الجزء الأول من رواية افعال ابليس

مهند أدهميونيو 7, 2022

0 434 5 دقائق

وفي الجزء الأول من رواية افعال ابليس دعونا نبدأ في التعرف علي بداية الرواية وعن شخصيات ابطالها في السطور التالية بإذن الله مع الكاتبة زهرة الشيخ .

الجزء الأول من رواية افعال ابليس

احمد : متكنطي تي نا قتلهم اي ورفضو زي ماقلتي انا بنجي بروحي مادخلني في حد

حياه: لالا احمد ماديرها انت تعرف انه اهلي مابيوافقو لو جيت بروحك من غير هلك

احمد: حط ايديه فوق راسه افففففف به تو روحي قبل لا يشوفك حد وتزيد الطين بله

حياه: حاضر ورد بالك ع روحك

احمد: تمام

روح احمد لحوشهم متكنطي ومتعصب

جواهر : احمد وين كنت من بكري نستنو فيك ع الغدا

احمد: صحه شبعان مانبي شي

ايمن : خيره هوا

جمال: خليه براحته

احمد: شبح في بوه بنضره تخوف لين كلهم سكتو ومشى

جواهر: استغفر الله خيره اللطف

ايمن: الولد هدا مش طبيعي

جمال: رسمي

قبل لا تتلخبطو خلي نعرفكم شوي

احمد

شخصيته كانت عصبي عصبي عصبي 24ساعه متكنطي نادره مايبتسم وكان اهم حاجه عنده الشغل وحياه

امه اسمها جواهر وبوه جمال وعند خوه ايمن واخت وحده ابتهال

ف المكتب

احمد قاعد يدور في ملف

جمال : شن دير

احمد: شي نبي ملف

جمال : احمد

احمد: رفع حاجبه نعم

جمال: انت ليش مصكر راسك عليها البنت هدي في مية وحده تتمنى تشوفلها بس

احمد: ونا مانبي المية واحده نا نبي حياه وكلامي واضح خدا كم ملف وطلع

جمال:

‏*_الكــاتـبـــــه زهــره الشــيـــــــخ_*

ابتهاال: انتم خيركم معاه الولد مدامه يبها اخطبوهاله ليش حاطين راسكم وراس احمد تعرفوه

جواهر : انا عادي نخطبله اي بس البنت مش من مستوانا وفوق هدا كله كحله تبيها تصبغلنا العيله يعني

جمال: امك معاها حق احنا عيلتنا معروفه وراقيه ماناخدوش من عيل بسيطه

ابتهال : استغفر الله عليك تفكير عندكم

ايمن:تكنطى تعرفي تصكري فمك انتي مدخلكش ف امه الموضوع هوا مايبوها يعني مايبوها في داخله لو نموت ماياخدها

ابتهال: وقفت بتمشي بس هوا يبيها وكلكم عارفينه احمد كان صكر راسه خلاص محد يعانده ومشت وخلتهم

ايمن: تي

جمال: في هدي يستر الله حق كلامها

ايمن من صغره كان يغار من خوه احمد وكان يبي يمتلك كل شي زي احمد حتى حياه كان ينابش فها ويبها تميل ليه بس للاسف حياه عمرها مافكرت تحب او تحكي مع شخص غير احمد وخصوصا خوه واحمد كان عارف بكل شي يصير

__________________________________

عائشه: تي من وين طلعتي انتي ياهمي

حياه: كتبت دروس من عند صاحبتي

عائشه:مسكتها من ايدها بقوه وتطلعي هكي من غير اذن

حياه:فكت ايدها استغفر الله انتي من بش تسألني خديت ادن من باتي وهو سمحلي اني نطلع

عائشه: تعلي في صوتها بش يسمعوها بشهقه انا انا انا مني يا حياه انا لي ربيتك من بعد وفات امك ودرت بالي عليك وتوا تقوليلي من انتي خسارة التعب لي تعبته فيك

محمد: شن في بس شن صار

عائشه: دير فروحها مصدومه ومسكينه وبدمع وحالتها حاله اسال بنتك اخر العمر تجي تقولي انتي من بش تسأليني لوين ماشيه

محمد: شاف لي حياه صح هدا الكلام

حياه: بس بابا انا

محمد: صككككري فمك نسأل فيك صح ه الكلام

حياه: اي بس

محمد: شد حياه من شعرها ودخلها ف غرفتها ونزل فها ضرب هي لي تعبت عليك هك تقوليلها هي وهي وهي … الخ لين قريب راحت فها طلقها وصكر الباب عليها

حياه: تبكي وماسكه بطنها توجع فها

حسبي الله ونعم الوكيل

وطبعا متعوده ع ه الروتين

خلي نعرفكم ع عيلتها

محمد والدها وعائشه مرت باتها وعندها خوتها الصغار من بوها 3 وامها متوفيه من بعد كان عمرها 15سنه

*_الكــاتـبـــــه زهــره الشــيـــــــخ_*

فات اسبوع ع نفس الحاله

تقدم احمد لي حياه بس رفضوه لانه جا بروحه من غير حد

خلف الشجره ك العاده

احمد: اسمعيني انا صبرت واجد وصبري نفد ساد يلي فيك حياه انا خلاص قررت

حياه: شن قررت

احمد : نهربك ونمشي بيك بعيد معاش يهمني حد

حياه: بجد احمد

احمد: مسك ايدها اي

حياه: بس لالالالا

احمد: خايفه من من وانتي معاي

حياه:ابتسمت ومن غير تفكير وافقت اي

وافقت لانها بجد تعبت من حالتها وتعبت نفسيتها مدمره بجد ومن جهه تانيه تمووت في شي اسمه احمد

احمد: ونا عند وعدي وباس ايدها هي خشي ع البرد اليله نجيك نمشو تمام

حياه: ح حاضر

احمد: باسها ع راسها ماتخافي خليك واثقه فيا

احمد كان يحب حياه حب جنوني حب صادق حب حب يعني مش لعب هي الوحيده لي كانت تفهم عليه وكانت تتحكم ب عصبيته ومستعد يدير اي شي بش تكون ملكه هوا وبس

روح احمد لحوشهم مشى لغرفته و نادى ع اخته

ابتهال :نعم

احمد: تعالي خشي

خشت ابتهال وقعدة جنبه هي الوحيده لي كانت تحن وتحس ب خوها ف ه البيت

احمد: شوفي تردي بالك ع روحك كويس تسمعي فيا وطلع وراق وقعي هنا

ابتهال: ش شن في خوي وهدا شني

احمد: امسكي القلم ووقعي

ابتهال : وقعت

احمد: حوشي بدا بأسمك وفي مبلغ حنخليه ليك

ابتهال: بس ليش

احمد: انا مسافر ومش معروف بنرجع او لا

ابتهال:دمعت لالا خوي خليك

احمد: مسحلها دموعها اسمعيني خوك ايمن من توا بدا يطمع ف فلوس بوك ونا عارفه مافيه شوية انسانيه وانتي اختي بنت ف النهايه ضعيفه مانبيك تحتاجي لحد ونا حي

ابتهال:

تبكي احمد وين بتمشي معاها صح

احمد: نوصل نقولك

ابتهال : ب به رد بالك ع روحك

احمد: وانتي رد بالك تقولي لحد

ابتهال : حاضر

احمد: هي تو امشي لغرفتك

طلعت ابتهال تبكي وكان تقدر كيف تمنعه يمشي منعاته وفي نفس الوقت تبي تشوف خوها فرحان لذالك سكتت وتحملت

مع الساعه 11اليل

طلع احمد من غير مايحس بيه حد وصل لحوش حياه يستنا فها

حياه: نرعش وخايفه خديت عبايتي ولبستها بسسرعه وطلعت قلبي بيطلع من مكانه طلعت مع احمد بدون مانفكر في شي ولا نحسب حساب لبعدين شن بيحكو عليا الناس ولا وين بنمشي كل لي نعرفه اني نحب احمدوواثقه فيه

احمد:كنت واقف نستنا في حياه تطلع وحاسس كاني اول مره ندير حاجه صح في حياتي واول مره نفرح

حياه: وصلت لعند احمد احمد خاايفه

احمد: مسك ايدها ماتخافي وانتي معاي

حياه: في هدي اللحظه حسيت بحنيه حسيت باالامان لي عمري ماحسيت بها الا معاه هوا

احمد مسك بأيدها ومشى

باتو في حوش صاحبه الصبح انطلقو لي تركيا

ف الصبح

عائشه: شن لقيتوها

محمد: لا مالقيناها ابصر وين هربت الفرخه

علي خوه: اكيده هاربه

عائشه:

اي