الجزء

الجزء الثامن من رواية قلب صخر

الجزء الثامن من رواية قلب صخر

وفي الجزء الثامن من رواية قلب صخر للكاتبة زهرة الشيخ يا تري هل سنري مواقف عجيبة غريبة مع ابطالنا ام ستسير الأمور بشكل طبيعي ؟ دعونا نعرف إجابة هذا السؤال في السطور التالية بإذن الله .

الجزء الثامن من رواية قلب صخر

عليا: دمع وتمسح ف دموعها انا مانحسابش انك بدير فيا هكيي
مؤيد: امالا علاش هارب بيك زينه يعني فكينا من جو الدموع تو تتعودي .
عليا: به انت بتتزوجني صح
مؤيد: يلبس ف سبيدروه تبصري انتي٠ صح ..
..
.
.____♡____زهره الشيخ___♡_____.
زياد: وصلاته رساله من رقم مجهول [نعطيك نص ساعه وتكون ف مزرعة ….. وتستلم بنت عمك سالمه وبلاش من جوو الشرطه والشوشره تجي بروحك تروح وانته راضي ديرلي شوشره ماتشوفهاش حتى ف منامك .. فاعل خير ]🔥
زياد: استغرب وفرح ف نفس الوقت بس مش عاطي كل ثقته فيه طلع سلاحه من الدرج وطلع بسرعه ركب ف سيارته
ياقوت : فرحانه واخيرا بتتحسن امها وتشوفها
ماجد: كل شوي يحاول انه يتقرب من ياقوت يبي يعرف شن علاقة ياقوت ب صخر بس كان في شي مانعها من انه تتكلم معاه
عليا قاعده ع السرسر تبكي وسرحانه وتفكر ف الشي لي داراته
فيصل : يدخن اكيد توا قرب يوصل زياد…..نادى ع الشاب لي معاه
الشاب: نعم
فيصل: نبيك تجيبلي كم حاجه برا تو ضروري
الشاب: تم تم
مدله فيصل لفلوس وطلع الشاب وركب سيارته
بعد كم دقيقه وصل زياد للمزرعه وتصل برقم الغريب ؟
فيصل: نشوف فيك خش للبيت لي مقابلك ونزل اسلاح لي معاك وصكر الخط …..
زياد: مانزلش سلاحه وقرب لين وصل للبيت كان فيصل واقف وجه عليه السلاح ….بصدمه انتتت
فيصل: مش وقت انت وانتي توا بسرعه الحقني وسلاحك نزله خيرلك
زياد: مستغرب لحقه بخطوات حذره
فتح فيصل الباب وطلعت حلا تجري وتبكي حضنت زياد
زياد: حس بأحساس حللو اول ماحضناته🤔😕🧐وفرح بشوفت حلا بس مستغرب كييف فيصلل ايد صخر اليمين يساعده مستحيل هدا الشي.
زياد: شبح لفيصل نبي نفهم ممكن؟!
حلا :حست على روحها وبدت تبعد عن زياد شوس شوي
فيصل: وقف ع الباب ويدخن
زياد:انت شن تبي بضبط
فيصل:بكل برود انا مانبي شي غير انك تمشي توا
زياد: بأستغراب فهمني !
فيصل: بنقولك حاجه بسس انا صح نشتغل مع صخر من لما كنت صغير بس مش كيفه انا في عندي شوية ضميير بعد عرفت شن كان ناوي يدير فها البنت حسيت بذنب
انا غلطت واجد ف حياتي مش ناقصيني ذنوب
زياد: رافع حاحبه وكلام فيصل مااقنعه تمام شكرا
فيصل: ولو هيا بسرعه اطلع قبل لا يجي حد
زياد: تمام وشكرا مره تانيه
فيصل: نادى عليه قبل لا يطلع استنى قبل لا تمشي حط حمايه على الفيلا امتاعتك مرات يحاول يخطفها مره تانيه
زياد: تمام منووور بتريس وطلع
فيصل: ف داخله اول الله محلا الشعور اول مره ندير خيير ف حياتي ..❤
طلع زياد ب حلا لي شبه دايخه وركبو ف السياره وطول الطريق زياد واخد حذره ومش مستوعب فكرة انه فيصل يدير خير فيه لين وصلو
نزل زياد وفتح باب السياره ونزلها وساعدها عشان تمشي لين وصلو للفيلا
اول ماخشو جت ناصره تجري تبوس وتحضن ف ياقوت
ناصره: حبيبة قلبيي ان شالله مادارولك شي
حلا:بأبتسامه لا لا مادارولي شي
____♡____زهره الشيخ___♡_____.
صخر وصل للمشفى
ياقوت: بفرحه صخر امي حالتها تحسنت
صخر: بأبتسامه بارده باهي مليح واخيرا بنتزوجو
ياقوت: اختفت البسمه من على وجها ااي
صخر: قعد جنب ياقوت
ياقوت بتوقف مسكعا من ايدها بقوه .
ياقوت: صخر خليني بللهي عليك
صخر: بيتكلم قاطعه صوت تلفونه رد
صخر:هاا
فيصل: ياصخرر مصيييبه
صخر: شن فييي
فيصل: البنت اختفت فتحت علها الباب بنطمن عليها لقيتها مهناش
صخر: بصوت عالي كيففففف تي كيفف تهرب منكم البنت زوز رجاله طول وعرض فرخه وحده ماتقدرولها
ياقوت:؟؟؟
فيصل: تي شن عرفنييي نا خدرتها نحسابها راقده كيف هربت مانندريش توا قاعد ندور فها
صخر: وخر شعره بعصبيه دووور عليها جبها ليا حيه ولا ميته دييير راييي .
فيصل: من داخله مييت بضحك بااهي هي وصكر صكر على صخر من هنا وصل الشاب لي معاه
فيصل: بدا ف الدراما ويسب
الشاب: شن في
فيصل: البنت مش ف غرفتها كيييف كييف بس نبي نعرف تي مشش قتلك نا خدرهااا كيف هربت
.
الشاب: ك كيففف هربت وانت قاعد ..ماقتليش نخدرها؟
فيصل: بعصبيه تيي شنييي ماقتلك ماتقولي ماخدرتهاااا البنت هربت كسرت النافده وهربت نا كنت برا ندخن
الشاب: طبعا صدقه لانه هدااا فيصللل ايد صخرر اليمين وخاف على روحه من صخرر ا اكيد مابعدت حط الاكياس لي معاه ومشى يدور
فيصل: ماخلا ولا اثر لا اثر سياره ولا اي شييييي يدل على انه في شي غلط ف القصه
فجاء صخر تكنطى وطلع على طوول ولا اي كلمه
ياقوت: حايره وتفكر وتذكر ف كلام صخر بنت خطفف جيبهالي ميته ولا عايشه وذكرت كلام ماجد !!
اكيد صخر خطف اخت الراجل بيقتلهاا بخوف ياربي شنن ه الحصله 💔
طه: شن فيي
ياقوت: شيي شني ماما صحت
طه: ايه بدت تصحى تعالي خلي نخشو نشوفها
ياقوت: تمام وخشت هيا وطه يشوفو امهم
الدكتور: حالتها قاعده تتحسن شوي شوي
ياقوت: بفرح الحمدلله الحمدلله
الدكتور: هي اطلعو خلوها ترتاح
طه: تمام باس امه وطلع هوا وياقوت
____♡____زهره الشيخ___♡_____.
زياد اتصل ب ماجد وحكاله شن صار
ماجد: تبصررر انت
زياد: لا مانبصرشش
ماجد: وعليا
زياد: مني عليا
ماجد: بنت عمك ياهمي
زياد: خيرها
ماجد: يشرب ف القهوه ويشوف لي ياقوت من بعيد شورا ماعندك علم بها حتى هي انخطفت ولا هربت مش عارف
زياد: طارتله تيي شن ه المسخره شن تقول انت
ماجد: هدا لي صاير كلم بدر تو يفهمك
زياد: صكر على وجهه
محمود: الحمدلله الحمدلله المهم انك بخيرر
حلا:😊
زياد: نزل متعصب بوي شن قصة عليا هيا
محمود: حط لكتاب والنضرات ع الطوله مانعرفش علمي علمك الصبح كيف عرفت
حلا:😳عليا خيرها
محمود: مش عارفين مختفيه
زياد قعد و تنهد وشبح ف حلاا
حلا:ك كيف مختفيهه اكيد من صخر
زياد: ….
____♡____زهره الشيخ___♡_____.
وصل صخر لبيت المزرعه
فيصل: قاعد يلعب ويدخن
صخر: قلب الطاوله مازال ف عندك نيه تللللعبب فيصل وين البنت
فيصل:بكل برود وينفخ ف الدخان لو نعرف وينها ماتعبتش روحي ودورت عليها طول بالك تو نديرو راي
صخر: قعد ع الكرسر وماسك راسه واعصابه بسيف
فيصل: غير الموضوع على طولل مؤيد كان ف الاستراحه امتاعته ومعاه عليا
صخر: هه زي ماتوقعت
فيصل: والحل
صخر: بكل برود يدير رايه مادخلنيش بيه
فيصل: 🔥🔥🔥🙂به
روح مؤيد للقصر
ميسم: وين كنت من الصبح نبيك ترفعني عندي جلسه اليوم
مؤيد: ماسك تلفونه يدردش اقلبي عن وجهي مش ناقصك منييش رافعك
ميسم: رافعه حاجبها وتقلب ف عيونها امالا من بيرفعني ولد الجيران مثلا
مؤيد: نحى سبيدروه و بوووووووم ضربه قاضيه ف منتصف الجبها قلتت الادب واللسان الطويل غيرر عليا نا بسس ف ه البيتت
ميسم: تبكي وتمسح ف دموعها حسبييييي الله واللهي لا نخبر فيك امييييي ونزلت تعيط
مؤيد: ينحي ف الفرده التانيه تلفه وناض بيخش للحمام رن تلفون
هاله: الوو
مؤيد: ايواا حبيي
هاله:وينك من بكري نراجي فيك
مؤيد: هي تمام شوي ونكون عندك 🤤🔥
هاله….
بدر: روح للحوش تعباان وراسه بيتفجرر
ميلاد: شن صار
بدري : يشرب ف اميه ماتسألنييش .
سميه :تبكي وتتحسب
شوي جاه اتصال من ماجد
بدر: رد على طوول شن صار
ماجد: ماصار شي عندي ليك حلل بس
بدر: شن هوا ؟!!
ماجد: عرفته… فلاان… جاركم لي يسكن وراكم
بدر: اي خير
ماجد: قوله يوريك كميرات المراقبه لي موجهه ع الفيله امتاعتكم اكيد لي جاي بيخطفها مش حيجي ع الباب ارئيسي
بدر:اها اي صح صح تو نمشي نشوفه
ماجد: طول عمرك غبي اصلا مش عارف كيف في صله قرابه بيناتنا وصكر عليه ف وجهه🙂🤔
بدر: تفيي
ماجد: خش لعند اخته شني توا كملتي
اريج: تمام كملت ارفعني بسرعه نشوف حلا بنطمن عليها
ماجد: تمام هيا وساعدها لين طلعو و عينه على ياقوت
____♡____زهره الشيخ___♡_____.
طلعت الممرضه ونادت على ياقوت وطهه
ياقوت: بخوف ش شن في
الممرضه: المريضه فاقت تفضلو لو بتشوفها
طه: فرح وعلى طول خش هوا وياقوت ومش مصدقين واخيرا بيشوفو عيونها
كريمه: اول ما شافت اولادها ابتسمت
ياقوت: بفرح ك كيفك توا يام
كريمه: تتكلم بصعوبه الحمدلله وبتسمت
طه: خلاص ارتاحي ماتتكلمي
كريمه:❤
دوش ولبس احلى لبس واقوا عطرر ولبس ساعته وسبيدروه ونزل
صخر: كيف خاش هوا وفيصل للقصر شاف مؤيد بيركب ف سيارته الفخمه نادى عليه
مؤيد: نعم
صخر: لوين
مؤيد: ؟؟ طالع
صخر: عارف طالع بسس ويين
مؤيد: عند صحابي
صخر: بضحكته المستفزه عند صحابك ولا عند عليا لي خطفتها
مؤيد: مانصدمشش لانه يعرف فيصل مستحيل يخفى عليه شي بس خاف ف نفس الوقت من ردت فعل صخر …. كيف!
صخر: ضربه على كتفه انا فخوور بيك توا اعرفت انه خوي الصغير كبرر وبدا يعتمد على روحه ويدير ف المشاكل ويحل فيهم بروحه احسسنت .
مؤيد/فيصل: انصدمو من ردت فعله
مؤيد: ابتسم بخبث طالع لي خوي الكبير وشبح ف فيصل وغمزله وكمل طريقه
فيصل: تحت تأثير الصدمه 🤨
صخر….
.
.____♡____زهره الشيخ___♡_____.
بدر: مشى لولد جيرانهم وطلب منه انه يشوف كميرات المراقبه لي موجهه لبابهم الخلفيي
بدر يشوف ومصدووووم وبدا يعرقق وعيونه حمرررر
ولدجيرانهم: طول بالك بدر اكيد فاهم الموضوع غلط
بدر: ماسمعش لكلامه وحمل الفيديو عنده
وصور كم صوره لسياره وطلع
يتبع …….

لقراءة الجزء التالي : الجزء التاسع من رواية قلب صخر

لقراءة الجزء السابق : الجزء السابع من رواية قلب صخر

للإطلاع علي فهرس اجزاء الرواية : جميع روابط اجزاء رواية قلب صخر للكاتبة زهرة الشيخ

جميع الحقوق محفوظة للكاتبة زهرة الشيخ .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى