الجزء الثاني عشر من رواية كنت للروح سقيا

وفي الجزء الثاني عشر من رواية كنت للروح سقيا دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة شهد محمد .

الجزء الثاني عشر من رواية كنت للروح سقيا

شهد : يعني كنت منتظر اقول؟ 
لؤي : و الله جد… بس بعيدا عن ده م ح اقدر أتقدم حاليا
شهد : لي؟؟؟
لؤي : عايز اتم قرايتي 
شهد : لؤي يخ 
لؤي : بس ي شهد لي اخترتي اسي في الوقت ده
شهد : عشان اقدر اكون جنبك في علاجك بكل عين قويه امشي معاك المستشفى حتى ح نعمل عقد بسيط قبل تسافر عشان لازم اسافر معاك
لؤي : دقيقة دقيقه ي شهد قبل ده كلو انتي ح تقدري تعيشي مع انسان زي؟ انسان احتمال انو يتشل اكتر من 90 في الميه! انسان ح يعاني من اضطرابات نفسيه! انسان م ح يقدر يمسك يدك ويطمنك انسان لو شاف في يوم دموع خوفك عليهو م ح يقدر يقرب ويسمحا! شهد انسان احيانا م ح يقدر يتنفس اصلا…. لالا شيلي الفكره من راسك حاليا م ح ناخد خطوه جاده لحدي م ابقا كويس
شهد : انا مستعده ي لؤي لو م مستعده م ح اقول مستحيل اخليك تواجه كل ده براك لازم اكون معاك خطوه بخطوه م ممكن انا اخفف عليك بالمكالمات بس أو نتلاقى من ورا أهلنا لا م ممكن انا عايزه امشي معاك حتى خالتو تكون مطمنه انو انا معاك وهبه برضو لؤي إذا م كنت معاك اسي ح أكون جمبك متين؟ بعدين اتأكد انا اخدت القرار ده وم ح أتراجع معاك اربعه ايام تجيب اهلك وتجي جيت جيت م جيت بجيب امي ونجي نتقدم 
لؤي :لا بالجد انتي طالباني عديل ي بتنا  بس خليني استخير
شهد : لؤييييييييي
لؤي : بهظر بهظر 
شهد : انا ح اكلم امي بعدين طوالي انت شوف الوقت المناسب وكلم اهلك تمام؟.
لؤي :بحبك 
شهد : اتلهي خلاص وديني بيتنا
لؤي: من عيوني 
(طول الطريق لؤي كان بقول لي يعني خلاص ح تبقي خطيبتي؟ )
لما وصلت قبل م انزل
لؤي : ينفع نجي بعدين!
شهد : لا
لؤي : بكره الصباح
شهد : م سمعت بخطوبه الصباح 
لؤي : بكون في حاجه زي دي
شهد : لؤي يخ قلت ليك بعد اربعه ايام بعدين ده تعارف
لؤي : بما انو تعارف نجي بعد بكره خلاص والخطوبه بعدها بيومين تلاته
شهد : اسبوع
لؤي : يخ انتي م ح تكوني خطيبتي انتي خطيئتي م تقوى راسك
شهد : لؤي مبدئيا كده تعالو بعد بكره خلاص الباقي الله كريم يلا سلام
لؤي : يلا خلي بالك من نفسك
شهد : وانت كمان

اول م وصلت وفتحت الباب لقيت امي براها ف قلت خلاص ي شهد ده الوقت المناسب
انا: امي ازيك
امي: الحمد لله وانتي وكيف كان يومك
انا :كان حلو عايزه اقول ليك حاجه فاضيه؟.
امي : أن شاء الله خير
انا : خير خير ان شاء الله… بصراحة ي امي في واحد عايز يتقدم لي
امي : بالجد!  الحمد لله عشت وشفت اليوم ده بس ي شهد م بدري احنا عندنا وفاة قريب كان
انا : و الله عارفه واي شي حتى انا صعبه على بس ي امي…….. ( حكيت ليها عن لؤي وعن ظروف مرضو ولي اخترنا اسي وكده)
امي: بس ي شهد انتي. بتمشي للعذاب. برجولك ح تعرسي واحد عندو مرض خطير كده!
شهد : ي امي ح يتعالج أن شاء الله بعدين انا بحبو مستحيل اخلي براهو
امي : وبتقوليها لي في وشي كمان عالعموم ربنا يتم ليكم على خير
بعدها حضنتني. مسافه وبدينا نتكلم عن التفاصيل استاذنت منها وطلعت انوم شويه
عند لؤي :
اول م وصلت طلعت استحميت عايز انوم كده اتزكرت تسجيلات شهد القالتا ف فتحت الفلاشه وكان كل تسجيل عندو تاريخ واسم معين ف ابتديت ب اول واحد كان باسم اعتراف
ف فتحتو :

بدأ بصوتها الحلو جدا جدا جدا جدا صوتها الانا لما سمعتو زي كأني سمعتو لأول مره في حياتي حقيقي شهد م ممكن في يوم تفاصيلها تبقى لي عاديه كل مره بنذهل بيها اكتر من المره القبلها

بصوت شهد :.
عارف! أول مره اشوفك مع الاسف م كنت ملاحظة لوجودك بس اول مره الاحظ ليك ف اتأكد اني لاحظت وركزت وفكرت فيك ايوه كنت بفكر فيك كل مره كنت بنعجب بيك اكتر وانت م قصرت كل يوم بتقشر وبتحلا أكتر صح حبك كان باين وواضح بس انا برضو م ح أنكر حكايه اني حبيتك شي طبيعي اني احبك كيف م ح احبك وانت في مره اتفقت مع بت وقلت ليها أدى الأوراق دي لشلتي وحددت ليها لون معين لي انا وأكدت ليها انها م تغلط تفتكر م لاحظت يعني؟ حتى الورقه كان مكتوب عليها
عِندما نظرتُ إلى عينيّكِ أدركتُ بِأنّي لا أملكُ نقطة ضعفٍ واحِدة بَل أثنين

لؤي انا بحبك بجد ف كل مره كنت منتظراك تقيف قدامي وتعترف وتخلصنا من الموضوع ده كنت بستغرب ليه م ظهرت لسه كل مره كنت بحاول اتضبط عشانك بتذكر ف مره كان جيت بس اتاخرت شويه وبعد جيت كانت يدك فيها جرح بسيط كان نفسي اجي أسألك بس اكتر سؤال كان بحيرني انت كيف قادر تصبر الفتره دي كلها كيف م اتحركت كيف قادر تتابعني كل يوم من غير م تزهج انا في الأول كنت بتضايق من وجودك وجدا بس شويه شويه بقا يتحول ل اعتياديه شويه ل قبول مني ليك بعدها ل أمان بعدها حب 
لؤي انا بحبك وحقيقي مبسوطه بوجودك معاي ممتنه لوقفتك معاي في كل مره بتثبت لي اني م غلطت لما اخترتك ف شكرا لوجودك معاي 
لؤي :
معقول شهد كانت بتحبني؟  ولي م اتكلمت هنا اتاكدت انها اغتت خلق الله ( من كلمه غتيته )
طوالي من غير اي تفكير كتير نزلت لأمي لقيت جنبها هبه من غير اي مقدمات
لؤي : يخوانا جهزو روحكم بعد بكره ح نمشي تعارف
امي: تعارف منو؟
لؤي :انا
امي : لؤي بطل استهبال كيف يعني وعلى منو وشنو فجاءه كده؟
لؤي :م بكذب ي امي و الله بس اسمعيني اولا على شهد اللي هي صحبة هبه اتذكرتيها؟
أمي : طبعا طبعا اتذكرها ما شاء الله عليها كيف وافقت ليك؟
هبه :ده المحيرني
لؤي : هبه م ناسي حقت المره الفاتت على فكره 
امي: أوعى تكون أنت م ود الحلال العايزها الكان قالتو هبه.. كيف يعني م ود حلال ي هبه اصبري لي
لؤي : تصبر ليك لي اسي ده بشيل حقي اسي ده
امي : اسي م وقتو بس لي يخ بالسرعة دي اصبرو شويه 
لؤي : هي اختارت اسي عشان تكون جنبي في مرضى 
هنا امي طوالي عيونا دمعت قعدت جنبها وطبطت عليها شويه
امي : بت حلال و الله بت حلال الحمد لله يارب  الحمد لله انك أديت ولدي بت زي دي
هبه: امي ادعي ليك معاك شنو لؤي بس 

نرجع لشهد :

نمت م صحيت الا على همس وهي بتصحي فيني وهي بتنطط وبكل الحماس ألفي الدنيا دي
همس : بجد السمعتَو ده بجد لؤي ح يتقدم ليكشهد الف مبروك و الله فرحت ليك من كل قلبي ربنا يتم ليكم على خير ان شاء الله 
انا: براحه براحه اتنفسي بالاول يالاخت
همس : م قادره م قادره والله 
انا : همس بجد كده انتي بقيتي لي زي شجن انتي المصبراني على فراقا
همس: حبيبي عارفه شجن ماف زول زيها بس ربنا يرحمها أن شاء الله ويرحم خالو وان شاء الله ح أكون معاك في اي لحظه م تخافي سمعتي بالجديد؟
انا: لا شنو؟
همس: خالتو نازلين السودان بعد اسبوعين بالكتير خلاص مره وحده وبيان ح تنزل معاها ح تشتغل هنا حتى لقت ليها طريقه في شركه اول م تنزل ح تشتغل
انا: ي الله  دي شنو الأخبار الحلوه دي كلها ربنا يجيبهم بالسلامه ان شاء الله
همس : أن شاء الله يارب
أثناء م بنتكلم اتصل لؤي
انا: بأي ي بايره زوجي قرة عيني بتصل
همس : ي شيخه!! طيري طيري
لؤي : حبيبي 
انا: عيوني 
لوي: كيفك
انا: الحمد لله وانت
لؤي : كويس الحمد لله… كلمت امي وفرحت لي شديد واصلا هي من المره الفاتت حبتك
انا: وانا كلمت ناس البيت ومنتظرنكم بس
لؤي : حاسي نفسي بحلم معقول كل شي بالسرعه دي؟
أنا :تخيل
لؤي : طبعآ…
بقيت م سامعه اي حاجه غير صوت جوطه وعربات بتذمر
انا : لؤي.. لؤي؟؟ لؤي انت كويس؟ لؤي؟؟

يتبع ……….

لقراءة الجزء التالي : الجزء الثالث عشر من رواية كنت للروح سقيا

لقراءة الجزء السابق : الجزء الحادي عشر من رواية كنت للروح سقيا

للإطلاع علي فهرس اجزاء الرواية : جميع روابط اجزاء رواية كنت للروح سقيا للكاتبة شهد محمد

جميع الحقوق محفوظة للكاتبة شهد محمد .