جنات موجوده
جنات ابتسمت:اني جنات
دكتور:اسف انتي مسموح تشوفيه وباقي عيلته بعدين تشوفه
جنات ابتسمت:وخشت وكانت الممرضة عنده
ممرضة استغربت هلبا انها صغيرة وحامل:انتي مرته؟
جنات:اي مرته
ممرضة حست انها صغيرة هلباااا وحامل وهو ف نهاية العشرينات يعني اكبر منها بهلباا
جنات:ماتستغربيش اني مواليد 2000 انتي فكرتيني 2003
ممرضة:فكرتك تقري تانوي او شهادة اعدادية اسفه
جنات:لالا عادي
الممرضة:اوكي ربي يشفيه عن اذنك..وطلعت
جنات شدت بطنها وشافت جهت ابراهيم قربت بخطوات رزيينه
جنات شدت ايده ودايخه لسانها رزن اول مرة تشوف ابراهيم المغرور العصبي القوي الاناني ف وضعه هدا
جنات داااايخه:ب بر هوم حبيبي
جنات قامت ايدها ع راسها
الممرضة خشت شافت جنات؛انتي كويسه وجهك اصفر
جنات داخت ع الارض
ابراهيم فاق ونقلوه وعنده نزار وزياد ونادر وفريال
جنات ف سابع نوم ف حجرة تانيه معاها بسمه
ابراهيم يتكلم بشووووية:بسمه وين؟
زياد:ايييح صار بسمه قول نبي مرتي مش بسمه وانت عيونك ادور من بكري
نادر:هي ملا نستاذن اني
نزار:حتى اني زياد خوك يلز فينا يبي مرته
ابراهيم مضايق ماعنداش خلوق لحد يبي جنات
وطلعوو زياد ونادر ونزار
ابراهيم بصوت واطي: ي امي وين جنات؟
فريال: ارتاح تو تجي جنات
زياد خش: وين بسمه وجنات يوما
ابراهيم فكرة انه جنات مجتش وقعده ماتعرفش: كيف جنات جت هني؟
زياد: اي جبتها
فريال:زيااااد خلاص (شافت ابراهيم )انت ارتاح توا اتجيك
ابراهيم فكرهم تعاركو: تعاركتو وينها؟
بسمه خشت للحجرة متع ابراهيم:ي امي تعالي بسرعه
فريال طلعت بسرعه هي وبسمه
ابراهيم:زياد شن في وينها
زياد وللهي مانعرف..وطلع صح
جنات فحق حجرة تبكي وتتوجع بطنها
الدكتورة؛اهدي خلاص البنوتة بخير مجرد مغص بس
فريال وبسمه خشو:خيير
الدكتورة:اهددي ماتبكيش عندك مغص بس
جنات هدت وبدت تمسح ف دموعها
فريال:اهدي سلم بنتي باش تشوفي راجلك
جنات عدلت وشاحها وبعدت الشرشاف نبي نمشيله
فريال:قعمزي ارتاحي تو ادوخي
بسمه عطتها شكلاطه:باهي كولي حاجه حلوة باش تمشي ادوخه
جنات وقفت وطلعت
ابراهيم:وين مشوو اطلع شوف البنت وينها
زياد طلع
وجنات خشت
ابراهيم شاف الباب نفتح:ياعمرري
جنات ابتسمت شدت ايده:انت كويس؟
ابراهيم ابتسم:كويس بشوفتك
جنات:موجوع؟
ابراهيم:لالا الحمدلله بخير
جنات تجمعو دموعها:كذب انت موجوع
ابراهيم:ماتبكيش بللهي عليك عشاني
جنات شافت الجهه التانية مسحت دموعها
ابراهيم مد ايده:تعالي
جنات تلفتتله ومبتسمه :حمده ع سلامتك
:حمده ع سلامتكابراهيم ابتسم:الله يسلمك ياوتيني
جنات:و وتين مني؟
ابراهيم:بنتي بنسموها وتين يعني كيف بنقولك وتين يعني ااا هو الشريان الرئيسي لليقوي ف الجسم وهكي حلو الاسم؟
جنات:ي عمري انت اي حلو استغربت قلت وتيني نحسبك صفيت كان مقتليش انها بنتي رح نطربقك كففف 
ابراهيم ضحك:اااه ياجنات معادش اضحكيني يابنت
اااه ياجنات معادش اضحكيني يابنتجنات:م ع ش تقولي ي بنت بللهي عليك
ابراهيم: بنقولها
جنات:نحبهاش اني باهي
ابراهيم: ووواك الزفت الحمار لخش فيا النمم جايبلك دبدوب وهدية وبنقولك ع اسم وتين
جنات شدت ايده: مهو احول وحمار
ابراهيم:وبهيم اي حقه نادي زياد
جنات بصوت دلاع:حرام عليك علاش زياد اني مستاحشاتك اكثر من زياد انيي وانت تلز فيا
ابراهيم:لالا وللهي بنموت عليك خصوصا اليوم لكن نادي زياد يابنت
جنات:اوكي
جنات نزلت ونادت زياد
زياد:خير نشالله..جنات طلعت
ابراهيم:زياد بنقولك امشي جيب جيلاطي بنكهة الفستق
زياد ضحك:انت انت ابراهيم طولك ف عرضك بتلحس الجيلاطي؟ لا وللهي هلبا هكي جديدة
لا وللهي هلبا هكي جديدة ابراهيم:كملت تي زياد بلاجو ماتبيش؟
زياد:تمام تمام..وطلع يضحك
جنات خشت:علاش يضحك خوك؟
ابراهيم شافله بتمعن:جنات نبي بوسه بتريس 
جنات: لاتريس لانساوين مافيش
ابراهيم:بللهي عليك كان متت مش خير وللهي خير كان متت وللهي توبسين عارفك
جنات شافت الباب:انت تعض يابراهيم وبعدين يشوفها ف وجهي خييرك
ابراهيم عاودها :بللهي عليك كان متت مش خير وللهي خير كان متت وللهي توبسين عارفك �..ونزل راسه
�..ونزل راسهجنات:بعيد الشر عليك ياروحي احلف ماتعضش احلف ترا حلف
ابراهيم قام عيونه فها:تي حلاوتكويس عضا خيرك ياهمي هيااا
جنات:ولللهي مصح وجهكانت معادش تتحشم كان تخش علينا امك وتلقى البصمه ع وجهي شن نقوللها بعدين عضني كلب تكلم شن نقوللها
ابراهيم:انتي من غضوا بتلبسي نقاب معدش ف تبيين الوجه باش نرتاح وترتاحي واني ناخد راحتي 
جنات:نقاب جرد مش نقاب غير احلم
ابراهيم يسخف:وللهي موجوع النمم تي بلا عض تعالي ولا انوض راه
جنات:بلا سلاطه ابراهيم تخش علينا الممرضة 
ابراهيم يتوجع:وللهي موجوع الزفتت تي مرتي انتي هيااا
جنات قربت بسرعه ع خده وبساته:ااهااا
ابراهيم:هيا مليحه لكن اني ماقتلكش بوسيني قتلك نبي بوسة مش خودي بوسة قلت نبي
جنات: احلف انك ماديرلي علامه احلف
ابراهيم: زمرررري مانبيهاش بللهي عليك معادش نبها تي نشحت ف امها شحاته خلها عندك باهي
جنات:امك برا عيب ..وطلعت جنات
وخشت فريال وبسمه وجنات تاني
بسمه:هااي
ابراهيم:امتى بنطلع اني؟
فريال:تلاته ايام بس
ابراهيم:نعمممم شنو ماسمعتش تلاته ساعات زياده مستحيل نقعدهم
جنات:ابراهيم بللهي ضروري تقعد
ابراهيم بعصبية:بسمه نادي الدكتور تي شن تلاته ايام هني
بسمه خشت ومعاها ممرضة
ممرضة:تفضلو خير
ابراهيم متسطح:نادي الدكتور
ممرضة:مش موجود دقايق وجاي تبي حاجه
ابراهيم:قداش بنقعد هني؟
ممرضة:مزال انت اصلا قعد مش كويس
ابراهيم:بري جهزيلي وراقي اني اليوم بنطلع اليوووم سجلي اليوم وف الساعه هادي
ممرضة:ودكتور شن نقوله
ابراهيم:نضمي امورك مانبيش نعلمك اني
ممرضة:متاكد
جنات مع نفسها زيد هدرز مع الممرضة زيد 
ابراهيم منتبه ع جنات :اي متاكد
:اي متاكدممرضة طلعت
ابراهيم عك السيروم متع التغدية وقعمز:اااه الزفت رجلي مكسورة؟
فريال:تمزق قريب صار كسر وايدك مفلوقه
ابراهيم:رجل اليمن وايد اليمن والبوطي جاي يصطرب من اليمن ودنيتي كلها من اليمن مجرحه ومتقطعه
زياد خش:السلام عليكم
ابراهيم مد ايده:هات الكيس
زياد عطاه الكيسة سوداء فيها جيلاطي
ابراهيم:انزل تفاهم معاهم تحت قوللهم نبي خروج
زياد:تي مزال ياراجل خيرك
ابراهيم بعصبية:انزللهم مش ضروري نعلي صوتي
جنات ايدها ع بطنها: ابراهيم خليك يوم زيادة وبعدين ارجع
ابراهيم:ولا دقيقة ..حاول يوقف
جنات وقفت معاه وتسند فيه
بااختصار طلع ابراهيم من المستشفى واخيراا 
وزياد خداله الدواء لفي الريشيته 
وزياد خداله الدواء لفي الريشيته ابراهيم تسطح ف غرفته وكيسة قعده ف ايده الكيسة السوداء
وزياد وفريال وبسمه رجعوو
جنات غيرت ملابسها وتشوف ف الادوية:برهوم بتاخد دواك توا
ابراهيم:حالك باهي اني مانخدش ف الادوية تعالي نقولك علاش
جنات تكلم من بعيد مش رح نقرب
ابراهيم طلع طربوش من الكيسة:اححح طرابيش خضر فستق دايبات
جنات شفاته: قلت لـ زياد يجيبلي؟
ابراهيم:لا وربي لا قتله ليا
جنات: هي ياعمري هيا دواء
ابراهيم:خودي الكيسة ديريهم ف الفريز
جنات خدت الكيسة ودرتها ف الفريز
ورجعت
ابراهيم مد ايده:حني لا في امك لا في دكتورات
جنات دارتله لا بعبصها :لالا ياحبيبي ف الاحلام بس تهدرز بكري مع الممرضة شفتك
ابراهيم:كان الممرضة قلتلها نبي بوسة راه عطتني حتى قدامكم 
جنات:ياروووحي قداش تسخف
ابراهيم:هياا تعالي وربي عرفك مستاحشتي
جنات قربت وحضناته وعطاته 
ابراهيم يلعب ف بنته:وتيني
وتين:هااا
ابراهيم:السنه الجايه تمشي لروضه انتي راه
وتين:غضوا؟
ابراهيم:بعد سنه قلت
وتين:مس مهم (مش مهم)
ابراهيم:بطوبو قوليلي مش مهم بعدين
جنات حامل جتهم وايدها ع بطنها:شنو تتحكوو
ابراهيم:كركوبتي جت حليلي 
جنات: كركوبه ني باهي باه بعدين ساهل 
ابراهيم قرص وتين بقوة
وتين:اااه حاار عادش تضدرصني (معادش تقرصني)
جنات:خلي البنت طبقتلها جسمها
ابراهيم:وتين مزال شهرين ويجينى بيبي
وتين تلعب:غضوا؟
ابراهيم:شهرين مش غضوا معنها بعد ستين يوم
وتين:غضوا
ابراهيم شاف جنات.تبي كف يطيرها من للشباك بنتك طالعه تفهم زي عيلة خوالها
جنات:وتين ماما من تشبهي انتي
وتين تلعب:نشبه محمود جد البابا
جنات تعصبيت:وتين من قالك هكي
ابراهيم:نستاذن اني عندي خدمه
وتين:بابا قال
ابراهيم من جنب البابا:كذذذب
جنات:ابراهيمتعلا عرفاتك ماعندكش خدمه تعلااااا
ابراهيم خش الغرفة:باه معادش تصرخي
جنات:وتين تشبه جدك محمود
ابراهيم:تشبهله شوية مش هلبااا
نادر تزوج بسمه
وهديل عندها زوز ولاد
وزياد خاطب
النهاية
”جميل شعُور أن يختار لك الله ما لم تختاره ، وفعلاً تشهد لك الأيام أنها كانت أجمل وألطف وأرق عطيّة”
ديما اوتقوو بنصيبكم ووقدركم
وكيف مانقول اني ميشوو محمد ف كل نهاية(التقه والحب موجودات لكن انتي اعرفي من يستحقهم)
تحياتي 
لقراءة الجزء السابق : الجزء الحادي عشر من رواية سرقت قلبي
للإطلاع علي فهرس اجزاء الرواية : رواية سرقت قلبي ( جميع الأجزاء كاملة ) للكاتبة ميشو محمد
جميع الحقوق محفوظة للكاتبة ميشو محمد .
