الجزء

الجزء الرابع عشر من رواية قلب صخر

الجزء الرابع عشر من رواية قلب صخر

وفي الجزء الرابع عشر من رواية قلب صخر ونحن نقترب علي نهاية الرواية هل يا تري سيحدث شيء غير متوقع يغير مجريات الأحداث ام لا ؟ دعونا نعرف إجابة هذا التساؤل في السطور التالية بإذن الله مع الكاتبة زهرة الشيخ .

الجزء الرابع عشر من رواية قلب صخر

قعدو على هدي الحاله لربع ساعه وبدا صخرر يفقد الوعي
صخر: ياقوت
ياقوت: همم
صخر: يشوفلها تعرفي قداش نحبك نا
ياقوت: قداش
صخر: قدد ه العالم كلله
ياقوت: صخر انت مش بوعيك صخرر والله بنموتت من الخوف
صخر: اشششش ماتخافي
ياقوت:😑
صخر: ياقوت
ياقوت” ها ها كرهته اسمي
صخر: تعرفي درت المستحيلل ورتكبت جرائم عشان تكوني ملكي لييش انتي ماتحبني
ياقوت: شن درت مثلا جيت لحوشنا وطلبتني من امي شن ه الحاجه الكبيره يعني
صخر: قعد فتره يشوفلها
ياقوت: خيررك
صخر: بتسامحينيي ياقوت
ياقوت: على شني
صخر: على الي سببته ليك
ياقوت:؟ مافهمت
صخر: انا عجبتيني وحبيتك وكلمت بوك قداش مره بس هوا كان ررافضني
ياقوت: بابا؟
صخر: ايه ب بووك رفضنيي ورتكبت فيه ج جريمه على خاطرك انتي لاني نحبك وتمنييتك ل ليا قتلت بووك
ياقوت:ماستوعبت لي قاعده تسمع فيه …صخرر ا انت شن تقول
صخر: حط راسه ع رجليها اسف ياقوت
ياقوت: ماحولتش تبعده عنها ولا شي قعدت تعاود ف كلمات صخر ….صح بابا مات مقتول يعني ا انت قتلته
صخر: ايه
ياقوت دفتت صخرر بعيد عنها وبدت تبكي بهستريا مش مصدقه اني تزوجت من قتل بوي مش مصدقه انه بوي انقتل بسببي انا مستتتحيل نقعد معاك ولا دقيقه وحندمك ياصخر ياانا يا انت وطلعت تجري
وصخر فاقد الوعي وينادي بأسمها
نزلت تجري وطلعت من الباب الخلفي وماعرفت كيف تطلع من المتاهه امتاع القصر قعدت دور ع مخرج لين انخبطت في
.
.
.
ياقوت دفتت صخرر بعيد عنها وبدت تبكي بهستريا مش مصدقه اني تزوجت من قتل بوي مش مصدقه انه بوي انقتل بسببي انا مستتتحيل نقعد معاك ولا دقيقه وحندمك ياصخر ياانا يا انت وطلعت تجري
وصخر فاقد الوعي وينادي بأسمها ….
نزلت تجري وطلعت من الباب الخلفي وماعرفت كيف تطلع من المتاهه امتاع القصر قعدت دور ع مخرج لين انخبطت في فيصل
فيصل: يدخن ياقوت ولا انا غلطان !
ياقوت: تبكي نبي نطلع وين الباب
فيصل: وليش طالعه بهدا الشكل وفي نص اليل ومن خلف القصر ؟
ياقوت: تبكي وتترجا فيه مانبييش نقعد ولا دقيقه هنا بللهي عليك دير فيا معروف وطلعني
فيصل:وجعاته حالة ياقوت …بشرط تقوليلي شن صاير معاك ونا نوعدك اني نساعد
ياقوت: تبكي وتشهق انا اليوم عرفت انه صخر هوا لي قتل بوي زوجيي هوا قاتل بويي هوا لي دمرني هوا لي قتل الفرحه لي داخلي…
فيصل:من قالك ؟
ياقوت: هوا شرب وقالي على كل شي
فيصل: تمام تعالي معاي شوي بسس نفهمك
ياقوت: مانبيش نفهمم نا نبي نطلع
فيصل: تعالي لو تبيني نساعدك وطفى الدخان لي ف ايده ومشى لخلف الشجره وياقوت ماشيه وره
فيصل: شبح يمين ويسار مافي حد …اسمعيني ياقوت الشي لي انتي بديريه توا غلط وممكن يسببلك هلبا مشاكل ماتفكري فيك انتي بس فكري في عيلتك صح صخر قتل بوك وبأمكانه يقتل شخص تاني من عيلتك بسبب تصرفك لانه صخر يحبك
ياقوت: نهرب انا وعيلتي ولا نعيش مع الشخص لي قتل بوي
فيصل: افففففف الز… اسمعيني كوييييس وركزي معاي
صخر مش فاقد وعيه باالكامل صدقيني انا نعرفه اكثر منك حيذكر الكلام لي قاله ليك غدوا وحتكبر المشكله لو هربتي توا
ياقوت: خافت به شن الحل
فيصل: ارجعي لغرفتك وغدوا في نفس الوقت تعالي لنفس المكان هدا وهنعطيك شي يساعد لتنتقمي من صخر وتهربي
ياقوت: وانته ليش دير هدا الشي ليش انت تساعدني
فيصل: واللهي بديت ننسأل هلبا ف ه السؤال ..مش توا خلي بعدين نقولك علاش توا زي ماقتلك
ياقوت: تبكي وبشهقه ت تمام ومشت
فيصل اففففف لازمك حلل ياصخرر
ياقوت رجعت ع امل وعلى وعد من فيصل
وصلت للحوش وكان مظلم خشت بشوي شوي لين وصلت لدارهاوقعدت حاطه ايدها ع فمها عشان ماطلعش صوت وهي تبكي وايدها لاخر على قلبها وتذكر في كل لحظه عاشتها مع صخر وتذكر ف بوها
____♡____زهره الشيخ____♡___
الصبح
ع السفره يفطرو وكيف العاده زياد يستبل ع اساس ياكل وهوا يستنا ف حلا تنزل عشان يشوفها
ماجد: بللهي سقدنا من امتى بديت طول ع الاكل
زياد:وانته خيرك وجعتك حالتي لاني قاعد ناكل ولا كيف
ماجد: لا والله حاسدتك على برودت دمك ه الايام
زياد:💦💦
اريج صبح يافتاح
حلا نازاله صبح الخيير
زياد:😍😍😍 ..في داخله اهدا يا زياد خيرك افففففف
ماجد: كملت ولا
زياد: اي
ماجد: باهي هيا قدامي😏
____♡____زهره الشيخ____♡___
صخر فاق راسه يوجع فيه بيتفجرر ناض ومشى للحمام ادوش وكل شوي يدكر شي من كلامه امس ….في داخله لالا مسستحيل زعما سمعتني حق طلع من الحمام (حشاكم) ومشى لعند ياقوت على طول ..
ياقوت راقده وكان باين عليها انه مارقدت من البكي عيونها منتفخه
صخر: اففففف اكيد قلت لها كل شي لين بادي شكلها هكي رسميي اففف …. ينادي عليها ياقوت ياقوت .
ياقوت: ناضت مخلوعه وعيونها يدمعن
.صخر: يجرب صباح الخير ؟
ياقوت: صباح النور
صخر:؟؟ خيرك امالا امس مارقدتي ولا شنو
ياقوت: مابتش تبين لا تاخرت شوي ..وناضت مشت للحمام
وصخر: يحاول انه يدكر شن قال بضبط او يدكر ردة فعل ياقوت لين حاس راسه بيتفجر من التفكير
شوي وطلعت ياقوت عاديه تماما بدلت وساوت شعرها وطلعت طيب الفطور وصخر طول الوقت عينه على ياقوت ومستغرب ردة فعلها وهوا متاكد انه قال عن مقتل ابوها امس والواضح علي ياقوت انه مخبيه شي صخر كان دكي ويحب التدقيق ف الامور
____♡____زهره الشيخ____♡___
العشيه
جت عيله تقرب لي ناصره عشان تشوف اريج وعجبتهم وخش الراجل ودارو نظره شرعيه وعجباته اريج وقاعدين يستنو ف الموافقة اريج
حلا: مش قلتي ماخيره شي وحليوه ومؤذب شن تبي اكثر
اريج: صح كلامك بس زوجي الاول ركبلي حاله نفسيه وكرهت الرجاله الحق
حلا: بس اصابع ايديك مش كيف بعضهم وزواجك الاول تجربه ومنجحتش فقطط
صدقيني وعطي روحك فرصه جديده
اريج: بجديات ارتاحت هلبا بعد سمعت كلام حلا
ماجد: ياكل ف سميسه وبعدين ماتخافي عندك خوت يديرلك اي شي غلط كلمينا ه المره الحق لي يغلط فيك نمسحه عن الوجود مش كيف المره لي فاتت
اريج: زادت فرحت بعد سمعت كلام خوها نجيكم ليا ياربي ولا يحرمني منكم انتم السند والامان بنسبه ليا
حلا:🥺💔
____♡____زهره الشيخ____♡___
تسريع الاحداث
مع الساعه 10 اليل
صخر خش لمكانه بيرقد
وياقوت قاعده سرحانه تتفرج ع التلفزيون وكل شوي تشوف لصخر وتتاكد لو رقد او لا وصخر كل حواسه واحسيسه وتفكيره وعقله عند ياقوت ويراقب فها مش راقد خوفا من يطلع لي شافه وهوا نايم حقيقه او لا
بعد ساعه من الانتظار ناضت ياقوت وطلعت تمشي بشوي شوي وتاهت ف القصر مره اخره
صخر: حس عليها ولحقها وهوا يمشي بيمهل عشان ماتحسش بيه
ياقوت: …اففف شن ه القصر معقولا تريح مني حتى الشجره
فيصل كان وقف بعيد يستنا فها
ياقوت: اااه ادكرت بتمشي مسكها صخر من شعرها
.صخر: بصوته الغليض ونظرته الحاده لووووين .
ياقوت: اااايييي صخرر وجعتني بعدد
صخر: لوين كنتي ماشيه
قاطعه صوت فيصل كانت جايه لعندي
صخر: التفت وشاف فيصل …انت شن دير هنا وشن علاقتك بيها
فيصل: صخر خلي البنت ساد لي درته فها
صخر: ماتدخلشش بيناتنا يافيصل
فيصل: صخر خلي البنت .
صخر: فيصل خيرك
فيصل:تعرف خيرني انا تعبت تعبتتت نفسيتي ف جرتك ياصخر تعبت من الظلم والالم لي سببته لناس بسببك انت صخر انت ماتووب ماتخافش من ربي .
صخر: هه بعد 14سنه وانت معاي تو تعرف انه لي نديرو فيه غلط
فيصل: عادي المهم فقت على روحي وعرفت غلطي وبنصحح حياتي من اجديظ
صخر: يضخك اكيد انت زارط حبه اليوم ولا
فيصل: سحب سلاحه ووجه لي صخر خلي البنت صخر .
صخر: مصدووم من فيصل ويشوفله انت فيصل متأكد .
ياقوت: تشوف مصدومه وماحكت ولا كلمه
فيصل: لا انا مش فيصل لي تعرفه هدا فيصل لجديد لي قدامك
صخر: نزل السلاح من غير مهزله زايده وسيب ياقوت ومشت تجري لعند فيصل. عينه ف ياقوت تعرف فيصل لو ماتنزل ه السلاح نمحييييك ع وجهه الارض وانت تعرفني وقت نتعصب انا شن ندير..
فيصل: سامحني صخر بس هدي اخر جريمه ليا انت سببت وجعع كبيير لناس وهلباا ناااس من ظمنهم انا وضغط ع الزناد و..
.
محمود قاعد يتفرج ع التلفزيون خش زياد للمربوعه وقعد جنبه
زياد: بوي بنقولك حاجه ؟!
محمود: شن في
زياد: من لاخير انا نبي حلا بنت عمي
محمود: 😏…..
.
.
ماجد واقف برا جاته مكالمه من مشفى الامراض النفسيه
الدكتور :الوو
ماجد: ايوا
الدكتور: معاك الدكتور ….. اتصلت بيك عشان نقولك …..
ماجد: ان لله وان اليه لراجعون
يتبع ……..

لقراءة الجزء التالي : الجزء الخامس عشر من رواية قلب صخر

لقراءة الجزء السابق : الجزء الثالث عشر من رواية قلب صخر

للإطلاع علي فهرس اجزاء الرواية : جميع روابط اجزاء رواية قلب صخر للكاتبة زهرة الشيخ

جميع الحقوق محفوظة للكاتبة زهرة الشيخ .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى