الجزء

الجزء العاشر من رواية ضوء في آخر النفق

الجزء العاشر من رواية ضوء في آخر النفق

وفي الجزء العاشر هل يا تري سنري مفاجآة من النوع الثقيل سوف تحدث أم ان هذه المفاجآة ليس وقتها الآن ؟ لنري سوياً ماذا سيحدث في السطور التالية من رواية ضوء في آخر النفق .

الجزء العاشر من رواية ضوء في آخر النفق

سكرت منى تلفون ومالحقتش تحط تلفون لين اتصلت هدى وقالتلها …
هدى …. منى شن قريب توصلو ؟؟؟
منى … أي اهو كيف طلعت من الحوش بس قوليلى شن لبستى ؟؟
هدى .. قفطان ابيض من جهت الخضر منفوخ شوى للركبه عليه جاكه سودا واكسسورات على اسود وسبته سودا … اسمعى اول ماتوصلى رنيلى .. هياااا سلام
ركبت منى للسياره وانطلقو لحوش هدى وفى سياره واتناء نقاشهم مؤيد سال امه وقاللها ..
مؤيد .. امى توا شن بيصير بنخش توا ولا شنى ؟؟
امه … مؤيد وليدى بطل عار .. من توا بتدير العار وبتخش ؟؟
مؤيد … ماهو انى نبيك تتوسطيلى نخش نهدرز مع هدى لوقت تلبيس دبل ❤ ❤
امه … تى بتمشى ولا لا هداااااا ما ناقص نقولهم بالله بعدوووو وخلو لولدى طريق بيخش يهدرز مع خطيته لوقت تلبيس دبل ..
سهيلة … مؤؤؤؤيد ارزن شوووى نهارات زقح هدى والله ماهى طايره راهو ..
مؤيد … انتى سكرى فمك ولانقولك انزلى من سياره انزاااااالى هههههههه والله حتى حق تاكسى خساره فيك بعد كلمتك هيا يامسردنه ..
منى … ههههههههههههههههه اسمعى سهيله لكن هيا كلمة مسردنه هههههه نحس طالعه عليك شوووى ههههه
امهم …. خلااااااااص وانتم كمشه عوويل مقعمزه معاهم مانبيش نسمع صوت لين ننزلو … وانت اخطم على ساحل جيبلى كيلو بكلاوه ..
مؤيد … جبتلك زوز كيلو بكلاوه من النحلة من بكرى وحطيتهم فى الكفينو من بكرى …
امه … ماشى ماشى ..منى .. حطيتم كل سوابيت فى سياره من تالى لخوكم ؟؟
منى … ايه ماما ..
وصولو لحوش هدى ودرت منى لهدى رنه زى ماقالتلها وفتحولهم الباب ورحبو بيهم وومؤيد كان واقف ويقيم فى عيونه بالك يلقى هدى فى اى مكان من الحوش وفجاه قام عيونه ولقى هدى واقفه وتكبه من روشن دارها فاهدكا وين جرى دم فى وجهه وطلع ..
مشى وقعد مدرس فى سياره قدام الكورنيش ومستنى امه لين تتصل بيه وتقوله تعالى وكان الوقت يمر ببطئ جدااااااا
وبينما حوش عمى جمعه من اول ماوصلو ومالقوش الا ترحيب فى حوش هدى ومافاتتش 10 دقايق الا واصوت ضحك تنسمع من بعيد …
واول ماحطولهم العشى … وتعشو و اتصلو بيه وقالوله هيا تعالى باش تلبسو دبل ❤ ❤ << وجت اللحظه المنتظره من ايااااااام>>
سكر مؤيد تلفون وواسى شعره على مرايه مشى واول ماوصل للحوش وقبل مايرن الجرس بخ برفان وشرين وهنا طالعله بوها ودخله لصالون وقعد يهدرز معاه ومؤيد قلبه على ايده وماهى الا شوى جت امه وسلمت وطلع الاب وخشت هدى سلمت على مؤيد وقعمزو فى صالون وطلعو وخلوهم .. واول شى صار بينهم …
مؤيد قام راسه وقاللها مع شدت ايدها بالقوه ..
مؤيد …. طالعه تهبببببلى يابنت هيا نكتبو ورقه وامى وامك شهود وواطلعى معاى رانى خلاص وصلت حدها معاك ومعاش عندى طاقه نستنى ..
هدى …. وجهها ولا احمر >> ههههههه مؤيد شن تقول انت حرارتك مرتفعه << وحطت ايدها على جبهته وهنا هوا غمض عيونه شوى وابتسم لم حس بلمسات هدى على جبهته الا كانت زى البلسم وفجأه شد ايدها ونزلها على خده وبعدين شد ايدها وطبع عليها قبله وقاللها …
مؤيد … انتى جوهره ربى عطهالى ومستحيل نتخلى عليها مهما كان سبب وان شالله يارررب ربى يحفظك ويحفظ هالجمال وهاللبسه وهالللل ….. ههههههههههه شى شى بديت نخرط انى شكلنى
هدى ….. ههههههههه حتى انى قولت هكى
قعدو يهدرزو شوى بعدين نادو عليهم باش يقصو تورته ويلبسو الدبل واول ماخشو و ولبسو دبل و قصو تورته هدى قالت لامها ..
هدى … ماما انى بنخش صالون شوى مع خطيبى ..
وخشت هدى لصالون هيا ومؤيد وقعدو ياكلو فى تورته ويهدرزو واتناء دلك قاللها ..
مؤيد … هدى .. فى كريمه على خشمك … اى اى قربى استنى اى اى هههههههه
هدى … انت صاييييييع والله تدير هكى نطلع ونسيبلك صالون
مؤيد …. هدى بجد بجد انى مش قادر نتحمل .. انى بنقول لامى نحددو موعد العرس بعد تلاته شهور شن رايك ؟؟
هدى … ماتحسناش استعجلنا هكى ؟؟
مؤيد … لا لا نقولك شى هههههه انتى غير فوتى …
هدى …. اها ؟؟ شن نفوت ؟؟
مؤيد … هههههه شى شى ..
هدى … قصدك اول ليله بس بعدين نرجعو مخطوبين عادى ..
مؤيد … زعلتى والله والله مانقصد الا نبصر … ماتزعليش على قولتك دووووووى ..
مؤيد وهدى … ههههههههههههههههههههه
هدى ….. لكن ماتنكرش انا فيها لقطه حلوه التدليعه هيا ..
مؤيد …. هددددى خلاص وراس امك ماصدقت انى نسيتى هالاسم شوى ..
هدى …. ههههههههههه ..
مؤيد …. هدى
هدى …. نعم ..
مؤيد …. هدوووووو
هدى …. ههههههههه نعم ..
مؤيد … انى مش قادر نعيش من غيرك يابنت ؟؟ شن درتى فيا انتى ؟؟ والله والله مانبدل اى بنت بيك مهما كانت ؟؟
هدى …. حتى انى ..
مؤيد .. *_* قصدك حتى انتى ماتبدليش اى بنت بيااااااا ؟؟
هدى … مبردك هههههه قصدى حتى انت مانبدلكش بااى شخص ❤
مؤيد …. باهى خودى رضاى ومدينى بطاقه وخلينى نتاكد ..
هدى … كيف ؟؟
مؤيد … تعالى نقولك هههههههه بس غمض عيونك قبل ..
هدى … لا لا انت صايع ماعنديش تقه فيك … لا لا لااااااااااا مؤيد بعد ايدك ولانسيت شن صار فى دار كانا ماسترش ربى ..
مؤيد … باه تى لما نخليك تترجى بس باش نشدلك ايدك بس …
هدى … باه خلاص مالا خلى نوض نقيم طوسى عصير ..
وهيا كيف ناضت وتلفتت باش تمشى ناض بسرعة وشدها وجبدها ليه وحضنها وهيا هنا للحظات طلعت على عالم الا هيا فيه بعد ما شمت ريحة برفانه وهوا وهوا حس انا الجنه كلها بين ايديه وماهيا الا لحظات ووخرها لما سمع صوت منى تقول …
منى … احم احم … ماعندهمش اسره تلبد تحتهم يامؤيد راهو هنا … امشى مشيتك هههههههه
هدى … ههههههههههه خشى خشى يامنى ..
خشت منى لصالون وناض مؤيد وهوا خاش فى بعضه وطالع ومتزرط وقاللها ..
مؤيد … انى شوى وبنقوللكم هيا ماشى ..
منى … ماشى ماشى خلاص نص ساعه تانيه بس وراس مؤيد ..
مؤيد … لا قونالك شوى تانيه ..
هدى .. على خاطرى انى مؤيد ؟؟
مؤيد … اوك ساعه ونقوللكم هيا ههههههههه << وطلع >>
وهنا منى سألت هدى ..
منى …. شن صار احكى ؟؟؟ نهااااارك ابيض ياخفيفه ..
هدى… والله ماصارت حاجه خيرك هههههههه ماتشبحيليش هكى ههههههههههههههههه
وكيف جت منى بتقولها .. بس قطع على كلمته تلفونها الا شرين .. وهنا قامت تلفون وقالت ..
منى … الوووو
وائل …. نحببببببك ..
منى …. سكتت شوى وساد صمت على الاتنين وبعدين قاللها ..
وائل … تقبلى بيا زوج فى حياتك ..
وهنا هدى لما سمعت الكلمه قعدت ترقص زى مجنونه بصوت واطى وتقولها …
هدى … واخيرررررررررررررررااااااااا
منى … شن الا خلاك تغيب مده وماتتصلش بيا ؟؟
وائل … الموقف الا صار فى الجامعه اتبتلى انى نحبك وانى نخاف عليك من نسمه طايره ولدلك قررت من اللحظه هديكا انا رح نسعى انك تكونى ليا … واول ماروحت فتحت لاهلى الموضوع واول ماقدرت نقنعهم اتصلت بيك .. لانى مش حاب قبلها نتصل بيك ونرجعو لبعض الا مايكون فى شى بينا قوى مستحيل اى حد يقدر يفرقه ❤ ❤ وتوا ترضى انى نجى لحوش بوك ونطلب ايدك منه على سنة الله ورسوله على قولت خوتنا المصريين ❤
منى … اكيد ❤ ❤
وائل … الخميس يناسبكم نجيب اهلى ؟؟
منى … اى عادى ❤
وائل … خلاص تم يوم الخميس بعد صلاة المغرب قولى لاهلك اننا جاين بعون الله ❤ … انتى مش فى الحوش ؟؟؟
منى … اى
وائل … خلاص ديريلى رنه اول ماتروحى اوك ❤
منى … اوك تمام ❤
وائل … سلام
منى .. سلام ..
منى وهدى …. هيييييييييييييييييييييييييييييييييييييييييييييييييييييييييييييييييييييييييييييي يادبلة الخطوبه عقبلنا كلنا ونبنى طوبه طوبه فى عش حبنا نتهنى بالخطوبه ونعيش اجمل حياه يادبلة الخطوبه عقبلنا كلناااااا ههههههههههه ❤
❤

يتبع……..

لقراءة الجزء التالي : الجزء الحادي عشر من رواية ضوء في آخر النفق

لقراءة الجزء السابق : الجزء التاسع من رواية ضوء في آخر النفق

للإطلاع علي فهرس الأجزاء : جميع اجزاء رواية ضوء في آخر النفق للكاتبة كيندا

جميع الحقوق محفوظة للكاتبة كيندا .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى