الجزء

الجزء السادس من رواية بقايا امرأة

هل انت جاهز لقراءة جميل الكلمات من الكاتبة كيندا ؟ اذا هيا بنا سريعاً لنبدأ بالإطلاع علي سطور الجزء السادس لمعرفة كل جديد عن احداث رواية بقايا امرأة .

الجزء السادس من رواية بقايا امرأة

وفى لحظه هيا … صدمتها .. خلتها مش قادره توقف ولا قادره تقدم ولاقادره توخر … ولاعارفه اى شى … وقعدة ممصدومه وتسمع فى وائل الا هيا تعرفه والا استاحشته … والا كانت متوقعه انه مازال ماروحش بس اكتشفت انا هوا لما روح كان راجع للعنون الغلط .. ❤ ❤
… ورغم قسوة الكلام الا سمعاته … الا انها ماعرفتش .. ماقدرتش .. ببساطه تخش تواجهه تعيط تبكى تخبط … وكتمت فمها … وطلعت بسرعه … ولبست عبايتها ووشاحها وخدت صغارها الا كان وفى صاله راقدين ونزلت بيهم لشارع وهيا تبكى …
نسرين … الووووو نوررره …
نوره … خيرررك تبكى شنى فى ؟؟
نسرين … انتى وين ؟؟
نوره .. احنا فى سوق الا لاصق فيك . فى حاجات ناقصه على حوش بناخدوها ..
نسرين .. تعاليلى بسرعه انى فى شارع بسرعه .. تلقون قدام سوق
نوره.. اهو خديت منه مفاتح وطلعت وخليته يخلص .. خيرك شن فى … خلاص اهو جيتك نشبح فيك سكرى …
نسرين … نوره خلااااص قلبى نارررر افتحيلى سياره بنعيط ..
نوره .. خشى خشى .. اركبى …
نسرين … مش قادره نمشى لحوش امى بس خلاص بنمووووووت … انتى نش عارفه فى اى وضع لقيته توااااا..
نوره .. شن فى يابلوه تكلممممممى …
نسرين … << تتكلم وخانقتها العبره >> خشيت للحوش .. لقيت صوت موسيقى … طالع من دار نوم … وضو سهاره وريحة دخاخ وفاتح روشن ونسمه وجو شاعرى .. تصورى من شدة غبائى توقعته يستنى فيا … قولت اكيد انتى متفقه انتى وياه … حطيت صغار فى صاله وواسيت روحى ومشيت لدار بشوى نبى نديرها مفاجأه … وفجأه .. نسمع فى وصته يضحك بشووى .. خلاص بنموووووت .. ناااااااار راكبه فيا يانوره ..
نوره << بدو دموع ينزلو من نوره من شدة ملامح اختها منهاره بعد خيانة زوجها ليها .. وهنا قالتلها >> خلاص حبيبتى معاش تبكى والله والله مايستاهل ظفرك … انى واللله مانبى نأنبك توا .. بس انى ياما حدرتك … ونقولك اهتمى بنفسك اوقفى لنفسك قبل مايفوت فايت بس انتى ربى يهديك …
نسرين … نوره انى قلبى نار .. انتى ماتعرفيش انى قداش قلبى محروق … يقوللها فى نفس الكلام الا يقولى فيه .. يقوللها فى الكلم هالا استنيتها من اليوم الا حملت بيه بى صغارى وماقالها …. وهوا يقول فيها ليها بكل حقاره .. كان خاطرى .. خااااااطرى نخش نقتله … نخش ندير فيه جريمه … بس النار الا راكبه فيا .. مش رح نطفيها .. الامانعرف من هيا .. ونشوفها … ونشوفهم مع بعض … ونحرقها ونحرقه ..
نوره … خلاص معاش تبكى … والله والله تلقى سيد سيده … انتى اضعفى بس واهتمى بروحك وتوا يرجعلك زى #@& …
نسرين … انتى شن تقولى ؟؟ انى خلاص حياتى معاه انتهت …
نوره … كيف يعنى ؟؟
نسرين … يعنى رح نرجع .. زى ماكنت قبل عاااادى جداااا وبنفس تصرفات … نبيه يزيد يكرهنى ويحبها … ونبى نعرف من هيا الوسخه الا قدرة تخليه يتخلى على مرته وصغاره بى هالسهوله .. ويوم مانشوفهم .. رح تكون نهايه ليه .. وليها …
نوره .. استهدى بالله يابنتى انتى شن هبلللللتى ؟؟
خلاص غير توا روحى معاى وتوا نحك وفى الحوش لما تهدى وترتاحى ..
نسرين .. نهدى .. نرتاااااح .. نقولك شخص الا نحبه ونموتتتت فيه يخون فيا .. تقوليلى نهدى … انى مش رح نهدى لحد مانقتله .. قسما بالله الا ماننتقم منه وى ضحى بيا وقرر يبدلنى … ومش كل طير يتاكل لحمه …
نوره … خلاص بالله عليك اهدى توا .. وصباح رباح …
نسرين … ماشى خلينى توا بس بروحى وبالله عليك قولى لراجلك هيا لانى مخنوقه ونبى ننهار ونبكى قلبى … خلاص ومش قادره نطلع كل خلقى هنا ..
نوره … هوا حوشى صغير زى شقه يعنى ضحكه تنسمع فيه وفى جنبى ناس لاصقين فيا .. قصدى لو تحسى روحك مخنوقه هلبه نرفعك للاستراحه متعنا …3 هكتارت .. قصدى شرحه وبرحه وخودى راحتك كانا بتحولى الصوت على سبيكرات … يخى والله وانى معاك انتى عيطى وانى ننقز ونديرها شقلوبات ..
نسرين … نوره حولى بننزل <<انتى واالله ماتنفعى تكونى اخت << وانهارت بالبكى >>
نوره .. انى نغيرلك فى جوك يادعوه باش نقدرو نخططو صح .. يامهبوله معقوله .. ربى يكتب فى قرانه مجيد .. انا لكيدهن عظيم .. وانتى تبكى ؟؟ نقولك شى غير البطاقه واكتبى دكر وخلاص … ماتشبحليش ههههههههههه والله مانقصد حاجه قصدى على الكيد بس … رمزى جى .. كانا سالك بنقوله لقت الحوش فاضى وضى هارب خافت بروحها ..
نوره << تلفتت لروشن وقالتلها >> براحتك مهم وصلينى ..
ركب رمزى لسياره … وقعد يهدرز هوا ومرته طول طريق لحد ماوصلو … واول ماوصلو … خشت نسرين لدار ضيوف … وقعمزة تبكى على زوايه فى دار … ولحظه هيا حست انا دنيا كلها تخلت عليها … وفجأه خشت عليها نوره ..
نسرين … برى لراجلك وخلينى
نوره .. راجلى سهريه لصبح كالمعتاد .. بس بالله عليك ماتبكى … ولو مش مرتاحه … اتصلى بى مريم … احكيلها فضفضيلها … مهم ماتقعديش هكى …
نسرين … انى اصلا مش رح نرتاح الا مانتصل بيها ونحكيلها … انتى ماتعرفيش البنت هيا قداش ماتفهمنى يانوره << وتبكى بالعبره >> تصورى احيانا نحسها اكتر من نفسى …
نوره .. باهى احكيلها .. اتصلى بيها ..
نسرين … توا مانقدر .. اهلها صعبين ومايبوهاش تشد تلفون بعد ساعه 9 …
نوره …على شنى وهيا كارهه رجاله .. بالله من عقلك تاخدى نصيحه من حد يشوفى رجاله زى دم فى الوزره ؟؟
نسرين … انتى ماتعرفيش قداش بنت هيا تعنيلى … هيا رفيقة دربى وصديقة طفولتى .. احنا صحاب من 10 سنين … هيا تعرف ابسط تفاصيل فى حياتى … هيا الا كانت توجه فيا وتنصحنى … هيا اختى وصاحبتى … انتى ماتعرفيش يانوره قداش تحبنى وتخاف عليا … والله والله لو شافتنى نبكى نبكى … تصورى فى كل مشكله تواجهنى منه او لما نبدا نضايق .. نتصل بيها .. نحكيلها نفضفضلها … نقعد نبكى انى وهيا ..
نوره .. علاش تبكى هيا ؟؟
نسرين .. هدا لانا مش كل ناس زى قلبك ميت .. لانها صاحبتى واختى والا انى نحسه هيا تحسه قبلى …
نوره … سعدودك ياريت بجد عندى صديقه زيها … بس بصدق نبى نسألك من اكتر الاشخاص تموتى لو تخسريهم فى حياتك…
نسرين … انتم وصغارى … ومريم .. ووائل … وللاسف اخسرته … انى بنمووووت نوره … بالله عليك قوليلى كدب .. انى كنت راقده وانتى نوضتينى صح ؟؟ انى نبى نروح لحوشى ..
وهنا نزلو دموع نوره وخدتها فى حضنها وبدو يبكو هما زوز … يبكو لانا نسرين كانت بجد كل حياتها ناس الا دكرتهم .. وكانت بجد ماتقدريش تعيش من غيرهم …
وفاتت الليله … ونسرين فى حضن اختها تبكى واختها طبطب فيها وتهدى فيها وتحاول تحسسها انا دنيا اكيد مش رح تنتهى بعدم وجوده فى حياتها … بس نسرين … حرقت قلبها مخلتهاش تشوف الا مواقفهم الحلوه مع بعض .. ومن اول شافو بعض فى الكليه … ولما عاكسها … ولما طاحت وشدها من ايدها وقامها وحط رقم تلفونه فى جيبه … ولما رجعت تانى يوم ومدتله كف .. وبعدها لما طلع قدامها بسياره وخلها تضربه ويدير روحه طايح ويقوللها لوا ماتعطيه رقمها … رح يلم عليها ناس ويدير روحه ميت … بس فى اللحظه هيا .. اكتشفت انا هوا خش لحياتها غصبن عنها وخلها تحبه وتتعلق بيه ولما طلع حب يطلع بنفس طريقه .. وهوا هدا وائل الا كانت نسرين عيونها مغمضه عليه …
وهالافكار والدموع .. خبو نسرين معاش تفيق الا تانى يوم على اتصال وائل بيها …
وهنا شافت لتلفون شوى وكانت تتمنى تكسره بى شخص الا يتصل بى كل حياتها زياله … بس بعد شهيق وزفير .. قامت تلفون وقالت ..
نسرين .. ايوا ..
وائل … امتى بتروحى ؟؟
نسرين .. علاش شن فى ؟؟
وائل .. عندى موعد مهم العشيه .. وسروال الا بنطلع بيه مانغسلش من لما حطيته امس …
نسرين … شن مطلوب منى ؟؟
وائل … انتى وين ؟ انى بنجى نروح بيك ..
نسرين .. انى فى حوش اختى ..
وائل … شن جيبك عندها ؟؟ انتى قوتيلى ماشيه لحوش بوى ..
نسرين .. علاش تفرق معاك هلبه حوش اختى من بوى ؟
وائل .. اى تفرق … شنى انى تشوفى فيا حمار مربوط فى الحوش ولاظهر كرسى ؟؟ انتى عارفه انا حوش بوك وتواس محتلك تباتى … وانتى منك ليك تمشى وتباتى فى حوش اختك ..
نسرين … مطلوب توا ؟؟ شنى ؟؟
وائل .. لا لا شى سلامتك … بس يوم ماتلقينى متغير .. ماتقوليلش خيرك ياوئل معاش زى قبل … لانك تديرى الا فى راسك وتنفدى فيه .. وتطلبى منى نقعد زى قبل …
نسرين … ااووك ..
وائل … يعنى ؟؟
نسرين .. صغار يبكو بنسكر … وامتى ماحاب تجى ديرلى قبلها رنه … سلام
سكرت نسرين وكانت حابه تلوح تلفون تكسره وتهزئه وتمسح بكرامته الارض … بس تمالكت نفسها وحاولت تهدى نفسها وتتصرف عادى لحد ماتعرف من هيا الا خدت مكانها بكل سهوله وعرفته مفتاحه وخدت منها كل ممتلكاتها الا بنتها هيا فى سنين ضاعو من عمرها …
ومافتتش نص ساعه لين كان فم الباب …
واول ماركبت لسياره …. هيا قعدة ساكته .. وهوا ساكت … وهوا كان مستنى منها زى عاداتها .. هيا الاتبدى عليه وتراضه سواء كانت غالطه او لا .. بينما نسرين .. كانت فى لحظه تتمن تفجر بى سياره كلها وترتاح
واول ماوصلو للحوش … هيا هوا لوح مفاتيحه على الانترى وقاللها …
وائل …. وتيلى سروالى جينز الاسود … وتيشرت الابيض والاسود … انى بنخش ندوش ونحلق …
نسرين .. << بدون اى تعليق >> وخشت لدارها بخطوت هاديه .. واول ماوصلت لنفس مكان .. الا امس كانت فيه تسمع … نزلو دموع من عيونها .. ونار ركبت قلبها وانشلو رجليها .. ببساطه ماقدرتش تخش لدار … رح تشوف كل شى .. كل علامات الا تدل على انهم امسك انو مع بعض .. الطاقه الا فى دار .. هواء الا امس اتنفسه وقعد فى دار انفاسه فيه معاها … دخان الا امس كان يحرق فيه وهوا بكامل سعادته … هدا كله كانت نسرين صعب تخش وتشوفه وتستوعبه فى مره وحده .. وبالفعل … اول ماخشت .. حاست شى قعمز على صدرها خلها تحط ايدها على قلبها وتنهار بالدموع وتنتفس بحشرشه قويه وكانها تلفظ فى اخر انفاسها .. بعد رصاصه خشت من قلبها وطلعت من جيهه تانيه .. .. ومالقتش نفسها الا لما جبدت حوايجه بسرعه وطلعتت من دار وسكرتها وراه …
ومشت لدار تانيه تحدد فيهم وتبكى … وهوا .. خش للحمام .. دار دوش وحلق وحط كولونيا .. وطلع لبس لبسته وبخف برفانه وقعد واقف على مرايه يسرح فى لحيته وشعره .. وخدى شوى من برفانه ودبخه على ايده وبعدين مسح ايديه على لحيته ورقبته .. ولبس ساعته سبورة الا كانت مش اقل من 700 دينار … وخدى مافتحه واى فونه وقاللها ..
وائل .. ياريت تغسليلى حوايجى الاحطيتهم فى الحمام كلهم … ولو اتاخرت مادورنيش لانى بعدها ساهر مع صحابى الليله …
وقربع الباب وطلع …
وهنا خدت تلفونها … وقعدة تبكى وطلعت رقم مريم وضربتلها …
نسرين … اهلين مريم ..
مريم .. حبيبتى خيرك مضايقه شن فى ؟؟
نسرين .. مخنوقه شوى بس .. كالعاده .. كنت نبى نحكيلك .. فاضيه تكلمينى على الارضى ؟؟
مريم .. انى طالعه توا والله .. عندى كورس سجلت فيه من اليوم .. وصعب وكيف بنطلع .. خلى نروح ونتصل بيك شن رايك …
نسرين .. خلاص نستنى فيك لانى مضايقه .. وانتى تعرفينى مانرتاحش الا مانحكى معاك ..
مريم .. اكيد حبيبتى .. هوا انى مش زى اختك .. نهار ابيض لو ماحكيتلى همك لى من بتحكى .. بس توا ها مستعجله وصاحبتى خشت عليا انتظار .. سكرى سكرى خلى نرد عليها .. نتكلمو بعدين .. بااااااى ❤
نسرين .. سلام
وقحطت تلفون وحطت ايدها على راسها … لحد ماسمعت صغارها يبكون … وهنا جتها طاقه غريبه خلتها .. تنوض تضم الحوش وتصوبن وترقد صغارها … وماخلت مادورت فى الحوش باش تديره المهم تلهى … لحد مافاتت ساعات … ومع ساعه 8 فى الليل … اتصلت مريم بى نسرين …
مريم … توا كيف روحت .. وماقدرتش نستنى لين نروح باش نكلمك .. عبيت كرت وكلمتك .. وخاصة انك تعرفى انا بعد ساعه 8 ممنوع نقيم تلفون … ربى يسامحه بابا وخلاص .. خيرك شن فى ..
نسرين .. لا لاشكلك فرحانه وجوك حلو ❤ مانبيش نكد عليك ..
مريم .. هوا فرحانه وسعيده والله … بس انتى صاحبتى وطز فى ام سعاده … خيرك شن فى ؟؟
نسرين .. باهى نقصى مسجل شوى .. مانسمعش فيك …
مريم … هههههههههه حاضر من عيونى .. الله غالب . تعرفينى قداش مهووسه بى سيلنديون .. والاسبوع هوا نزلت الالبوم جديد يهبببببببببببل ❤
نسرين .. تعرفينى انى مانحبش نسمغ غربى وبدات سيلنديون بس شفتلها فيديو كليبها فى تلفزيون ..
مريم .. قصدك الاغنيه هيا صح ؟؟ غير اسمعى اسمعى الله كلماتها تخليك طيرى بالحب … تعرفى من ولامستين وانى عبادتها الاغنيه ليل نهار ❤
وهنا في ستك او خبطه ضربتها على راسها بى اخر جمله سمعتها خلت الصمت يسودها والانصدام الا نادر مايصيب بيه اى حدا من شدة قوته خلها تكلم نفسها بصمت .. وشرود واستبله ونكران وغباء واندهاش “”””””

.. لحظه لحظه … شريط رجع شوى .. نفس الاغنيه .. نفس الالحان .. نفس الصوت .. هيا .. هيا … لا لا مستحيل .. دماغى شن يقولى انى .. مستحيييييييييييل .. اكيد فى شى غلط …

يتبع……….

لقراءة الجزء التالي : الجزء السابع من رواية بقايا امرأة

لقراءة الجزء السابق : الجزء الخامس من رواية بقايا امرأة

للإطلاع علي فهرس اجزاء الرواية : جميع اجزاء رواية بقايا امرأة كاملة للكاتبة كيندا

جميع الحقوق محفوظة للكاتبة كيندا من ليبيا .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى