الجزء

الجزء الخامس من رواية لعبة بديلة

الجزء الخامس من رواية لعبة بديلة

وفي الجزء الخامس هل يا تري سيكون هناك مفاجآت من النوع الثقيل ستحدث مع ابطال الحكاية ام ستكون الأمور كلها علي ما يرام ؟ كل هذا وأكثر سوف نعرفه سوياً في السطور القادمة بإذن الله .

الجزء الخامس من رواية لعبة بديلة

ع التلفونن:
:بعياط ……..شنوووووو؟؟؟؟؟؟؟ كييف؟؟؟
:………………
:تماممم اني ساعة زمان ونكون عندككك 💔💔💔
_____________
يوم الحفله:
الكل يجري ع روحه 😂💙
جنى ف المزين معاها كوتر وعليا ورباب(بنت خالتها)
المزينه:ياجنى وقت عليك هادي تالت مره نعاود الميك آب شن هالدموع اول مره نشوف عروس هكييي
عليا:تساوي ف الفيلو:هيا جنى بلا جو الساعه سته ونص
جنى:ياربيي😭💔تمام اخر مره هياا
كوتر:جايبه الاكسسوارات ووراها رباب جايبه الكندره والتاج ❤👑
رباب:اوفففف ياربي شن هالنوو هاداا براا؟؟منموتت
كوتر:لابلهي خلي تمر اليله بعدين اعمليها 😂
رباب وعليا:😂😂😂😂😂
جنى:💔
الساعه 8مزبوطه ف اليل
جنى:تشبح ل روحها ف المرايا بإعجاب وتبتسم وبسرعه ماتكشر💔
رباب:لولولولي😂يابختك يا وليد شنو هالجمال ي بت
جنى:شبحت ل عليا وكوتر
عليا:تبخر…اللهم صلي وسلم على نبينا محمد اللهم صل وسلم وبارك على سيدنا محمد…ياعنشكلك وين كنتي داسه روحك وطبطتها
بادلتها جنى الضمه
.
.
قيس:بالك كسره ياودي؟؟
بوتة القصر:انت سكر فمك خليني منسجمه😂
قيس:😂😂
.
.
حوش مقلوب فوق لوطي بس مش عشان الدوشه والعرس وكدا لا ع حاجه أحرفففف بتقلب الموال كلهه💔💔💔
منيره:ياربي ياسيدي استرها ياربي ياسيدي 💔💔💔
كلمو محمد كلموههه وجت مقعمزه
تلمو عليها خواتها
عائشه(اخت منيره):المعازيم برا ردو بالكم يسمعو بس💔
اميره(اختها حتى هي):ايي يابنات اطلعو انتو وردو بالكم تطلع منكم كلما هكي ولا هكيي
خش عليهم محمد:داهش……
منيره:جرت عنده:ها شنو؟؟شن صار معاك تكلم
محمد:كلببب ولدكك كلبب كنت عارففف بيدير فالطه عااارفف….وكسر المزهريه جنبه
حطت منيره ايده ع فمها والكل مصدوم
خشت عليهم ريماس:يا عمتي العيله ف المزين تستنىى
محمد:شبح لامه
منيره:شدت روحها…اسمعوني……………….💔💔💔💔
.
للكاتبه: بــنوتـَٰــۘ❀ـَٰـةً آݪقٰཻ͚͆ـــــ͒͜ـًصــٰـُ͢ـُٰཻــ͒͜ـًـــر👑
.
.
ف المزين:
كوتر:خشت:هيا بسرعهه ياجنىى جو
جنى:دقات قلبها بدت تتسارع
ساعدوها عليا والبنات وطلعوها وجنى طول الوقت عيونها لوطه
ركبت سيارة العريس وقاعدين عيونها لوطه مرفعتهمش بكلل
جنى:ف نفسها…..معقوله كارهني ل درجة حتى مبروك ماقالها؟؟باهي علاش تزوجني؟؟
هادا الكلام الساعه 10ونص
الزوز ع نفس الوضعيه لا هوا تكلم ولا هيا رفعة راسها
وصلو الخيمه ف حوش وليد🤷‍♀️💔?!
جو البنات يتجارو يساعدو فيها تنزل وهوا قاعد ف السياره نزلت وهوا مشي
جنى:بصوت واطي:مش ح يدخلنيي؟؟؟
البنات:هي بشويه عليك حبيبه يلا💔ودخلوها
خشت والعيون كلها عليها اعجاب وف نفس الوقت عيون شفقه من العيله
لاقتها عليا ع الكوشه(كرسي العروسه)تبكي بعبرتها
جنى:خيرك شن العار هادا حتى ف المزين مادرتيه؟
عليا:ف سرها…كان تعرفي انك كنتي #لعبه ياوخيتي بسس😭💔
جنى:مقعمزه…وتشبح للبنات يرقصو والمنظومه موقفتش…..تشبح ل منيره ومستغربه من توترها ومنحتش عيونها منها لين جنى بروحها توترت
للكاتبه:بــنوتـَٰــۘ❀ـَٰـةً آݪقٰཻ͚͆ـــــ͒͜ـًصــٰـُ͢ـُٰཻــ͒͜ـًـــر👑
غرسه:اااااااهه ينيتيي سامحينيي 💔
__________
منيره:😥💔
__________________
جنى:منحتش عيونها من الوطا ركبت السياره وعيونها لوطه ونفس الشي لاهوا تكلم ولا هيا
جنى:شعور غريب نحس فيه قلبي بيطلع من مكانه نبي نشوفه لاكن وجهي تشنج وعيوني تابتات ع نقطه وحده طول الطريق نشوف للباقه💔مستخسر يسألني ع حالي بعد كل شي صارليي!💔حبيته ونحبه غبيه انييي ولله غبيهه 💔
وصلنا للفندق
نزل هوا عابيه عليه بيرجع بيرفعني معاه وطلعت غالطه بعت حد من الامن ولا جماعته مشعارفه دلني ع الطريق ومكان الشقة
…..:اتفضلي خشي وهوا دقايق ويكون هني
اني خشيت ومعدلتش ع كلامه طول ع الحمام نحيت الفيلو واني نبكي 💔نحيت التاج والبروش وخشيت دوشت ب ميه مسقعهه لاول مره نستحملها بس قاعده مبردتش ع نار قلبييي اهه ياغبيهه💔💔
طول الدوش واني نفكرر شن بيصير توا!!!شن بندير؟؟
منكدبش عليكم جتني فكرة الانتحار متع المسلسلات هديكا ولا يصير بيني وبينه شي لاني مش متقبلاتهه ابدااا💔
طلعت من الحمام لقيتهم مدخلين شنطتي الصغيره الي اختي حطتلي فيها روب الدخول ومعطرات ومكياج قعدت نشبحلها فتره واني مش لابسه شي غير فوطة الدوش لين سمعت الباب انفتح!قلبيي طاحح لفيت روحي بنمشي للحمام شدتني يد ع كتفي خديت نفس وتلفتت
جنى:نقزت من مكانها…ءءءءاااا😳😳م مم محمد؟😳
جنى:نقزت من مكانها…ءءءءاااات😳😳م مم محمد؟😳
محمد:يشبحلها..
جنى:ششنن ديرر هنيي؟؟؟؟شنننن اطلععع ككيف خاش عليا هكي م…
محمد: سكرلها فمها بيده ودفها ع الحيط
جنى: تحاول تتكلم…… امممم اممم اممممم💔
محمد:اسسسسس وراسك بنفهمك كل شي بس اهديي اهدييي تمامم؟اهديي …..قعد ع نفس الوضعيه حاط يده ع فم جنى وجنى تشبحله ومصدومهه لين ف لحظه جو الزوز مقعمزين ع الزليز نحى محمد يديه والزوز يشبحو ل بعض
جنى:تهز ف راسها يمين ويسار
محمد:نزل راسه…هربب اييي وليد هربب درت جهدي وما حصلته مكانش ف حللل يسكت الناس غيرر…وسكت
جنى:غير انك تاخد مكانه💔
محمد:سكر عيونه فتره وشبحلها يتأمل فيها
جنى:لعبه؟؟لعبه اني يا محمد؟؟؟
محمد:….
جنى:تهز فيه وعلت صوتها …جااااووووببب؟؟؟؟؟؟..وقعدت تهز فيه وتضرب ع كتفه وخشت ف حاله هستيريا قعدت تعيط
محمد:بحركه سريعه شدها تبتها ع الحيط وباسها من فمها لين جنى ستاقدت ع نفسها ودفاته وجرت للحمام وهيا تبكي
للكاتبه:بــنوتـَٰــۘ❀ـَٰـةً آݪقٰཻ͚͆ـــــ͒͜ـًصــٰـُ͢ـُٰཻــ͒͜ـًـــر👑
محمد:طلع من الشقه قابله مصباح
(عرفتو الشخص ل دل جنى ع الشقه هوا نفسه مصباح صاحب محمد)*
مصباح:منسألش خير
محمد:شبحله ومشي للمصعد جي بيلحقه مصباح منعه محمد وقاله اقعد قدام الشقه واي شي يصير قولي
ونزل مشي للحديقه الخلفيه متع الفندق طلع الدخان وبديي فيه طرف ورا طرف
غرسه(ام جنى):مقعمزه قدام منيره تشبحلها بنظراتت نااار وتستنا فيها تتكلم
منيره:مشبكه يديها ف بعضهم ومنحرجهه من عيلة جنىى بالكامل…اليي بديريه يا غرسه ديريه اما اني اكتر من هكي ماعندي مابندير واحد من ولادي طلع عيلل وابصر توا حي ميت وين اراضيه ابصررر الناس وسكتناهم ميندرو بشي دمرت مستقبل وليدي التاني💔 ع خاطر جنى كان عندك حاجه تانيه نديرها مستعدهه وكلا….
قاطعتها غرسه:عيلل واكبر عيلل حتى كلمة عيل خساره فيه اني زوجت بنتي واني قاعده ف العدة مفرحتش معاها ولا كنت معاها بس عخاطر نبيها تفرحح💔 هاليي مايستحي نبي كيف يعالج ف الناس كل يوم بلا ضمير وبلا قلب هادا غرر دكتور يا منيره هادا الي كنت بنأمنه ع بنتيي اني جعله مايربح ياعاليّه جعله مايربح ياربي وتبكي وعليا تهدي فيها
عليا:يمااا😭💔💔
غرسه:اهه شنو يما هيا بلهي عليك تندري عليها اختك توا شنو صاير فيها؟؟؟؟تندريي؟اخخخ ياربي شن مدايره تحتك اخخ💔
قيس:يسمع من الباب…..اني وين بالك ف ام بي سي تو ومنندريش؟؟؟شنو هادااا غبر ف فيته وين دايح
_________________
للكاتبه :بــنوتـَٰــۘ❀ـَٰـةً آݪقٰཻ͚͆ـــــ͒͜ـًصــٰـُ͢ـُٰཻــ͒͜ـًـــر 👑
نفهمكم حاجه نصكم داخو منها🙂✅يعني اكيد محمد مخداش جنى وهيا كاتبه كتابها ع وليد لا طبعا جت رساله ل محمد وهوا يدور ع وليد من رقم مجهول فيها ورقة طلاق جنى وهاذا الشي سهل ع العيله الخطه متعهم ومحمد دار اوراق بأنه زوج جنى رسمي وفيهم توقيع جنى(توقيع مزور)وتوقيع تنين شهود من العيله وتوا ع اساس بعد ماعرفت جنى بيحولو التوقيع رسمي وبتقعد جنى مرت محمد ف الشرع بس هل جنى ح توافق؟…..
الساعه 2:30ص:
جنى:طلعت من الحمام لبست روبها وقعمزت قدام ل مرايا:هرب💔ميحبنيش💔؟؟علاش خداني💔؟؟؟؟علاشش صارلي هكيي ياربي علااشش😭💔💔….ولوحت شيشة العطر ع المرايا نكسرت
سمع مصباح الصوت كيف جاي بيفتح وخر ورن ع محمد
محمد:خش للدار لقاها متكيه ع الامرايا ومغمضه عيونها يسحابها راقده شبح للمرايا ول يدين جنى ل كانو دم قامها وحطها ع السرير جاب المعقم وبدي يعقم ف الجروح اما جنى ف فايقه ب كل شي بس مغمضه عيونها
جنى:قالت بصوت واطي…..علاشش هكيي💔
محمد:مكمل يداوي ف الجروح
جنى:ف دواء يداوي قلبيي؟؟؟
محمد:شبحلها💔
جنى:فتحت عيونها…..شنوو؟؟ولا نقولك خليه نبيه يموتت 😭💔
محمد:تمالك نفسه ورجع ل طبيعته…..زي ماتعرفي قعدتي هني تخالف الشرع وحرامم في شوية اوراق ضروري توقعيها باش…..وشبح للسقف
جنى:بيش يولي زواجنا رسمي؟؟؟💔
محمد:خدي المعقم وناض جاب الاوراق وقعتهم جنى وهيا تبكي بصمت💔رقد محمد ع الصالون وجنى ع السرير و الزوز يفكرو بنفس الشي!شن بيصير غدواا!!!!
×××××××××××××
للكاتبه:بــنوتـَٰــۘ❀ـَٰـةً آݪقٰཻ͚͆ـــــ͒͜ـًصــٰـُ͢ـُٰཻــ͒͜ـًـــر👑
جنى:فقت من النوم ع صوت محمد القوى شفت الساعه لقيتها ال10:30 تبعت الصوت لقيته ف الصالون مقعمز وشاد التلفون وكأنه يعارك ف حد قعدت نشبحله من فتحت الباب ونحاول نسمعع
محمد:بصوت عالي…..انيي علاششش جبتككككك؟؟؟؟؟جاوبب كان مليكش فايدهه؟؟؟
جنى:تزيد تفتح ف الباب باش يبان محمد اكتر
محمد:اخخخخ يا…..❌❌افهم عليااا
جنى:حطت يدها ع فمها من كلام محمد اول مره تشوفه هكي
محمد:جاي بيتكلم لمح جنى تراقب فيه من بعيد خدي نفس لانه نسي اصلا ف حد غيره موجوده ف الشقه سكر الخط وقعمز ع الصالون
أما جنى ف ردت الباب بالشويه وخشت دارت دوش ولبسة بيجامه عاديه واسعه مرسوم عليها جمجمه وحمدت ربها انها حطتها ف الشنطه الصغيره بدون متعرف اختها جففت شعرها وخلاته مطلوق وقعمزت فتحت النت
محمد:استغربت معاش سمعت حس خشيت للدار وتفاجئت بجنى متكيه ع السرير وشادة التلفون ولابسه بيجامه قريبا ل بيجامات قيس قعدت نشبحلها وهيا ولا كأنه خشيت
جنى:قامت عيونها ولقاته يشبحلها رجعتهم ع التلفون ……نعمم؟؟؟؟
محمد:ستاقد ع نفسه…..الفطور تبيه ف كافيتريا الفندق ولا هني
جنى:من قالك نبي؟؟؟
محمد:مش ع كيفك
جنى:بدون مقدمات قالت…شن وليد؟؟؟
محمد:تعصب بس مبينش….شن بديري بيه؟
جنى:شنو؟شن قصدك
محمد:قرب لين قعمز ف السرير الجهة التانيه…يعني ياجنى الفارس متعك هارب ولما هرب مش معروف هل ميت هل قاعد حي
جنى:كيف قادر تقول هكي ع خوك؟؟؟
محمد:كمل كلامه بدون مبالاه لكلام جنى:جوازنا عباره عن تلاته شهور وبس وتكمل اللعبه ع قولتك وليد صفحه واطواها لانه حتى لو رجع مش حيتزوجك
جنى:قربت منه لين محمد استغرب……لو رجع من قالك ح نقبل بيه اصلا؟؟؟وليد ع قولتك صفحه وطويتها ولما بيرجع بنحرقهاااا🔥💔الفكره الغبيه لواخدها عليا منقولكش غيرها لاكن احتفظ فيها لروحك تمام؟؟….وناضت طلعت من الدار
محمد:😳😳هادي جنىى؟ولا عمري توقعت شخصيتها قوية هكيي!!!
_________
للكاتبه:بــنوتـَٰــۘ❀ـَٰـةً آݪقٰཻ͚͆ـــــ͒͜ـًصــٰـُ͢ـُٰཻــ͒͜ـًـــر👑
رانيا:خيرك متغير عليااا اكيد ف وحده تانيه ف حياتك
قيس:مش وقت نكد رانيا صبح يافتاحح
رانيا:اي قول معاش نبيك تصبحي عليا وخلاص
قيس:قال وهوا متعصب…..ت معاش نبيك بكلل وسكر الخط
قيس:شن درت ياربي….. وعاود يتصل ب رانيا وهيا متردش …..ايوااه🤦‍♀️💔
___________
رانيا:تبكي……يسحابني لعبه بين يديه امتا مايبيني رنيوتي وامتا ميبنيش شفتي كيف😭💔
هدير:(اختها)……رانيا قصدي عنده حق تقوليله ف وحده ف حياتك وهما عيلتهم مقلوبه فوق ولوطي الي خايف ع وليد والي متعصب منه والي خايف ع جنى شن بدير كيف تبيه يرتبط!
رانيا:بس نحبهه💔اول مره قيس خلاني نحس بشعور عمري ماحسيته مع حد
هدير:ناضت…..معناها ادعميه واوقفي معاه متخسريشي يارانيا ب تفكيرك
رانيا:💔
____________
علياا:حييي جنى فاتحه نت خل نشوفها
ف المطبخ:
جنى:مسحت دموعي مكنتش نعرف انه محمد مدايرني وحده غبيه وضعيفه منحبش حد يشوفلي نظرة شفقه كان خاطري نضربه كف مشعارفه شن ل منعنيي💔
ترررننن ترنن
جنى:شافت الرقم وابتسمت بألم وردت قعدت ساكته
عليا:تبكيي وتسمع فيها جنى
جنى:لو كانو الدموع يديرو حل راني ولله درت بيهم بحرر💔
عليا:ااااسفهه اسسسفهه وخيتييي😭💔
جنى:علاش تتأسفي شن درتي انتي أصلا 💔
عليا:شدوني 💔💔
جنى:مفهمتش؟؟
عليا:من أول ما روحنا من المزين شدوني وقالولي كل شي💔وقالولي ل مصلحتك وعشان الناس متتكلمش عليك واطلع كلام غلطط هادا ل سكتنيي😭💔
جنى:معاش تفرق معايي ل صار صار
عليا:يحليلي شن صاير معاك كيف مر عليك اليومم
جنى:مر بكل حب وسعاده
عليا:جنى متتسهوكيش
جنى:شن تبيني نقولل؟؟؟ها؟؟وليت لعبه ل يجي يبدا يتحكم فياا مكنتش نتوقع محمد؟؟؟اني ناخد محمد؟؟ت محمد كان زي خويي زفتتت💔
محمد:كان طالع وسمعها💔خدي مفاتيحه وطلع قربع الباب لين جنى انخلعت
عليا:شن في وينك
جنى:ااا معاك معاكك
وكملو هدرزة وجنى جافهه لابعد الحدود
.
بعد:
هبه:وككك علياا😭💔
جنى:خير بلاكك
هبه:يناري هادا كلهه صار فيهاا وف النهايه تكتبي انها جافه؟؟؟ت كان اني راه منتحره الحمدلله انها روايه 💔
قطعتلي قلبيي
جنى ببرود:الحمدلله
هبه:كلهه من العيلل وليد وربي عيلل
جنى:ورا كل عيل سبب
هبه:شن قصدك
جنى:قصدي كلهه تلقيه ف الروايه …واشرتلها بعيونها ع المذكره….كمليها
خشت عليهم الممرضه:جنى تعالي يبوك ف غرفة التحاليل
جنى:طلعت
هبه:ياربي كمية الغموض ل عندها اكتر من الروايه🙂💔✔
ورجعت تقرا…
#للكاتبه:بــنوتـَٰــۘ❀ـَٰـةً آݪقٰཻ͚͆ـــــ͒͜ـًصــٰـُ͢ـُٰཻــ͒͜ـًـــر👑
قبل:
قيس:مخاطريش
مانجا:خيرك انت؟؟؟
قيس:خيرنييي!
مانجا:رايح مبهدل للمليون
قيس:كيف يعني؟؟؟
مانجا:ت شوف ل روحك الهم لا عاد تتسهوك لا تتبردد لا..
قاطعه قيس:مصح فمك اقلب ودنك من عليا تراا وقت تسهويك هواا
مانجا:🤦‍♂️💔…خلاص كرهتني ف الحب
قيس:شبحله بمعنى شن تقصد
مانجا:اي اي دير الحوله راني فاهمك وعارف كل شي🙂
قيس:شبح فوق للغيوم…..اول مره نقولها بس نبيها ❤
مع انه مشاكلنا فاتت مشاكل توم وجيري بس نبيها ورب الكعبه ممكن هادا اول موضوع جدي ناخذه ف حياتي
مانجا:جدي ولا عمي شكلها واخده عقلكك زززففتت به خيرك مضايق
قيس:جرحتها يا مان ….وضحك بهزوه
مانجا:الجرح يتخيط… وطبطب ع ظهره
قيس:شبحله ونحى عيونه وقعد يشبح ل سبيدروه..قول
مانجا:اممم
قيس:من عمره خدي بكلامك؟؟
مانجا:منعرفش اصلن منعرفش انه نعرف نتكلم 🤦‍♂️
قيس:ناض
مانجا:وين؟؟
قيس:بنمشي نجيب يبره وخيط …غمزله ومشي
مانجا:ضحك
_______________
جنى:……….
محمد:………………
…يتبع……………

لقراءة الجزء التالي : الجزء السادس من رواية لعبة بديلة

لقراءة الجزء السابق : الجزء الرابع من رواية لعبة بديلة

للإطلاع علي فهرس الرواية : جميع أجزاء رواية لعبة بديلة للكاتبة بنوتة القصر

جميع الحقوق محفوظة للكاتبة بنوتة القصر .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى