الجزء

الجزء السادس عشر من رواية حتي الممات

الجزء السادس عشر من رواية حتي الممات

وفي الجزء السادس عشر من رواية حتي الممات يا تري هل سيكون هناك مفاجآة تغير مجري الأمور كلها مع ابطالنا ؟ ام سنري شيء آخر غير متوقع ولم يكن في الحسبان ؟ كل هذا وأكثر سوف نعرفه سوياً في السطور التالية من رواية حتي الممات للكاتبة نور عبدالسلام .

الجزء السادس عشر من رواية حتي الممات

ع المغرب نسمه ريح خفيفه صوت موج البحر
مقعمزه قدام البحر لابسه كبوط وردي
مالك : الجو صقع هيا خشي
ليان : صبت بدون ولا كلمة خشت لشاليه خبطت باب دار
مالك : اوفففف لعند امتى هذي تبقى هك
ليان : خشت ف سريرها ف دار مظلمه
هذا حالها من بعد وفاة امها كلهم تخلو عنها
حتى مالك زاد فرعن عشان عرف ماعندهش وين تمشي
عشاقنا في قارب ع البحر
مقعمزين هيا ف حضنه تفرج ع البحر هو من وراها
لابس شورت فوق ركبه وسوريه مفتوح نصها
احمد : حبيبتي انسجمتي
رهف : جدااا حبيت جو احلى شهر عسل
احمد : شهر عسل بعد سنة
رهف : مش مهم
احمد : انتي شن دايره ف شعرك
رهف : توا غير ركزت انت من بداية صيف مغيرته
احمد : لكن الاصفر طالع عليك حاجة صح
رهف : اها يمشي معاي اكثر من لون شعري طبيعي
أحمد : باسها بقوة مرتي سمحه
رهف : شن جو ف ليبيا رايفت ع هلي
احمد : وحده قاعده ف شرم مرايفه ع ليبيا لنقنك فقريه
رهف : ههههه بكل
احمد : زاد باسها
رهف ذابت معاه
احمد يبوس فيها من رقبتها وشمس قوية جت عليه هيا نخشو ياحبي
رهف هيا
في الليل مالك مقدرش يتحمل الملل سيب ليان قفل باب شاليه ولع سيارته وعدا لمدينته وصل
لحوش هله مقعمز هو وامه وسط الصاله ع صالون
عالي وامه حاطه فوق طاوله عداله اطيب فيها القهوة
خديجة : وشن دايره مرتك
مالك : نكديه هم قاعده بروحها لا تحكي شي ومنظرها شعرها وجههها تقول مش وليه كرهتني
فيها
خديجة :من ميتة امها وهيا هك اعرضها ع دكتور نفسي ياولدي
مالك : والله لولا العيب را درتها
خديجة : حركات لكن صح شعرها جعد حتى المشط قيسها ماتمشط قعد كركوط شعرها
مالك : حتى ضحكة والوكله لا تضحك لا تاكل تشرب اميه ودوب ماتحط لقمه ف فمها
خديجة : روان روان
روان : هلووووو جيت جيت
مالك : شجو
روان : تمام شخبار مرتك
مالك : ميه ميه
روان : هاك
خديجة : وين الكيكه
روان : ديرتها لصاحبتي ياماما مش لك
خديجة : ونا عابيه عليك نحسابها لنا كان هك دزيت خوك ع حلو ليش ماتقولي
روان : امتى عمري درتلكم نا
خديجة : لقاقه توا ينفعنك صحباتك
روان : اها ينفعني
خديجة : اقلبي خلقتك
روان : خشت لدارها الو حياتي
تيم : كنك ماتردي من بدري ونا مره
روان : معلش ياروحي كنت ناسيه تليفون ف داري
ونزلت نديرلك ف كيكه
تيم : لي نا
روان : اممم
تيم : لا دام هك مسامحك عيوني
روان : ها حبي
تيم : بروحك قاعده
روان : اها ف داري
تيم : شن لابسه
روان : توته
تيم : افتحي الكاميرا
روان : تمام ياقلبي
تيم : شن هذا نعلي منك هبلتيني يابنت
روان : هههه شفت حاجة انت
تيم :
تأليف وكتابة نور عبد السلام
فتحت عيونها ف ظلام صبت فتحت باب دار ادور
ع مالك مش باين خشت حمام غسلت وجهها كانت
رابطة شعرها من نص وباين انه مهمل ومتقصف وجهها باهت علامات الحزن ع وجهها والكئابة منظرها طلعت لكوجينة شربت اميه وبتطلع لبحر
لقت باب مقفول قعدت تخبط وتعيط لا رد ادور
ع تليفونها مالقاتش ردت قعدت ع صالون لين رقدت
ساعة 12 ونص خش مالك شافها لا حول ولا قوة الا بالله خذاها حطها ف دار ع سرير قعمز يشوفلها
حط يديه ع وجه مش عارف شن يدير
ثاني يوم
رهف : تقلبت ع جهة ثانية شافت احمد راقد حطت يدها ع خدها تأمل فيه
احمد فتح عيونه ابتسم شن اديري
رهف نتفرج عليك
احمد نعلي منك
رهف غطت روحها بالشرشف وناضت تجري لحمام
احمد هبله خذا شورت من ع الارض وقرطاس دخان قعد يدخن ويفكر
ف المدرسة
مرام : غيث طول بكلل
حلا : هيا معانا
مرام : لا توا خوي يجي
حلا : اهو جا خوي كلمي خوك قوليله مروحه مع صاحبتي
بيبب فتح روشن حلا هيا
حلا : شوي يامراد صاحبتي ترجى ف خوها
مراد : مش فاضي عندي شغل
مرام : خلاص ياحلا روحي مع خوك
مراد : تريحتي هزباتك هذي صاحبتك اللي خايفه عليها
مرام : معلش مدخلكش تفتن قاعد
مراد : ياعليك حاله هيا ياحلا را نسيبك انتي بروحك معاها
مرام : عادي توا نروحو وحدنا مستحقين
مراد : حلا هيا معش نلقاك واقفه معاها هذي
حلا : اهو جا خوك هيا اوكي
مرام : فتحت باب سيارة خوها متنرفزه من خو صحبتها شقصده يقول معش نلقاك واقفه معاها شن يحق في
غيث : شن جو
مرام : تمام
غيث : تروحي عندي اليوم
مرام : لا حطني عند بابا مرايفه عليه
غيث : باه
طول طريق رهف ساكته راقيلها من خو حلا
رهف : طلعت لقت احمد موتي الفطور اوو شن هذا
احمد : شن رايك
رهف : تحفه بدت تاكل ب شراهة
احمد : شوي شوي مش طاير لوكال
رهف : ممممم لذيذ
احمد : صحه وشرب قهوته
رهف : حبيبي مليت امتى نروحو
احمد : حاضر يومين اخرى
رهف : لااااا
احمد : هههه خلاص خلاص اليوم نروحو
رهف : واخيرا احلى راجل ف دنيا انت
احمد : قبل سنة مكنتش راجل اصلا
رهف : حطت يدها ع يده حبيبي انسى اللي فات مات
احمد : ابتسم مجامله
رهف وصلت لشقتها رقدت من تعب ثاني يوم مشت لهلها
ابتسام : شفتي مش كنتي متبيش صايع ياماما مش راجل ياماما
رهف : تغير بكل قعد واحد ثاني
ابتسام : عشان تسمعي شخبار بنت عمك
رهف : مش عارفه قالو نازلين ف منتجع ع البحر ماقالوش المكان عمتي تقول انه حالتها نفسيه مزالت زفت
ابتسام : الام واعره
رهف : لكن مرام اصغر منها واهي ماحلاها
ابتسام : وين شفتيها
رهف : من شهرين مشيت لحوش عمي شفتها لكن ماسلمتش علي شكلها ليان قالتلها اني نا اللي خطبت لعمي
ابتسام : ليان هذي عقرب تستاهل اللي يصير معاها واكثر انتي رايحه مربربه
رهف رايحه ناكل واجد لدرجة احمد يعبي ف تلاجة مرتين ف الاسبوع
ابتسام شن ثاني
رهف رايحه كسلانه نرقد وخلاص
ابتسام را تبقي حامل
رهف حي كيف نعرف لكن
ابتسام توا ليلت وانتي مروحه خوذي اختبار من صيدلية وبكرة امشي عايني عند دكتورة
رهف تمام
في طريق
رهف : احمد عادي تنزلني ع صيدليه
احمد : شن في حبي
رهف : لا بس نبي دواء
احمد : توا ننزل نجيبه
رهف : حاجة نسائية هتنحرج انت وتنحرج ل ابنيه اللي ف صيدلية
احمد : باه
ونزلت رهف احمد يرجى فيها ف سيارة
مالك قفل باب شاليه وليان قاعده ف سيارة ساكته
مالك بنردو لحوشنا خلاص لك اسبوع كامل ف البحر ماتغير شي نفس ماانتي
ليان تشوف قدامها وباين عليها ملامح البرود
مالك شن هذا زح نحكي مع ساس نا ويخبط ع دومان
ليان رعشت وسكتت متبيش تبان انها خايفه جمود ع الاخير قلبها يدق ب قوة
طول طريق مالك اعصابه يفورن دمه يغلي
وليان راكبها البرود تفرج ع طريق وخلاص
ثاني يوم الصبح
رهف شافت احمد راقد خذت اختبار وخشت الحمام رفعت راسها فوق وماسكه الاختبار ف يدها
شافت شرطتين لالا اكيد في غلط جهاز ماينفعش
عزقاته ف سطل لكناسه وطلعت من الحمام مشت تجري خذت عبايه ومحرمه وطلعت خذت تاكسي
احمد فتح عيونه لانه ف الاصل واعي وعقله جابله
ان مرته تخون فيه على طول لحقها
مرام : حاطه سماعات ف وذانها وتهز ف راسها مع الاغاني
خشت مرت بوها شن ه الفوضى هيا صبي لمي دارك
ولمي الحوش هيا ياباير
مرام مانسمعش فيها حاطه سماعات
مرت بوها نحت سماعات من وذانها هييه نحكي معاك طرش ان شاء
مرام ان شاء الله فيك كنك ايش تبي
مرت بوها يمي عليك جلاطه
مرام انا جالطه واحسنلك تفوتيني والا قسما عظما نخليك تروحي مطلقة لهلك حركات مشيخه ديرهن ع بابا مش عليا نا افطني روحك مع من عالقه
مرت بوها خافت لان مرام شخصيتها قوية ماتحشمش مرات تضربها حتى ضرب
رهف خذت نتيجة تحليل وقعمزت ع كرسي الانتظار خايفه تنهدت هاااه وجت تبي تفتحه
احمد تبي تشوفيه من دوني
رهف شافتله احمد
احمد قعمز جنبها هيا افتح نبي نشوف
رهف خايفه يطلع وهم
احمد عادي مزلنا شباب ونقدرو نجيبو حتى بعد 10 سنين
رهف تنهدت فتحو مع بعض انصدمت وابتسمت
انا حامل انا حامل وحضنت احمد بقوة
احمد : ياعمري مبروك علينا
رهف : مش مصدقه بيقعد عندي بيبي صغير
احمد : لا كبير
رهف : ضرباته ع صدره بطل سماطه
غيث : حبيبتي انا طالع
اسيل : جيب معاك لحم ومشروب وفواكه هلي جايين ع العشاء ماتحشمنيش قدامهم
غيث : باه
رهف : سكرت الباب ومشت قعمزت ع نت
غيث : ركب سيارته ويفكر من وين يجيب فلوس هو اللي عنده يالله يسدن مصروف العادي للحوش
هو ومرته مش لعيلة كامله ف يوم وليلة يكملن
مالك خش لدار لقاها حوسه مقلوبه ع بعضها
مالك بعصبيه ليان شن هذا
ليان دبش
مالك ليش مش مطبق ليش الاهمال
ليان مالك تعبانه فوتني ماعنديش نيه انظف
تعبانه حس بيا را فاقده امي را مدمره نا
مالك امك ماتت تبي تموتي معاها شن ه القرف هذا نكد وعفن امك خلاص الله يرحمها سنة كامله ف الهم ياساكته ياتبكي
ليان انت قدرت تنسى بشرى انا متحملتك وكل حاجة وانت جاي تحاسبني ع حزني ع امي مش
مالك نا مش متحملك را نطلقك
ليان ضحكت ب هزوه وعيونها مليانات دموع ادير في معروف
مالك ماعندك وين تمشي امك ماتت خوك وباتك اللي اجوزو ماتحملوك وانتي عندهم مابالك مطلقة
ليان طلقني لو راجل طلقني يامالك
مالك انتي طالق ياليان
ليان : 🔥
مالك :🔥
يتبع …….

لقراءة الجزء التالي : الجزء السابع عشر من رواية حتي الممات

لقراءة الجزء السابق : الجزء الخامس عشر من رواية حتي الممات

للإطلاع علي فهرس أجزاء الرواية : جميع اجزاء رواية حتي الممات للكاتبة نور عبد السلام

جميع الحقوق محفوظة للكاتبة نور عبدالسلام .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى