وفي الجزء السابع يا تري ماذا سيحدث من أحداث جميلة رائعة مع ابطال الرواية ؟ ولما التفكير ؟ هيا بنا لنري ماذا سوف يحدث في السطور التالية من رواية ضوء في آخر النفق .
الجزء السابع من رواية ضوء في آخر النفق
منى …. ايه مرتاحه معاه ولو سمحت معاش تتعرضلى مره تانيه وبعد ايدك ..
وائل … انتى كدااااابه كدبتى عليا ومازالتى تكد ددددددددد بى …
منى … خلينى فى حالى وبعد عليا …
وائل … جاوبينى ؟؟ انتى قاعده تحبينى ؟؟ ردددددى ماتبكيش .. لو انك مازلتى تحبينى والله الامانوقف ضد دنيا على خاطرك ولو لا مش رح تشوفينى بعد توا ردى ؟؟
منى .. شبحتله والدموع بدو يصبو وبعدين تلفتت ومشت وهنا شدها من ايدها وهيا طلقت ايدها منه وهوا وقاللها ..
وائل ….. منى انى نحبك منى منى انى مش رح نسيبك لو كان نموت والله والله مارح نسيبك ولو كان نخطفك تعررررررررررررفى نخطفك انى مهبوووول ونديرها … قوليلى نحببببك بس والله والله مارح نخدلك المره هادى بس ردددددى …. طفيلى نار الا راكبه فيا ورددددى ..
وهيا استمرت تمشى وتبكى وتمسح فى دموعها واول ماوصلت لاول مكان معاش يشوفها فيه لبدت وراه وقعدت تبكى وقعدت تشوف فيه كيف يولع فى دخان ويدخن بعصبيه وااقف على روشن وهنا غمضت عيونها للحظه وخدت شهيق كبيرومسحت دموعها وكانت مقرره انها رح تمشى وتقوله بس اول ماطلعت وولتله وقالت وائل وهنا شبحلها وهيا كيف بتقرب منه جو 5 بنات وقفو عليه بيسألوه على منهج وهوا كيف يكلم فيهم وياخد منهم فى الادن دقيقه … تلفت لقاها مشت وهنا لوح دخان على طول ايده وعفس عليه بعصبيه ومشى وسيب كل شى ..
بينما هيا نزلت وقعمزت فى تركينه مستخطيه فى جردينه وقعدت تبكى ودارت هلبه اساله فى راسها واول سؤال كانت تردد فيه بينها وبين نفسها …
علاش انى بعدته عليا علاش … واول ماسالت نفسها هالسؤال طول مر بشريط حياتها حسام وضربه وتعامله معاها وكيف وائل خدلها ووماكانش قد كلمته … وبعدين حست انا هوا هدا المفروض ان تديره … انها تبعده عليها لانا مستحيل اهله والمجتمع وهوا يتقبلو فكرة انها تطلقت بسهوله باش هوا ياخدها …. بعد ماارتاحت ساعه فى جردينه الجامعه فى مكان هادى جدا ناضت مشت للمسجل وركبت للمكتب ولقت المسجل فيه ومدتله ورق وقف القيد باش تجدد قيدها من اول وجديد وكملت اجرأتها بسرعه وكلمت بوها وقالتله تعالالى … وبعد ماكلمت بوها على طول اتصلت بى هدى وقالتلها …
منى …. الو
هدى …. منى خيره صوتك ؟؟
وهنا منى نهارت بالبكى وقالتلها .. هدى تعاليلى اليوم ضرورى بالله عليك ..
هدى … حاضر حبيبتى بس خيرك احكيلى شن فى ؟؟ شن صار ؟؟ تلاقيتى انتى ووائل ؟؟
منى … توا لما تجى نحكيلك شن صار غير تعالى بالله عليك ضرورى ..
هدى … خلاص توا نكلم بابا وهوا اكيد مش رح يقول شى وبعون الله مع صلاة العصر نكون عندك 
منى … اوك خلاص برى توا اهو فى مكالمه خشت عليا انتظار برى خلاص سلام ..
هدى … ههههه حتى انى خلاص سلام ..
منى … اه بابا … اى تلاقنى فى الجزيره نستنى فيك اوك خلاص
هدى … اه دودى …
مؤيد …. ااااااااااااااااى على دود هوا الا ماباش يتم … شوفى شوفى فى اللحظه هيا شن بنرد عليك وتعلمى منى .. ايوا ياعمرى . ايوا ياعيونى انتى .. ايوا يااميرتى انتى … شوفتى شن الواحد مفروض يقووول شفتى وانتى تقول ولد عمك وتنادى فيه ..
هدى … ولد عمى … باهى خلاص قبل مالا بنقولك مفأجاه بس خليها لولد عمى خير هههههههه..
مؤيد .. بتمشى مشيتك ولايجيك كف رياحى قال ولد عمك قال … قووولى شن فى قووولى << لازم مالوحد يعيط باش يخافو منه >> شن فى قوولى ..
هدى …. دوووى .. اليوووووم ..
مؤيد ..<< فجأه تغيرت ملامحه ووفتح فمه لين قريب تسكسك ريقاته وضحكو عيونه >>وقاللها ..
اى .. اى قولى هههههه استنى استنى بتعطينى هديكا صح .. ولا بتقوليلى هديكا صح .. ولا كلللللللهم مع بعض … اااااااااااااااااااااااااااااااااااااااه واخيراااااااااااااا … استنى نغمض عيونى وقوليلى .. يالله هيا 1 ..2 … 3 ..
هدى ….. هههههههههههههههههههههههههههههههه بنجيكم اليوم ..
مؤيد … بجد انتى ؟؟ بجد هيا هادى … وشن جديد يعنى ماك كل يوم تمدى فى وجهك عندنا .. برى برى وراس امك راك …. ولانقولك بلاش بلاش وعلى عموم انى رح نقولك حاجه بس على قولت هانى شاكر << غلطه وندمان عليها وبقولك واسمعيها >>> اصلا عارفك طرشه يالا سلام …
هدى …. سلام .. هههههههههه والله الا مهبول باهى خيره هدا .. ياربى انى طحت فى واحد مهبول وبنعانيه هلبه هكى ..
مؤيد هنا سكر تلفون وقعد يقووووووول … خششششششششششششششششششششى بتجى بتجججججججججججى ههههههههههههههههههههههههه << الليله ليلتك ياجميل >> هههههههه وهوا كيف يخظ على مكتب ويهتف تخش عليه السكرتيره وتفتح فمها وتشبحله .. وفجاه يعدل نفسه ويرجع يدير كنترول لنفسه ويقرن حواجبه وينزل راسه ويقولها ..
مؤيد … تفضلى فى شى ..
وبعدين يقيم راسه ويشبحها … وينفلق بضحك ههههههههههههههههههههههه ويقولها …
مؤيد …. من الاخير ماكنتش فى حالتى الطبيعيه سورى … ردى بالك تفهمى غلط بس كنت تحت تاتير ضعط نفسى فقط …
سكرتيره … ولايهمك باش مهندس هادى الاوراق الا طلبتهم منى كلهم وتبى اى شى نادينى ..
وطلعت من المكتب وهنا لبس جاكيت متعه وطلع وقاللها ..
انى بنطلع اليوم بكرى واى حد يسال عليه قوليله مش موجود او طلع بكرى اوك .. ووتيلى الموعيد متعى كلهم متع بكرا
طلع مؤيد من المكتب بسرعه ومشى لمشوار كان يبى يمشيله من قبل وجى وقته ..
بينما منى روحت للحوش ولقت امها موتيه روحها وكيف بتطلع هيا وسهيله وبوها .. وهنا قالتلهم ..
منى … وين ماما ؟؟
امها … حوش عمك عازمينا على عشى وبنمشو من توا بس نلحقو نوصلو ونهدرزو شوى انتى تعرفى عاد المسافه بروحها قريب ساعه ونص باش نوصولهم .. ساكنين فى قطع دنيا وين مات عنتر عاد
منى … وامتى بتروحو ؟؟
امها … ديما مع ساعه 12 قى الليل نكونو عندكم ..
منى … باهى هدى جايتنى انى كيف الحل ؟؟
امها … شن كيف الحل هونى افتحى مكتبه تلقى شكلاته وحلوات واى شى ينقصك كلمى خوك يجيبهولك ماشى واسمعى معاين الغدا مالحقناش نغسلوهم ديرلهم غسله ماشى ..
منى … ماشى ماشى سلام
خشت منى لدار تكت على سرير شوى وبعدين لبست بيجامتها وطلعت دارت لفه على حوش وصاله ودار نومها وبخرتها وبخرة الحوش وخشت للمطبخ تغدت وغسلت معايين وهيا كيف كملت من هنا خش خواها مؤيد من هنا فاسخنتله غداه وقالتله اسمع انى بنخش ندير دوش كانا طقطق الباب افتح ماشى ..
وهنا شبحلها شبحة ملاك طاير وقاللها .. حاضر واول ماخشت منى للحمام لوح الكاشيك جابه فى سقف وخاش لدار بخ برفان وكولونيا وحك سنونه وكريمه على سريع على شعره وابتسم فى المرايه وقعمز يستنى بينما منى طلعت حوايجها وشامبو متعها وخشت للحمام ومافاتتش 5 دقايق الا والحوش شرين وهنا سمعت مؤيد يقول هياااااااااا هيااااااااااااا
مشى مؤيد للباب وفتح ولقاها ست الحسن والجمال هدى وهنا قاللها ..
مؤيد … اهلن اهلن عاش من شافك … .. خشى خشى لدار نومها توا تجيك منى وطبعا يكلم فيها وعيونه قلوب قلوب واول ماخشت لدار نوم متع منى .. طلع راسه شوى من باب وقاللها .. فى حد هنا ..هههههههههههههه
هدى … ههههههه مؤيد بطل بصاره واطلع امك تخش علينا ..
مؤيد … انتى شفتى حاجه مازال << دنا هاقطعك هههههههههههههه وارميكى لكلاب سكك هههههههههه ..
هدى …. ههههههههه مؤيد والله نعيط ونلم ناس عليك بعددددد …
مؤيد …. اااااااااص فضحتى بيا اااااااا ص الا يسمعك يقول حق .. تى انى اجبن منك هههههههههه ..
وفجاه شبحلها وقرب منها وهيا وخرت على حيط ووقف عيونه قدام عيونها ودخل ايده فى جيبه وطلع خاتم دهب وخدى ايدها ولبسهولها وبعدين خدى ايدها وطبع قبله عليها وشبحلها وابتسم وهيا نزلت عيونها لوطه وضحكت وفجأه كيف بيقرب .. سمع صوت منى بتخش لدار فادفها ولبد تحت سرير …
وهنا فتحت منى دار وخشت وهيا كيف قاعده بتقولها << كان تشوفى وائل >>
الا انا هدى قطعت عليها ووجها ولا الوان طيف وقالتلها …
هدى …. منى نبى نخش لتوليت توا ضرووووووووى ..
منى … وقتك يادره توا برى خشى هونى الحمام قدامك .. وكانا لقيتى مؤيد الدراه يبصبصلك ماتعدليش عليه ها ردى بالك خوى لصقه وبارد وانى نعرفه ..
وهدى هنا خلاص شاده ضحكتها بسيف وفجأه ..
هدى … هههههههههههههههههههههههههههههههههههههههه
منى … خيرك تضحكى يابلوه شن قلت انى ولا كانا خطيبك خلاص .. اى اى بارد ولصقه
هدى … منى وراس امك خلاص ارفعينى بنمووووووووووووووووون ..
منى … برغم انى مش فاهممه خيرك وعلاش ماتبش تمشى بروحك بس يالله برى قدامى ..
طلعت منى وهدى من دار وسكرو دار وراهم وطلع مؤيد من تحت سرير بسرعه وعيونه كلهممممم شرارت حقد وكرهيه وضغينه على صفيقه منى وهوا كيف بيطلع من دار وفتح مانيلة باب منى قالت لهدى ..
منى .. برى برى نسيت فوطه على سرير نجيبها باش نحطها على منشره تجف ونجيك ومشت ….. وبينما هدى طبعا قعدت زى مهبوله تخظ وتضحك وومعاش عرفت كيف تنقد موقف وطبعا اول ماقربت منى من دارها بدت علامات الصدمه على وجهها ولقت ……
يتبع…….
لقراءة الجزء التالي : الجزء الثامن من رواية ضوء في آخر النفق
لقراءة الجزء السابق : الجزء السادس من رواية ضوء في آخر النفق
للإطلاع علي فهرس الأجزاء : جميع اجزاء رواية ضوء في آخر النفق للكاتبة كيندا
جميع الحقوق محفوظة للكاتبة كيندا .
